Руските сили имаат целосна контрола врз градот Вухледар во областа Доњецк во источна Украина, објави утринава каналот Шот на комуникациската платформа Телеграм и проруските воени блогери.

Руското Министерство за одбрана се уште не го потврди заземањето на градот.

Регионален украински функционер синоќа изјави дека руските сили стигнале до центарот на градот, стратешка тврдина која повеќе од две години се спротивставувала на руските напади.

На снимките од руските сили кои го веат свое знаме на покривот на административната зграда во центарот на градот денеска се може да се види зграда со скршени прозорци делумно претворена во урнатини.

The post Русите имаат целосна контрола врз Вухледар во Доњецката област appeared first on Република.

Министерот за енергетика на Украина, Герман Галушченко изјави дека Русите го извршиле најголемиот напад врз украинскиот енергетски сектор во последно време.

Целта не е само да се оштети, туку повторно да се обидеме, како и минатата година, да предизвикаме масовен неуспех во работењето на енергетскиот систем на земјава. За жал, има оштетувања на производствените капацитети, преносните и дистрибутивните системи. Покрај тоа, поради гранатирање, еден од далноводите што ја снабдуваат нуклеарната централа Запорожје е без струја, напиша Галушченко на Фејсбук.

Во некои региони има прекини на струја, инженерите веќе работат на враќање на струјата, пренесуваат украинските медиуми.

The post Галушченко: Русите го извршија најголемиот напад врз украинскиот енергетски сектор во последно време appeared first on Република.

Руската војска потврди дека во вторникот случајно го бомбардирала руското село Петрапавловка во областа Воронеж во близина на Украина.

Во исто време, Русија продолжува со жестоките напади врз украинските градови Киев и Харков, во кои, како што тврдат украинските власти, се насочени главно кон цивилни објекти, што резултира со многу повредени и најмалку четворица загинати.

Руската армија бомбардирала и руско село кое се наоѓа на 150 километри источно од украинската граница.

На 2 јануари 2024 година, околу 9 часот по московско време, за време на летот на авијацијата, имаше ненормално ослободување на оружјето на авионот над селото Петрапавловка во регионот Воронеж. Нема жртви, соопшти руската армија, пренесува АФП.

Селото Петропавловка се наоѓа на 150 километри источно од украинската граница. Во инцидентот се уништени шест семејни куќи, а покрената е истрага за тоа што се случило, пренесува Москва тајмс.

Објавите на социјалната мрежа Телеграм покажуваат уништени куќи и расфрлани остатоци, како и кратер на местото на падот на ракетата во центарот на селото.

Русија утрово со ракети ги нападна украинските градови Киев и Харков, соопштија властите на тие градови, откако Москва најави одмазда за минатонеделниот украински напад врз Белгород.

The post Русите по грешка бомбардирале нивно село appeared first on Република.

Претседателот на Украина Володимир Зеленски денеска изјави дека со доближувањето на зимата руските напади со беспилотни летала и ракети врз Украина ќе станат посилни, но дека Украина силно ќе одговори.

„Оваа ноќ имаше напади со околу четириесет дронови „Шахед“. Повеќе од половината од нив беа соборени... Чуварите на небото беа ефективни на територијата на десет региони - Харков, Запорожје, Херсон, Николаев, Одеса, Киев, Кировоград, Виница, Хмелницки, Лавов... Свесни сме дека, како што наближува зимата, руските терористи ќе се обидат да направат поголема штета. Ние ќе му одговориме на непријателот. Силно“, рече Зеленски на својот канал на Телеграм.

Руските војници синоќа ја нападнаа Украина со околу 40 беспилотни летала „Шахед“ и со наведуваната ракета „Х-59“, јави агенцијата Униан, додавајќи дека украинската воздушна одбрана уништила 24 беспилотни летала и ракетата.

Повеќето од беспилотните летала беа испукани врз Лавовскиот регион, вкупно 16.

The post Зеленски предупредува: Со наближување на зимата Русите се повеќе ќе ги интензивираат нападите со дронови и ракети appeared first on Република.

На руските државјани во иднина ќе им биде забрането да влегуваат на територијата на ЕУ со своите возила, а доколку го сторат тоа, земјата членка во која влегле треба да им го конфискува возилото, ова, како што наведува „Еурактив“, се предвидува со последните измени на политиката за санкции на Унијата.

