Трите локални самоуправи кои не добија пари од унгарскиот кредит, Струмица, Град Скопје и Теарце, до 15 ноември можат да поднесат нови проекти и повторно да се обидат да добијат финансирање од централниот буџет. Премиерот Христијан Мицкоски апелираше градоначалниците да постапат како што постапиле сите останати.

Струмица не доби пари затоа што конкурираше со проект кој веќе е почнат и има избран изведувач и кој што е во тек. Апелирам до раководството на Општина Струмица да ја искористи можноста до 15 ноември да поднесе нови проекти кои што би можеле да ги финансираме. Понатаму Општина Теарце која поднесе проекти преку приватна имејл адреса, го повикувам градоначалникот да постапи како и сите други 79 градоначалници, на начин на кој сето тоа се прави. Имаме некомплетна документација поднесена од Општина Сарај. Очекувам до 10, 15 ноември и ова да биде отстрането. Станува збор за патна инфраструктура во едно населено место, мислам дека е Ласкарци и плус еден водовод. Очекувам до 10, 15 ноември и тоа да биде надминато - рече премиерот Мицкоски.

Тој не гледа политика во одбивањето на проектите поднесени од градоначалничката на Скопје, Данела Арсовска.

Град Скопје се одбиени бидејќи конкурираа со проекти кои се некомплетни. Бараат автобуси, бараат средства за одржување на хигиена на улиците, а истовремено веќе имаат од Владата пренесени околу 10 милиони евра, 600 милиони денари, кои стојат на сметката за реализација на една капитална инвестиција, булеварот Хасан Приштина. Веќе две години за жал ништо не е направено по таа основа. Очекувам во следниот период и таму да се подобрат инвестициските перформанси - рече денес премиерот при посетата на Радиовце, општина Брвеница.

По одбивањето на проектите, градоначалникот на Општина Струмица, Костадин Костадинов, обраќајќи им се на струмичани, рече дека нивниот град повторно е трн во окото и дека против нив е отворен фронт кој ќе биде зачеток на нов порив за слобод

The post Струмица не доби пари оти конкурирала со веќе почнат проект, Мицкоски апелира до 16 ноември да поднесат нови проекти appeared first on Република.

По извршената евалуација од страна на ресорните министерства, Владата соопшти дека одлучила оваа година да бидат финансирани вкупно 274 проекти во 77 општини, со вкупна вредност од нешто над четири милијарди денари или околу 65 милиони евра.

Владата изрази благодарност на општините за максималната посветеност и ангажираност, што само ја докажува нивната способност и волја за инфраструктурен напредок, за што, во изминативе години немале можност поради ограничените финансиски средства. Почнувајќи од оваа година и во наредните години, на општините им се отвара нова можност да ги реализираат приоритетните проекти, да ги подобрат основните услови за живеење за граѓаните, да можат општините да се развиваат побрзо и да се создаваат нови можности за граѓаните, стои во владиното соопштение.

Фазата на евалуација не ја поминаа само четири општини: Струмица, Град Скопје, Теарце и Сарај.

The post Владата одобри 65 милиони евра за 274 проекти во 77 општини – евалуацијата не ја поминаа Струмица, Град Скопје, Теарце и Сарај appeared first on Република.

На денешната седница на Владата ќе се доносе одлука и формално процесот на селекција на проектите од општините е завршен за користење на парите од заемот од Унгарија, истакна на денешната прес-конференција премиерот, Христијан Мицкоски, кој одговараше на новинарско прашање, кога општините ќе можат да ги искористат овие средства за инфраструктурни проекти.

Мицкоски истакна дека до крајот на месецот надлежните институции ќе ги потпишат договорите со општините, со што ќе почне имплементацијата на, како што наведе историскиот проект кој првпат се случува кај нас.

Министерот за транспорт и врски Александар Николоски, пак, денеска од Велес истакна дека околу 90 проценти од проектите на општините кои ги доставија за користење на парите од заемот од Унгарија ќе бидат изгласани и одобрени на денешната седница на Владата.

Не сакам да звучам амбициозно, но мислам дека е многу веројатно. Најголем дел, ако не и сите да ги изгласаме на денешната седница на Влада. Од тука одам на седница на Влада, преку 90 проценти од проектите се кај мене во Министерството за транспорт и истите заедно со тимот во Министерството за транспорт ги завршивме. Сакам да се заблагодарам на целиот тим којшто работеше на оваа работа навистина завршија огромна работа и на мојот кабинет којшто целосно се вложи во оваа работа, така што проектите од страна на Министерството за транспорт се одобрени, остануваат другите министерства да ја завршат својата работ, изјави Николоски.

Тој истакна дека се надева оти денес попладне може да излезе со информација дека проектите се усвоени на седница на Влада. Општините во земјава на располагање имаат околу 250 милиони евра за реализација на капитални инфраструктурни проекти.

The post Денес ќе се одлучува кои општини и проекти ќе добијат од унгарските пари appeared first on Република.

Министерството за култура и туризам утре ќе ги објави Конкурсите за поддршка на проекти од национален интерес во културата на кои заинтересираните апликанти до 31 октомври ќе може да се пријават електронски преку националниот портал за е-услуги.

