Вечерва во големата сала на Филхармонија во 20 часот ќе се одржи концертот на врвниот виолинист Стефан Миленковиќ од Србија кој ќе настапи со македонскиот камерен оркестар „Профундис“.  Концертот е целосно распродаден.

Миленковиќ, познат по својата извонредна техника и емоционална длабочина, ќе музицира заедно со „Профундис“ под диригентската палка на маестра Ѓурѓица Дашиќ. Заедно, тие ќе изведат возбудлива, сложена и технички најпредизвикувачка програма која вклучува ремек-дела од композитори како Паганини, Сарасате и Чајковски.

За програмата, маестра Дашиќ истакна дека вечерва ќе бидат изведени некои од најсложените дела од класичната музика кои се предизвик дури и за најдобрите музичари, но заедно со  Миленковиќ и врвните музичари од камерниот оркестар „Профундис“, публиката ќе има единствена можност да ужива во перфектна изведба на овие ремек-дела.

Не секогаш ние изведувачите ја бираме програмата, ама вечерва, тоа ќе биде величенствена класична музика на композитори кои го одбележаа минатиот век“, најави на официјалната прес-конференција српскиот виолинист.

Говорејќи за настанот, Миленковиќ ја изрази својата восхитеност од Профундис, истакнувајќи ја
извонредната уметничка изведба и страста за музиката на оркестарот.

Настапувањето со Профундис ќе биде на мое големо задоволство. Нивната посветеност на совршенството и нивното суптилно разбирање на репертоарот ќе го направат овој настан вистинска прослава на музиката,“ изјави тој.

Камерниот оркестар Профундис, под диригентската палка на Ѓурѓица Дашиќ, стекна репутација како еден од водечките камерни оркестри во регионот, познат по своите креативни и динамични настапи и иновативни програми.

The post Миленковиќ: Настапот со „Профундис“ ќе биде вистинска прослава на музиката! appeared first on Република.

Светски познатиот виолинист Стефан Миленковиќ и македонскиот камерен оркестар „Профундис“, в петок, на 20 септември, со почеток во 20 часот ќе приредат ексклузивен концерт во големата сала на Македонската филхармонија.

Миленковиќ е еден од најпочитуваните виолинисти на својата генерација, со долга и успешна кариера како солист и виртуозен виолинист.

Неговите настапи ги красат сцените на најпрестижните концертни сали низ светот, а неговата изведба е позната по својата длабочина, прецизност и неверојатна техничка подготвеност. Во својата кариера, тој е добитник на бројни награди и признанија, а во Србија ги носи титулите за „Уметник на векот“, „Најхумана личност“, „Личност на годината“ и е еден од најпознатите српски уметници кој гради кариера на сцените во светот.

На програмата ќе бидат изведени дела од П. И. Чајковски, Н. Паганини, К. Сен-Санс, Ж. Масне, А. Бацини и П. Сарасате.

Поминаа повеќе од 5 години од мојот последен концерт, па затоа со нетрпение чекам да се видиме во Скопје, град кој има прекрасна публика и каде имам многу пријатели!, изјави тој како најава за претстојниот концерт.

На сцената Миленковиќ ќе биде придружуван од камерниот оркестар „Профундис“, познати по својата уникатност и креативност во настапите, што ги прави еден од водечките камерни оркестри како во Македонија, така и во регионот.

Чест е да го имаме Стефан Миленковиќ како дел од нашата програма оваа сезона. Неговата виртуозност и страст кон музиката совршено се вклопуваат со уметничките стандарди на нашиот оркестар, а верувам дека публиката ќе ужива во еден од најдобрите концерти оваа година!“, изјави Ѓурѓица Дашиќ, уметнички раководител на камерниот оркестар „Профундис“.

Инаку, Миленковиќ со својата кариера започнал на само шест години, одржувајќи повеќе од 1,000 концерти пред да наполни 16 години. На само 10 години настапува пред претседателот на САД Роналд Реган на Божиќниот концерт во Белата куќа, следната година свири за Михаил Горбачов во Белград, а на 14 години настапува пред папата Јован Павле II. На 16 години го свири својот 1000 концерт во Монтереј, Мексико, а на 17-годишна возраст веќе има победено на голем број натпревари за млади виолинисти.