Според порталот, на прашањето „Дали руските државјани можат привремено да внесуваат лични стоки и возила во ЕУ под наметнатиот режим на санкции кон Москва?“, Еврокомисијата дала негативен одговор.

Во објаснувањето на ЕК се посочува дека ограничувањето за влез во ЕУ важи за сите возила со руски регистарски таблички, независно дали се користат за приватни или комерцијални цели.

Портпаролот на ЕК, Даниел Фери одговорил дека земјите членки на ЕУ треба строго да се придржуваат „до забраната за увоз на автомобили, дури и ако возилото не е ефективно увезено, туку само ја преминува границата за туристичка посета или краток престој“.

Досега забрана за влез во ЕУ важеше за „луксузните возила“, односно за оние со вредност од над 50.000 евра или запремнина од над 1900 кубни сантиметри, како и за електричните и хибридните автомобили.

Во ажурираните правила за санкции меѓутоа не се прецизира што со оние возила со руски регистарски таблички, што од претходно се наоѓаат на територијата на ЕУ и ако им припаѓаат на државјани на Русија што живеат во земјата членка на Унијата или имаат статус на бегалци или хуманитарно згрижени лица. Се проценува дека само во Бугарија недвижен имот купиле околу 300.000 државјани на Русија и многумина од нив се уште ги возат своите возила со руски регистарски таблички

The post Русите повеќе не ќе можат да влегуваат во ЕУ со своите автомобили appeared first on Република.

Руските сили ја разнесоа и браната на реката Мокри Јали, во регионот Доњецк, предизвикувајќи поплави од двете страни на реката, изјави за „Украинска правда“ Валери Шершен, портпарол на одбранбените сили на Фронтот Таврија.

На реката Мокри Јали, окупаторите ја разнесоа браната, што доведе до поплавување на двата брега на реката. Сепак, тоа не влијае на офанзивните операции на одбранбените сили на фронтот Таврија, изјави Шершен, пренесе Индекс. хр.

Портпаролот тврди дека Русите со уништување на браните се обидуваат да ја забават украинската контраофанзива.

Прво окупаторите ја разнесоа акумулацијата Карливка, потоа хидроцентралата Каховка, потоа ги разнесоа и другите хидроцентрали во окупираниот дел на регионот Запорожје. Во Запорожје очекуваа пробив на вооружените сили, па за да ни го забават напредувањето, ја разнесоа хидроцентралата на реката Мокри Јали, но тоа не влијаеше на напредувањето на одбранбените сили, рече Шершен.

Тој, исто така, кажа дека украинската армија на фронтот Таврија преминала од одбрана во напад. Ова ги донесе првите локални резултати во форма на ослободување на Блаходтна и напредување кон селото Урожаине.

The post Украинците тврдат дека Русите ја разнеле и браната на реката Мокри Јали, во регионот Доњецк appeared first on Република.

Владимир Потанин, сопственик на рударскиот гигант Норилск Никел, води на рангирањето како најбогат руски бизнисмен, чие богатство се проценува на 28,5 милиони долари.

На второто место е Леонид Микелсон, косопственик на вториот по големина руски производител на природен гас Новатек. Заработил 516 милиони долари и го зголемил своето богатство на 25,1 милијарди долари.

Мнозинскиот акционер на руската компанија за челик НЛМК, Владимир Лисин, е третиот најбогат руски бизнисмен. Тој заработил 905 милиони долари од годишно ниво и го зголемил своето богатство на 20,8 милијарди долари.

По Лисин следи Алексеј Мордашов, претседателот на гигантот Северстал, чие богатство се зголеми за 1,54 милијарди долари на вкупно 20,2 милијарди.

Петти е косопственикот на мобилниот оператор Мегафон, Алишер Усманов, кој во изминатите два месеци заработил 738 милиони долари, по што неговото богатство е 19,2 милијарди долари.

На листата е и Вагит Алексперов, поранешниот прв човек на Лукоил, кој заработил најмногу од почетокот на годината, поточно 2,43 милијарди долари, така што неговото богатство сега изнесува 17,8 милијарди долари.

Индексот на милијардери на Bloomberg е рангирање на 500 најбогати луѓе во светот, а во него се вброени 22 Руси.

The post Богатите Руси се уште побогати: Богатството им се зголемило за 10,4 милијарди долари appeared first on Република.