Министерот Зоран Љутков денеска на прес-конференција рече дека конкурсите се реформски и со промени во начинот на финансирање, со што, како што рече, се прави „квалитативен наместо квантитативен исчекор во културата“.

Новина е што прецизно е утврдено кој вид проект со колку средства максимално може да биде подржан, а промените се направени по анализи за досегашното финансирање, во консултации со засегнатите кои и досега се пријавувале на конкурсите и по укажувања на Државниот завод за ревизија.

Оценката на проектите ќе се врши согласно исполнувањето на општите услови кои се исти за сите подносители на проекти, како и исполнувањето на посебни услови што се јасно утврдени за секоја област поединечно. Согласно видовите на проектите и во функција на транспарентна распределба на средствата, во пријавите во годишните конкурси оваа година прецизно е утврдено кој вид на проект со колку средства максимално може да биде поддржан. Повеќе нема да има огромни дискрепанции во поддршката на проекти од ист вид, туку согласно анализите на претходно реализираните проекти, ќе бидат субвенционирани реалните потреби и трошоци за проектите - рече Љутков.

Во програмска смисла, новина оваа година е тоа што во годишните конкурси нема да се финансираат интердисциплинарните проекти и креативните индустрии и за нив Министерството, рече тој, ќе преземе други мерки и активности по препорака од Државниот завод за ревизија.

Министерот истакна дека буџетот за областите и активностите од културата за 2025 година е зголемен за 70 милиони денари и дека во првите 100 дена направиле, како што рече, вонредни напори со ребалансот на буџетот да ги сервисираат тековните обврски, со оглед на тоа што во јуни затекнале буџет во лоша состојба.

Да не ги пренесуваме во наредната година и да ја започнеме 2025 година со обезбедени средства за поддршка на квалитетни проекти во функција на развој, промоција и афирмација на нашата култура - рече Љутков.

Министерството за култура и туризам првпат оваа година донело посебни акти кои се поврзани со постапката за спроведување на Годишните конкурси за 2025 година.

Соопшти дека е донесено е Упатство за утврдување на видовите на проектите што ќе се поддржуваат, приоритетите, условите за учество, мерилата и критериумите за оцена на проектите, како и Упатство за критериуми за именување членови на комисиите што ќе вршат оцена на пристигнатите проекти на конкурсите. Стручните комисии по области ќе бидат и јавно објавени. Целта е на најтранспарентен начин да се овозможи објективна и издржана евалуација на апликациите и да се поддржат квалитетни проекти кои, рече министерот, ќе придонесат за развојно поместување на културата во нашата држава.

Додаде и дека во отсуство на донесена Стратегија за развој на културата, овие конкурси ќе бидат значајни зашто преку нив ќе бидат исцртани контурите на културната политика што ќе се спроведува во наредниот период.

Нашата заложба е преку годишните конкурси да ја поддржиме уметничката извонредност, да ја поттикнеме креативноста во творештвото, да ги промовираме врвните изведувачи и младите таленти, да обезбедиме заштита и одржлив развој на културното наследство, да бидеме видливи и препознатливи во европскиот културен контекст, истакна министерот за култура и туризам.

Техничките упатства и поддршка при регистрирањето, кандидатите што ќе аплицираат ќе може да најдат на веб-страницата uslugi.gov.mk и преку контакт-центарот на е-услуги.

На располагање за помош на тие што ќе аплицираат со проекти ќе бидат одделенијата односно секторите во Министерството за култура и туризам кое на својата веб-страница ќе ги објави контактите на задолжените лица и нивните е-адреси.

Исто така, во Охрид, Битола, Штип, Струмица, Гостивар и Скопје, а по можност и во други градови, во наредните денови ќе бидат организирани информативни сесии во врска со пријавувањето за заинтересираните кои сакаат да аплицираат на конкурсите.

The post Конкурсите за поддршка на проекти од културата ќе бидат објавени утре, новини во начинот на финансирање appeared first on Република.

Вкупно 80 општини аплицираа на јавниот повик на Владата за добивање средства за реализација на инфраструктурни проекти во општините, поднесени се 358 предлог проекти, наредниот период ќе следува процес на евалуација, соопшти денеска министерот за локална самоуправа, Златко Перински кој со министерот за јавна администрација, Горан Минчев и претставникот од ЗЕЛС и градоначалникот на општина Куманово, Максим Димитриевски учествуваа на втората јавна дискусија од кампањата „Сите заедно за професионална и квалитетна јавна администрација“.

Одговарајќи на новинарски прашања Перински рече дека сите општини имале еднаква можност да се пријават со проекти на повикот кој заврши пред неколку дена. Фазата на евалуација ќе трае помеѓу седум и десет дена.

Веќе сме во фаза на колектирање на проектните документации во рамки на ресорните министерства тој десетдневен период завршува во понеделник и потоа почнува фазата на евалуација којашто ќе се случува повторно во рамки на ресорните министерства. Нашите очекувања се дека фазата на евалуација ќе трае не повеќе од седум до десет дена и веќе очекуваме првата недела во следниот месец предлог проектите за финансирање да бидат доставени од страна на ресорните министерствата на усвојување на владина седница, рече министерот за локална самоуправа.

