Лице без знаци на живот, со повреда од огнено оружје пронајден е ноќеска во 1:40 часот по полноќ, во патничко возило „рено меган“ со пробни регистарски таблички на крстосницата помеѓу селата Радуша и Свиларе, скопско.

Како што соопшти денеска МВР, лицето било пронајдено од страна на полициски службеници од полициското одделение Сарај.

-По преземени мерки било утврдено дека станува збор за А.А.(39) од с.Никуштак, општина Липково. Лекар од Итна медицинска помош констатирал смрт. По наредба на Јавен обвинител, телото било предадено на обдукција, наведуваат од МВР.

Се преземаат мерки за расчистување на случајот.

The post Среде ноќ пронајден изрешетан во возило во Свиларе appeared first on Република.

Јавното сообраќајно претпријатие „Скопје“ ќе воведе автобуска линија Радуша - Сарај по барање на околните жители, најави директорот на ЈСП Скопје, Александар Стојковски, на седницата на Советот на Град Скопје за советнички прашања.

Оваа линија се воведува по анализа на ЈСП која е во завршна фаза и се очекува значително да ја подобри поврзаноста на населбата Радуша со Сарај, а жителите од Радуша ќе имаат редовен превоз.

Директорот Стојковски на денешната седница истакна дека нема доцнење на редовните автобуски линии за општина Сарај и дека станува збор за редовна пракса на возење по летен возен ред со намален број линии - соопшти Град Скопје.

Советот на Град Скопје на денешната 13-та седница донесе Одлука за изменување и дополнување на Одлуката за линиски превоз на патници во градот Скопје, со која се воведуваат две дополнителни редовни автобуски линии - 29 и 50А.

https://republika.mk/vesti/skopje/liniite-29-i-50a-na-jsp-stanuvaat-redovni/

The post ЈСП воведува нова автобуска линија Радуша – Сарај appeared first on Република.