Зоолошката градина во Скопје соопшти дека повторно ќе биде отворена за посетители од сабота откако во октомври беше потврден случај на птичји грип.

Ве известуваме дека од оваа сабота (09.11.2024) Зоолошка градина на град Скопје повторно ќе биде отворена за посетители со редовно работно време од 09:00-16:00 секој ден. Да уживаме заедно во убавите есенски и сончеви денови, ве очекуваме, стои во објавата на Фејсбук.

ЗОО Скопје беше затворена за посетители откако беше потврден случај на птичји грип. Беше спроведен надзор и хумано убивање на 24 патки, шест гуски, пет кокошки и една чавка. Беа наредени мерки за дезинфекција, испитување на другите птици присутни во Зоолошката градина за присуство на вирусот, зголемување на биосигурносните мерки и други мерки, со цел сузбивање на болеста и спречување на нејзино ширење надвор од Зоолошката градина кај животните и кај луѓето. 

The post ЗОО Скопје во сабота ги отвара вратите за посетители appeared first on Република.

Македонската поп ѕвезда Калиопи за в сабота најави јубилеен спектакл во салата „Борис Трајковски“ со којшто ќе одбележи 40 години на сцената. Нејзиниот концерт во Скопје доаѓа по речиси седум години, а како гости ги најави Слаткаристика, Жељко Самарџиќ и Ромео Грил.

Таа денеска на прес-конференција, во поинаков вид, на кој беше послужен и појадок, кажа дека концертот ќе биде тричасовен спектакл на која ќе ја даде целата своја енергија на публиката, бидејќи, како што кажа, тој флуид и и е најважен.

Не сум мегаломан, не ми е битен просторот, мене отсекогаш ми била битна публиката. Дали се 100, илјада, 200.000 луѓе во публика, за мене концертот има еднаква важност. Но, го гледам ова в сабота како една арена што ќе биде исполнета со луѓе и емоции и мислам дека ќе прашти од емоции и љубов. Имам малку, не страв, туку респект кон целото случување, затоа што се надевам дека нема да согорам во тие емоции и ќе можам да ви се дадам онака како што ви се давам со години, рече Калиопи.

Калиопи исто така кажа дека имала специјален режим на исхрана како подготовка за овој концерт, при што ја практикувала липосукциската диета и ослабела осум килограми.

Летово Калиопи одржа концерти во летово на Хераклеа во Битола и на Антички театар во Охрид. Концертот во Скопје ќе се одржи во „Борис Трајковски“ в сабота, на 19 октомври, за прв пат во оваа сала, во организација на „Прагма продукција“, со што ги заокружува настапите во земјава и продолжува во регионот.

The post Македонската дива Калиопи најави јубилеен спектакуларен концерт в сабота во „Борис Трајковски“ appeared first on Република.

На 5 октомври 2024 (сабота), во рамките на одбележување на 20. годишниот јубилеј на манифестацијата „Бела ноќ“ во организација на Универзалната сала во Скопје, Националната галерија традиционално се приклучува кон ноќта во која се бдее над уметноста.

Настанот ќе се одржи на повеќе локации, а организаторите посочија дека граѓаните ќе имаат можност да уживаат во театарски спектакл на отворено, музички настани, изложби, проекции, работилници и други културно-уметнички перформанси.

Во продолжение програмата:

The post 20. јубилејна „Бела ноќ“ во сабота во Скопје appeared first on Република.

„Бела ноќ“ по 20-ти јубилеен пат ќе се одржи во сабота (05.10.2024) на неколку локации низ Скопје.

Посетителите ќе имаат можност да уживаат во театарски спектакл на отворено, музички настани, изложби, проекции, работилници и други културно-уметнички перформанси на десетици локации низ градот“, најавуваат од Град Скопје.

Централната манифестација ќе започне со настап на француската театарска група „Compaigne des quidams“ од Музеј на град Скопје преку улица Македонија, Плоштад Македонија, преку Камени мост па се до паркот Ибни Пајко каде ќе кулминира со 3Д мапинг.