Тој кажа дека вчера имале и состанок на со координативното тело во кое членуваат и ресорни министерства во однос на потребната документација која требало да ја достават општините.

Вчера имавме состанок на координативното тело во којшто членуваат и ресорните министерства повеќе од 50 проценти од општините коишто ги имаат поднесено апликативен формулар во рамки на министерството за локална самоуправа веќе ги имаат доставено своите предлог проекти, очекуваме уште неколку дена кои остануваат до истек на рокот да ги достават сите локални самоуправи, практично да го заокружиме процесот, изјави министерот Перински.

The post Перински: 80 општини поднесоа 358 предлог проекти, фазата на евалуација ќе трае од седум до десет дена appeared first on Република.

Вкупно 71 општина, со околу 330 предлог проекти аплицирале досега на јавниот повик за финансирање на проекти од инфраструктурен карактер кој што е наменет за сите единици на локална самоуправа во висина од шест милијарди денари, средства обезбедени согласно ребалансот на Буџетот.

Како што информираше министерот за локална самоуправа, Златко Перински, се чека на апликациите кои биле испратени по пошта, за да може во целост да се затвори јавниот повик.

Морам да изразам огромно задоволство затоа што интересот беше навистина голем. Практично, мислам дека и нема да остане ниту една општина која што нема да аплицира за овие средства и ова само ни ја потврдува политиката на Владата дека навистина на локалните самоуправи им треба помош и интервенции од страна на централниот буџет за да им се постави основата т.е. оние проблеми што ги имаат со инфраструктурата во иднина да се коригираат, да се санираат и навистина да изградиме на еден начин модерни услови за живеење во рамки на целата територија на Република Македонија, рече министерот Пирински во изјава за медиуми пред настанот за нула цврст отпад во Општина Аеродром.

Информираше дека по затворањето на повикот, има десетдневен рок каде што локалните самоуправи треба да ги достават предлог-проектите во целост со пропратната документација како што се одобрение за градба до ресорните министерства и потоа почнува процесот на евалуација за кој ресорните министерства формираат евалуциски комисии.

Перински рече дека основната замисла на јавниот повик не е да се набавуваат основни средства, туку да се интервенира во инфраструктурата

Поентата на овој јавен повик беше онаму каде што самите локални самоуправи немаат доволно средства да инвестираат во подобрување на водоводната, канализационата, патната инфраструктура, во делот на образованието тоа да го направат преку оваа можност која што им ја даваме преку централниот буџет. Тоа е главната и основна замисла на проектот, рече тој.

На прашањето дали имаат добиено некој проект од Град Скопје, министерот одговори дека за тоа треба да се види во процесот на евалуација.

Процесот на евалуација се работи во рамките на ресорните министерства. Градот Скопје ние го гледаме како една од единките на локалните самоуправи, не го издвојуваме затоа што нема ни потреба. Така што, што ќе одлучат евалуциските комисии тоа ќе го дадат како предлог на усвојување до Владата и ќе видиме што ќе се усвои, рече тој.

Во однос на прашањето како го коментира извештајот кој покажува дека загадениот воздух е причина за смртност на бебиња, Перински одговори дека токму ова е еден од проектите со кој се трудат да ја подобрат сликата во делот на подобрување на капацитетите на почиста и поздрава животна средина.

Свесни сме сите, и ние како Влада, и како градоначалници во делот на локалните самоуправи дека проблемот со загадениот воздух не е од вчера, туку континуирано трае низ годините наназад и дека навистина треба по ова прашање да направиме некаков исчекор во периодот што ќе следи, нагласи тој.

За решавањето на проблемот со загаденоста во Скопје одговори дека е тема на која ќе се дискутира на следните седници на Влада.

Би требало да се дискутира како една тема на следните седници на Влада, но ве молам имајте во предвид дека тоа не е во мој ресор. Јас не бегам од одговорност или од можност да придонесам доколку можам согласно моите законски ингеренции. Се надевам дека на една од следните седници на Влада ќе се отвори ова прашање и ќе се разговара во пресрет на зимата која што ни претстои, рече министерот Перински.

The post Перински: Досега 71 општина, со околу 330 предлог проекти аплицирале на повикот за инфраструктурни проекти appeared first on Република.

Град Скопје денеска до Министерството за локална самоуправа достави 20 проекти согласно објавениот јавен повик за поддршка од Владата, со цел унапредување на квалитетот на живот на жителите на Скопје.

Поднесени се проекти во повеќе области со фокус на подобрување на јавниот превоз, развој на градската патна инфраструктура, противпожарната заштита, јавната хигиена, информациски технологии и дигитализација, како и од областа на културата, соопшти Градот.

Во областа сообраќај, Град Скопје поднесе проекти за 80 еколошки ЦНГ автобуси и 15 електрични автобуси. Во областа на противпожарната заштита, Град Скопје аплицираше за обезбедување финансиски средства за нови противпожарни возила.