The post Светски познатиот виолинист Стефан Миленковиќ и камерниот оркестар „Профундис“ ќе настапат во Филхармонија на 20 септември appeared first on Република.

Светски познатиот виолинист Стефан Миленковиќ и македонскиот камерен оркестар „Профундис“, на 20 септември во 20 часот ќе приредат ексклузивен концерт во големата сала на Македонската филхармонија.

Миленковиќ е еден од најпочитуваните виолинисти на својата генерација, со долга и успешна кариера како солист и виртуозен виолинист. Неговите настапи ги красат сцените на најпрестижните концертни сали низ светот, а неговата изведба е позната по својата длабочина, прецизност и неверојатна техничка подготвеност. Во својата кариера, тој е добитник на бројни награди и признанија, а во Србија ги носи титулите за „Уметник на векот“, „Најхумана личност“, „Личност на годината“ и е еден од најпознатите српски уметници кој гради кариера на сцените во светот.

Поминаа повеќе од 5 години од мојот последен концерт, па затоа со нетрпение чекам да се видиме во Скопје, град кој има прекрасна публика и каде имам многу пријатели!“ – изјави тој како најава за претстојниот концерт.

На сцената Миленковиќ ќе биде придружуван од камерниот оркестар „Профундис“, познати по својата уникатност, виртуозна музикалност и креативност во настапите, што ги прави еден од водечките камерни оркестри како во Македонија, така и во регионот.

 „Чест е да го имаме Стефан Миленковиќ како дел од нашата програма оваа сезона. Неговата виртуозност и страст кон музиката совршено се вклопуваат со уметничките стандарди на нашиот оркестар, а верувам дека публиката ќе ужива во еден од најдобрите концерти оваа година!“ – изјави Ѓурѓица Дашиќ, уметнички раководител на камерниот оркестар „Профундис“.

Инаку, Миленковиќ со својата кариера започнал на само шест години, одржувајќи повеќе од 1,000 концерти пред да наполни 16 години. На само 10 години настапува пред претседателот на САД Роналд Реган на Божиќниот концерт во Белата куќа, следната година свири за Михаил Горбачов во Белград, а на 14 години настапува пред папата Јован Павле II. На 16 години го свири својот 1000 концерт во Монтереј, Мексико, а на 17 годишна возраст веќе има победено на голем број натпревари за млади виолинисти.

На програмата ќе бидат изведени дела од П. И. Чајковски, Н. Паганини, К. Сен-Санс, Ж. Масне, А. Бацини и П. Сарасате.

The post Стефан Миленковиќ и „Профундис“ најавуваат ексклузивен концерт во Скопје appeared first on Република.

Ексклузивниот концертен спектакл со светски познатиот виолинист и миленикот на многу генерации, Стефан Миленковиќ и македонскиот камерен оркестар „Профундис“! Овој извонреден музички настан ќе се одржи на 20 септември 2024 година во величествената голема сала на Македонската филхармонија.

Стефан Миленковиќ има долга и успешна кариера како солист и виртуозен виолинист. Неговите настапи ги красат сцените на најпрестижните концертни сали низ светот, а неговата изведба е позната по својата длабочина, прецизност и неверојатна техничка подготвеност. Во својата кариера, тој е добитник на бројни награди и признанија, а во Србија ги носи титулите за Уметник на векот, Најхумана личност, Личност на годината и е еден од најпознатите уметници кој гради кариера на сцените во светот.

Со својата кариера започнал на само шест години, одржувајќи повеќе од 1,000 концерти пред да наполни 16 години. Неговата виртуозност и длабочина на изведбата го направија еден од најпочитуваните виолинисти на својата генерација. На само 10 години настапува пред претседателот на САД Роналд Реган на Божиќниот концерт во Белата куќа, следната година свири за Михаил Горбачов во Белград, а на 14 години настапува пред папата Јован Павле II. На 16 години го свири својот 1000 концерт во Монтереј, Мексико, а на 17 годишна возраст веќе има победено на голем број натпревари за млади виолинисти.