Целосната програма со распоред, локации и учесници може да се погледнат тука. Сите настани се од отворен карактер и се бесплатни за посетителите.

Настанот е во организација на ЈУ Универзална сала a финансиран од Град Скопје.

The post „Бела ноќ“ в сабота во Скопје по јубилеен 20. пат appeared first on Република.

Православните верници на 11 мај ја одбележуваат првата сабота по Велигден, ден кој го празнуваат жените, а мажите го одбележуваат на необичен начин, односно на овој ден никој не се бричел ниту шишал.

Сабота е инаку, според народните обичаи, ден на вдовците или мртовечки ден и посветена е за помен на мртвите, а оваа сабота, како ден, е посветена на покојните, има нагласен мртовечки карактер, што се гледа по нешишањето и небричењето на мажите.

The post Првата сабота по Велигден: Ова е строго забрането да го прават мажите appeared first on Република.

СДСМ во сабота (23 март) на Конгрес ќе одлучува за кандидатите за пратеници и носителите на листи.

Потпретседателот на СДСМ, Стефан Богоев синоќа во гостување на ТВ 24 изјави дека при одлучувањето ќе се води сметка за рејтингот, кредибилитетот и реномето на личностите, а секако ќе се внимава и на родовата и регионалната застапеност.

Ние имаме јасна визија за иднината на државата и отворено ја кажуваме. Ние донесовме тешки одлуки, но тие одлуки беа за повисока цел. Благодарение на тоа нашата држава сега е рамноправна членка на НАТО, а ние не се плашиме да кажеме дека нашата идеја е членство во Европската Унија. За разлика од Мицкоски кој вели дека ни за 100 години нема да влеземе во ЕУ, ние сакаме Македонија да стане дел од тоа друштво кое носи повисоки плати и пензии, подобро здравство, поквалитетно образование, рече Богоев.

The post СДСМ во сабота на конгрес ќе одлучува за носителите на листи и за кандидатите за пратеници appeared first on Република.

На повеќе места утре ќе дува засилен јужен ветер (над 60 км/час) што ќе придонесе температурите да бидат во значителен пораст. Ќе има повремени врнежи од дожд, особено во западните делови каде ќе бидат пообилни. Во петок ќе настапи преодно стабилизирање, соопшти УХМР.

Промена на времето ќе има во сабота, кога под влијание на влажен и студен бран ќе има врнежи кои ќе бидат претежно од снег. Врнежите наместа ќе бидат пообилни, особено во западните делови. На планините ќе се формира значителна снежна покривка (над 30 см), а во пониските места од 3 до 10 см. Ќе дува засилен северен ветер, особено долж Повардарието и температурите значително ќе опаднат, а ќе има и појава на голомразица.

Во Скопје во сабота времето ќе биде облачно, студено и ветровито со повремени врнежи од снег и ќе се формира помала снежна покривка.

The post Од сабота постудено и снег appeared first on Република.

Чешкиот премиер Петр Фијала соопшти дека владата донесе одлука 23 декември ( сабота) да биде Ден на национална жалост поради пукањето на Карловиот универзитет во Прага, во кое загинаа најмалку 15 лица, вклучувајќи го и напаѓачот.

Владата донесе заклучок во кој изразува длабоко сочувство до семејствата на жртвите и со едноминутно молчење на почетокот на владината седница им оддаде почит на жртвите од престрелката, рече Фијала синоќа, пренесен од чешките медиуми.

Премиерот ги повика граѓаните на Чешка на 23 декември во 12 часот со едноминутно молчење да им оддадат почит на жртвите, додавајќи дека во тоа време ќе бијат и црковните ѕвона низ целата земја.

Вчера на плоштадот Јан Плач во Прага се случи пукање на Филозофскиот факултет на Карловиот универзитет во кое според последните информации од полицијата загинаа 15 лица, меѓу кои и напаѓачот, додека 24 се повредени.