Петмина Руси кои избегале од мобилизацијата се заглавени на аеродромот во Сеул и таму живеат веќе неколку месеци

Студентот од Бурјатија, Владимир Марактаев, за корејското издание „The Korea Times“, вели дека си заминал од дома на 24 септември откако добил покана за во војска.

Потоа, тој и неговите пријатели ја преминале монголската граница со автомобил, оттаму одлетале на Филипините, а потоа во Кореја, надевајќи се дека таму ќе добијат азил. Сепак, од ноември Марактаев живее на аеродромот Инчеон во Сеул.

https://twitter.com/paolobucci68/status/1612412290296606721?ref_src=twsrc%5Etfw%7Ctwcamp%5Etweetembed%7Ctwterm%5E1612412290296606721%7Ctwgr%5E5147d3aa10ea15e1d6d7913667d1c2613c28935e%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F4085102%2Fpetorica-rusa-mesecima-zive-na-aerodromu-u-seulu-pobegli-od-mobilizacije-odbijen-im-zahtev-za-azil-sad-im-preti-deportacija

Како што вели тој, одлучил да поднесе барање за азил во Кореја затоа што го привлекувала земјата, за која верува дека има развиена демократија и граѓански права.

Сепак, се покажуваа дека корејското Министерство за правда не го смета избегнувањето воен рок за валидна причина за добивање статус на бегалец.

Сега петтемина Руси кои избегале од мобилизацијата живеат во зоната на поаѓање на аеродромот Инчеон. Ним им се одбиени барањата за азил и не можат легално да го напуштат корејскиот аеродром. Надлежните им обезбедуваат храна.

Луѓето ја обжалиле одлуката до корејското Министерство за правда, а доколку судот не застане на нивна страна, тие најверојатно тие ќе бидат депортирани во Русија.

The post Петмина Руси со месеци живеат на аеродромот во Сеул: Избегале од мобилизација, барањето за азил им е одбиено, а сега им се заканува депортација appeared first on Република.

Кириите во Белград за некои станови скокна двојно, особено ако се работи за атрактивни локации. Причина за тоа е доаѓањето на руски граѓани во Србија кои не прашуваат за цена.

Некои станари се пожалија дека станоиздавачите им ги покачиле кириите и до 100 отсто поради доаѓањето на Русите. Па така стан кој се издавал за 350 евра сега чини 600 но повеќе евра.

Од друга страна пак, Курир сопствениците на недвижности се плашат да изнајмуваат станови на странци поради неколку причини, а една од нив е точно колку долго ќе останат странците и колку долго овој хаос со недвижностите ќе трае.

The post Русите ги кренаа кириите во Белград до небо: Стан кој се издавал за 350 сега чини 600 евра appeared first on Република.

Речиси милион Руси ја напуштија земјата во последните две недели откако рускиот претседател Владимир Путин ја објави својата наредба за делумна мобилизација.

Според Форбс Русија, таква оценка за масовната емиграција дава извор од Кремљ. Друг извор на публикацијата, кој е запознаен со тајните анализи на претседателската администрација, тврди дека цифрата е 600-700 илјади луѓе.

Според министерот за внатрешни работи на Казахстан, Марат Ахметџанов, повеќе од 200.000 руски државјани пристигнале во Казахстан од 21 септември, кога Путин најави „делумна воена мобилизација“. Многу Руси побегнаа и во Грузија, Монголија, Турција, Ерменија и Финска.

Многу руски државјани побегнале во Ерменија и Турција, но нивниот број не е познат. Повеќето ја минуваат границата со туристички визи и не е јасно дали ќе се вратат. Рускиот министер за одбрана Сергеј Шојгу изјави дека планираат да мобилизираат околу 300.000 луѓе. Русите кои подлежат на воена служба и кои сакаат да ја напуштат Руската Федерација почнаа да добиваат покани на границата со Грузија.

На 30 септември, рускиот амбасадор во Хелсинки Павел Кузњецов изјави дека од 21 септември во Финска влегле околу 60.000 Руси, од кои 80 отсто транзитираат во други европски земји. Според миграциската служба, околу 100 лица поднеле барање за азил.

На почетокот на септември, уште пред објавувањето на делумна мобилизација, Росстат објави дека од почетокот на годината Русија ја напуштиле 419.000 луѓе, што е двојно повеќе од истиот период минатата година.

