Фудбалерите на Вардар и следната сезона ќе играат во Првата македонска фудбалска лига (ПМФЛ), откако попладнево го совладаа третопласираниот тим во второлигашката конкуренција Детонит Плачковица со  2-0 (2-0) во баражот во Струмица.

Победата која му донесе прволигашки опстанок на најтрофејниот македонски клуб ја навести Дејан Ѓуриќ во 42 минута, а само три минути подоцна предноста ја удвои Лука Шушњара.

Нови членови на ПМФЛ во сезоната 2024/25 ќе бидат дебитантот Беса и повратникот во прволигашката конкуренција Пелистер.

Во Втората лига се преселија Македонија Ѓорче Петров и Брегалница.

The post ПМФЛ: Вардар го зачува прволигашкиот статус appeared first on Република.

Бранителот на титулата и актуелен лидер Струга загуби неочекувано на домашен терен од Силекс со 3-2 во еден шесте натпревари кои попладнево се одиграа во рамки на 29 коло во Првата македонска фудбалска лига (ПМФЛ).

Поразот на Струга го искористија фудбалерите на Шкупи кои со два гола во самиот финиш направија резултатски пресврт во дуелот со Тиквеш и со триумфот од 3-2 се израмнија бодовно со Струга на врвот на табелата.

Убедлива победа пред своите гледачи забележа Шкендија над Гостивар (4-1), додека Вардар е сè подалеку од зоната за опстанок откако загуби минимално на гостувањето во Струмица од Брера (0-2).

Воска со високи 4-0 триумфираше над Брегалница, додека Работнички и Македонија ЃП ги поделија бодовите играјќи 1-1.

ПМФЛ – 29 коло резултати:

Брера – Вардар 2-0

Работнички – Македонија ЃП 1-1

Шкендија – Гостивар 4-1

Шкупи – Тиквеш 3-2

Струга – Слекс 2-3

Воска – Брегалница 4-0.

Табела: Струга 58, Шкупи 58, Шкендија 55, Силекс 41, Тиквеш 39, Брера 37, Гостивар 37, Работнички 35, Воска 34, Вардар 29, Македонија ЃП 26, Брегалница 26.

The post Неочекуван пораз на Струга во Првата македонска фудбалска лига appeared first on Република.