Тешка несреќа се случила утрово на скопската обиколница откако автомобил се излизгал од патот и неколку пати се превртел. Несреќата се случила на мостот кај Орман кон Стајковци.

Според првичните информации, возачот е жена која итно е пренесена со Брза помош во градската болница „Св. Наум Охридски“.

Полицијата врши увид на местото на несреќата, по што ќе се знаат повеќе детали.

The post Автомобил неколкупати се превртил во тешка несреќа на скопската обиколница appeared first on Република.

Вчеравечер во 23.00 часот во СВР Скопје било пријавено дека на обиколница на град Скопје, на автопатот Скопје – Тетово, после клучка Волково, се случила сообраќајна несреќа помеѓу патничко возило „фолксваген туран“ со скопски регистарски ознаки, управувано од М.Љ.(35) од с.Копаница, Скопско, патничко возило „рено клио“ со тетовски регистарски ознаки, управувано од Ќ.З.(64) од Тетово и товарно возило „мерцедес“ со полуприколка со гостиварски регистарски ознаки, управувано од А.Ф.(50) од Гостивар.

Во несреќата со тешки телесни повреди се здобиле М.Љ. и сопатничка од возилото „рено клио“, С.З.(61) од Тетово, а со телесни повреди се здобил Ќ.З., констатирани во Градската општа болница „8 Септември“ и Комплексот клиники „Мајка Тереза“. Извршен бил увид од увидна екипа од СВР Скопје.

The post Две возила и камион се судрија на скопска обиколница, тројца повредени appeared first on Република.

Јавен обвинител од Основното јавно обвинителство Скопје денеска донесе наредба за спроведување истражна постапка против 24-годишниот жител од селото Грчец, за кого постои основано сомнение дека сторил кривично дело „неовластено производство и пуштање во промет наркотични дроги, психотропни супстанции и прекурсори“.

Полициски службеници, вчера вечерта, се обиделе да го запрат автомобилот со кој управувал осомничениот на клучката Стајковци, но, тој ја зголемил брзината на движење и се дал во бегство. Во еден момент, од возилото фрлил најлонска вреќа која содржела над 1,2 килограми наркотична дрога – марихуана. Набрзо потоа тој го запрел автомобилот, бил легитимиран и уапсен. При преглед на возилото помала количина марихуана била најдена и меѓу двете предни седишта на автомобилот.

Од Јавното обвинителство попладнево информираа дека осомничениот во исказот даден пред јавен обвинител признал дека неовластено ја поседувал марихуаната од која се обидел да се ослободи.

Ддоставен е предлог за определување мерка притвор за осомничениот

The post „Брзи и бесни“: Жител на Грчец бегал по обиколница со марихуана во гепекот appeared first on Република.

Млад маж го загуби животот вчера во несреќа што се случи на скопската обиколница.

Како што соопштуваат од полиција, во 18.55 часот во СВР Скопје било пријавено дека на автопатот Северна обиколница на град Скопје, во насока од Куманово кон Тетово, во близина на клучка Стенковец, товарно возило удрило во Б.Џ.(31) од с.Романовце, кумановско, Ш.Е.(34) и Р.Е.(30), двајцата од с.Танушевци, скопско, кои биле до паркирано товарно возило „ман“ со кумановски регистарски ознаки, по што го напуштило местото.

На местото на несреќата починал Р.Е., а смрт била констатирана од лекар од Итна медицинска помош.

Со телесни повреди се здобиле Б.Џ. и Ш.Е., констатирани во Комплексот клиники „Мајка Тереза“.

За настанот бил известен Јавен обвинител, а увид извршила екипа од СВР Скопје.

The post 30-годишник загина откако камионџија удри во три лица на скопска обиколница и избега од местото на несреќата appeared first on Република.

Попладнево се случи страшна сообраќјка пред влезот на Скопје. Поточно, на делот на клучката каде се делат патиштата за кон Скопје и кон Обиколницата.  Првичните информации говорат дека се работи за верижен судир и има голем застој.

[caption id="attachment_542646" align="alignnone" width="640"] фото Твитер[/caption]

Оние што доаѓаат кон Хиподром им се советува да се исклучат на автопатот кој води кон Белград па оттаму кон Белви назад за Скопје или да ја користат Обиколницата.

The post Страшна сообраќајка пред влезот на Скопје, верижен судир appeared first on Република.

Вчера во 06.20 часот во СВР Скопје било пријавено дека на автопатот Северна обиколница на град Скопје, кај надвозник за с.Смилковци, патничко возило „нисан кашкаи“ со грчка национална ознака, управувано од И.Н.(64) од Република Грција, изгубило контрола и излетало од патот. Во несреќата со тешки телесни повреди се здобиле возачот И.Н. и сопатничката М.К.(64) од Република Грција, на кои им била укажаната лекарска помош во Градската општа болница „8 Септември“. Увид на местото на настанот извршила екипа од СВР Скопје.

The post Грци излетаа од обиколница appeared first on Република.

Ноќва во 00.30 часот во СВР Скопје било пријавено дека на автопат – обиколница во Скопје, во близина на клучка Мирковци, патничко возило „фолксваген голф“, со косовски национални ознаки, управувано од Х.Ч.(23) од Република Косово, излетало надвор од коловозот.

Возачот починал на местото на несреќата, а смрт констатирал лекар од Итна медицинска помош Скопје. Увид извршила екипа на СВР Скопје, а по наредба на Јавен обвинител телото на починатиот било предадено за обдукција, велат од МВР.

The post 23-годишник загина откако со возило излета од скопската обиколница appeared first on Република.

Две лица се тешко повредени во несереќата што се случила вчера наутро околу 07.50 часот на скопската обиколница, во близина на клучка „Стајковци“.

Како што соопшти МВР, патничко возило „фолксваген“, со скопски регистарски ознаки, управувано од С.И.(22) од с.Арачиново, скопско, излетало надвор од коловозот.

Во несреќата возачот и сопатникот С.И.(20) од с.Арачиново се здобиле со тешки телесни повреди, констатирани во Комплексот клиники „Мајка Тереза“.

Извршен бил увид од увидна екипа од СВР Скопје.

The post „Фолксваген“ излета од скопска обиколница, двајца тешко повредени appeared first on Република.