Програма:

П. И. Чајковски - Серенада за гудачи
Н. Паганини - La Campanella
К. Сен-Санс - Rondo Capriccioso
Ж. Масне - Таис медитација
А. Бацини - Игра на џуџињата (La Ronde des Lutins)
П. Сарасате - Кармен фантазија

Стефан Миленковиќ, познат по својата извонредна техничка умешност и емоционална интерпретација, заедно со „Профундис“, ќе претстави возбудлива програма која ќе ја воодушеви публиката со својата убавина и динамичност. Не пропуштајте ја оваа уникатна можност за уживање во музичка вечер која ќе ве остави без здив!

The post Камерниот оркестар „Профундис“ и Стефан Миленковиќ најавуваат ексклузивен концерт во септември во Филхармонија appeared first on Република.

Илјадници свеќи синоќа ја осветлија сцената на Македонската филхармонија на премиерното издание на првиот „Candlelight“ – концерт под свеќи на камерниот оркестар „Профундис“ на кој како солист настапи реномираниот виолинист со светска слава, Марио Хосен.

Присутните беа сведоци на маестралната изведба на Симфонија за гудачи бр 3/ Traveling drams III и IV став од Филип Глас, St. Paul's suite за гудачки оркестар на Густав Холст, Четирите годишни времиња од Вивалди и I Papiti on.13 за соло и виолина од Николо Паганини.

Овациите и стоечките аплаузи три пати го вратија на сцената Хосен кој е познат по  својата неверојатна виртуозност и харизматично сценско присуство.

Хосен е австриски виолинист со бугарско потекло, кој се смета за  еден од водечките толкувачи на музиката на Николо Паганини. Меѓународно признатиот солист настапувал со реномирани оркестри како Лондонскиот филхармониски оркестар, Виенскиот симфониски оркестар, Чајковски симфониски оркестар, Оркестарот на миланска скала, Виенскиот камерен оркестар, Англискиот камерен оркестар, симфонискиот оркестар на Мексико, Радискиот симфониски оркестар на Прага...и многу други, а синоќа и македонската публика уживаше во изведбата на Хосеин, кој се нарекува Паганини-специјалист пар екселанс.

Концептот на „Candlelight“ – концерт под свеќи е светски познат тренд кој за првпат синоќа беше поставен на сцена пред македонската публика. Музичките критичари го опишуваат како уникатно искуство каде традиционалниот концертен амбиент се трансформира во хипнотизирачка музичка симбиоза облеана во топлиот сјај на свеќите. Интимниот амбиент овозможува подлабока врска помеѓу публиката и изведувачите, создавајќи извонредно концертно искуство.

Камерниот оркестар „Профундис“ е уметнички состав кој постои веќе три години и чии цели се промоција на квалитетот и особеноста на изразот со посебен акцент на оригиналноста на сите концертни изведувања. Во него членуваат едни од најистакнатите македонски инструменталисти што се дел од двата професионални оркестри - Националната опера и балет и Националната филхармонија.

Продолжуваме со идејата дека камерниот оркестар „Профундис“ ќе биде иновативен, креативен и модерен. Овој пат со концерт под свеќи којшто во моментот е вистинска атракција во 173 града ширум светот, а премиерно со овој концерт списокот се проширува и со Скопје. На наше големо задоволство како солист ќе настапи светски познатиот виолинист Марио Хосен, кој ќе ги изведе четирите годишни времиња од Антонио Вивалди, како и виртуозното дело од Никола Паганини – „I Palpiti“ кое многу ретко се изведува поради специфичната техничка виртуозност и спаѓа во топ 10 најтешки дела за изведба на виолина. Дополнително на концертот ќе има и праизведба на дело од Филип Глас. Овој концерт е повеќе од обична изведба – тоа е извонредно искуство на уникатноста на нашите сетила и универзалниот јазик на музиката!“, изјави маестра Дашиќ.
Марио Хосен, познат по својата неспоредлива виртуозност и волшебно сценско присуство, ги краси престижните сцени ширум светот заедно со врвните оркестри, вклучувајќи ги Лондонската филхармонија, Виенскиот симфониски оркестар и многу други. Со голема страст за светското музичко наследство, стручноста на Марио се фокусира на Николо Паганини, правејќи го како еден од најистакнатите толкувачи и авторитети за изведување на музиката на Паганини, велат од „Профундис'.

The post Уникатно доживување на првиот „Candlelight“ – концерт под свеќи на камерниот оркестар Профундис и маестро Марио Хосен appeared first on Република.

