Џенова и официјално го објави потпишувањето договор со Марио Балотели како слободен играч. Договорот на напаѓачот е само до крајот на сезоната.

На овој начин, 34-годишниот играч се враќа во Серија А каде што претходно играше со Интер, Милан и Бреша.

Во италијанската елита Балотели има вкупно 141 натпревар со 52 гола и 18 асистенции. Играше и за Лумеџане, Манчестер Сити, Ливерпул, Ница, Адана Демирспор и Сион.

Скандалозниот фудбалер е и поранешен репрезентативец на Италија за која одигра 36 натпревари со 14 голови и 5 асистенции.

Балотели ѝ се придружува на Џенова со мисија да му помогне на тимот да ги надмине проблемите во нападот и да се спаси од испаѓање. По првите девет првенствени кола, „грифоните“ го имаат вториот најслаб напад со своите седум гола, и се на 18. позиција во поредокот со 6 бода, откако забележаа една победа, три нерешени и пет порази.

Од почетокот на сезоната, голем број играчи на тимот се повредија, што на крајот доведе до трансфер на искусниот напаѓач.

The post Балотели се врати во Серија А appeared first on Република.

Осум навивачи се уапсени, а десет завршија во болница по судирите меѓу приврзаниците на Џенова и градскиот ривал Сампдорија во средата вечер.

По пауза од две години овие два клуба играа еден против друг, во второто коло од Купот на Италија. По 90 минути резултатот беше 1-1, а по изведувањето пенали пласман понатаму обезбеди Сампдорија.

Италијанските медиуми јавија дека пресметки меѓу навивачите на двата клуба се случувале во целиот град, а траеле до 3 часот наутро.

Меѓу многуте повредени навивачи, десет од нив се хоспитализирани, а повредени биле и петмина полицајци.

Голем број навивачи биле уапсени, но во меѓувреме ослободени, а осум од нив сè уште се во притвор.

25.09.2024 🇮🇹 Derby Genoa - Sampdoria. Sampdoria vs 1312 pic.twitter.com/KbAynPHi8A

— Ultrasshop.com (@ultrasshopcom) September 26, 2024

The post Многу уапсени и повреди по градското дерби меѓу Џенова и Сампдорија appeared first on Република.

Тренерот на Милан, Стефано Пиоли наскоро би можел да биде разрешен од функцијата.

Според италијанските медиуми, челниците на клубот од Сан Сиро се уште веруваат во тренерот, но би можеле да се предомислат доколку наскоро не се промени ситуацијата во тимот, а со тоа и во поредокот на табелата.

Росонерите се во серија од три порази во првенството, односно на последните пет натпревари освоија само два бода, со што во моментов се на петтото место со 38 бода.

Во случај актуелниот шампион да продолжи со слаби резултати и да се доведе во прашање пласманот во Топ 4, цехот би можел да го плати токму Пиоли, кој на клубот му ја донесе првата титула од 2011 година.

Педесет и седумгодишниот тренер на клупата на Милан е од октомври 2019 година.

The post Тренерот на Милан се соочува со отказ appeared first on Република.

Јувентус, Милан, Интер и Рома загубија во исто коло од Серија А за прв пат по 67 години.

Вчера фудбалските гиганти од Италија беа поразени во натпреварите од 7. коло во Серија А.

Јувентус загуби на гостувањето кај Монца (0:1), Рома беше поразена дома од Аталанта (0:1), Интер во Удине остана со празни раце на средбата со Удинезе (1:3), додека Милан во Милано не успеа да освои ниту бод со Наполи (1:2).

Последен пат овие четири екипи загубија во исто коло далечната 1955 година

The post Црн викенд за Јувентус, Милан, Интер и Рома во Италија appeared first on Република.

Селекторот на Италија, Роберто Манчини зборуваше за неговите очекувања за сезоната 2022/23 во италијанскиот шампионат.

Фудбалскиот стручњак верува дека Милан, Интер и Јувентус ќе конкурираат за трофејот во Серија А.

Милан имаше тивко лето, но има простор да расте. Леао може да стане уште подобар. Истото важи и за Тонали. Кога сме кај Интер, Лукаку прави голема разлика во Италија. Алесандро Бастони може да стане одличен дефанзивец, но треба да работи за тоа - вели Манчини за „Ла Газета дело спорт“.

Серија А сезоната 2022/23 почнува на 13 август.

The post Селекторот на Италија ги соопшти своите фаворити за освојување на Серија А appeared first on Република.