The post В сабота е Ден на жалост во Чешка заради масовното убиство во Прага appeared first on Република.

Пунктот за промена на лични документи без закажување во Полициската станица „Пролет“ во Скопје ќе работи и в сабота, од 8 до 16 часот.

Како што соопшти Министерството за внатрешни работи, граѓаните кои сакаат да направат промена на личните документи во овој пункт, тоа можат да го направат без претходно закажување.

Исто така в сабота ќе работат и шалтерите за издавање на готови документи во објектите во МРТВ (од 8 до 20 часот) и Беко (од 08 до 16 часот).

The post И во сабота ќе работи пунктот за промена на лични документи во „Пролет“ и шалтерите во МРТВ и Беко appeared first on Република.

Во сабота, 21 јануари, Сонцето и Месечината ќе се придружат во Водолија, охрабрувајќи не да ги промениме застарените концепти во нашите животи и да почнеме да размислуваме надвор од рамката. Оваа млада месечина поддржува нови идеи кои ги предизвикуваат конвенционалните начини на размислување. Многумина поради тоа ќе почувствуваат немир и желба да ја прекинат рутината во наредните денови.

Новата месечина е одлично време да започнете да работите на вашите цели. Вашиот уникатен начин на размислување е она што ве прави поинакви, затоа не плашете се од осудувањето од околината. Влијанието на Водолијата не поттикнува да одиме против сегашното и да се бориме против воспоставените правила. Иако сите знаци ќе го почувствуваат влијанието на Младата Месечина, овие три знаци ќе имаат најголема корист од тоа.

Близнаци

Сонцето и Месечината ќе се поврзат во вашата деветта куќа, носејќи свежи и нови идеи. Иако секогаш сте подготвени за нови искуства, овој аспект ќе ве поттикне да размислувате надвор од рамката дури и повеќе од вообичаено. Пред вас се отвораат возбудливи можности за личен раст. Вашиот ум е љубопитен и подготвен да апсорбира нешто ново, така што ова е одлично време за учење, промена на работа, заземање ново хоби или патување.

Вага

Младата месечина ќе ги разбуди вашите креативни аспирации и страсти. Ќе биде усогласен со Јупитер во вашиот партнерски сектор, па најмногу ќе влијае на вашиот љубовен живот. Може да сретнете некој кој ќе ви ги скокотка фенси или да започнете ново поглавје во врската. Ова е одлично време да бидете спонтани и да пробувате нови работи. Разбудете го детето во вас и уживајте во животот.

Водолија

Сонцето и Месечината на 21 јануари ќе се здружат во вашата прва куќа и ќе донесат нови почетоци. Ова е вашата годишна можност да се фокусирате на целите. Ако сте умирале да пробате нешто ново и различно, сега е време. Ставете се себеси и вашите потреби на прво место и почнете да ги менувате работите со кои не сте задоволни. Резултатот ќе биде спектакуларен и ќе го насочи вашиот живот во нова насока.

The post Во сабота доаѓа младата месечина – на воздушните знаци годината ќе им тргне како никогаш досега appeared first on Република.

Алијансата за Албанците во сабота ќе го одржи партиското Собрание во Скопје, на кое ќе биде констатирана оставката на Зиадин Села.

На ова Собрание ќе се разгледува оставката на претседателот Села и ќе се одлучува за следните чекори, рече Наим Бајрами, портпарол на АА.

Во Собранието ќе се расправа и за оставката на пратеничката Илире Даути од функцијата координатор на пратеничката група.

Села на 20 август поднесе оставка од функцијата прв човек на АА поради лошиот резултат на изборите за Советот на општина Тетово. Последен пат на функцијата прв човек на АА, Села беше избран на Конгресот на 27 март.

The post Наследникот на Села ќе се избира во сабота appeared first on Република.