Овој петок илјадници свеќи ќе ја осветлат сцената на Македонската филхармонија на премиерното издание на првиот „Candlelight“ - концерт под свеќи на камерниот оркестар Профундис, кој ќе се одржи на 12 април со почеток во 20 часот.
Концептот на „Candlelight“ - концерт под свеќи е светски познат тренд кој за првпат ќе биде поставен на сцена пред македонската публика. Музичките критичари го опишуваат како уникатно искуство каде традиционалниот концертен амбиент се трансформира во хипнотизирачка музичка симбиоза облеана во топлиот сјај на свеќите. Интимниот амбиент овозможува подлабока врска помеѓу публиката и изведувачите, создавајќи извонредно концертно искуство.
На концертот како солист ќе настапи светски познатиот виолинист Марио Хосен, чија виртуозност и волшебно сценско присуство му носат признание на престижните сцени ширум светот. Хосен и „Профундис“, под диригентската палка на маестра Ѓурѓица Дашиќ, ќе ѝ претстават на публиката музичко патување низ делата на реномираните композитори како Вивалди, Паганини, Холст и Глас.

„Продолжуваме со идејата дека камерниот оркестар „Профундис“ ќе биде иновативен, креативен и модерен. Овој пат со концерт под свеќи којшто во моментот е вистинска атракција во 173 града ширум светот, а премиерно со овој концерт списокот се проширува и со Скопје. На наше големо задоволство како солист ќе настапи светски познатиот виолинист Марио Хосен, кој ќе ги изведе четирите годишни времиња од Антонио Вивалди, како и виртуозното дело од Никола Паганини – „I Palpiti“ кое многу ретко се изведува поради специфичната техничка виртуозност и спаѓа во топ 10 најтешки дела за изведба на виолина. Дополнително на концертот ќе има и праизведба на дело од Филип Глас. Овој концерт е повеќе од обична изведба - тоа е извонредно искуство на уникатноста на нашите сетила и универзалниот јазик на музиката!“, изјави маестра Дашиќ.
Марио Хосен, познат по својата неспоредлива виртуозност и волшебно сценско присуство, ги краси престижните сцени ширум светот заедно со врвните оркестри, вклучувајќи ги Лондонската филхармонија, Виенскиот симфониски оркестар и многу други. Со голема страст за светското музичко наследство, стручноста на Марио се фокусира на Николо Паганини, правејќи го како еден од најистакнатите толкувачи и авторитети за изведување на музиката на Паганини.

Камерниот оркестар „Профундис“ е уметнички состав кој постои веќе три години и чии цели се промоција на квалитетот и особеноста на изразот со посебен акцент на оригиналноста на сите концертни изведувања. Во него членуваат едни од најистакнатите македонски инструменталисти што се дел од двата професионални оркестри во РСМ, Националната опера и балет и Националната филхармонија.
Марио Хосен е меѓународно признат виолинист познат по својата виртуозност и сценско присуство. Со кариера која опфаќа престижни сцени ширум светот, страста на Хосен за музика ги надминува границите, плени публиката со секоја изведба.

The post Илјадници свеќи вечерва на сцената на Филхармонија за премиерното издание на „Candlelight“ – концертот под свеќи! appeared first on Република.

The post Илјадници свеќи ќе ја осветлат сцената на Филхармонија: Премиерно издание на „Candlelight“ – концерт под свеќи на камерниот оркестар Профундис appeared first on Република.

Виртуозот Роман Симовиќ – концерт-мајстор на Лондонската филхармонија и камерниот оркестар „Профундис“, под диригентската палка на маестра Ѓурѓица Дашиќ, ќе настапат вечерва во 20,30 часот во големата сала на Филхармонија.

Камерниот оркестар „Профундис“ е уметнички состав кој постои веќе четири години. Во него членуваат едни од најистакнатите македонски инструменталисти што се дел од двата професионални оркестри во земјава, Националната опера и балет и Националната филхармонија. Роман Симовиќ има настапувано во „Карнеги Хол“, големата сала на Конзерваториумот „Чајковски“, салата „Марински“ во Санкт Петерсбург, Операта во Тел Авив, салата „Викторија“ во Женева и многу други. Добитник е на престижни награди. Како солист настапува со водечки оркестри во светот.

