Поранешниот швајцарски тенисер Роже Федерер проговори за повлекувањето на Рафаел Надал од Лејвер купот.

Навистина се надевав дека тој сепак ќе може да го игра натпреварот, но тој рече дека е подобро да не се случи и дека не е подготвен. Сега треба да одлучи што да прави понатаму, и мислам дека тоа е она за што размислува во моментов. Направи многу за тенисот и за спортот воопшто. Би било неверојатно кога би можел да игра уште една сезона, но само самиот Рафа може да одговори на ова прашање. На крајот на краиштата, ќе биде соодветно да се донесе одлука да се пензионира во одреден момент. И тогаш можете само да се опуштите, изјави Федерер.

Надал заедно со Федерер и со Новак Ѓоковиќ ги одбележаа првите две децении на овој век.

The post Федерер за можното пензионирање на Надал: Кога ќе донесете одлука во одреден момент тогаш можете само да се опуштите appeared first on Република.

Светот на тенисот е во шок, откако шведскиот тениски тренер и поранешен играч, Питер Лундгрен, почина на 59-годишна возраст. Лундгрен соработуваше со Роже Федерер од 2000 до 2003 година.

Смртта настанала ненадејно, а синот на Лундгрен ја сподели тажната вест на социјалните мрежи.

Почивај во мир тато. Еден од најдобрите не напушти прерано. Тренер, играч, пријател и татко. Тој беше инспирација и им помогна на многумина и на теренот и надвор од него. Впечатокот што го остави, како и спомените ќе живеат засекогаш, напиша синот на Лундгрен.

Пред една година на Лундгрен му беше ампутирана левата нога откако го скрши скочниот зглоб. Тој и пред тоа имал одредени проблеми со дијабетес.

За време на неговиот живот Лундгрен даде неколку интервјуа во кои опиша како е да се биде тренер на Роџер Федерер, еден од најдобрите тенисери на сите времиња, со 20 Грен слем титули.

Никогаш не е лесно да се работи со тенисер, но Роџер во тој период беше многу талентиран, само малку мрзелив, изјави Лундгрен.

Еден од најубавите моменти се случи во 2003 година кога Федерер ја освои титулата на Вимблдон под водство на Лундгрен.

Тоа беше многу посебен момент за нас двајца. Отсекогаш сум сакал да го освојам Вимблдон откако почнав да играм тенис. Како играч стигнав до осминафиналето, што не е лошо, но го добив како тренер, што е нешто што ме радува, изјави тогаш Лундгрен.

Во текот на својата играчка кариера, Лундгрен играше во финалето на Австралија Опен во двојки, а во сингл стигна до второто коло на Австралија Опен, Ролан Гарос и УС Опен, како и до осминафиналето на Вимблдон.

The post Го нарекуваше Роже – мрзелив: Поранешниот тренер на Федерер ненадејно почина на 59-годишна возраст appeared first on Република.

Роже Федерер летува на шпанскиот остров Палма де Мајорка со сопругата Мирка со која е во брак од 2009 година, како и германскиот тенисер Томи Хас, долгогодишен пријател на семејството Федерер, заедно со уште неколку блиски пријатели. Привлекува внимание   начинот на кој го поминуваат времето – скромно и без ретенциозност.

За разлика од вообичаениот имиџ на богатите на одмор, во кој доминираат луксузни јахти, ексклузивни приватни клубови, фенси коктели и удобни лежалки на приватните плажи, Федерер и неговото друштво избраа да ги поминат деновите на Мајорка многу поедноставно - уживајќи во чамец со веслање.

Иако Федерер според проценките е најбогатиот тенисер на светот тој летува како типичен турист патлиџан турист од Балканот.

The post Федерер летува скромно, како патлиџан турист appeared first on Република.

Американскиот спортски канал „ESPN“ направи рангирање на најдобрите тенисери на 21 век.

На првото место на листата се најде Швајцарецот Роџер Федерер. Втор е Србинот Новак Ѓоковиќ, а првата тројка ја затвора Шпанецот Рафаел Надал.

Топ 10 тенисери на 21 век според „ЕСПН“:
1. Роџер Федерер (Швајцарија)
2. Новак Ѓоковиќ (Србија)
3. Рафаел Надал (Шпанија)
4. Енди Мареј (Велика Британија)
5. Андре Агаси (САД)
6. Карлос Алкараз (Шпанија)
7. Пит Сампрас (САД)
8. Енди Родик (САД)
9. Стен Вавринка (Швајцарија)
10. Лејтон Хјуит (Австралија)

The post Удар за Ноле: Федерер прогласен за најдобар тенисер во 21 век appeared first on Република.

Еден од најдобрите тенисери на сите времиња, Роџер Федерер, деновиве летува во Хрватска.

Федерер пристигна на Јадранот со семејството, сопругата Мирко и четирите деца од Мајорка каде претходно летуваа.

Не е првпат  да летува на Јадранот, така беше и пред две години, кога со семејството престојуваше на Лошињ.

Федерер овој пат реши да ужива во убавината на националниот парк Крка, па се снимаше во Скрадин.

Интересно е што многумина не го препознаа, само неколку жители се приближија да се фотографираат со него.

https://republika.mk/sport/ostanati-sportovi/federer-uzhiva-na-pedalinka/

The post Се крие со капче да не го препознаат: Федерер летува во Хрватска appeared first on Република.

Роже Федерер по се изгледа ужива во пензијата. Тој со децата и сопругата Мирка замина на одмор во Шпанија.Но, на летувањето тој покажува колку е обичен човек на кој ништо не му значат милионите.

