Ракометарите на Еурофарм Пелистер вечерва го совладаа традиционално незгодниот хрватски противник Нексе со 27:23, полувреме 14:11.

Битолчани средбата ја почнаа под притисок на посакуваниот резултат, но и дополнително мотивирани од новиот стручен штаб предводен од тандемот Јовиќ - Шундовски кои успешно го водеа тимот до победа со која го освоија второто место во групата.

Инаку натпреварот се одигра со две различни полувремиња. Во првото Еурофарм Пелистер имаше тесно водство изразено со предност од три голови, а во второто, во периодот од 41 до 48 минута битолскиот претставник во СЕХА лигата водеше со 6-7 и осум голови разлика (20:14, 23:16, 25:17), но на крајот сепак благодарение на одбранетиот пенал на Кизиќ, домашните победија со 27:23, доволна разлика за второ место во групата.

Пред околу 1.500 гледачи, најефикасен во двата тима беше домашниот играч Васиљев со шест постигнати голови.

Освојувањето на второто место во А-групата, значи избегнување во четвртфиналето на фаворитот ППД Загреб.

The post Еурофарм Пелистер го победи Нексе во СЕХА Лига appeared first on Република.

Ракометарите на Вардар со многу мака дојдоа до првата победа во Сеха лигата. Совладан е Партизан, но потешко од очекувањата (31-26). Сепак, можеби треба да се навикнуваме дека ова не е оној стар Вардар што мелеше во регионалната и во Лигата на шампиони.

Целиот меч се играше гол за гол, во неколку наврати гостите и изедначија, но голманот Томовски со неколку интервенции ја чуваше предноста.

Она што е за поздравување е што публиката се врати во „Јане Сандански“ ѝ е желна за врвен ракомет.

Следниот меч Вардар го игра повторно на домашен терен против Татран на 10 февруари.

The post Вардар со многу мака го победи Партизан appeared first on Република.

Во драматичен ракометен натпревар и по изведување на пенали ракометарите на Еурофарм Пелистер вчеравечер го совладаа Мешков Брест со 27:26.

The moment Lesjak became home hero for Eurofarm Pelister! Those emotions! 🙌#SEHALeague #experiencehandball pic.twitter.com/cPX36477ud

— SEHA-GAZPROM LEAGUE (@SEHALeague) August 25, 2022

Во регуларниот тек, натпреварот одигран во Битола заврши нерешено 23:23.

Во фер и коректен натпревар битолчани заслужено патуваат во Задар на завршниот турнир од ракометната СЕХА лига, каде силите ќе ги одмерат со Веспрем од Унгарија.

Атмосферата во салата „Боро Чурлевски“ беше загреана уште пред почетокот на натпреварот кога пејачот Димитар Андоновски заедно со цела битолска публика заедно ја испеаја „Ако одам во Битола“.

The post „Ако одам во Битола“ ечеше во „Боро Чурлевски“, пелистерци драматично заминаа во финале appeared first on Република.

Екипата на Вардар1961 е пред нов предизвик, меч од СЕХА-Газпром лигата. „Црвено-црните“ гостуваат во Нови Сад кај тимот на Војводина. Средбата е закажана за утре (вторник) од 17,30 часот.

Вардар патува за Нови Сад во истиот состав со кој настапуваше и против Нексе, а единствено голманот Борко Ристовски ќе го пропушти натпреварот. На голманската позиција ќе биде Васил Гогов, во тандем со Мартин Томовски.

Давид Дејвис - тренер на Вардар

„Мораме да играме многу подобро отколку со Нексе и да ги коригираме сите грешки. Против Пролет бевме подобри, но мораме да продолжиме со уште повеќе работа. Војводина е опасен тим, ги предводи Немања Прибак, дисциплниран тим, со добар голман и кога играат дома се незгоден ривал. Мораме да бидеме трпеливи, на играчите веќе им „влегува" во глава, знаат што треба и како треба да играме, одиме чекор по чекор и ќе биде подобро"

Дарко Ѓукиќ - играч на Вардар

„Очекуваме тежок натпревар, нема да биде нималку лесно. Војводина игра дома, но ние одиме на победа и мора да го добиеме овој натпревар. Тие се во ист состав како и лани, најмногу им зависи играта од Прибак и Николиќ. Одиме по два бода, не смееме да губиме лесно топки, да играме добра одбрана, подобар напад отколку со Нексе, тоа се некои наши цели, па ќе видиме што ќе реализираме од тоа утре".

The post Вардар утре во Нови Сад по прва победа во Сеха лигата appeared first on Република.