Тој е визитинг професор на Кралската академија во Лондон и има огромно искуство како педагог. Често е раководител на мајсторски курсеви во САД, Велика Британија, Јужна Кореја, Јапонија, Австралија, Италија, Шведска, Швајцарија. Има издадено бројни цедеа, но се издвојуваат четири на кои тој е уметнички раководител на гудачите на Лондонскиот симфониски оркестар снимени за ЛСОлајв, како и неговото цеде со Виолинските каприси од Паганини за соло виолина.

Влезниците за концертот „РОМАН“ се достапни во ограничен број преку продажната мрежа на МК ТИКЕТС како и онлајн по цени кои почнуваат од 500 денари.

The post „Профундис“ и Роман Симовиќ вечерва во Филхармонијата appeared first on Република.

Виртуозниот Роман Симовиќ – концерт-мајстор на Лондонската филхармонија и камерниот оркестар „Профундис“, под диригентската палка на маестра Ѓурѓица Дашиќ, ќе настапат на концертниот спектакл „Роман“ на 16 октомври во големата сала на Македонската филхармонија со почеток во 20:30 часот.

На денешната прес-конференција по повод најавениот концерт беа презентирани деталите за овој спектакуларен настан.

Концертот дефинитивно го најавивме како спектакл поради повеќе аспекти, првиот е брилијатноста во изведбата на светски прославениот Роман Симовиќ, концерт-мајстор на престижната Лондонска филхармонија и еден од моментално водечките виолинисти во светот, чие гостување како солист на нашиот концерт уште еднаш го потврдува статусот на „Профундис“ како водечки уметнички камерен состав во Македонија, но и во регионот. Понатаму, уникатноста на програмата, па така на големата сцена на Филхармонија ќе прозвучат делата на тројцата најголеми британски композитори Вилијам Волтон, Вилијам Лојд Вебер и Ралф Вон Вилијамс, како и спектакуларните 4 годишни времиња од Астор Пјацола. Сето ова, проткаено со финеси и грациозност само какви што може да отсвират Роман Симовиќ и „Профундис“ се гаранција за концертен спектакл кој со сигурност ќе ги воодушеви присутните, изјави Ѓурѓица Дашиќ, уметнички раководител на камерниот оркестар.

На прес-конференција свое обраќање имаше и Симовиќ, кој не ја криеше возбудата за најавениот настап во Скопје.

Многу сум среќен што доаѓам во Скопје после подолг период. Возбуден сум од можноста за соработка со македонскиот камерен оркестар „Профундис“ за кого имам слушнато само пофалби и убави зборови од моите колеги, а особено драга ми е средбата со диригентката Ѓурѓица Дашиќ. Во Скопје ќе престојувам неколку дена, ќе имаме неколку заеднички проби и едвај чекам да музицираме заедно. Особено драга ќе ми биде изведбата на Пјацола, врвно и многу ефективно дело за кое ветувам дека ќе го оставам срцето и душата на сцена!“ – кажа Роман Симовиќ пред присутните новинари.

Инаку, камерниот оркестар „Профундис“ уметникува на македонската културна сцена веќе четири години, а на оваа прва официјална средба со новинарите беа презентирани и најистакнатите проекти на овој уметнички состав низ годините.

Имаме реализирано 27 концерти овие четири години, интернационални гостувања и мултимедијални спектакли, со врвни македонски солисти, но и со познати имиња од светската класична музичка сцена како Ирина Мурезану, Драган Ѓорѓевиќ – Сузуки, Јован Богосављевиќ, Огњен Поповиќ, Данијеле Ајело, Џузепе Нова, Антонио ди Кристофано, Благој Нацоски, Владимир Костор, Ема Попивода и многу други. Оставаме публиката и концертите да бидат потврда за квалитетот и вредноста која „Профундис“ ја има како изграден бренд., додаде Јане Бакевски, креативен директор во „Профундис“.

Климент Тодороски, концерт-мајстор на „Профундис“, уште еднаш ја потенцираше важноста на соработката со овој голем музички великан, за кој како што кажа, е врвен инструменталист, свири на исклучително скап и редок инструмент и му е драго што „Профундис“ ќе биде дел од листата на имиња со кои Роман Симовиќ има настапувано, упатувајќи покана кон колегите од фелата да бидат сведоци на овој мајсторски концерт.