The post 700.000 луѓе ја напуштиле Русија по повикот за мобилизација, тврди „Форбс“ appeared first on Република.

Руското Министерство за одбрана денеска соопшти дека државјаните на Русија кои се мобилизирани во рамките на делумната мобилизација ја минуваат борбената обука во центрите за обука на Министерството за одбрана и на заднинските полигони.

Московскиот весник „Известија” јави дека обуката се одвива во еден од центрите за обука на Јужниот воен округ.

Мобилизираните граѓани минуваат обука за модерна борбена тактика, прва помош и употреба на комуникации на бојното поле. Посебно внимание се посветувало на воената топографија, инженерската обука, основите на радијациска, хемиска и биолошка зашти а.

Војниците се обучуваат да пукаат со автомати „Калашников”, лесни митралези „Калашников” и фрлачи на гранати RPG-7V.

Министерството за одбрана на Русија додава дека по завршување на обуката, на сите единици со мобилизирани граѓани и доброволци ќе им се довери контролата и одбраната на „ослободените територии”, како што Москва ги нарекува териториите во Украина кои се под нејзина контрола.

Рускиот претседател Владимир Путин на 21 септември прогласи делумна мобилизација во земјата и воените власти веднап најавија дека ќе се мобилизираат 300.000 лица.

The post Почна борбената обука на мобилизираните граѓани appeared first on Република.

Речиси 17 илјaди руски граѓани овој викенд ја преминале границата со Финска, што е за 80 проценти повеќе отколку претходниот, соопштија денеска финските власти.

Финската погранична служба соопшти дека граничниот сообраќај изутринава е намален, но оти сообраќајот и натаму е поинтензивен споредбено со претходните недели.

Редовите се уште се малку подолги отколку што беа од пандемијата, велат од службата.

Наредбата за делумна мобилизација во Русија резултираше со протести низ земјата, апсења демонстранти и заминување руски граѓани во странство.

Финскиот министер за надворешни работи Пека Хависто во петокот изјави дека земјата ќе го забрани влезот руски туристи.

Тој појасни дека забраната за влез важи за сите што ја преминуваат границата како туристи, без разлика дали патуваат со шенген-визи издадени од Финска или друга земја.

Според високопоставен фински дипломат, забраната нема да важи за Русите кои влегуваат во земјата да работат, студираат или да ги посетат роднините.

The post Околу 17 илјади Руси викендов ја минале границата со Финска appeared first on Република.

Високиот претставник за надворешна политика на ЕУ, Жозеп Борел од Прага порача дека целта на укинувањето на визната либерализација за Русите е да се спречи тие што ја поддржуваат војната во Украина да патуваат за задоволство во Европа, јави дописничката на МИА од Брисел.

На прес-конференцијата по неформалниот министерски состанок на ЕУ за надворешни работи, шефот на ЕУ дипломатијата, Борел, најави дека е постигнат договор помеѓу 27-те земји-членки за да се суспендира целосно договорот за визно олеснување помеѓу ЕУ и Русија.

Ова значи дека ќе биде потешко да се добие виза за ЕУ, уште ќе биде можно, но значително ќе се намали бројот, објасни Борел пред новинарите.

Ова подолго време го бараат земјите во Источна Европа и Балтикот. После повеќе недели преговори со Франција и Германија кои беа против, ЕУ сепак денеска донесе одлука да се укине слободното патување во ЕУ за руските граѓани.

Борел даде повеќе причини за оваа одлука, едната е фактот што е зголемен бројот на преминување на границите на ЕУ, но и дека Унијата сака да ги спречи Русите да патуваат во Европа за задоволство и шопинг.

До сега визниот договор со Русија беше суспендиран само за одредени лица и компании обвинети дека ја финансираат или поддржуваат војната во Украина и власта на Владимир Путин.

Оваа одлука ќе значи значително намалување на нови визи доделени од земјите членки на ЕУ, ќе биде потешко и подолго да се добие и бројот на нови визи ќе биде значително намален за да се спречи визен шопинг од страна на Руси кои бараат подобри услови, рече првиот дипломат на ЕУ.

Земјите на ЕУ ќе можат сепак да доделуваат одредени визи на индивидуална база, затоа што, како што рече, ЕУ не сака да се отсече од оние Руси кои не ја поддржуваат војната како и од граѓанското општество. Одлучено е исто така да не се признаваат руските пасоши доделени во окупираните украински територии од страна на Русија.

