Актерот Шон Пен (64) е виден во Мадрид како се забавува со 40 години помладата актерка Валерија Ницова.

Две години по разводот со австралиската актерка Лејла Џорџ, која 32 години помлада од него, актерот е снимен како шета низ градот со млада актерка од Молдавија, а парот во еден момент страствено се бакнувал, пишува „Page Six“.

Како што пишува таблоидот, не се знае дали Шон и Валерија официјално се во врска, колку долго се заедно, ниту точно колку години има Ницова, но се проценува дека има околу 20 години.

Актерот зад себе веќе има три пропаднати брака. Тој беше во брак со Мадона од 1985 до 1989 година, а потоа се ожени со Робин Рајт во 1996 година, од која се раздели во 2010. Пен се раздели од австралиската актерка Лејла Џорџ, 32 години помлада од него, по една година брак.

Потоа, тој беше виден во врска со украинската актерка Олга Короткова, 19 години помлада од него, а потоа и австралиската актерка Натали Кели, 24 години помлада од него.

The post Шон Пен заљубен до уши со 40 години помлада девојка appeared first on Република.

Познатиот американски глумец Шон Пен, во интервју за „Њујорк тајмс“, изјави дека филмот „Милк“ од 2008 година бил „последниот пат кога добро се забавувал“ на снимање филм.

Минав 15 мизерни години на снимањата! Се чувствував како глумецот кој има водечка улога, и е познат актер, и е добро платен, и има водечко место во филмот... И мора да се појавиш со енергија и да бидеш телохранител на режисерот на некој начин... „Ги лажирав“ сите тие работи и тоа беше исцрпувачки. Најчесто мислев само на она - „Колку е часот? Кога ќе се симнеме од сценава?“... Бев сигурен дека ова е крај, но не знаев како ќе го одржам сѐ тоа - мојата куќа да продолжи да работи, слободно да патувам и слични работи, ако престанам, рече тој.

Сепак, по бројни несакани улоги, неговата пријателка и колешка Дакота Џонсон, пред година - две, му го испратила сценариото за нивниот нов заеднички филм - „Дадио“. Во филмот глумат само тие двајца, а приказната е за млада жена која се качува во такси за кон аеродром и води разговор што ќе ѝ го промени животот, со „таксистот-мудрец“ од Њујорк.

Чувствував дека ова може да биде пријатно искуство и оти тоа ќе ми биде важно сега, можеби повеќе отколку во минатото, вели Пен, додавајќи дека сѐ тоа било точно.

https://www.youtube.com/watch?v=sB2JCFcRkpA&embeds_referring_euri=https%3A%2F%2Fmia.mk%2F&source_ve_path=MjM4NTE&feature=emb_title

Инаку, иако заработи признанија од критиката и неговиот втор „Оскар“ по улогата на јавно декларираниот геј-политичар Харви Милк, Шон Пен вели дека денес не може да глуми во таков филм бидејќи според денешните критериуми, стрејт-глумците кои толкуваат ЛГБТК ликови редовно предизвикуваат контроверзии и премногу жестоки дебати во Холивуд.

The post Шон Пен: Имав 15 мизерни години, не се забавував на снимањата на филмовите appeared first on Република.

The post Шон Пен во Кан со поддршка за Здружението на сценаристи на Америка кои штрајкуваат поради ниските плати appeared first on Република.

Американскиот глумец Шон Пен му го даде својот Оскар на украинскиот претседател Володимир Зеленски за време на посетата на главниот град Киев.

Пен му го врачи Оскарот на Зеленски како „симбол на вербата во победата на Украина“, велејќи му да му го врати кога ќе победи во војната.

Зеленски, пак, му додели на Пен украински Орден за заслуги.

Пен, кој е познат по својот политички активизам исто како и по неговите филмови, во Украина во март снимаше документарен филм за конфликтот.

Тој подоцна рече дека размислува да им се придружи на украинските сили за да се бори против Русија.

Претставниците на Кремљ претходно ги додадоа Пен и неговиот колега Бен Стилер на руската „стоп-листа“, што значи дека сега им е забранет влезот во земјата.

Hollywood actor Sean Penn gives his
Oscar to Zelensky pic.twitter.com/ZmLwaV18xi

— Clown World ™ 🤡 (@ClownWorld_) November 8, 2022

The post Шон Пен му го подари својот Оскар на Зеленски како симбол на вербата во победата на Украина appeared first on Република.