Во сферата на урбанизмот и развој на патната инфраструктура, аплицираше со проекти за реконструкција на улица Беласица, изградба на булевар Македонско Косовска Бригада од раскрсница со булевар Никола Карев до раскрсница со булевар Босна и Херцеговина, кружен тек на улица Ѓорче Петров со булевар Македонска војска, изградба на кружен тек на булевар Александар Македонски, изградба на кружни текови на булевар 12-та Македонска бригада, реконструкција на булевар Србија и проект за надградба на постојната градежна механизација.

Од областа на комуналните дејности, Град Скопје поднесе проекти за зајакнување на капацитетите на јавните претпријатија Комунална хигиена и Паркови и зеленило, како и за реконструкција на стакленици за производство на садници. За секторот култура и спорт, Град Скопје аплицираше со проекти за реконструкција на планетариумот и изведба и поставување на трим тартан атлетска патека по должината на кејот на реката Вардар.

Со цел имплементирање повисок степен на дигитализација и информациски технологии, Град Скопје поднесе проект за LoRaWAN инфраструктура и за систем за паметно мерење и управување со електрична енергија на град Скопје“, наведе Градот во соопштение.

Оттаму велат дека се надеваат на успешна соработка со централната власт во насока на заедничка реализација на проектите со цел напредок на градот и подобар живот на граѓаните на Скопје.

The post Арсовска поднесе 20 проекти на владиниот повик: Предлози за автобуси, хигиена, обнова на улици… appeared first on Република.

Премиерот Христијан Мицкоски денеска во изјава за медиумите рече дека средствата од Буџетот што ќе бидат наменети за општините ќе им бидат префрлени на локалните самоуправи откако тие ќе достават проекти и точно ќе се знае за кој проект, колку средства ќе бидат наменети.

Средствата ќе бидат префрлени до општините откако претходно општините ќе достават проекти на наменска сметка, нема да бидат префрлени на редовна сметка на општините за тие да ги користат за тековно работење – за плати или плаќање на стари долгови, изјави Мицкоски одговарајќи на новинарски прашања по ставањето камен-темелник на нова градинка во општина Бутел.

Најави дека многу скоро ребалансот на Буџетот ќе се најде во собраниска процедура и точно ќе се знае како и од која ставка ќе бидат обезбедени средствата.

Имаме граѓани кои, за жал, во 21 век немаат вода за пиење во центарот на урбаните средини, да не зборувам за канализациски организирани средини, игралишта за најмладите, спортски или со детски играчки, улици, булевари, се уште по кал се гази. Тоа се проектите што ќе бидат финансирани од оваа Влада, рече Мицкоски.

Во однос на инвестицијата со ветерниот парк што ја презентираше на вториот ден од изборот на Владата, Мицкоски рече дека се е согласно закон и дека земјиштето нема да се оттуѓи, туку ќе му биде дадено на располагање на инвеститорот.

Се е по закон, никакви привилегии, никакви права и никакви обврски немаат граѓаните, ниту државата. Ние не бевме против Чебрен, туку бевме против процедурата со која што потенцијалниот инвеститор, би рекол, практично беше измамен од страна на тендерската комисија којашто го имаше подготвено тој повик бидејќи едни биле условите на почеток, а други на крајот на таа процедура, рече Мицкоски.

За изградбата на „Чебрен“, рече дека негов личен став е дека треба државата да има ваква акумулација и дека треба да се обезбедат средства и сами да го градиме овој објект.

И во предизборието кажавме и сега ќе кажам - треба да одлучиме дали „Чебрен“ сакаме како држава да го градиме за тоа да земеме финансии и како држава да го градиме или ќе бараме приватен инвеститор којшто ќе го изгради проектот од почеток до крај без какви било концесии коишто ќе дојдат од државна страна. Тоа е она кое што како држава треба да расчистиме и како Влада да го направиме. Длабоко сум убеден дека на Македонија и како држава и е потребен уште еден резервоар за вода, односно да се изгради уште една акумулација што ќе биде потенцијален резервоар за вода, бидејќи имајќи ги предвид климатските промени и годините што следат, тоа ќе ни биде потребно за идните генерации, истакна Мицкоски.

Реализацијата на овој проект, според Мицкоски, ќе обезбеди и дополнителен капацитет за наводнување на Тиквешкото Поле и туристички потенцијал односно изградба на викенд населби, хотели итн., коишто ќе можат да привлечат голем број туристи.

The post Точно ќе се знае за кој проект, колку пари ќе бидат наменети, вели Мицкоски за средствата што ќе им бидат дадени на општините appeared first on Република.

Голем предизвик и мотив е водење на листата во изборната единица 2, се чувствува енергија, народот се сплотува и тоа е многу добро. Ќе водам позитивна кампања, со многу работа ќе можеме многу да направиме во програмата најавуваме 1198 проекти, програмата е наречена Платформа 1198, но и се што им треба на граѓаните, а го нема во програмата ќе го реализираме, рече потпретседателот на ВМРО-ДПМНЕ, Владо Мисајловски на гостување во емисијата За или против што се емитува на телевизија Алфа.

На прво место ни се граѓаните и мислам дека ќе имаме еден од најдобрите резултати во историјата. Сакам да покажеме дека заеднички можеме многу да направиме. Ќе имам многу средби со граѓани, јас сакам да сум со народот - кажа Мисајловски.

