ВМРО-ДПМНЕ и Коалицијата „Вреди" ги формираа работните групи за продолжување на разговорите за евентуално коалицирање во идната влада, откако викендот ги договорија општите начела за соработка, потврдија за МИА извори од двете партии.

Како што посочуват од „Вреди“ за МИА, работните групи од двете партии утре ќе ја одржат првата средба. За имињата на претставниците во работните групи, од двете партии велат дека ќе ги соопштат преку соопштение.

Соработката, како што информираше ВМРО-ДПМНЕ по средбата што се одржа во саботата во штабот на „Вреди'“ ќе се базира на три постулати - евроинтеграции, забрзан економски развој, борба против криминалот и корупцијата и владеење на правото.

Заклучено е дека двете страни ќе формираат работни групи, на кое ниво ќе продолжат разговорите до нивно финализирање, соопштија тогаш од ВМРО-ДПМНЕ.

На средбата во саботата присуствуваа лидерот на ВМРО-ДПМНЕ Христијан Мицкоски со партиските потпретседатели и лидерите од партиите во Коалицијата „Вреди“ - Арбен Таравари, Изет Меџити, Биљал Касами и Африм Гаши.

Од коалицијата „Вреди“ по средбата оценија дека преговорите се одвиваат во позитивна и вистинска насока.

Според првичните официјални резултати за парламентарите избори што ги објави ДИК, Коалицијата Твоја Македонија предводена од ВМРО-ДПМНЕ освоено најмногу пратенички мандати, 58, по што следуваат Коалицијата Европски фронт предводена од ДУИ со 19 пратенички мандати, Коалицијата за европска иднина предводена од СДСМ, 18, Коалицијата Вреди, 13, а Движење ЗНАМ за наша Македонија и Левица по шест пратенички мандати.

The post Екипирани работните групи на ВМРО-ДПМНЕ и „Вреди” за преговори за новата влада appeared first on Република.

Етикетите, навредите и омаловажувањата за правните експерти и професорите само ја покажува режимската матрица на Груевски во којашто е заглавен Христијан Мицкоски.
Мицкоски е последен кој може да зборува и да прозива професори или пак истакнати правници, велат од СДСМ.

Граѓаните знаат дека Мицкоски има дипломирано кај својот татко. Не само што дипломирал, туку бил и асистент кај својот татко, а згора на се кај него дури и се вработил.

Мицкоски сега ќе кажува за фалц професори? Па заради такви како него фалц професори УКИМ со години не може да се искачи погоре на Шангајската листа.

Дополнително Мицкоски е претседател на криминална партија ВМРО-ДПМНЕ чиј претходник, осуден криминалец, побегна од правдата во гепек.

Конечно, Христијан Мицкоски нема образ за да се засрами а досега ги има пропуштено сите шанси и да се извини пред граѓаните.

The post СДСМ си ги брани своите експерти кои треба да ги стават Бугарите во Уставот appeared first on Република.

СДС се осамени на пуст остров, и ја разбираме нивната нервоза. Правењето на компот со расипани овошја секогаш ќе биде кисел, споредува ВМРО-ДПМНЕ.

Партиските послушници или таканаречените експерти на ДУИ и СДС се доказ за немањето поддршка од сите општествени чинители на темата за уставните измени. И токму тие се причината за пропастот на сите образовни политики во изминатиов период.

СДС нека им објасни на граѓаните дека ова е уште еден проект, од кој нивните гласноговорници ќе си ја наплатат поддршката преку дебели хонорари. Уставни измени во овој мандат нема да има.

https://republika.mk/vesti/makedonija/ke-ima-odgovornost-za-rabotnata-grupa-za-ustavni-izmeni/

The post Koлакви дебели хонорари ќе „лапаат“ експертите за уставни измени? appeared first on Република.

Истече рокот што Министерството за правда го даде на партиите за номинирање свој претставник во работната група за уставни измени.

Очекувано, ниту една партија од опозицијата не назначи свој член во ова тело кое треба да ги подготви уставните измени.

Членови предложија само СДСМ и тоа Цветанка Иванова, Арбр Адеми од ДУИ, Ремзи Мехмеди од Алијанса на Албанците, Соња Мираковска од НСДП, Нано Ружин од ЛДП, Христа Најданов од ДОМ, Темелко Ристески од Партија на пензионери, Раметула Куќи од ДПА, Еран Куртиш од Партија за движење на Турците и Бејџан Илјас од Демократска партија на Турците.

