САД ќе распоредат во Јапонија ракетни системи кои претходно беа забранети со договор со Руската Федерација

Станува збор за копнени комплекси со среден дострел „Тајфун“. Претходно, овие системи беа забранети со Руско-американскиот договор за елиминација на ракети со среден и краток дострел.

Распоредувањето на ракетите „Тајфун“ во Јапонија ќе му овозможи на официјален Вашингтон да може да погоди цели во Руската Федерација, Кина и во Cеверна Кореја.

The post САД ќе постави во Јапонија ракетни системи кои ќе може да погодат во Русија, Кина и Cеверна Кореја appeared first on Република.

Советникот за национална безбедност на Белата куќа, Џејк Саливан, изјави САД нема да ги испорачаат армиските тактички ракетни системи (ATACMS) како дел од новиот пакет воена помош за Украина.

Тој соопшти дека американскиот претседател Џо Бајден ќе објави нов пакет кој ќе вклучува системи за воздушна одбрана и друго оружје за да и помогне на Украина пред тешката зима.

Американскиот лидер постојано разговара со своите воени и европски колеги, како и со самите Украинци, за тоа што е потребно на бојното поле во која било фаза од војната, изјави Саливан.

Тој објасни дека Бајден одлучил дека нема да испрати тактички ракетни системи, но дека и не ја исклучил таа можност за во иднина.

The post Белата куќа соопшти дека САД нема да и испорачаат тактички ракетни системи на Украина appeared first on Република.

Полскиот министер за одбрана, Мариуш Блашчак, потпиша договори со американските компании за производство на оружје, „Рајтеон и „Локхид Мартин“, кои обезбедуваат производство и поправка на елементи за националниот систем за противракетна одбрана со среден дострел „Висла“.

Вкупната вредност на договорот е околу 250 милиони долари. Во согласност со него, во Полска ќе се основа производствена и поправна база за постројките на системот „Висла“, вклучувајќи ги радарите „ЛТАМДС гоуст ај“ (LTAMDS Ghost Eye) и ракетите „ПАК-3 МСЕ“ (PAC-3 MSE).

https://twitter.com/MON_GOV_PL/status/1695046400440991907

Потпишаните договори се однесуваат и на стекнување дополнителни можности за сервисирање на авиони Ф-16 и Ц-130. Покрај тоа, Полска ќе добие надлежности и лиценци за производство на гориво за ракетите Хајмарс МЛРС, како и надлежности поврзани со ракетите ПАК-3 МСЕ за системот „Висла“. За сервисирање на овие системи, ќе се создаде нова база за поправка и производство во земјата.

Офсет договорите се долгорочен договор за набавка. Офсет значи компензација обезбедена од добавувачот на клиентот во форма на поддоговори за контра трговија или инвестициски обврски.

Со други зборови: се очекува „Рајтеон“ и „Локхид Мартин“ да инвестираат дел од приходите од договорот во полската економија. Веројатно, тоа ќе се реализира преку изградба на индустриски претпријатија.

The post Полска потпиша договори вредни 250 милиони долари за производство и сервисирање ракетни системи од САД appeared first on Република.

Комисијата за одбрана на германскиот Бундестаг одобри два клучни воени проекти за зајакнување на одбранбениот капацитет на земјата, јави ДПА.

Комисијата за одбрана постигна меѓупартиска согласност за купување на израелскиот систем за противвоздушна одбрана „Ероу 3“, кој е опремен со ракети со долг дострел. Освен тоа, донесена е одлука за набавка на германски систем за противвоздушна одбрана „Ајрис-Т“ со ракети со краток дострел.

За таа цел ќе бидат издвоени 100 милиони евра од специјалниот фонд што лани го најави канцеларот Олаф Шолц за поддршка на Украина.

Германија планира системот Ероу 3“ да стане дел од европскиот систем за противвоздушна одбрана. Тој може да пресретнува ракети на височина до 100 километри.

Системите Ајрис-Т“ се успешно користени во Украина, наведува ДПА.

The post Германија ќе набавува израелски систем за противвоздушна одбрана appeared first on Република.

Ракетните артилериски системи на Cеверна Кореја и Кина немаат еквивалентни во светот, а доколку завршат во рацете на Русија, тогаш американските ХИМАРС во Украина едноставно нема да имаат шанса, коментираат воените експерти.

Сепак, според порталот поосветен на воена техника и стратегија, „Military Watch“, снабдувањето со кинески системи е попречено од строгата неутралност на Пекинг, поради што, севернокорејските инсталации, се чини, дека се најдоброто решение за руската војска.

Поради значајните руски успеси во Украина од пролетва, можеби најзначајната помош за Киев од сојузниците на НАТО беше ракетниот артилериски систем М142 ХИМАРС, кој е високо ценет поради неговата мобилност, прецизност и дострел.