Според Мисајловски, расположението кај граѓаните е големо за овие претстојни избори.

СДСМ и ДУИ направија мизерија во општеството, направија небезбедност, црнила. Тие и на овие избори лажат, како што правеле претходно. Ние кога ветуваме исполнуваме, ние велиме 5.000 денари за пензионерите и тие ќе ги имаат на сметка во првата година од владата на ВМРО-ДПМНЕ, за учениците ќе има книги и слично. За младите пак ќе ја возобновиме и подобриме мерката Купи куќа за да можат младите да дојдат полесно до свој дом. Дополнително, за секоја жена без разлика на имотната состојба или бројот на деца што ги има родено доколку сака ќе добие до 6 бесплатни ИН ВИТРО. Ќе има пари за нови фасади на куќите и зградите. Ќе биде завршен и автопатот Кичево-Охрид, ние го почнавме ние ќе го завршиме - посочи тој.

Потпретседателот Мисајловски укажа дека рејтинзите покажуваат дека животот е се полош.

Нашиот рејтинг е секој ден поголем, но еве да ги оставиме и рејтинзите, ние да работиме со граѓаните да видат дека сум тука за нив. И расположението кај граѓаните точно дека е против оваа се уште актуелна Влада на СДСМ и ДУИ. Единствена влада која може нешто да направи по претстојните избори е само влада на ВМРО-ДПМНЕ. Секој глас повеќе за нас значи одење во историја на СДСМ и ДУИ, нивниот криминал, корупција - изјави Мисајловски.

The post Мисајловски: За најмладите ќе има учебник за секој ученик, а за пензионерите ќе има 5.000 денари на сметка во првата година од владата на ВМРО-ДПМНЕ appeared first on Република.

ВМРО-ДПМНЕ се обврзува на намалување на невработеноста до 7.5% и до 5% годишен раст на економијата.

ВМРО-ДПМНЕ проектира дека како идна влада ќе креира 55.000 нови работни места, со што невработеноста ќе се сведе на едноцифрена, т.е. на 7.5%. Тоа ќе се постигне со раст на економијата од 5% годишно.

Идната влада на ВМРО-ДПМНЕ ќе креира 10 годишна нова стратегија за привлекување на гринфилд и браунфилд инвестиции и ќе направи реформа во системот на поддршка на странските инвестиции и на извозот.

Економија ќе расте, продуктивноста ќе се зголемува, платите на граѓаните и благосостојбата ќе достигнат нови височини.

Во период од 4 години ќе се заложиме за намалување на буџетскиот дефицит и негово потиснување под 3% на годишно ниво.

Време е да ја вратиме државата на народот, велат од ВМРО ДПМНЕ.

The post ВМРО-ДПМНЕ во програмата Платформа 1198 се обврзува на нови 55 илјади работни места и до 5% годишен раст на економијата appeared first on Република.

Министерката за култура Бисера Костадиновска Стојчевска ги советува носителите на проекти во Младинскиот културен центар (МКЦ) – Скопје кои користат средства преку Министерството за култура да ги одложат проектите доколку се во можност додека да се реши проблемот со ангажманот на 30 хонорарни соработници во МКЦ на кои од почетокот на месецов не им се продолжени договорите.

Одговарајќи на новинарско прашање Костадиновска Стојчевска рече дека одредени проекти се во опасност затоа што треба да се реализираат во овој период, истакнувајќи дека за статусот на хонорарните соработници треба да одговори Државната комисија за спречување на корупцијата (ДКСК).

-Бев исконтактирана од неколку корисници на проекти од МКЦ кои користат средства преку Министерство за култура преку нивната програма и од нив ми беше кажано дека ќе се обратат до Министерството за култура. Меѓутоа, се уште немаме конкретен одговор, затоа што тоа не е нешто што треба да го одговори Министерството за култура, туку Државната комисија за спречување на корупцијата. Од она што јас го имам како информација е дека тие се хонорарци кои се ангажираат месец за месец и токму тука настанал проблемот иако на нив како што слушнав од медиумите директорот им ветил дека по изборите ќе им ги продолжи договорите, рече Костадиновска Стојчевска.

Таа дополни дека има одредени проекти кои се во опасност затоа што треба да се реализираат во овој период.

Ги советувавме корисниците дека е најдобро да го одложат одржувањето на проектите за после изборите, доколку е можно, за да може овие долгогодишни соработници на МКЦ, да се вратат назад на работа и да ги реализираат проектите. Тоа може да советуваме од Министерство за култура, сепак за нивниот статус ќе мора да одговори ДКСК, изјави Костадиновска Стојчевска, која беше на увид во почетокот на реновирањето на просторот доделен на НУ Национален џез оркестар.

Раководството на МКЦ Скопје, според објавите во медиумите, не ги продолжило договорите на хонораците по известување од ДКСК дека согласно со членот 8 -а од Изборниот законик, во изборен процес е противзаконски да се злоупотребува буџетот на установата.

The post Костадиновска Стојчевска: Да се одложат одредени проекти во МКЦ додека да се реши статусот на хонорарците appeared first on Република.