Шарен состав,на кој ќе им се приклучат и Александар Спасов од Кабинетот на претседателот на државата, Драган Тилев од Секретаријат за европски прашања и Шпенд Садики од Министерство за надворешни работи. Меѓу нив ќе има и експерти кои исто така ќе бидат дел од работната група.

Планот е ова работно тело е задолжено од Владата да ја подготви предлог иницијативата за потребата од уставни измени а откако ќе се подготват измените, предлогот треба да ги помине сите работни тела во рамките на Собранието.

Власта свесно ја крши процедурата

Но, формирање на некакви работни групи воопшто не е предвидено според Уставот ниту според Деловникот. Надлежноста за амадмани е исклучиво на Собранието. Владата може да предложи иницијатива за уставни измени и Собранието одлучува со двотретинско мнозинство за започнување на процедурата.

Се друго е скокање на процедурата и кршење на Уставот.

The post Работни групи за уставни измени не се предвидени според Уставот и Деловникот на Собранието appeared first on Република.

Директорот на МЦМС Александар Кржаловски во гостување во емисијата „Заспиј ако можеш“ на Телевизија Алфа истакна дека во Македонија не постои одговорност, односно тоа што се ветува на избори не се реализира и обратно.

Во случајот со Уставните измени или тоа што го прифатија Францускиот предлог, ништо од тоа не стои во нивната програма. Напротив во кампањата кога веќе беше јасно бугарското вето беше ветувано нешто сосема друго, за на крај да завршиме како во случајот со Грција, со прифаќање на позициите на другата страна прилично во целост. Проблемот со функционирањето на демократијата кај нас е во голема меркатоа што не се почитува тоа што си го говорел на изборите за кое си добил легитимитет да го спроведеш тоа кое што си го ветил, истакна Кржаловски.

Тој посочи дека попуштањето под притисокот на другата земја се прикажува како лидерство и преземање на големи чекори. Во однос на работните групи, Кржаловски рече дека таквите активности би биле целисходни на почетокот на јули минатата година кога требаше да се постигне националниот консензус по прашањето на тн Француски договор.

Ако веќе се одеше кон одлука да се прифати договорот мораше да се качи на бродот и опозицијата. Владата сега не може да го испорача тоа што го прифати тогаш. Наместо да го исполнат тоа, Пендаровски од Мадрид посочи дека ќе се отворат широки консултации, ама веќе на првата средба го заземаа ставот дека ќе се прифати тоа и побараа сите да го прифатиме. Широките консултации од прилика тука завршија, рече Кржаловски и дополни- работните групи нема да се состават во полн состав со опозицијата и тогаш тие се прилично беспредметни.

The post Кржаловски: Работните групи за уставни измени се беспредметни appeared first on Република.

Приоритет е Преамбулата во делот на вметнување на помалите заедници во државата, но се размислува и за други потребни измени на Уставот, како што е измената во делот каде министерот за правда по функција е член на Судски совет, регулирање на вакумот со распуштање на Собранието и при смената меѓу еден и изборот на друг министер, како и во делот на тоа што беше проблематично во пандемијата и други прашања како што е делот со 20 роценти за јазикот, вели Министерот за правда Кренар Лога.

Лога, на првиот брифинг со новинарите откако е министер, посочи дека ќе мора да се отвора Уставот и дека „прашање на денови е кога ќе биде формирана“ работната група за уставни измени во која ќе учествува широк спектар на општествени чинители.

За сите овие прашања ќе треба да имаме консензус, но за нас приоритет останува Преамбулата во делот на вметнување на помалите заедници во државата. Ако има расположение кај сите учесници, ние сме подготвени сите овие предлози да бидат дел - изјави Лога, посочувајќи дека негов став е кога веќе се отвора Уставот подобро е сите овие прашања да одат во пакет.

Нагласи дека е во комуникација со сите чинители во државата, со премиерот Димитар Ковачевски, претседателот Стево Пендаровски како и со претседателот на пратеничката група на ВМРО-ДПМНЕ Никола Мицевски и лидерот на партијата Христијан Мицкоски и дека е прашање на денови кога ќе биде формирана работната група за уставните измени.