Наместо на јахти како Надал или Ноле тој се вози во педалинка на која се сонча и скока во морето.

Погледнете.

The post Федерер ужива на педалинка appeared first on Република.

Швајцарскиот тенисер Роџер Федерер се осврна на своето неодамнешно пензионирање.

-Дефинитивно дадов сè во текот на мојата кариера, па дури и повеќе отколку што можев. Уживав и научив што е напорна работа и посветеност. Не знам уште колку би можел да дадам, би можел да се обидам. Се чувствував како да сум доволно возрасен за да ставам крај на ова и се чувствувам навистина добро поради тоа, рече Федерер на подкаст на „АТП радио“.

На 15 септември Федерер објави дека ќе се пензионира. На 24 септември Швајцарецот во пар со Рафаел Надал загуби од Американците Френсис Тиафо и Џек Сок – 4:6, 7:6 (7:2), 11:9. Тоа беше неговиот последен професионален натпревар.

Севкупно, Федерер има 103 титули на турнирите под покровителство на АТП. Тој помина рекордни 237 недели по ред на врвот на светската ранг-листа

The post Федерер: Дефинитивно дадов сè во текот на мојата кариера, па дури и повеќе appeared first on Република.

Базел, родниот град на 20-кратниот грен слем шампион, Роже Федерер, одби да именува улица по тенисерот.

Политиката на Базел е дека само мртвите луѓе можат да добијат плоштад или улица именувана по нив на овој начин, изјави топографот на швајцарскиот град, Пол Хафнер за „Ројтерс“

Во Базел веќе има трамвај кој го носи името на Федерер, а во тек се преговори за изградба на зграда во негова чест.

Четириесет и едногодишниот Федерер ја заврши кариерата оваа година откако на крајот на септември играше на Лејвер купот во Лондон.

Швајцарецот има 20 победи на Грен слем, 111 победи на АТП турнирите, како и два олимписки медала - златен во двојки и сребрен во сингл. Тој беше прв светски рекет 310 недели.

The post Родниот град на Роже Федерер одбива да именува улица по тенисерот appeared first on Република.

Еден од најголемие тенисери на сите времиња, Роџер Федерер, синоќа му кажа збогум на професионалниот тенис откако на Купот Лејвер во Лондон го одигра последниот меч во кариерата. Во пензија замина човек со 1.252 победи од 1.527 меча, со 103 турнирски титули од кои 20 се гренслем-трофеи, дополнети со 28 мастерс-круни, 310 недели минати на врвот од АТП-листата и пет години во кои завршуваше како најдобар.

Федерер самиот изјави дека негов сон е да ја заврши кариерата играјќи заедно со Надал, што и му се оствари, во спектакуларен меч гледан низ целиот свет. На крајот речиси да немаше присутен во арената „О2“ во Лондон што не плачеше, а во солзи беа и најголемите ѕвезди на денешницата крај теренот.

Федерер се расплака како мало дете. Емоциите го скршија и едноставно не можеше да дојде до збор од што липаше на теренот во „О2“ арената. Надал, Ѓоковиќ и останатите тимски колеги од ипата на Европа се обидуваа на го смират, но не успеаја, па доле мораше да се симне неговата сопруга Мирка. Таа во еден момент почна да вика по организаторот да го сопре мачењето на големиот Роџер, по што го гушна и некако успеа да го намали напливот на емоции.

Не сум тажен што заминувам во пензија. Резултатот не е важен, не можам да сум посреќен од ова што го чувствувам во моментов. Фактот што последниот меч го одиграв со Рафа многу ми значи, благодарност и до сите тениски легенди кои дојдоа денеска на овој голем ден за мене. Искрено посакував да се чувствувам вака кога ќе дојде крајот, да биде славје, а не тага, ви благодарам на сите што го овозможивте тоа. Никогаш не помилував дека може да биде ваква приказна, само сакав само да играм тенис со моите пријатели. Се што следеше беше фантастично и кога би можел да бирам, повторно би направил се исто. Би сакал да им се заблагодарам на фановите, на сите овде во салата, но и ширум светот за поддршката што секогаш ја добивав. Голема благодарност и до семејството, до родителите и до сопругата Мирка, која ми даваше поддршка да продолжам секогаш кога ќе помислев дека е време да престанам да играм, изјави Федерер со солзи во очите.

💘💘 pic.twitter.com/K55eZ8EutS

— Luigi Gatto (@gigicat7_) September 23, 2022

The post Федерер во солзи се пензионира, Мирка го смируваше appeared first on Република.

Дваесеткратниот грен-слем победник Роже Федерер размислува за напуштање на тенисот.

Сакам да победувам, но ако веќе немате желба да се натпреварувате, тогаш најдобро е навистина да престанете. Мислам дека повеќе не ми треба тенис. Подготвен сум да ги прославам малите нешта, како кога син ми прави нешто како што треба или кога ќерка ми се враќа од училиште со добра оценка. Тенисот е голем дел од мене, но не е се од мене. Сакам да останам успешен, но тоа може да се постигне и надвор од спортот - изјави Федерер за „Algemeen Dagblad“.

Последниот турнир на кој учествуваше 40-годишниот Швјацарец беше Вимблдон минатата година.

Претходно, Федерер за прв пат во кариерата испадна од АТП-листата. Ова се случи од причина што 40-годишниот спортист не играше на ниту еден рејтинг турнир во изминатите 52 недели.

The post Федерер: Веќе не мислам дека тенисот ми е неопходен во животот appeared first on Република.