Земјите соседи на Русија во ЕУ ќе имаат дозвола да го ограничат преминувањето на границата за Русите во согласно со Шенгенскиот граничен код, најави Борел.

Останува уште да се дискутира и за веќе доделените визи за руски граѓани во ЕУ и дали треба и на тоа поле нешто да се преземе. За оваа цел земјите членки на ЕУ ќе побараат од Европската Комисија да изготви документ кој треба да се послужи како водилка за националните власти.

Денешниот договор е политички договор бидејќи е донесен на неформален состанок.

The post Да ги спречиме Русите да ни доаѓаат во ЕУ за шопинг и задоволство, повика Борел appeared first on Република.

Вкупниот број на милијардери во Европа и нивното богатство се намалија во текот на минатата година, откри Форбс.

Форбс објасни дека „топењето“ се случило поради остриот пад на бројот на милијардери и нивното богатство во Русија погодена од санкциите.

Од вкупно 2.668 милијардери чии заеднички средства вредат 12,7 трилиони долари на листата на светски милијардери на Форбс за 2022 година, Европејците заземаат 592 места, што е помалку од 628 пред една година.

Заедничкото богатство на европските милијардери падна од минатогодишниот врв од три трилиони на 2,8 трилиони долари.

Руската војна во Украина, ослабените валути и пониските проценети вредности за руските компании доведоа до пад на бројот на руски милијардери на 83 од 117 минатата година. Останатите руски милијардери вредат 320 милијарди долари, што е неверојатни 263 милијарди помалку од пред една година.

Шесте најбогати луѓе во Русија изгубиле по повеќе од 10 милијарди долари, според Форбс.

Европска земја со најмногу милијардери годинава е Германија со 134 имиња чие богатство вреди вкупно 608 милијарди долари. Сепак, поединечно Французите ги заземаат највисоките места на листата на најбогати Европејци - благодарение на нивниот луксуз и модни гиганти.

Вкупното богатство на 43 милијардери во Франција е зголемено за седум проценки од минатата година на 550 милијарди долари.

Не толку многу британски претприемачи напредуваат во Велика Британија колку странските компании со седиште во Лондон. Швајцарецот Гијом Пусаз, основачот на лондонскиот fintek Checkout.com, стана најбогатиот европски технолошки претприемач, со богатство од 23 милијарди долари.

Естонија го доби својот прв милијардер - Крист Карман, ко-основач на лондонскиот стартап за прекугранични плаќања Wise, додека Revolut, стартап за дигитално банкарство со седиште во Лондон, продолжи да добива на вредност - Николај Сторонски роден во Русија заработи 7,1 милијарди долари , а неговиот украински колега Влад Јаценко е богат 1,1 милијарда долари, пренесува Investor.

Разлика од САД

Европа е дом на третиот најбогат човек во светот, шефот на LVMH, Бернард Арно, кој - со богатство од 158 милијарди долари - е зад прворангираниот Илон Маск со 219 милијарди долари и вториот Џеф Безос со 171 милијарди долари. Франсоаз Бетанкур Мејерс од компанијата Лореал и Амансио Ортега од Зара го заземаат 14-то, односно 23-тото место меѓу најбогатите во светот. Мејерс е и најбогатата жена во светот.

Десетте најбогати европски милијардери на листата на Форбс за 2022 година вредат вкупно 590 милијарди долари, што е зголемување за 38 милијарди долари во однос на минатата година. За споредба, десетте најбогати американски милијардери вредат вкупно 1,2 трилиони долари, што ја илустрира големата разлика помеѓу технологијата кога станува збор за богатството на милијардери на самиот врв. Седум од десетте најголеми американски милијардери се технолошки магнати кои заработиле пари во годините по масовното прифаќање на персоналните компјутери, интернетот и социјалните медиуми. Европа, од друга страна, нема технолошки милијардер меѓу првите 10.

The post Meѓу најбогатите Европејци најмногу Французи и Руси appeared first on Република.

Руските медиуми објавија снимки на кои, како што наведоа, двајца Американци се заробени во Украина. RT објави кратка видео снимка од разговор со маж кого го идентификуваа како Александар Друек.

Жив сум и се надевам дека ќе се вратам што е можно поскоро, ве сакам, вели Друек на снимката.