Очекувам опозицијата да е дел од работната група, не само за уставните измени, туку и за Изборниот законик и сите други работни групи врзани со реформи, не само за правосудниот систем, туку и за други области - изјави Лога, изразувајќи уверување дека ВМРО-ДПМНЕ ќе се надмине себеси и ќе биде дел од ова, за како што рече, да не бидеме повторно десет години во изолација.

Во однос на тоа дали веќе се разговара за конкретни имиња во работната група, Лога, посочи дека има предлози и некои имиња веќе се на маса, но дека остава простор и за ВМРО-ДПМНЕ.

Првата недела од мојата работа пратив писмо до ВМРО-ДПМНЕ да предложат свој член на работната група, потоа уште едно и до Мицковски, каде кажав дека го отстапувам и местото претседател на комисијата. Нема да чекаме бескрајно, до крајот на оваа недела ќе почекаме - изјави Лога, на денешниот брифинг со медиумите во Министерството за правда.(МИА)

The post Лога: Оставаме простор за ВМРО-ДПМНЕ, работната група за уставните измени ќе се формира до крајот на неделата appeared first on Република.

Разменивме идеи околу тоа како може во наредна фаза и Собранието и Владата да се постават за европскиот предлог. Иако имавме различни ставови по многу прашања, духот беше конструктивен и мислам е добро да има вакви средби, изјави вицепремиерот за европски прашања Бојан Маричиќ по денешната средба на партиските работни групи во Клубот на пратеници посветена на разгледување на последниот француски предлог за укинување на бугарското вето за почеток на преговори на земјата со Европската унија.

Маричиќ посочи дека на состанокот ги изнеле нивните позиции, како СДСМ и Владата дека овој предлог ги задоволува или излегува во пресрет на очекувањата на нашата земја.

Дополнително, како што информира тој, предложиле текст со предлог заклучоци.

ВМРО-ДПМНЕ, како што рече, изнесе и други идеи поврзани со евентуални промени на преговарачката рамка.

– Беше добра почетна средба со овие позиции и мислам дека во наредните денови треба да продолжиме да разговараме, дали вечер, утре или наредните денови постои желба да се разговара на оваа тема, изјави Маричиќ.

Вицепремиерот посочи оти објасниле за механизмите за заштита на нашиот национален идентитет.

– ВМРО-ДПМНЕ изнесе ставови кои ние веќе сме ги разговарале и во преговарачкиот процес, мислам ако продолжиме со разговори може да се надеваме на некакво поместување. Самиот факт што сме тука и ги отворивме ставовите, имаше и предлози од Павле Трајанов, имавме активно учество и од ДУИ и од Алијанса за Албанците, како опозициска албанска партија и мислам од сите актери имаше атмосфера во која треба да се продолжат разговорите, рече Маричиќ.

The post Maричиќ за работната средба за францускиот предлог: ВМРО-ДПМНЕ изнесе идеи поврзани со евентуални промени на преговарачката рамка appeared first on Република.

Предлог забелешки на ВМРО-ДПМНЕ кон Општиот став на ЕУ (Преговарачка рамка) и Заедничкиот став на ЕУ (Преговорите за пристапување) во однос на Македонија

Во документот наречен Општ став на ЕУ предлагаме:

Во точка три зборовите ,,ЕУ ги зема во предвид соодветните едонстрани декларации на Бугарија и Македонија за македонскиот јазик,, се бришат. Во ставот три по зборот ,,ЕУ,, се додаваат зборовите ,,истите ќе бидат на македонски јазик,,.

Во точка пет од Преговарачката рамка се брише последната алинеја која гласи ,, Имајќи го предвид горенаведеното, посветеноста на Македонија за добрососедски односи и поблиска регионална соработка, вклучително и преку постигнување видливи резултати и спроведување на билатералните договори во добра волја, вклучително и Договорот од Преспа со Грција и Договорот за добрососедски односи со Бугарија од 2017 година, како и годишните прегледи и мерки за негово ефективно спроведување според член 12), во согласност со Солунската агенда за Западен Балкан усвоена во јуни 2003 година, Декларацијата од Софија од мај 2018 година, Декларацијата од Загреб од мај 2020 година и Декларацијата од Брдо од октомври 2021 година, заклучоците на Советот за процесот на проширување и стабилизација и асоцијација од март 2020 година и декември 2021 година и други релевантни заклучоци на Советот,,

