Поранешниот македонски репрезентативец и интернационалец Хари Наковски е нов селектор на македонските одбојкари, објави Спорт.мк.

Во пресрет на Европската златна лига и квалификациите за Европското првенство во 2026-та, ОФМ реши Наковски да ја преземе улогата на Јошко Миленкоски, кој лани ја предводеше Македонија до најголемиот репрезентативен успех, а тоа е осминафиналето на континенталниот собир, против Италија во Бари.

„Сакам да упатам благодарност до ОФМ, голема чест е да се наследи и да се работи со Јошко како наше најголемо тренерско име. Се надевам дека со добро здравје и со добра работа ќе ја исполниме целта“, е првиот коментар на Наковски, кој минататa година му беше асистент на Миленкоски.

Миленковски ќе остане во репрезентацијата но само ќе помага во стручниот штаб.

The post Хари Наковски нов селектор на машката одбојкарска репрезентација appeared first on Република.

Легендарниот хрватски фудбалер Роберт Просинечки, е нов селектор на Црна Гора, одлучи Извршниот одбор на фудбалскиот сојуз на Црна Гора, пренесува РТЦГ.

Просинечки веќе има селекторско искуство, откако ги водеше Азербејџан и БИХ, а со БИХ го држи рекордот со серија од 10 победи по ред.

Како што пренесува РТЦГ, во опција за нов селектор бил и екс предводникот на Македонија, Игор Ангеловски, но потоа македонскиот тренер демантирал дека имал комуникација со некој од Црна Гора. Исто така во комбиација беа и Младен Крстајиќ и Мирко Вучиниќ.

The post Хрватот Роберт Просинечки е нов фудбалски селектор на Црна Гора appeared first on Република.

Поранешниот италијански фудбалски репрезентативец, а сега тренер, Винченцо Монтела, е назначен за нов селектор на репрезентацијата на Турција.

Според официјалното соопштение, 49-годишниот Монтела потпишал тригодишен договор и доаѓа на местото на германскиот стратег Штефан Кунц.

Турската новинска агенција Демирорерн (ДХА) објави во неделата дека Фудбалската федерација на Турција донела одлука да го отпушти Кунц откако тој ги критикуваше своите играчи по неодамнешниот пораз од Јапонија во пријателски натпревар.

Турската Федерација првично ја демантираше веста, но само неколку денови подоцна уследи официјална потврда дека двете страни ја прекинале соработката, која почна во 2021 година.

The post Винченцо Монтела назначен за нов селектор на Турција appeared first on Република.

Поранешниот селектор во алпско скијање Иван Лесевски почина денеска на 69 години, соопштија од Скијачката федерација на Македонија.

Тој е роден на 11 јануари 1954 година. Дипломирал на Факултетот за физичко образование, спорт и здравје во Скопје. Со повеќе од 40 години активно работење, својот живот го посвети на спортот и ги оствари најдобрите резултати во историјата на македонското скијање.

Во својата долгогодишна кариера, Лесевски беше тренер на јуниорската репрезентација на Југославија, тренер во ски клубот „Работнички“ и тренер на македонската скијачка репрезентација, како и член на раководните структури на Скијачка федерација на Македонија и Сојуз на спортови на Скопје, како и организатор на голем број на спортски настани. Беше учесникк на шест Зимски олимпски игри, како тренер и селектор на алпинците.

За својата работа, делување и успешност, добитник е на многубројни награди: Тренер на годината на град Скопје 2014 година, после остварените успеси на Зимски олимписки игри 2014 во Сочи, 2 пати се закитил со наградата „13 Ноември“ за најдобар тренер, а во 2019 година се стекнува со Награда за животно дело.

Лесевски до последен ден активно работеше и придонесуваше за развојот на скијачките спортови во Македонија.

Скијачка федерација на Македонија изразува сочувство до неговото семејство и искрено жалење за оваа огромна загуба.