Влезниците за концертниот спектакл „Роман“ се достапни во ограничен број преку продажната мрежа на МК ТИКЕТС како и онлајн (https://www.karti.com.mk/roman.nspx), по цени кои почнуваат од 500 денари.

The post Едвај чекам да музицираме со оркестарот „Профундис“ и маестра Ѓурѓица Дашиќ, рече виртуозот на виолина Роман Симовиќ пред концертот во Скопје appeared first on Република.

По успешните концерти во „Коларац“ во Белград и Македонската филхармонија во Скопје, патувачкиот омнибус на македонскиот камерен оркестар „Профундис“ и светски познатата виолинистка Ирина Мурезану го најавуваат следниот концертен спектакл – овој пат пред публиката во Нови Сад.

Ова е уште едно во низата интернационални гостувања на „Профундис“ оваа сезона, по спектакуларните настапи на сцената на престижниот фестивал „Раванелиус“ во Србија и „Котор Арт“ во Црна Гора.

 „Да се ​​настапува на иста сцена со Ирина Мурезану со нашата концертна турнеја во Скопје, Белград, а сега и во Нови Сад, е вистинска чест. Нејзината виртуозност и страст кон виолината се неспоредливи, а спојувајќи ги заедно со нашиот камерен оркестар „Профундис“ создаваме музичко искуство што ќе допре до срцата на новосадската публика. Концертот е прослава на универзалниот јазик на музиката и ги повикуваме сите да ни се придружат на оваа незаборавна вечер“, изјави Ѓурѓица Дашиќ, уметнички директор и диригент на камерниот оркестар „Профундис“.

Романската виолинистка Ирина Мурезану ги освојува срцата на публиката и на критичарите со нејзините возбудливи, елегантни и искрени изведби на класичниот, романтичен и модерен репертоар. Бостон Глоуб ја пофали како „не само виртуоз, туку и уметник“, а Лос Анџелес Тајмс напиша дека нејзиниот „музички сјај, топена лирика и колоритна концепција ја прават изведбата на Ирина Мурезану особено восхитувачка“. Свири на виолина од 450.000 евра и е лауреат и добитничка на главната награда на натпреварите за виолина во Монтреал Интернационал, Вашингтон Интернационал, Про Музицис Интернационал и наградата Кралица Елизабета 2.

Инаку, настанот ќе се одржи на 23 септември (сабота), со почеток во 20 часот, во Новосадската синагога, а билетите се достапни преку продажната мрежа на Gigs Tix во Србија.

Камерниот оркестар „Профундис“ е уметнички состав кој постои веќе три години и чии цели се промоција на квалитетот и особеноста на изразот со посебен акцент на оригиналноста на сите концертни изведувања. Во него членуваат едни од најистакнатите македонски инструменталисти што се дел од двата професионални оркестри во РСМ, Националната опера и балет и Националната филхармонија.

Романската виолинистка Ирина Мурезану ги освои срцата на публиката и на критичарите со нејзините возбудливи, елегантни и искрени изведби на класичниот, романтичен и модерен репертоар. Бостон Глоуб ја пофали како „не само виртуоз, туку и уметник“, а Лос Анџелес Тајмс напиша дека нејзиниот „музички сјај, топена лирика и колоритна концепција ја прават изведбата на Ирина Мурезану особено восхитувачка“, додека магазинот Страд ја нарече изведбата во Карнеги/Веил салата како „рецитал од прва класа“. Настапите на Ирина Мурезану често се цитирани како едни од најдобрите изведби на класична музика од страна на Бостон Глоуб, а нејзиниот рецитал во серијалот „Артисти во подем“ беше прогласен за еден од Топ 10 музички настани од страна на магазинот ТАБ. Свири на виолина од 450.000 евра и е лауреат и добитничка на главната награда на натпреварите за виолина во Монтреал Интернационал, Вашингтон Интернационал, Про Музицис Интернационал и наградата Кралица Елизабета 2.

The post Концертниот спектакл на „Профундис“ и Ирина Мурезану се сели во Нови Сад appeared first on Република.

Македонскиот камерен оркестар „Профундис“ заедно со виртуозната пијанистка Ема Попивода како солист, вечерва, ќе настапат на интернационалниот музички фестивал „КоторАрт“ во Котор, Црна Гора.