Друг руски дописник објавил две снимки од двајца заробени Американци, 39-годишниот Александар Друек и 27-годишниот Енди Хујн.

Двајцата американски воени ветерани исчезнале минатата недела во Харков кога биле под руски оган.

Американскиот претседател Џо Бајден попладнево изјави дека е свесен за ситуацијата, но не знае каде се двајцата Американци.

Покрај споменатите двајца Американци, Русите наводно фатиле уште еден американски државјанин.

The post Русите објавија снимки од заробените Американци appeared first on Република.

Руски милијардери и претприемачи пристигнуваат во Обединетите Арапски Емирати (ОАЕ) во невиден број, изјавија бизнис лидерите за Би-Би-Си. Купувањето на недвижен имот во Дубаи, од страна на Русите, се зголемило за 67 отсто во првите три месеци од 2022 година, се наведува во извештајот.
ОАЕ не воведоа санкции кон Русија, ниту ја критикуваа инвазијата на земјата на Украина. Тие им даваат визи и на Руси кои не се санкционирани, додека многу западни земји ги ограничуваат веќе со месеци.
Се проценува дека стотици илјади луѓе ја напуштиле Русија во последните два месеци – иако точни бројки не се достапни.
Еден руски економист рече дека дури 200.000 Руси заминале во првите 10 дена по почетокот на војната. Компанијата Virtuzone, која им помага на компаниите да започнат операции во Дубаи, забележа огромен пораст на руски клиенти.
„Добиваме пет пати повеќе барања од Русите од почетокот на војната“, рекоа од компанијата, додавајќи дека Русите се загрижени за претстојниот економски колапс. „Затоа тие се преселија овде, за да го обезбедат своето богатство“, вели одговорно лице од оваа компанија.

Приливот на руски граѓани ја зголеми побарувачката за луксузни вили и станови низ градот. Агентите за недвижности известуваат за зголемување на цените на недвижностите, бидејќи Русите кои пристигнуваат во Дубаи бараат да купат куќи. Агенцијата за недвижности Betterhomes со седиште во Дубаи открива дека купувањето домови од Русите се зголемило за две третини во првите три месеци од 2022 година.
Друга агенција за недвижности, Modern Living, изјави за Би-Би-Си дека ангажирала многу агенти кои зборуваат руски за да ја задоволат зголемената побарувачка.

Покрај тоа, многу мултинационални компании и руски стартапи исто така ги преместуваат своите вработени во ОАЕ. Војната имаше огромно влијание врз нивните операции и тие ги избраа ОАЕ како „безбедна економска и политичка средина за бизнис“, велат тие.
Предизвикот беше уште поголем за компаниите кои се занимаваат со меѓународни клиенти и брендови, бидејќи повеќето западни фирми ги прекинаа врските со компании со седиште во Русија. Глобалните компании како Goldman Sachs, JP Morgan и Google, кои затворија канцеларии во Русија, исто така преселуваат дел од своите вработени во Дубаи.

The post Русите во Дубаи открија нов рај за своето богатство, купуваат недвижнини и отвораат бизниси appeared first on Република.

Се истражува мистериозната смрт на двајца руски олигарси и нивните семејства кои биле пронајдени мртви во рок од неколку дена.

Рускиот милионер Сергеј Протосења и неговото семејство се пронајдени мртви во нивната вила во Љорет дел Мар. Полицијата се сомнева дека  55-годишниот Протосења ги убил сопругата и ќерката со секира и нож, пред да се обеси. Неговото тело е пронајдено во дворот на вилата.

Протосења седум години бил потпретседател на руската компанија за природен гас „Новатек“ и неговото богатство се проценуваше на 330 милиони долари.

Претходно, во стан во Москва во понеделникот биле пронајдени телата на уште еден руски мултимилионер и на неговите сопруга и ќерка. Медиумите во Русија објавија дека 51-годишниот Владислав Авајев бил застрелан, исто како и трудната сопруга Јелена и 13-годишната ќерка Марија. Според сознанијата на полицијата Авајев го убил своето семејство, по што се самоубил, но полицијата истражува и други траги.

Авајев беше потпретседател на „Газпромбанк“, третата најголема банка во Русија, пред ненадејно да поднесе оставка. Тој исто така порано бил функционер во Кремљ.

The post Се истражува мистериозната смрт на двајца руски олигарси и нивните семејства кои биле пронајдени мртви во рок од неколку дена appeared first on Република.