Руското Министерство за надворешни работи во понеделникот објави санкции против уште 25 Американци – од членови на Конгресот до деловни лидери и културни личности, со забрана за влез во Русија на трајна основа.

Руското Министерство за надворешни работи ги објави овие санкции како одговор на „постојано проширување на личните санкции“ на администрацијата на Бајден против руските граѓани, се вели на неговата веб-страница, додавајќи дека постапува по принципот на реципроцитет и за возврат донесува забрани за американски граѓани.

Меѓу санкционираните Американци се американските демократски сенатори Марк Кели и Кристен Синема, републиканските сенатори Кевин Крамер, Мајкл Раундс, Ричард Скот и Патрик Томи и американските актери Шон Пен и Бен Стилер.

Непријателските дејствија на американските власти, кои продолжуваат да следат русофобичен курс, уништувајќи ги билатералните врски и ескалацијата на конфронтацијата меѓу Русија и САД, ќе продолжат да бидат одлучно одбивани, додаде Министерството за надворешни работи.

The post Русија ги стави на црната листа и актерите Шон Пен и Бен Стилер appeared first on Република.

Актерот Шон Пен повторно ја изрази својата поддршка за Украина, велејќи дека размислува да земе оружје и да оди да се бори против Русија.

Ако сте биле во Украина за време на конфликтот, оваа идеја сигурно ви паднала на ум. Се прашувате каков е овој век. Размислувам да земам оружје и да се борам со Русија. Што по ѓаволите се случува?, изјави Пен за списанието Hollywood Authentic.

Во февруари, на почетокот на руската инвазија, актерот отпатува во Украина за да сними документарен филм за ужасните злосторства што се случуваат таму.

Единствената можна причина зошто би останал во Украина подолго од минатиот пат би била за да држам пушка в рака. Веројатно не би носел панцир бидејќи би сакал да му го дадам на некој од војниците, додаде тој.

Претходно тој рече дека верува оти Владимир Путин ја направил најстрашната грешка што ќе ја плати целото човештво. Хуманитарната организација на актерот континуирано работи на сместување на украинските бегалци во Полска.

The post Шон Пен: Размислувам да земам оружје и да се борам со Русија, што се случува по ѓаволите? appeared first on Република.

Американскиот актер Шон Пен преку „Твитер“ ја информира јавноста дека пристигнал во Украина за да им помогне на бегалците.

Тој беше во Лавов, каде што се сретна со гувернерот Максим Козицкиј.

На почетокот на руската инвазија Пен беше во главниот град на Украина, каде што снимаше документарен филм. Од 24 февруари неговата хуманитарна организација работи на обезбедување, сместување и образование за украинските бегалци во Полска.

Инаку, Пен се обидува на секој начин да ѝ помогне на Украина и да се сврти кон случувањата во таа земја. Тој побара украинскиот претседател Володимир Зеленски да се обрати на „Оскарите“, но тоа не се случи.

I was in Lviv, Ukraine today with CORE team, strategizing with local governance & NGO’s to scale up our in-country programs. Good meeting with Gov. Maksym Kozytskyy. To learn more go to https://t.co/snKeUz99Fm or text “CORE” to 24365 to donate. pic.twitter.com/ASHavYHlvy

— Sean Penn (@SeanPenn) March 28, 2022

The post Шон Пен се врати во Украина за да им помогне на бегалците appeared first on Република.

Зборувајќи за Си-Ен-Ен, холивудскиот актер Шон Пен, кој престојуваше во Украина и Полска каде снима документарец за нивната бегалска мака, вети дека јавно ќе ги стопи своите статуетки за Оскар доколку телото за доделување награди одбие да му понуди на украинскиот претседател Володимир Зеленски да зборува на настанот што ќе се одржи ноќва.

Нема ништо поголемо што може да направи наградата Оскар од тоа да му даде шанса на Зеленски да разговара со сите нас, рекол Пен. Сфатив дека е донесена одлука тоа да не се направи. Не коментирам дали претседателот Зеленски го сака тоа или не, додал тој. Ако Академијата одлучи да не го поддржи раководството во Украина и луѓето кои добиваат куршуми и бомби за нас, заедно со украинските деца што се обидуваат да ги заштитат, тогаш мислам дека сите овие луѓе и секој дел од таа одлука ќе бидат најбезобразниот момент во историјата на Холивуд, рекол тој.
Шон Пен има освоено пет Оскари.

The post Шон Пен: Ако Зеленски не зборува на доделувањето, јавно ќе ги уништам моите статуетки Оскар! appeared first on Република.