Министерството за внатрешни работи ја информира јавноста дека на 25.06.2022 година (сабота) поради одржувањето на „Парада на гордоста“, ќе бидат преземени мерки за посебен режим на сообраќај по сообраќајниците на централното градско подрачје на Скопје.

За време на движењето (по потреба) за сообраќај ќе бидат затворени ул.„11-ти Октомври“, ул.„Димитрие Чуповски“,, ул.„Васил Главинов“, бул.„ВМРО“, бул.„Илинден“, ул.„Аминта Трети“ ,
и ул.„1732“.

МВР апелира до сите граѓани учесници во сообраќајот да се почитуваат наредбите кои ќе ги даваат униформираните полициски службеници.

The post Во Скопје посебен режим на сообраќај во сабота appeared first on Република.

Министерството за внатрешни работи ја информира јавноста дека во периодот од 20.04.2022 до 23.04.2022 година, поради официјална посета на претседателот на Република Латвија, Н.Е. Егилс Левитс, на нашата држава, МВР ќе преземе мерки за посебен режим на сообраќајот по сообраќајниците на поширокото централно подрачје на град Скопје.

За таа цел, СВР Скопје апелира до сите граѓани учесници во сообраќајот да ги почитуваат наредбите кои ќе ги даваат униформираните полициски службеници.

The post Од среда до сабота изменет сообраќаен режим во Скопје appeared first on Република.

Теодорова сабота е празник кој се празнува за време на Велигденскиот пост и е посветен на Светиот великомаченик Теодор Тирон, чиј ден се празнува и на 17 февруари.

Сабота всушност го одбележува неговото појавување на епископот Евдоксија, првата сабота од првата недела од Великиот пост.

За овој празник уште од нашите предци се поврзуваат различни обичаи, а порано најчесто се поврзувале со животните, особено со коњите. Се верува дека Теодор Тирон јавал куци коњ, а понекогаш на овој ден се организирале коњски трки или се јавале и покажувале коњи.

Бидејќи празникот се поврзува со коњи, на овој ден во водата за капење се ставале потковици, но се месел и колач (леб) со украси во форма на коњи и потковица – се сметало дека привлекува среќа. На Балканот постои обичај за овој празник да се подготвува пченица, кое инаку се подготвува за слава.

Но, покрај сите обичаи, најважно на овој празник е развивањето на духовноста преку молитвата, љубовта во срцето и негувањето на внатрешниот мир.

The post Денеска е Тодорова Сабота, направете го ова јадење старите веруваат дека носи среќа appeared first on Република.

Православните христијани во сабота ја одбележуваат Задушница во знак на сеќавање на оние кои не напуштиле. Црквата пропишала посебни денови – задушници, четирипати годишно, кога верниците се молат за покој на душите.

Задушница е секогаш во сабота, ден кој црквата го одредила за помен и молитва за оние кои заминале. На Задушница се оди во црква каде што се служи литургија и парастос. На овој ден се посетуваат вечните домови каде со молитва, пченица и лепче осветено со црвено вино се изразува помен.

На Задушница верниците даваат милостина на сиромашните во име на оние кои не се помеѓу нас и се молат за покој на нивните души.

Се верува дека е голем грев ако на Задушница некој на вечниот дом одбие да земе храна или пак избрка туѓинец од истиот.

Оваа Задушница секогаш е во сабота и е една недела пред Прочка, која секогаш се паѓа во недела.

The post В сабота е Задушница appeared first on Република.

Во следните два дена времето ќе биде стабилно, утре со умерен до засилен северен ветер, повремено со брзина над 60км/час. Утринските температури ќе бидат пониски, а дневните во пораст, најавуваат од Управата за хидрометеоролошки работи.

Според УХМР, под влијание на нов влажен и студен бран од сабота кон крајот на денот ќе има врнежи од дожд, а на планините и повисоките места од снег. Пообилни врнежи се очекуваат во недела.

The post Oд сабота нов влажен бран appeared first on Република.