Во документот наречен Заеднички став на ЕУ предлагаме:

Во точка 1 по зборчето ,,на,, се бришат зборовите ,,првата фаза од,,. Се брише точка 11 која што гласи ,, Оваа Преговарачка рамка ќе ви ја презентираме врз основа на општиот став на ЕУ, за време на следниот состанок на меѓувладината конференција која сме подготвени да ја одржиме без понатамошни одлагања или дополнителна политичка одлука, веднаш штом Македонија ќе ја спроведе својата заложба за завршување на уставните измени како што е наведено во Заклучокот на Советот од XX/XX/2022, во согласност со своите внатрешни процедури,,.

Во точка 13 се бришат зборовите ,,Откако Македонија ќе ги исполни релевантните критериуми договорени од Советот.,,.

Во точка 14 се бришат следните зборови ,, Денес, потсетуваме на важноста од постигнување видливи резултати и спроведување на билатералните договори во добра волја, вклучувајќи ги договорот од Преспа со Грција и Договорот за добрососедски односи со Бугарија. Во таа насока, го поздравуваме договорот за протоколот од вториот состанок на Заедничката меѓувладина комисија формирана согласно член 12 од овој договор.

Овој важен чекор ќе придонесе кон добрососедските односи и регионалната соработка кои остануваат суштински елементи од процесот за проширување како и од процесот за стабилизација и асоцијација.,,.

The post Ова се забелешките на ВМРО-ДПМНЕ за преговарачката рамка и преговорите за пристапување appeared first on Република.

Координаторите на пратеничките групи и други претставници на парламентарните партии денеска се очекува да одржат прва средба на која ќе се разговара за заклучоците што треба да бидат разгледани и усвоени од Собранието во врска со европскиот предлог и отпочнувањето на преговори за влез во ЕУ.

Двете најголеми политички партии во Собранието, владејачката СДСМ и опозициската ВМРО-ДПМНЕ вчера го потврдија договорот за одржување вакви разговори во Собранието. Во работните групи политичките партии ќе бидат застапени со по двајца преставници од ВМРО-ДПМНЕ и СДСМ, по еден од ДУИ и Алијанса и уште еден од помалите парламентарни политички партии.

Координаторот на пратеничката група на ВМРО-ДПМНЕ Никола Мицевски вчера изјави дека во Собранието ќе се формираат групи меѓу политички партии кои ќе работат на предлог-забелешките што се проблематични во целиот текст. Според него, ова доаѓа по повикот на лидерот на ВМРО-ДПМНЕ Христијан Мицкоски, за да се разговара за измени што ќе го подобрат предлогот и ќе се вметнат одредени забелешки во однос на се она што е на штета на државата и националните интереси. Ваквиот формат на разговори во Собранието го потврди и премиерот Димитар Ковачевски кој на прес-конференцијата со претседателот на Европскиот совет рече дека Собранието ќе донесе одлука дали ќе ги отпочнеме преговорите со ЕУ и ќе донесе заклучоци откако Владата до пратениците ќе ги достави европскиот предлог, билатералниот протокол и уште еден документ.

Претседателот на Собранието Талат Џафери на средбата со претседателот на ЕС Шарл Мишел во Собранието, на која присуствуваа и координаторите на пратеничките групи и претставници на помалите политички партии, според соопштението од неговиот Кабинет, во однос на доставувањето на документите за прифаќањето на преговарачката рамка, истакнал дека по нив соодветно ќе се пристапи штом бидат доставени до Парламентот.

Поздравувајќи ја одлуката на претседателот Мишел за посета на земјата во овие моменти со цел да се запознае со различните мислења и ставови, претседателот Џафери посочи дека актуелното раководство и во минатото носело одлуки кои долгорочно се покажале како правилни за државата и нејзината иднина и дека носи одговорност за донесување стратешки одлуки. Правејќи паралела со помирувањето на Франција и Германија како основа за формирањето на денешната Европска унија, заклучи дека единствен начин за надминување на билатералните несогласувања останува отворениот дијалог и меѓусебното разбирање. Во однос на доставувањето на документите за прифаќањето на преговарачката рамка, претседателот Џафери истакна дека по истите соодветно ќе се пристапи штом бидат доставени до Собранието, соопшти Кабинетот на Џафери.