Актерот и режисер Шон Пен кој до неодамна престојуваше во Украина каде го снимаше документарецот, го даде своето прво интервју по напуштањето на државата.

Тој го пофалил украинскиот претседател Володимир Зеленски поради неговата храброст во овој конфликт.

Начинот на кој ја обедини таа земја. Бев импресиониран и восхитен од него и преплашен за него и Украина, вели Пен.

Актерот упати критики кон претседателот на Русија, Владимир Путин.

Тоа е веќе брутална грешка на одземени животи и скршени срца, а ако не попушти, верувам дека Путин ќе ја направи најстрашната грешка за целото човештво. Путин нема толку брзо да се пензионира, додаде тој.

The post Шон Пен по враќањето од Украина: Путин нема брзо да се пензионира appeared first on Република.

Неколку дена по пристигнувањето во украинскиот главен град Киев со цел да снима документарен филм за оружениот конфликт, холивудскиот актер и режисер Шон Пен се најде меѓу илјадниците бегалци кои бегаат во Полска, придружувајќи им се пеш, објави „Ројтерс“.

Пен (61) во понеделникот објави фотографија на својот твитер-профил на која се гледа како носи ранец и багаж на тркала, додека се движи по патот покрај колона автомобили што се протега во далечината.

Јас и двајцата колеги пешачевме со милји до полската граница откако го оставивме нашиот автомобил покрај патот. Речиси сите автомобили на оваа фотографија носат само жени и деца, повеќето без никаков багаж, автомобилот им е единствената вредност, пишува Пен во описот на фотографијата.

Myself & two colleagues walked miles to the Polish border after abandoning our car on the side of the road. Almost all the cars in this photo carry women & children only, most without any sign of luggage, and a car their only possession of value. pic.twitter.com/XSwCDgYVSH

— Sean Penn (@SeanPenn) February 28, 2022

Твитот не објаснува зошто актерот оскаровец и неговите придружници биле принудени да го напуштат своето возило.

Неговата портпаролка во Лос Анџелес, Мери Буксбаум, во вторникот преку е-пошта изјави за „Ројтерс“ дека Пен безбедно успеал да излезе од Украина. Таа одби да одговори на други прашања за тоа каде се наоѓа или околностите на неговото заминување од Украина.

The post Шон Пен заедно со бегалците ја напушти Украина: Со милји одевме пешки до Полска appeared first on Република.

Оскаровецот Шон Пен (61), кој во Украина снимаше документарен филм за ескалацијата на тензиите во таа земја, на „Твитер“ откри дека ја напуштил Украина и со својот тим заминал во Полска.

Јас и двајца колеги пешачевме со километри до полската граница откако го оставивме автомобилот покрај патот. Речиси сите автомобили пред мене превезуваат само жени и деца, повеќето се без никаков багаж, а автомобилот им е единствената вредност, напиша Пен на Твитер.

Инаку, оскаровецот со месеци снима документарен филм за ситуацијата во Украина, а во оваа земја дошол кога започнала руската агресија.

Тој во ноември 2021 година ги започна подготовките за снимање на документарен филм во продукција на „Вајс“. Во Киев се врати минатата недела, пред да започне конфликтот, за кој што коментираше дека е „брутална грешка“.

Myself & two colleagues walked miles to the Polish border after abandoning our car on the side of the road. Almost all the cars in this photo carry women & children only, most without any sign of luggage, and a car their only possession of value. pic.twitter.com/XSwCDgYVSH

— Sean Penn (@SeanPenn) February 28, 2022

The post Шон Пен ја напушти Украина и замина пеш во Полска appeared first on Република.

Глумецот и режисер Шон Пен е во Украина и работи на документарен филм за тековниот руски напад.

Снимањето на филмот го потврдија од Кабинетот на претседателот на Украина од каде што вчера објавија на Фејсбук дека режисерот присуствувал на известувања за медиумите, се сретнал со вицепремиерката Ирина Верешчук и разговарал со новинарите и воениот персонал за руската инвазија.

Шон Пен ја покажува храброста што им недостасува на многу други, особено на западните политичари - се вели во соопштението, во кое се додава дека режисерот дошол во Киев да ги сними сите актуелни настани во Украина и „да му ја каже вистината на светот за руската инвазија“ во земјата.

Пен беше во Украина и лани во ноември, кога работеше на проект продуциран од студиото „Вајс“.

Оскаровецот со години учествува во многу меѓународни хуманитарни и антивоени акции.

The post Шон Пен во Украина работи на документарец за војната со Русија appeared first on Република.