Актерот Кол Брингс Пленти (27) беше пронајден мртов само два дена откако беше обвинет за семејно насилство.

Не бил виден откако полицијата била повикана на имотот каде што една жена врескала за помош. Потоа по него е распишана потерница.

Бидејќи никој не можел да го лоцира, тој бил пријавен како исчезнат, пишува Sky News.

Во меѓувреме бил пронајден неговиот напуштен автомобил, а неговото тело набрзо било откриено во шумата.

The post 27-годишниот актер Кол Брингс Пленти пронајден мртов во шума, два дена откако беше обвинет за семејно насилство appeared first on Република.

Центарот за управување со кризи соопшти дека од утрово е во комуникација со институциите и силите за гасење на пожарот над село Вешала во Општина Тетово што и утрово е се уште активен на недостапен терен.

Заради засилувањето на топлиот ветер и огнот зафатена е букова шума.

-Утрово, во 06,55 часот екипа од 10 вработени (ренџери) во Националниот парк „Шар планина“ од Тетово отидени се на терен за гасење на пожарот. Од Националниот парк се бара и асистенција од другите надлежни институции што порано да се интервенира, заради тоа што ренџерите со грбни ПП прскалки („напртњачи“) не ќе можеле да го локализираат пожарот. Од терен е побарана итна воздушна поддршка заради неможноста пожарот да се стави под контрола, наведуваат од ЦУК.

Од ЦУК е побарана воздушна поддршка од ДЗС и МВР, а преку РЦУК Тетово е побарано од пожарникарите од ТППЕ Тетово да пратат камион со вода за ренџерите да имаат повеќе вода за интервенција.

The post Пожарот не може да се стави под контрола, се бара помош: Гори над Вешала, зафатена е букова шума appeared first on Република.

18 јагленосани тела се пронајдени во шума во селото Дадија во Еврос, Грција.

Шумата гори од вчера, а како што јави Prototema.gr, пронајдени се најмалку 18 јагленосани тела на мигранти.

Според информациите, телата на жртвите се пронајдени во две групи, а истрагата е во тек. Според претставникот на противпожарната служба, Ѓанис Артопиорос, „се истражува можноста тие да влегле илегално во земјата“.

Пожарот во шумата Дадија избувнал вчера напладне, а противпожарната единица се обидела да го изгаси пред да се прошири.

Заменик-регионалниот гувернер изјави дека се работи за пожар кој од засега непозната причина се случил на оддалеченост од другите пожари кои се во тек на локацијата Гибрен.

The post 18 јагленосани тела пронајдени во шума во Грција appeared first on Република.

Согласно Барањето од ЈП Национални шуми од 12 септември годинава, Министерство за земјоделство, шумарство и водостопанство, ја издаде согласноста за укинување на делумната забрана за движење во шума и шумско земјиште, која стапи на сила од 24 јуни годинава, заради проценката дека е намален ризикот од појава на шумски пожари.

За спроведување на горенаведената согласност за укинување на делумната забрана за движење во шума, со допис се известени сите инволвирани институции: Министерство за земјоделство, шумарство и водостопанство, Министерство за внатрешни работи, Шумска полиција, Центар за управување со кризи, Дирекција за заштита и спасување, Државен инспекторат за шумарство и ловство, средствата за јавно информирање, како и подружниците во состав на јавното претпријатие,Министерство за земјоделство, шумарство и водостопанство.

The post Укината делумната забрана за движење во шума и шумско земјиште appeared first on Република.

На дното на огромна дупка во Кина, пронајдена е древна шума, со дрвја високи и до 40 метри. Научниците веруваат дека таму може да се најдат досега непознати видови на животни и растенија.

Истражувачите на пештерата во регионот Гуангкси во јужна Кина ги предупредиле научниците дека пронашле дупка во која има голема шума. Тоа е најголемата дупка од 30-те во округот Леје, долга е 306 метри, широка 150 метри и длабока 192 метри, пишува The Guardian.

Геологот Џанг Јуанхаи од Кинескиот геолошки институт изјави за државната новинска агенција Ксинхуа дека локацијата има три пештери и добро сочувана древна шума на дното.

Научниците пешачеле со часови за да стигнат до основата на дупката за да видат што има внатре. Чен Ликсин, кој ја водеше експедицијата, рече дека покрај дрвјата има густа грмушка која допирала до неговите раменици.

„Не би бил изненаден ако има видови во тие пештери кои никогаш претходно не биле откриени“, рече Ликсин.

Пејзаж полн со дупки обично се случува кога подземните води раствораат карпи. Оваа дупка е еден од ретките примероци длабоки, но сепак достигнати од сончевата светлина; што значи дека таму може да расте вегетацијата.

https://www.youtube.com/watch?v=nKsH9BRJ1oU

The post Античка шума е пронајдена на дното на огромна дупка во Кина appeared first on Република.

Двегодишно дете, кое вчера се изгубило во шума кај село во источна Србија, било пронајдено живо и здраво, без никакви повреди, јавуваат српските медиуми.

Момчето си играло со својот брат во дворот, а кога братот влегол во куќата, а родителите по пет минути излегле надвор да го земат момчето, тоа веќе не било ниту во дворот, ниту во близина.

Веднаш била организирана масовна потрага по момчето, а по неколку часа го пронашол полицаецот Урош Петровиќ, кој од пред неколку месеци е вработен во МВР и се уште има статус на приправник.

Тргнавме да се качуваме по шумскиот пат и тука го најдовме како стои. Јас го видов и веднаш се затрчав кон него. Детето малку заплака, но кога го зедов во раце, престана да плаче и почна да се смее, вели полицаецот Петровиќ, кој има само 20 години.

Момчето било пронајдено во шумата на околу 300 метри од куќата, без повреди и во стабилна состојба. Тоа било задржано во текот на ноќта на педијатриско одделение, само за набљудување, но било весело, расположено и сѐ било во ред со него, па било пуштено дома.

The post Среќен крај на драмата во Србија: Пронајдено е двегодишното дете кое се изгуби во шума appeared first on Република.

Во рестриктивната зона околу нуклеарната централа Чернобил избувна голем пожар поради борбите, изјави комесарката на украинскиот парламент за човекови права Људмила Денисова и ја повика Меѓународната агенција за атомска енергија итно да испрати помош.

Горат повеќе од 10.000 хектари шума, што може да предизвика зголемување на нивото на радијација во воздухот, соопшти Денисова на Фејсбук, пренесена од Укринформ.

Денисова уште тврди дека во моментов е невозможно пожарот да се ​​стави под контрола и да се изгасне бидејќи оваа зона, во која е забранет пристапот на граѓаните поради високото ниво на радијација, е под контрола на руските сили.

Таа предупреди дека пламенот може да ги зафати складиштата за потрошено нуклеарно гориво и објектите со нуклеарен отпад во зоната на Чернобил, како и дека поради сувото и ветровито време може да дојде до пожари од големи размери.

The post Во забранетата зона околу Чернобил горат над 10. 000 хектари шума appeared first on Република.