За да ги покријат трошоците на кризата во 2022 година, Владата и општините скратиле од граѓаните наместо порационално да ги трошат буџетските пари. Откажани се витални проекти вредни 220 милиони евра. Ова го покажаа истражувањата на Центарот за граѓански комуникации, Здружението на даночни советници и Активо, во врска со последиците од зголемените буџетски трошоци од кризата во 2022 година врз области кои влијаат врз животот на граѓаните, и на национално и на општинско ниво.

За покривање на дополнителните расходи што ги наметна енергетската криза во 2022 година, Владата и општините вкупно жртвува проекти кои се од важност на граѓаните во вредност од најмалку 220 милиони евра. Владата жртвуваше проекти од најмалку 170 милиони евра како што се: реновирање на здравствени установи, купување медицинска опрема, изградба на детски градинки и домови за стари лица, изградба на патишта, реконструкција на студентски домови, како и проекти за унапредување на животната средина. Дополнителни 50 милиони евра капитални проекти требало да се реализираат од локалните власти, говорат клучните наоди од истражувањата на невладините организации.

За да се прикрие ударот на енергетската криза врз капиталните инвестиции во 2022 година, дури 28 отсто од капиталните расходи односно 130 милион евра биле потрошени за исплати кои не може да се сведат под категоријата „капитални“, како што се исплатите кон АД Електрани за надминување на енергетска криза, како и плаќања на гаранции по рати за кредити на државните претпријатија.

Вкупните пријавени финансиски обврски на буџетските субјекти само во 2022 година се зголемиле за нови 186 милиони евра, односно за 30 отсто, со што достигнаа вкупен износ од 800 милиони евра.

Наспроти кратењето на проекти од важност за граѓаните, локалните власти се однесувале како да не е криза кога станува збор за трошоците за патни расходи, плати, договорни услуги и привремени вработувања кои дури пораснаа во 2022 година, истакнуваат од Центарот за граѓански комуникации, Здружението на даночни советници и Активо.

Проектот на невладините организации е поддржан од Владата на Швајцарија преку Цивика мобилитас.

The post Владата и општините скратиле 220 милиони евра од проекти битни за граѓаните во 2022 година appeared first on Република.

Генералниот директорат за соседство и преговори за проширување официјално го извести вицепремиерот за европски прашања и Национален ИПА координатор, Бојан Маричиќ за трите проекти кои беа одобрени на 30 јуни 2023 година на состанокот на Оперативниот борд на Инвестициската рамка за Западен Балкан.

Инвестициската рамка за Западен Балкан (WBIF), во која аплицираме на секој повик и во која имаме редовно поддршка на проекти, одобри 24 милиони евра грантови за три проекти, два во секторите енергетика и еден во транспорт, кој се однесува на Коридорот 8 за изградба на експресниот пат Крива Паланка – Страцин. Грантот е во износ од 14 милиони евра, а вкупната инвестиција од 36,7 милиони евра е поддржана со заем од Светска банка.

Во областа на енергетиката станува збор за два проекти, од кои едниот за енергетска ефикасност во јавниот сектор, грант е во износ од 2,2 милиони евра, а вкупната инвестиција од 27,5 милиони евра, која е поддржана со заем од Светска банка. Грантот е побаран за да може да се интервенира и зголеми енергетската ефикасност на 18 здравствени објекти и тоа 4 во Скопје и Валандово, Крива Паланка, Герман, Злетово, Кратово, Пехчево, Штип, Пробиштип, Демир Хисар, Демир Капија, Долни Дисан, Ресен, Лозово, Неготино, Дебар.

Вториот грант од секторот енергетика е од 8 милиони евра е за зајакнување на мрежата за пренос на струја во југоисточен регион, со вкупна инвестиција од 34,7 милиони евра, поддржана со заем од ЕБРД. Целта на проектот е да се овозможи приклучок на мрежата за струја произведена од обновливи извори на енергија од хидроцентрали, соларни централи, ветерници и со тоа се зголеми независната на земјата за производство на сопствена струја.

Вицепремиерот Маричиќ вели дека ваквата поддршка од ЕУ, во конкретни проекти, е доказ дека пристапниот процес и членството во ЕУ не е само политички, туку и економски процес, со конкретни придобивки за граѓаните.

Во текот на летото, Европската комисија ќе промовира околу 20 гарантни фондови за приватниот сектор за да се поттикне развојот на претпријатијата во Западен Балкан, да се подобри нивното работење и да се одржат приватните инвестиции. Досега Европската комисија помагаше во пристапот кон финансии а во наредниот период ќе го преземе и ризикот од инвестициите за да го олесни и подобри приватниот сектор. Дополнителни информации за овие гаранции ќе се објават во септември годинава.

Вкупно одобрените проекти за земјите од Западен Балкан се во износ од 528 милиони евра со вкупна инвестиција од 2,1 милион евра. Сите одобрени проекти се во насока на спроведување на Економскиот и Инвестициски план за Западен Балкан промовиран од Комесарот за проширување Вархеји во 2020 година.