На средбата Мишел образложил дека доаѓа во име на 27 земји членки на Унијата кои стојат зад предложената рамка за лично да ги слушне аргументираните и легитимни мислења и резерви на политичките актери, нагласувајќи дека има разбирање за фрустрациите и разочараноста во последните години околу официјалното неотпочнување на преговорите.

The post Во Собранието прва средба на работните групи за францускиот предлог appeared first on Република.

Во гостувањето во дебатната ТВ емисија министерот за правда Никола Тупанчески порача дека планот за подготовка на нов Изборен законик нема да пропадне и покрај фактот што ВМРО-ДПМНЕ и БЕСА сè уште немаат доставено предлози за свои претставници во новата работна група. Поттикнати од оваа изјава, од Социјалистичката партија на Македонија јавно го прашуваат Тупанчевски според кој критериум одлучувал која политичка партија треба да има претставник во работната група за изработка на нов Изборен законик.

Можеби еден од критериумите му бил историскиот континуитет на партиите? Или можеби нивната застапеност во Собранието на Република Македонија? Или можеби застапеноста на партиите во локалната самоуправа?

Г-дине Тупанчески, било кој критериум да сте го земале, не сте смееле да ја испуштите Социјалистичката Партија на Македонија, како најстара политичка Партија во државата, со децениски историски континуитет, од осамостојувањето постојано застапувана преку свои пратеници во Собранието на Република Македонија и застапувана со свои советници во најголемиот број на општини во РМ.

Г-дине Тупанчески вашиот партиски претседател и воедно Премиер изјави дека Изборниот законик ќе се носи со концензус помеѓу политичките партии или Вие можеби зборот „концензус“, случајно или намерно, поинаку го разбирате! Нејасно е зошто воопшто сте се впуштиле во политиката кога немате елементарен однос и почитување кон сите политички партии подеднакво?, реагираат од СПМ.

Министер Тупанчески, му се обраќаат тие, нема потреба да нè каните.

Од Вас не го ни очекуваме тоа. Должни сме само да Ви кажеме, концензус за Вашата приватна забава наречена „нов Изборен законик“ немате!

Воедно, на каков било предлог на Изборен законик, во чија изработка не сме вклучени, ќе одговориме со огромен број на амандмани и ќе се погрижиме таквиот закон да не помине, велат од СПМ.

The post СПМ: Г-не Тупанчески, според кој критериум одлучивте која партија треба да има претставник во работната група за нов Изборен законик? appeared first on Република.

За време на посетата на бугарскиот премиер Кирил Петков на Македонија беше промовиран новиот пристап во односите меѓу двете земји. Наместо на политика и отоворените прашања предност беше ставен на економијата.

Се формираа работни во повеќе сектори енергетика, инфраструктура, транспорт, земјоделство, железничко поврзување..

Но , според информациите на „Република“ конкретно многу малку е направено, односно остана на потпишаните меморандуи и договори, без некој резултат.

Како капак на се дојде информацијата дека најгласно најавуваниот проект кој требаше да ги зближи граѓаните меѓу двете земји а тоа е авионската линија меѓу Скопје и Софија функционира со многу проблеми.

Се продаваат малку билети и интересот е слаб. Причина е исклучиво економска и не треба да се бараат политички мотиви. На оние што сакаат да патуваат поисплатиливо им е да патуваат со возило отколку со авион.

Засега авионската линија нема да се укинува но прашање е до кога операторот ќе ја одржува оваа линија особено ако не бидат субвенционионирани од двете земји.

The post Од работните групи и економската соработка со Бугарија остана само полупразниот авион appeared first on Република.

Без резултат заврши четвртиот состанок на експертските групи на министерствата за надворешни работи на Бугарија и Македонија. Разговорите се фокусирале на таканаречениот пакет политички прашања, објави „БНР“.

Од бугарското Министерство за надворешни работи соопштија дека дијалогот бил конструктивен и во отворена атмосфера.

Се разговараше за најновите предлози на Македонија, испратени минатата година како одговор на пакетот барања од бугарската страна, презентирани на претходната трета рунда експертски консултации одржани во септември 2021 година во Скопјe, објавија од тамошното МНР.