The post Почина поранешниот селектор во алпско скијање Иван Лесевски appeared first on Република.

Италија ќе гостува на 9 септември во Скопје во рамки на евроквалификациите со нов селектор, откако предводникот на актуелниот европски првак Роберто Манчини поднесе оставка, објави попладнево италијанската фудбалска Федерација (ФИГЦ).

Со ова се заокружува една значајна страница во историјата на Азурите, која почна во мај 2018 и заврши со финалето на годинешното издание на Лигата на нации. Во тој период, дојде освојувањето на ЕУРО2022, триумф остварен од група во која сите индивидуи научија како да станат тим“, соопшти ФИГЦ.

Во соопштението се прецизира дека новиот селектор, под чие водство Италија ќе ги продолжи квалификациите за ЕУРО2024, ќе биде објавен „во следните денови“.

Италија под водство на Манчини ја освои европската титула во 2020 година, но не успеа да обезбеди пласман на ланскиот Мундијал во Катар, откако во полуфиналето од баражот загуби од македонската репрезентација со 0-1 во Палермо.

Двете репрезентации ќе се сретнат на 9 септември на Националната арена „Тодор Проески“ во Скопје во рамки на квалификациската група Ц во која три денови подоцна Италија ќе ја пречека Украина во Милано.

The post Манчини поднесе оставка на селекторската функција appeared first on Република.

Претседателот на Фудбалската федерација на Бразил, Едналдо Родригез, изјави дека Абел Фереира, Доривал Жуниор и Фернандо Диниз, се најсериозни кандидати за нов селектор на Кариоките.

Актуелниот бразилски селектор, Тите, веќе најави дека ќе се повлече од должноста по завршување на Мундијалот во Катар.

Бразилскиот фудбал има непресушен извор на фантастични тренери. Можам да потврдам дека кандидати за селектор се Фереира, Жуниор и Диниз, но не е фер да зборуваме само за нив и да ги заборавиме другите, бидејќи имаме уште барем најмалку 10 квалитетни кандидати - изјави Родригез.

Тој додаде дека наследникот на Тите ќе биде официјално назначен по Мундијалот во Катар.

Во моментов сме фокусирани на подготовките за Катар. Одлуката за наследникот на Тите ќе ја донесеме по завршувањето на Мундијалот - изјави првиот човек на бразилскиот фудбал.

The post Кариоките ќе добијат нов фудбалски селектор: Бразил има многу кандидати за наследник на Тите appeared first on Република.

Аргентинскиот фудбалски стратег Нестор Лоренцо е избран за нов селектор на репрезентацијата на Колумбија. Лоренцо доаѓа на местото на Реиналдо Руенде, кој доби отказ по неуспехот да го однесе националниот тим на Светското првенство во Катар.

Колумбија под водство на Руенде ги заврши мундијалските квалификации на шестото место во јужноамериканската зона со 23 бодови, бод помалку од петопласираниот Перу, кој избори интерконтинентален плејоф за место на завршниот турнир во Катар.

Лоренцо доаѓа на селекторското место во Колумбија од перуански Мелгар, што беше прв самостоен тренерски ангажман на 56-годишниот Аргентинец.

The post Аргентинецот Нестор Лоренцо е нов селектор на Колумбија appeared first on Република.

Поранешниот селектор на македонската фудбалска репрезентација, Ѓоко Хаџиевски, е еден од најтрофејните македонски тренери, кој во моментов работи во Хаџер од Саудиска Арабија, а во својата богата кариера уште водел и екипи од Јапонија, Обединетите Арапски Емирати, Бугарија, Србија, Азербејџан, Грција ...

Во интервју за српски „Ало“, искусниот стратег зборува за многу теми, претстојното Светско првенство, но и за причините за неговото напуштање на селекторската позиција.