Од Секретаријатот за европски прашања информираат дека ДГ НЕАР ги достави деталите критериумите за новиот 9-ти по ред повик за инвестициски грантови во рамките на Инвестициската рамка за Западен Балкан, наменет за проекти од железница. Согласно критериумите на овој повик, земјите можат да аплицираат со проекти за рехабилитација на постоечката и изградба на нови одржлива и паметна инфраструктура на главните и продолжените ТЕН-Т железничка мрежа.

Максималниот износ на кофинансирање од инвестициската рамка за Западен Балкан е 50% од вкупната инвестиција а останатите средства треба да бидат обезбедени од заеми од Меѓународните финансиски институции согласно правилата за спроведување на Инвестициската рамка за Западен Балкан.

The post Маричиќ: Нова европска финансиска поддршка за три проекти со вкупна инвестиција од 98.9 милиони евра appeared first on Република.

Му честитам на градоначалникот, да честитам на советниците, на администрацијата овдека во општина Кавадарци бидејќи сето ова кое што се работи претставува како што кажа и Митко лицето како треба еден градоначалник, еден градски татко заедно со советниците и со општинската администрација да работат за интересите на градот, изјави при денешната посета на Кавадарци во рамките на активноста „Промените на дело“ лидерот на ВМРО-ДПМНЕ Христијан Мицкоски.

-Добар ден од мене, ќе ми дозволите да му честитам на градоначалникот, да честитам на советниците, на администрацијата овдека во општина Кавадарци бидејќи сето ова кое што се работи претставува како што кажа и Митко лицето како треба еден градоначалник, еден градски татко заедно со советниците и со општинската администрација да работат за интересите на градот.

Не помалку важно е значењето и на пратеникот кој што доаѓа од општина Кавадарци, кој што можам да кажам дека секојдневно се бори во рамките на македонскиот Парламент да обезбеди проект плус, финансии плус кои што би можеле да од страна на централниот буџет дојдат до локалниот буџет овдека во општина Кавадарци.

За жал имаме Влада таква каква што имаме, онаму каде што се градоначалниците од редовите на ВМРО-ДПМНЕ како што е тука во Кавадарци, како што е Митко Јанчев, тие гледаат повеќе да им одмогнат отколку да им помогнат, како да станува збор за туѓи некои жители, како да станува збор за туѓи општини, а не општини во Република Македонија чија што влада треба да ги поддржува и чија што влада треба да се грижи за секој еден жител во Македонија.

За жал оваа Влада предводена од ДУИ и помалиот коалиционен партнер СДСМ тоа не го прави.

Така што морам да сумирам дека сите овие проекти кои што се сработени овдека во Кавадарци, кои што се отпочнати со работа и кои што треба да се дозавршат ја заокружуваат целината на предизборните ветувања кои што беа дадени за време на кампањата во 2021 година. И од она кое што го разговаравме со Митко ние и предвреме најголем дел од таа Програма, ако не и целосно ќе биде реализирана. Така што веќе се размислува за идниот развој на Кавадарци, која што идната Влада на ВМРО-ДПМНЕ ќе го овозможи.

Така што уште еднашка дозволете ми да им честитам и на Митко, да честитам на Зоки овдека, на советниците, на администрацијата за сето она кое што го прават тука во Кавадарци за кавадарчани. И да им посакам уште многу вакви успешни проекти, уште многу проекти кои што ќе значат поквалитетен живот на кавадарчани, изјави Мицкоски.

The post Мицкоски: Со ова темпо на реализација на проекти во општина Кавадарци, укажува дека Програмата целосно ќе се реализира appeared first on Република.

Покрај ниската оценка за растот во 2023 година од 2,0% и во 2024 година од 3,1%, како и прогнозата за задржување на висока инфлација од 7,9% во 2023 година, во Европската економска прогноза издадена вчера од Европската комисија во делот за Македонија стои: „Во 2023 година се проектирани 70% повеќе капитални расходи во споредба со реализираните од 2022 година, иако имплементацијата веројатно ќе остане делумна“, велат од ВМРО-ДПМНЕ.

-Во продолжение во делот за ризици стои дека „…изгледите за раст би можеле да бидат попречени доколку амбициозната инвестициска агенда на Владата се соочи со значителни пречки поради постојаните недостатоци во управувањето со јавните инвестиции“. Ова јасно укажува дека ниту Европската комисија нема доверба во капацитетот на оваа Влада за инвестиции и висoка реализација на капиталните расходи. Европската комисија со ова исто укажува на континуираната неспособноста на оваа Влада во управувањето со јавните инвестиции. Па што ќе се смени оваа година? Зар некој верува на пиарот на Владата за изградба на коридорите 8 и 10Д? – се наведува во партиското соопштение.

The post ВМРО-ДПМНЕ: И Европската Комисија со скепса за реализацијата на капиталните проекти на Владата appeared first on Република.

Данела Арсовска се налутила зошто сум објавил реконструкција на улица „Радишанска“ која јас лично сум и ја дал како приоритет, па напишала соопштение со отсуство на срам.

Кога Арсовска говори за срам, треба да знае дека отсуство на срам е кога пред изборите ќе ја носиме на маалски средби, заедно ќе ветуваме проекти, ќе работиме за да седне во фотелјата каде удобно седи, а потоа ќе заборави на сите ветувања кои им ги даде на луѓето кои ја направија градоначалник.  А, потоа кога ќе ја потсетиме за тоа, ќе бидеме прогласени за виновни.