Навистина сме среќни што ја имаме честа да го споделиме нашето музичко творење со публиката во Црна Гора. Фестивалот „КоторАрт“ ги спојува најпрестижните уметници како од регионот, така и од светот и важи за фестивал со реноме, па затоа поканата да бидеме дел од официјалната програма претставува вистинска чест и задоволство и несомнено значаен момент во нашата уметничка кариера, вели Ѓурѓица Дашиќ, уметнички раководител и диригент на „Профундис“.

Фестивалот „КоторАрт“ со своето 21-годишно постоење се смета за еден од најголемите и најзначајните фестивали на уметноста во Црна Гора и регионот.

The post Виртуозната пијанистка Ема Попивода и „Профундис“ ќе настапат на „КоторАрт“ во Црна Гора appeared first on Република.

Во недела, 30. јули, македонскиот камерен оркестар „Профундис“ заедно со виртуозната пијанистка Ема Попивода како солист ќе настапат на интернационалниот музички фестивал „КоторАрт“ во Котор, Црна Гора.

Ова е уште едно во низата интернационални гостувања на „Профундис“ ова лето, по спектакуларниот настап на сцената на престижниот фестивал „Раванелиус“ во Србија.

Навистина сме среќни што ја имаме честа да го споделиме нашето музичко творење со публиката во Црна Гора. Фестивалот „КоторАрт“ ги спојува најпрестижните уметници како од регионот, така и од светот и важи за фестивал со реноме, па затоа поканата да бидеме дел од официјалната програма претставува вистинска чест и задоволство и несомнено значаен момент во нашата уметничка кариера.“ – изјави маестра Ѓурѓица Дашиќ, уметнички раководител и диригент на „Профундис“.

Инаку, фестивалот „КоторАрт“ со своето 21-годишно постоење се смета за еден од најголемите и најзначајните фестивали на уметноста во Црна Гора и регионот. Секоја година фестивалот е домаќин на впечатлив број меѓународни уметници, а со над 200 програми на различни локации во Котор и заливот Бока Которска, привлекува милиони посетители, со што е еден од најпосетуваните фестивали во регионот.

The post Македонска вечер на „КоторАрт“: Камерниот оркестар „Профундис“ заедно со пијанистка Ема Попивода настапуваат во Црна Гора appeared first on Република.

Во сабота, 8-ми јули, македонскиот камерен оркестар Профундис ќе настапи на еден од најпрестижните фестивали за класична музика во регионот – „Раванелиус“ во Ќуприја, Србија. Ова учество е посебно и значајно, бидејќи Профундис ќе биде дел од затворањето на овој врвен музички фестивал.

Реномираниот камерен оркестар Профундис е единствениот македонски претставник на овој фестивал, а на сцената заедно со нив како солист ќе настапи извонредниот српски кларинетист Огњен Поповиќ, исто така познат како виртуоз во своето музичко творење.

Ова е само еден од настапите кои уште еднаш го потврдуваат трудот, вредната посветеност и љубов која ја посветуваме во нашето творење и навистина со голема чест ја прифативме поканата на организаторите да настапуваме на затворањето на фестивалот на музички извонредности – Раванелиус и да ја делиме сцената заедно со најпознатниот српски кларинетист Огњен Поповиќ, изјави маестра Ѓурѓица Дашиќ, уметнички раководител и диригент на „Профундис“.

Фестивалот на музички извонредности „Раванелиус“ преставува еден од најпрестижните фестивали во регионот кој преку својот современ концепт допринесува кон развој на класичната музика. Овогодинешното издание, кое се одржува од 1-8 јули, го отвори еден од најдобрите светски виолинисти Немања Радуловиќ. Во своето четиригодишно постоење, фестивалот се закити со престижното признание „Музика класика“ за најдобар регионален фестивал во регионот и беше домаќин на преку 150 изведувачи со преку 4.000 посетители.

The post Македонскиот камерен оркестар „Профундис“ ќе го затвори фестивалот на класична музика „Раванелиус“ appeared first on Република.

Извонредни македонски уметници соединети во камерниот ансамбл „Профундис“  вчеравечер одржаа концерт пред бројната публиката на фестивалот „Охридско лето“. Солисти на вечерта беа виолинистите Анна Кондратенко и Владимир Костов, како и Петар Макариевски кој музицираше на препарирано пијано.