Бев селектор на Македонија во два циклуса. За СП 1998 и Европскотo првенство во 2000 година. Игравме одлично, на пример со Хрватска, третата селекција во светот, извлековме реми (1-1). Тогаш политиката преку Фудбалската федерација на Македонија почна да се меша во фудбалот, а јас никогаш не сум го сакал тоа. Затоа не бев на чело на селекцијата на двата натпревари против Југославија и потоа и против Ирска.

 

Новите лидери на федерацијата мислеа дека сум близок со Србите, сентиментално врзан и дека ќе тргувам. Беа национално настроени. Југославија победи со 3-1, а потоа по четириесет минути во Македонија водеше со 4-0! Толку од нивниот потег. Тие се покајаа, ме повикаа да се вратам, но јас им реков да прават што сакаат и отидов во Јапонија. Од 2000 година, мојата нога не стапнала во просториите на федерацијата - вели Хаџиевски.

The post Хаџиевски: Добив отказ како селектор на Македонија зашто мислеа дека сум близок со Србите и ќе „пуштам“ на дуелите со Југославија appeared first on Република.

Легендарниот холандски селектор Луи Ван Гал откри дека боледува од агресивна форма на рак и минува низ тој процес веќе неколку месеци, а за тоа не бил запознаен ниту еден од играчите кои ги тренира. Како што вели Ван Гал, добра вест е тоа што има 90 проценти шанси да преживее, бидејќи иако станува за агресивна форма, засега е зафатена само простатата и нема метастази на други органи.

Во цел период откако се вратив во репрезентацијата, морав навечер да ја напуштам базата и да одам во болница. Ниту еден играч не знае за мојата состојба, не знаат дека имам рак. Не го знаеја тоа до вечерва. Си мислев дека сум здрав, но не било така.

Не им кажував на играчите за тоа да не влијае на нивните изданија, на нивното однесување и избор на теренот. Добро е што луѓето ретко умираат од рак на простата, барем не во 90 проценти од случаите. Јас имам доста агресивна форма на рак и примив веќе 25 хемотерапии. Мора да кажам дека имав специјален третман во болница, ме примаа од задната врата и се однесуваа на извонреден начин. Им кажав само на моето семејство и на моите најблиски пријатели, а тоа што досега се чуваше во тајност е доказ дека имам добро опкружување, изјави Ван Гал.

По ваквата исповед на Холанѓанецот, со пораки за поддршка се јави цела фудбалска јавност, вклучувајќи ги и неговите поранешниот клубови во кои работеше.

The post Секој ден по тренинзи одев во болница, но до вчера никој не знаеше дека боледувам од агресивен рак appeared first on Република.

Селекторот на португалската репрезентација, Фернандо Сантош после синоќешната победа со 3-1 над Турција истакна дека уште потежок меч ги чека „европските Бразилци“ против Македонија на 29. март, во вторник во рамките од Квалификаците за Мундијалот во Катар.

Првиот меч го победивме, сега мора да победиме и на следниот, а тој ќе биде многу комплициран. Финалињата секогаш се комплицирани. Со Македонија ќе биде уште потешко и покомплицирано, рече Сантош.

Инаку, Македонија синоќа ја елеминираше Италија која по вторпат остана без настап на ова континентално натпреварување.

Голот за Македонија во 92. минута го постигна Александар Трајковски, притоа обезбедувајќи на нашата репрезентација уште еден натпревар против Португалија за можен настап на Мундијалот во Катар.

The post Со Македонија ќе биде уште потешко, вели селекторот на Португалија appeared first on Република.

Селекторот на машката сениорска репрезентација, Кирил Лазаров го објави поширокиот список на ракометари за претстојните натпревари во рамки од квалификациите за пласман на Светското првенство во 2023 година.

Потсетување дека следниот Мундијал ќе се одржи во две земји, Полска и Шведска, во периодот од 11 до 29 јануари 2023.