Руските сили брзо се повлекуваат од регионите на Киев и Чернихив во северна Украина со цел да се зајакнат на истокот и југот на земјата и цврсто да ги диктираат своите услови, изјави денеска Михаил Подолјак, советник на украинскиот претседател.

Со оглед на овој факт и сите движења и концентрација на окупаторските сили, сосема е јасно дека Русија избра друга тактика како приоритет, напиша Подолјак на Телеграм.

Според него, руските сили настојуваат „да се повлечат на исток и југ, да ја задржат контролата над огромните окупирани територии (не само во регионите Доњецк и Луганск) и таму да се зајакнат“.

Се разбира, не можеме без тешко оружје ако сакаме да го деблокираме Истокот и (јужниот регион околу) Херсон и да ги одбиеме Русите колку што е можно повеќе, вели Подолјак.

Во меѓувреме, гувернерот на Чернихивската област, Вјачеслав Чаус, посочи дека регионалниот центар Чернихив, кој веќе е уништен од борбите во последните недели, не бил цел на нови напади ноќеска. „Русите се повлекуваат од регионот на Чернихив, ​​рече тој.

Гувернерот на регионот Полтава Дмитриј Лунин, пак, рече дека руски проектили рано утрово погодиле два града во централна Украина, Полтава и Кременчук, оштетувајќи ја инфраструктурата и станбените згради.

Полтава. Проектил погоди еден од инфраструктурните објекти во текот на ноќта. Кременчук. Многу напади на градот утрово, напиша Лунин во објавата на интернет.

The post Подолјак: Руските сили брзо се повлекуваат од северна Украина appeared first on Република.

The post Илјадници Руси протестираа против Путин во Прага appeared first on Република.

Богатите Руси се преокупирани со трансфер на барем дел од своето богатство од Европа во Дубаи за да го заштитат својот имот од поостри санкции против Русија поради инвазијата на Украина, изјавија во четвртокот финансиски и правни извори.

Дубаи, финансиски и деловен центар познат по недостатокот на строги регулативи, долго време е познат како магнет за ултрабогатите во светот, а одбивањето на Обединетите Арапски Емирати да застанат на страната на Западот и Москва беше сигнал до Русите дека нивните парите би биле безбедни.

ОАЕ се воздржаа од осуда на руската инвазија на Украина за време на гласањето во Советот за безбедност на ОН.

Емиратите, кои ги продлабочија врските со Русија во последниве години, не воведоа санкции од западен стил, ниту пак централната банка на ОАЕ издаде инструкции за санкции од САД и европските сојузници.

Во секој случај, богатите Руси во моментов во Лондон и Швајцарија се обидуваат да го пренесат своето богатство на безбедно, изјави банкар во голема швајцарска приватна банка.

Ова го потврди и адвокат во Дубаи, кој рече дека неговата компанија добила прашања од руски поединци и компании за тоа како тие брзо можат да префрлат „значителни средства“ во вредност од стотици милиони долари во арапската земја во Персискиот залив.

„ОАЕ е погодно место (за бизнис) – на само неколку часа и без регулатор што е во договор со западните регулатори“, рече менаџерот за инвестиции.

Руски клиенти со сметки во приватни банки, откри еден банкар, отвораат сметки во регионалната канцеларија на истата банка во ОАЕ, додека некои други отвораат сметки во локалните банки.

Тие исто така се обидуваат да инвестираат пари во, на пример, недвижен имот и фондови кои не откриваат информации за имотот.

Дубаи, исто така, долги години е многу популарна туристичка дестинација за Русите и е на самиот врв по бројот на посети и по бројот на купувачи на недвижнини.

Во 2018 година, ОАЕ воведоа програма за „златни“ визи што им нуди на инвеститорите и на другите професионалци 10-годишна дозвола за престој.

Канцеларијата за медиуми, Министерството за надворешни работи и централната банка на ОАЕ не одговорија на прашањето колку руски пари моментално се слеваат во Дубаи.

Засега, нема индикации дека руското богатство што се влева во Дубаи би можело да биде погодено од западните санкции, но некои банкари велат дека постои ризик руските институции кои примаат пари да бидат оцрнети, особено откако голем број мултинационални компании ги прекинаа врските со Москва.

The post Богатите Руси префрлаат пари во Дубаи appeared first on Република.