Прекрасната вечер под сводовите на акустичната црква „Света Софија“  ја диригираше маестра Ѓурѓица Дашиќ која  е уметнички раководител и диригент, но и идеен творец на овој камерен состав.

Камерниот ансамбл „Профундис“ е исклучителен ансамбл составен  од високи професионалци, концерт-мајстори и водачи од двата национални оркестри во Македонија, Националната опера и балет и Националната филхармонија. Задоволството да се работи со нив е исклучително, а уметничката креација е секогаш на ниво, вели Дашиќ.

За вчерашниот репертоар на „Охридско лето“ беа одбрани дела од железниот репетоар.

Репертоарот беше исклучителен, составен од две дела од железниот репертоар, „Камерната симфонија“ од Шостакович и „Табула раса за две виолини, препарирано пијано и  гудачки оркестар“ од Алво Перт. Втората композиција  е особено дело и за првпат изведувано во Македонија. Препарирано пијано значи видоизменето пијано со звук на камбана, појасни маестра Дашиќ.

Според неа, оваа недела за уметниците од „Профундис“ претставува недела на уметничка креација бидејќи за два дена ќе имаат мини-турнеја во Италија. Во октомври пак, ќе одржат концерт во Белград заедно со Белградскиот камерен оркестар.

Камерниот оркестар „Профундис“ постои веќе три години и неговите цели се промоција на квалитетот и особеноста на изразот со посебен акцент на оригиналноста на сите концертни изведувања. Во него членуваат дел  од најистакнатите македонски инструменталисти  кои се дел од двата професионални оркестри во Р. Македонија , Националната опера и балет и Националната филхармонија. Покрај класичниот репертоар, камерниот оркестар „Профундис“ се стреми кон развојот и на други начини на презентација како на пример дигитални концерти и  употреба на нови технологии.

The post Прекрасна вечер со „Профундис“ под сводовите на акустичната црква „Света Софија“ appeared first on Република.

Музичката програма на фестивалот „Охридско лето“ вечерва продолжува со концерт на камерниот ансамбл „Профундис“ од Скопје под диригентската палка на Ѓурѓица Дашиќ. Солисти на вечерта се вилинистите Анна Кондратенко и Владимир Костов и пијанистката Весна Ангелова.
Концертот ќе се одржи во црквата „Света Софија“ со почеток во 21 часот.

Камерниот оркестар „Профундис“ е „млад“ уметнички состав,кој постои веќе три години и чии цели се промоција на квалитетот и особеноста на изразот со посебен акцент на оригиналноста на сите концертни изведувања. Во него членуваат некои од најистакнатите македонски инструменталисти што се дел од двата професионални оркестри во Македонија, Националната опера и балет и Националната филхармонија. Покрај класичниот репертоар, камерниот оркестар „Профундис“ се стреми кон развојот и на други начини на презентација (дигитални концерти, употреба на нови технологии).

Ѓурѓица Дашиќ дипломира на Факултетот за музичка уметност на одделот- оркестарско диригирање во класата на проф. Саша Николовски-Ѓумар. Од 2008 година е вработена во Националната опера и балет како хор- мајстор. Учествува во поставување и во одржување на целокупниот репертоар во Националната опера. Соработува со голем број истакнати диригенти во улога на соработник и на асистент-диригент, меѓу кои и Емил Табаков, Џанлука Мартиненги, Енрико Довико, Саша Николовски-Ѓумар, Вања Николовски-Ѓумар, Урош Лајовиц и со многу други.

Како оркестарски диригент, во својата матична куќа ги диригира оперите „Рита“ од Г. Доницети , „Севилски берберин“ од Џ. Росини и традиционалниот концерт Млади оперски надежи „Коста Трпков“. Активно учествува во подготовката и во реализацијата како оркестарски диригент на првиот македонски мјузикл „Тајно моја“, во чест на Тоше Проески.

Во 2018 година го формира камерниот оркестар „Профундис“ со кој активно работи како негов уметнички раководител и диригент и реализира исклучително успешни соработки и настапи.

The post Камерниот оркестар „Профундис“ вечерва на „Охридско лето“ appeared first on Република.