Во првиот дел од квалификациите, Македонија ќе игра против Романија и доколку успееме да ја елиминираме, следен противник како последна пречка на патот до СП ќе биде Чешка.

Првиот натпревар против Романците ќе го одиграме во Скопје на 17 март од 19.00 часот, а реваншот е на 19 март 2022 година во Букурешт.

Поширок список на ракометари –

1.МИТРЕВСКИ НИКОЛА FUTEBOL CUBE DO PORTO (POR)
2.ТОМОВСКИ МАРТИН РК ВАРДАР 1961
3.КИЗИЌ МАРКО РК ЕУРОФАРМ ПЕЛИСТЕР
4.ЧАНЕВСКИ ГРАДИМИР РК БУТЕЛ СКОПЈЕ
5.ТРАЈКОСКИ БЛАГОЈЧЕ РК ЕУРОФАРМ ПЕЛИСТЕР 2

6.КУЗМАНОВСКИ ЦВЕТАН РК ЕУРОФАРМ ПЕЛИСТЕР 2
7.ГЕОРГИЕВСКИ ГОЦЕ РК ВАРДАР 1961
8.КОСТЕСКИ НЕНАД РК ЕУРОФАРМ ПЕЛИСТЕР
9.ПОПОВСКИ МАРТИН GC AMICITIA ZURICH (SUI)
10.ЈАГУРИНОСКИ ТОМИСЛАВ TOR AKYREYRI (ISL)

11.СТОИЛОВ СТОЈАНЧЕ РК ВАРДАР 1961
12.ПЕШЕВСКИ ЖАРКО TVB STUTTGART (GER)
13.МАРКОСКИ НИКОЛА РК ЕУРОФАРМ ПЕЛИСТЕР
14.АЛАРОВ МИХАИЛ РК ПРОЛЕТ 62
15.СИМОНОСКИ КРИСТИЈАН РК АЛКАЛОИД

16.ТАЛЕСКИ ФИЛИП РК ВАРДАР 1961
17.КУЗМАНОВСКИ ФИЛИП TSV HANNOVER-BURGDORF (GER)
18.КУКУЛОВСКИ ДЕЈАН РК ЕУРОФАРМ ПЕЛИСТЕР
19.ЃОРГОВСКИ ЕМИЛИЈАН РК ЕУРОФАРМ ПЕЛИСТЕР 2
20.МЛАДЕНОВИЌ МИХАЈЛО ГРК ОХРИД

21.МИРКУЛОВСКИ ФИЛИП HSG WETZLAR(GER)
22.МИШЕВСКИ МАРКО РК ВАРДАР 1961
23.КОНДЕВ ДАРКО ГРК ТИКВЕШ 2014
24.ОЈЛЕСКИ ГОЦЕ РК ЕУРОФАРМ ПЕЛИСТЕР
25.ОНЧЕВ ТОШЕ RK TRIMO TREBNJE(SLO)
26.ПЕТРОВ КОСТАДИН РК ВАРДАР 1961
27.СТОЈАНОВСКИ ТОМЧЕ РК БУТЕЛ СКОПЈЕ
28.ЃОРГИЕВ ИГОР РК АЛКАЛОИД
29.СТОЈКОВИЌ МАРКО РК АЛКАЛОИД

30.САВРЕВСКИ ДАВИД РК ВАРДАР 1961
31.АТАНАСИЈЕВИЌ ПАВЛЕ РК ЕУРОФАРМ ПЕЛИСТЕР 2
32.АТАНАСИЈЕВИК ПЕТАР РК ЕУРОФАРМ ПЕЛИСТЕР 2
33.МИТЕВ МАРКО РК БУТЕЛ СКОПЈЕ
34.СЕРАФИМОВ МАРТИН РК АЛКАЛОИД
35.ЛАЗАРОВ КИРИЛ BC NANTES (FRA)

The post Лазаров го објави списокот на ракометари за квалификацискиот двомеч со Романија appeared first on Република.