Отсуство на срам е и кога ќе заборави дека како мало дете во градинка ја носевме низ Радишани за да добие гласови за кои сега од Градот добиваат затворена врата, а најголемо отсуство на срам е кога ќе заборави дека ние бевме таа структурата која таа ја молеше за вториот круг од изборите да одработат за повеќе гласови и за убедлива победа.

Отсуство на срам е однесувањето кога сето ова ќе биде заборавено, но затоа јас сум тука да ја потсетам за секој проект важен за Бутел, и се допаѓало тоа на Арсовска или не.

Впрочем мило што Арсовска ја цитира програмата „За модерно Скопје“, за која сум убеден дека ја прочита конечно откако стана градоначалничка. Сега остана барем нешто да реализира.

Да и повторам на Арсовска, горд сум на секој проект реализиран од Градот кој јас лично ти го истакнав како приоритет, бидејќи ти не знаеше каде се наоѓа општина Бутел, камо ли да ги знаеш маките на граѓаните.

А да, за тоа кој колку е успешен единствено ќе видиме на локалните избори за три години.

The post Костовски до Арсовска: Горд сум на секој проект реализиран од Градот кој јас лично ти го истакнав како приоритет, бидејќи ти не знаеше каде се наоѓа општина Бутел appeared first on Република.

НУ Музеј Куманово доби вкупно милион и шестотини илјади денари од Министерството за култура за реализирање проекти од годишната програма за тековната година, соопштија од установата.

Меѓу проектите, поодделно одвоени се милион денари за музејска дејност и заштита на нематеријалното културно наследство, за реализирање 16 проекти од областа на етнологија, археологија, историја.
За ликовна уметност за реализација на пет проекти поддржани со 420.000 денари, за издавачка дејност и литература 100.000 денари за музејски гласник, за меѓународна дејност се одвоени 80.000 денари.

Генерално задоволни сме од она што го понудивме и она што ни е одобрено од Министерството за култура како годишна програма за 2023 година, изјави директорот на НУ Музеј Куманово, Мери Николиќ.

Дел од проектите продолжуваат, некои се нови, појаснуваат од Музејот. Вкупно одобрени се 23 проекти. Меѓу одобрените проекти е продолжување на минатогодишните археолошки истражувања на двата локалитети „Градиште“ Младо Нагоричане и локалитет во село Пчиња.

Во текот на годината ќе се работи на истражување од областа на етнологија, конзервација на музејски материјал, теренски евиденции во служба на заштита на локалитетите и ќе има едукативни работилници наменети за помладата публика како и историски истражувања. И летово ќе се одржи ликовната колонија „Куманово 2023“, изложбите од претходна колонија, на кумановските ликовни уметници.

Во текот на годината Музејот, спомен куќата на Христијан Тодоровски Карпош, останува отворен за посетителите во работно време, а секој последен четврток во месецот е бесплатен за студенти и ученици. Меморијалниот центар Пелинце и Кокино работат од вторник до сабота и заинтересираните посетители можат да си закажат водич.

The post Музеј Куманово доби сретства за продолжување на минатогодишните археолошки истражувања на локалитетите „Градиште“ Младо Нагоричане и во село Пчиња appeared first on Република.

Повиците за проекти од програмата „Креативна Европа“ денес беа презентирани во Гостивар пред претставници на невладиниот сектор, установи и институции. Присутните на настанот што се одржа во Центарот за култура АСНОМ, имаа можност да слушнат подетално околу условите и аплицирањето за категориите „Проекти за соработка“ и „Циркулација на европски книжевни дела“. Програмата ја спроведува Министерството за култура, и е наменета за културните и креативните сектори.

Оваа презентација се прави со цел да ги информираме и мотивираме потенцијалните апликанти доколку се во можност да се вклучат во повиците кои се тековни за оваа 2023-та година. Сепак, Програмата трае до 2027-ма година и редовно на годишно ниво се објавуваат повици, така добро е да се запознаат со критериумите и начините на аплицирање, да одлучат дали можеби ќе се јават на повик во некоја од наредните години. Инаку, станува збор за повеќегодишни европски копродукциски проекти кои може да траат до 48 месеци. Вклучени се 42 земји од кои нашите организации може да си најдат партнери и да изработуваат заеднички проекти во сите области на културните и креативни области почнувјаќи од архитектура, издаваштво, музика, визуелни уметности итн., појасни Билјана Прентоска од Министерство за култура.

извор: Гостиварпрес.мк

The post Во Гостивар презентирани можности за културни проекти финансирани од ЕУ appeared first on Република.

Како и секој ребаланс кој се случува во ова време од годината, кратење во културата ќе има, но морам да напоменам дека најпрво тоа ќе бидат најнепродуктивни трошоци, односно оние трошоци без кои ќе можеме да преживееме до крајот на годината. Ние самите, во Министерството за култура веќе направивме одредени кратења, за да не трпат оние културни манифестации кои се финансираат преку Годишната програма. