Претставата „Декамерон“ во режија на Дејан Пројковски е копродукција на Градско позориште Подгорица, Народно позориште Ниш и Барски љетопис, а вечерва ќе биде изведена во рамките на фестивалот „РУТА“ на Бриони.

Чумата коси низ Европа, милиони мртви, годината е 1348, нема лек, надеж, утеха, нема рационално промислување. Социјалната изолација е единствениот начин да се преживее (преживување). Бокачо сместува во изолација група млади луѓе, кои ќе ѝ се спротивстават на болеста со раскажување приказни, уживајќи во животот и во подарените мигови на среќа во апокалиптичното опкружување. Кога Бокачо тоа го направил, нема причина зошто и ние да не го направиме во театарското читање на „Декамерон“, со цел да се обидеме да ги побараме заедничките именители на нашето време и средновековна Фиренца. Неверојатно е колку од мотивите се преклопуваат, колку симиларии има, колку има непотребно механицистичко и насилно преведување во сегашноста. Хумористичниот пристап, иронијата и апсурдот се поетични средства кон кои прибегнавме со цел да го одбраниме Човекот пред Болеста, Догмата, Глупоста и манипулативните понижувања, велат тандемот Дејан Пројковски и Стеван Копривица.

Сценографијата е на Валентин Светозарев, кој направи три идентични сценографии за изведбите во Црна Гора, Македонија и Ниш, така што во зависност од понатамошните изведби на претставата оној театар кој е најблиску ќе ја опслужува претставата во следните гостувања.
Костимите се на Марија Пупучевска, која го задржа современиот момент во костимографијата во комбинација средновековните елементи.

Композитор: Горан Трајковски, сценски движења и кореографија: Тамара Вујошевиќ – Мандиќ
корепетитор: Рената Перазиќ, асистент на режија: Бранка Кнежевиќ, асистент на драматург: Сашо Димоски, дизајн на промотивен материјал: Ена Вучковиќ.

Актерската екипа ја сочинуваат актери од помладата и постарата генерација: Милош Пејовиќ, Сања Крстовиќ, Омар Бајрамспахиќ, Вања Јовиќевиќ, Душан Ковачевиќ, Маја Вукојевиќ – Цветковиќ, Павле Поповиќ, Евгенија Станковиќ, Уна Лучиќ, Стефан Вуковиќ, Драгана Јовановиќ, Лара Драговиќ и Драгиша Вељковиќ.

The post „Декамерон“ во режија на Дејан Пројковски, а во копродукција на Градско позориште Подгорица, Народно позориште Ниш и Барски љетопис вечерва на фестивалот „РУТА“ на Бриони appeared first on Република.

Драмски театар Скопје со претставата „Диши“ в петок на 16 август ќе гостува на Бриони во Хрватска во рамки на летното издание на фестивалот на Регионалната унија на театри, РУТА. Претставата ќе биде изведена на големата сцена на театарот „Ulysses“.

Текстот „Диши“ (Бели дробови) на Данкан Макмилан е напишан во 2011 година. Режисер на претставата е Димче Николовски, а драматург Александра Бошковска. Преводот го направи Благоја Бошковски. Сценографијата е на Илија Николовски, а костимограф е Раде Василев. Улогите во претставата ги толкуваат Јасмина Василева и Димитрија Доксевски.

„Диши“ е современа, длабоко интимна, истовремено универзална и еколошка - глобална драма. Lungs (Бели дробови), низ повеќе животни циклуси на љубовната врска, на духовит и прониклив начин, го следи релативно младиот пар М и Ж (M&W) додека контемплира на различни прашања за смислата и бесмисленоста, за надежта и предавствата, за промените и за смртта, за создавањето на нов живот и за крајот на светот.

Актерите Јасмина Василева и Димитрија Доксевски за „Диши“ истакнуваат дека претставата навигира низ сите погоре поставени прашања, толкувајќи ги токму во „еден здив“ преку експериментирање со минималистички актерски израз зададен од самиот автор. Оваа драма е напишана за да се изведе на празна сцена. „Нема сценографија, нема мебел, нема реквизити и нема беспредметно дејствие. Нема  промена на костими. Не би требало да се користи светло и звук за да се укаже на промена на времето или просторот“ – велат актерите.

Со претставата „Диши“, Драмски театар Скопје гостувал во Сараево во рамки на фестивалот РУТА и во Приштина на Интернационален театарски фестивал.

Драмски театар Скопје ја известува публиката дека подготовките за есенското издание на РУТА што ќе се одржува од 15 до 20 октомври во Скопје се во тек, и за љубителите на театарот најавува уште едно одлично издание на фестивалот.

The post Драмски театар Скопје со претставата „Диши“ утре гостува на фестивалот РУТА на Бриони appeared first on Република.

Второто издание на регионалниот театарски фестивал РУТА на почетокот на октомври ќе ги донесе ансамблите на водечките театарски куќи од регионот во Скопје. Со свои претстави пред македонската публика ќе настапат членките на Регионалната унија на театри:Београдско драмско позориште, Камерни театар 55 од Сараево, театар Улисис од Загреб, Месно гледалишче Љубљана и Градско позориште Подгорица. Меѓу многубројните гости е и славната српска актерка Бранка Катиќ.

Фестивалот ќе се одржи од 3 до 8 октомври ќе го отвори Драмски театар Скопје со премиера на претставата „Фирма“ на Роланд Шимелфениг во режија на Нела Витошевиќ.

Концептуално фестивалот РУТА Група Триглав се одржува на секои два месеци во еден од шесте театарски центри. Драмски театар Скопје е домаќин на шеснаесеттата по ред Рутана која македонската публика ќе ја има можноста да проследи претстави направени во копродукција на повеќе театри и режисери од целиот регион.

Директорката на Драмски, Викторија Рангелова – Петровска, најави дека годинешната програма на РУТА тематски е разнолика, но сите претстави заедно имаат и заеднички именител, а тоа е потребата постојано да се потсетува за определени состојби и случувања кои никогаш не треба да се заборават.

На сцената на Драмски во тек на фестивалската недела, македонската публика ќе има можност да види шест репрезентативни и најнаградувани претстави на театрите од регионот.

Драмски театар Скопје како домаќин со премиерата „Фирма“ го отвара фестивалот на 03 октомври (вторник) 2023 година. Режија: Нела Витошевиќ. Улоги: Ирена Ристиќ, Ивана Павлаковиќ, Сања Арсовска, Филип Трајковиќ, Игор Ангелов, Стефан Вујисиќ.

„Декамерон“ – на Градско позориште Подгорица во копродукција со Народно позориште Ниш настапува на 04 октомври (среда) 2023 година. Претставата е во режија на македонскиот режисер Дејан Пројковски. Улоги: Милош Пејовиќ, Сања Крстовиќ, Омар Бајрамспахиќ, Вања Јовиќевиќ, Душан Ковачевиќ, Маја Вукојевиќ – Цветковиќ, Павле Поповиќ, Евгенија Станковиќ, Уна Лучиќ, Стефан Вуковиќ Драгана Јовановиќ, Лара Драговиќ и Драгиша Вељковиќ

„Нора“ е претставата на Местно гледалишче Љубљана, Р. Словенија што ќе се игра на 05. октомври (четврток) 2023 година. Режијата е на македонската режисерка Нела Витошевиќ

Улоги: Ајда Смеркар, Матеј Пуц, Јернеј Гашперин, Нина Раковец и Јуриј Древеншек .

На програмата на четвртиот фестивалски ден на 06 октомври (петок) е претставата „Син“ на Камерни театар 55 од Сараево. Режија: Дино Мустафиќ Автор: Флоријан Зелер

Улоги: Џана Пињо, Давор Голубовиќ, Адмир Гламочак, Сабина Бамбур и Амар Селимовиќ

Београдско драмско позориште пред нашата публика ќе ја изведе претставата „Самрак на боговите“ во сабота на 07 октомври во режија на Јагош Марковиќ

Улогите ги толкуваат Бранка Катиќ, Александар Алач, Исидора Симијоновиќ, Владан Милиќ, Павле Пекиќ, Јово Максиќ, Милан Чучиловиќ, Милица Зариќ и Вања Ненадиќ.

Со претставата „Отело“ театарот Улисис од Р. Хрватска го затвара фестивалот РУТА во недела на 08 октомври. Режијата и е доверена на украинската режисерка Оксана Дмитрова, а поделбата на улогите освен на актерите на Улисис е направена и со членовите на „Сараевски ратни театар“ од Сараево. Ликовите во претставата ги толкуваат актерите: Ермин Браво, Албан Укај, Ана Марија Брѓановиќ, Давор Сабо, Маја Салкиќ, Јасенко Пашиќ, Снежана Богиќевиќ, Аднан Кресо, Мак Ченгиќ и Ален Коњиција

Поради големиот интерес на публиката од Драмски театар Скопје информираат дека од денес се пуштени во продажба поединечните и блок билетите за фестивалот.

The post Регионалната театарска елита доаѓа во Драмски на Фестивалот РУТА, меѓу гостите е и српката актерка Бранка Катиќ appeared first on Република.

Шест минути траеше аплаузот по завршување на претставата „Чудна случка со кучето во ноќта“ со која Драмски театар Скопје гостуваше во Словенија. Во Љубљана, од 31 јануари до 4 февруари, во организација на „Местно гледалишче“ се одржува словенечкото издание на регионалниот театарски фестивал „РУТА група Триглав“.

Драмски театар Скопје вторпат ја крена публиката на нозе, овојпат со претставата „Чудна случка со кучето во ноќта“. Во главната улога овојпат блесна младиот актер Дамјан Цветановски, кој нас и екипата нѐ одведе во универзумот на момче со пореметување од аутистичен спектар, во универзумот на момче кое не може да лаже. Почитуван Драмски театар, ни беше големо задоволство и чест да бидеме домаќини. Едвај чекаме да видиме што ни подготвувате следната година, објави Местно гледалишче Љубљана.

[caption id="attachment_604233" align="alignnone" width="800"] Дамјан Цветановски предизвика восхит кај публиката во Љубљана[/caption]

Претставата „Чудна случка со кучето во ноќта“ е авторска адаптација на Сајмон Стивенс, направена според мотивите од романот на Марк Хадон. Режисерка е Зоја Бузалковска, професорка на Факултетот за драмски уметности во Скопје. Асистент на режија е Димче Николовски-Димската, драматург е Александра Бошковска.

Улогите во претставата ги толкуваат актерите: Дамјан Цветановски, Трајанка Илиева Вељиќ, Александар Степанулески, Емилија Мицевска Трајковиќ, Соња Стамболџиоска, Јасмина Василева, Филип Трајковиќ, Стефан Вујисиќ, Златко Митрески и Нела Павловска.

Костимите во претставата се на Елена Вангеловска и Раде Василев, а сценографијата е на Константин Трпеноски. Авторската музика е на Давид Ангеловски, а кореографијата и техниката фриранинг се на Симон Симоновски.

Премиерата на „Чудна случка со кучето во ноќта“ беше во декември 2021 година и досега има петнаесетина изведби.

The post „Чудна случка со кучето во ноќта“ на Драмски театар ја крена на нозе публиката во Љубљана appeared first on Република.