Како што пишува „Military Watch“, западни извори тврдат дека овие средства значително ги искомплицирале акциите на Русија, особено во фазата кога артилеријата игра одлучувачка улога во кампањата.

Иако самата Русија донекаде го занемари развојот на ракетната артилерија од крајот на Студената војна, главно поради општиот индустриски пад по распадот на Советскиот Сојуз, сојузниците на Москва би можеле да ѝ обезбедат артилериски системи кои одговараат или дури и го надминуваат ХИМАРС.

Како што продолжува порталот, кинескиот ракетен артилериски систем ПЦЛ191 многумина го сметаат за најподготвен за борба во светот и на тестовите во јули 2021 година покажа опсег на гаѓање од 500 км, што е 543% подалеку од ХИМАРС.

Тоа значи дека ќе го „покрие“ главниот дел на Украина и без да ја премине руската граница. Иако неговата испорака сигурно ќе ја промени играта на бојното поле, продажбата на овој и на други кинески системи е попречена од строгата неутралност на Пекинг. Кина нема намера да испорачува оружје на ниту една од страните во конфликтот, а ова е остар контраст со силната поддршка на НАТО за Киев во голема мера ја ограничува способноста на Русија да увезува оружје.

Со исклучок на Кина и Русија, Cеверна Кореја ја има најголемата воено-индустриска база надвор од сферата на влијание на Западот. Поради географијата на Корејскиот полуостров, таа инвестираше многу во развојот на водечките светски системи МЛРС. Згора на тоа, за разлика од Пекинг, официјален Пјонгјанг отворено ја поддржа позицијата на Русија во ОН и еднострано ги призна Народните републики Доњецк и Луганск во источна Украина, кои Москва ги призна уште во февруари.

Воведен во 2014 година, корејскиот ракетен артилериски систем КН-09 има дострел од 200 километри и лесно може да го надмине ХИМАРС. Покрај тоа, може да се организираат испораки по најниска цена: Cеверна Кореја и Русија се поврзани со железница, а системи за оружје може да се пренесат во Украина за неколку дена, управувани од корејски или руски екипажи по соодветна обука.

https://www.youtube.com/watch?time_continue=2&v=JI9LrP07loc&feature=emb_title

Севернокорејската варијанта на уште повисоко ниво, системот KН-25, беше претставен во 2019 година и може да се пофали со уште поголем домет од над 400 километри. Може да се испорача наместо неговиот претходник или покрај него. Двата системи се дизајнирани за максимална мобилност, слично како ХИМАРС, и користат мобилни фрлачи кои овозможуваат брзо репозиционирање по пукањето.

Како што пишува во заклучокот на написот, поради кинеските ограничувања за продажба на оружје, се чини дека набавката на севернокорејскиот КН-09 или КН-25 е најдоброто решение за руската армија.

Оваа можност е лесно и практично остварлива во замена за трансфер на технологија или вишок авиони во Cеверна Кореја, бидејќи авијацијата е главната слабост на нејзиниот одбранбен сектор. Сепак, поради ембаргото за оружје на ОН против Cеверна Кореја, таквите набавки мора да се вршат во тајност, без да се открие земјата на потекло.

The post Cеверна Кореја подготвена да му помогне на Донбас: Може да го испрати „Убиецот на ХИМАРС“ во Украина appeared first on Република.

Украинскиот министер за одбрана Алексеј Резников соопшти дека во таа земја пристигнале американски артилериски ракетни системи (ХИМАРС).

Благодарност до мојот американски колега и пријател, секретарот за одбрана Лојд Остин, за овие моќни системи. Летото ќе биде жешко за руските окупатори. И последно за некои од нив - објави Резников на Твитер.

https://twitter.com/oleksiireznikov/status/1539931757621006336?cxt=HHwWgMC-9cnx994qAAAA

Според британски медиуми, украинскиот министер за одбрана не навел како артилериските ракетни системи пристигнале во земјата.

The post Американски ракетни системи „ХИМАРС“ пристигнале во Украина appeared first on Република.

Високиот истражувач во Норвешкиот институт за меѓународни односи, Џулија Вилхелмсен, за „Класенкампен“ изјави дека одлуката на Норвешка да испорача артилериски системи на Украина не била последица на волјата на владата на кралството, туку на притисок од страна на американското раководство.

Минатата недела, шефот на Пентагон, Лојд Остин, соопшти дека голем број земји, вклучително и Норвешка, најавиле трансфер на „критични артилериски системи и муниција“ на Украина.

Истовремено, официајлен Осло претходно најави дека норвешката воена помош за Украина ќе биде ограничена на набавка на полесно оружје - противтенковски ракети и муниција.

The post Норвешка: Испораките на оружје за Украина не ги правиме по наша сопствена волја appeared first on Република.