Денешната средба беше договорена меѓу министрите за надворешни работи Теодора Генчовска и Бујар Османи на заедничката средба меѓу владите на двете земји на 25 јануари годинава.

Следната рунда експертски разговори која се очекува да се одржи наскоро, ќе се одржи во Скопје.

The post Без резултат заврши четвртата средба на експертските групи на Македонија и Бугарија appeared first on Република.

Во бугарското Министерство за регионален развој започна состанокот на работната група за соработка во областа на инфраструктурата, транспортот и поврзувањето помеѓу Македонија и Бугарија, јави дописникот на МИА од Софија.

Состанокот го отвори бугарскиот вицепремиер и министер за регионален развој Гроздан Караџов. Тој на гостите им порача дека можат да сметаат на целосна соработка за развој на билатералните односи во вистинска насока и со уште поголема брзина.

Министерот за транспорт и врски на Македонија, Благој Бочварски, пак, истакна дека Работната група за поврзување, транспорт и енергија е посветена на иднината и ќе даде шанса за развој не само на двете држави, туку и на Балканот и цела Југоисточна Европа.

Денеска во Софија и утре во Скопје работната група прави се за да им помогне на граѓаните на двете земји и нивната заедничка иднина, да им овозможи на економиите да бидат посилни и да имаме подобра и модерна инфраструктура и да се реши енергетското поврзување, рече Бочварски.

Очекувам, дополни тој, дека ќе продолжиме и утре во Скопје да изнаоѓаме решенија за сите важни теми во секторот.

Министерот за локална самоупра Горан Милевски претходно изјави дека во Софија разговарал за уште посериозна прекугранична соработка меѓу Македонија и Бугарија, особено помеѓу градоначалниците, општините и здруженијата во двете држави и отворањето на регионалниот граничен пункт Клепало, што е многу важно за луѓето од двете страни на граница.

Мислам дека периодот што следува ќе биде продуктивен и ќе започнат активности за да се реализира отворањето на овој граничен пункт, рече Милевски.

Тој потсети дека во 2019 година беше потпишан меморандум меѓу двете министерства, но оти досега не е направено ништо. Се надевам, потенцираше, дека граѓаните на двете земји ќе ги искористат економските придобивки од она што ќе се постигне.

The post Започна состанокот на работната група меѓу Бугарија и Македонија appeared first on Република.

Заедничко привлекување инвестиции, подобрување на трговската размена, заеднички проекти во определни области и иновациски проекти, за ова ќе се разговара на првиот состанок на работната група за економија, трговија и иновации меѓу Македонија и Бугарија. Состанокот ќе се одржи денеска, а со него ќе претседава министерот за финансии Бесими, копретседавач е бугарскиот министер за иновации и раст Даниел Лорер. Од македонска страна во делегацијата е и вицепремиерот Битиќи и министрите за економија и земјоделство, Бектеши и Николовски.

Ова е прва работа група што ќе се состане по нивното формирање минатата недела. Промени беа најавени и во заедничката историска комисија, која работи повеќе од три години. Шефот на бугарската страна, Ангел Димитров вели дека промени се можни на македонска страна, не и  кај нив, а нема ниту голем ентузијазам во престрет на состанокот кој ќе се одржи кон крајот на февруари во Софија. Според Димитров напредок е можен само ако Македонија прифати дека има заедничка историја со Бугарија.

На изјавата на Димитров одговара копретседавачот од македонска страна Драги Георгиев. Тој вели дека не се бега од заедничката историја, но дека таа не се сфаќа на ист начин на двете страни.

Кога едната страна ја обвинува другата страна дека не сака да ја прифати апсолутната вистина на првата страна, не може да се очекува напредок во процесот. Бугарската страна инсистира на заедничка историја, воспоставена во средниот век. Ние не бегаме од заедничката историја, но, тоа не треба да се сфаќа на начин како тоа го сфаќа бугарската страна – дека историјата од средниот век до 1945 година е заедничка. Ако е така, тогаш тоа воопшто не е заедничка историја, туку е историја на еден ист народ. Таквиот пристап не е научен, не е историски, тоа е само едно политичко толкување. Со постојнава реторика всушност се минираат исходите на средбите, вели Ѓоргиев за Слободен печат.

The post Почнуваат со работа работните групи со Бугарија: Прв состанок на групата за економија, трговија и иновации appeared first on Република.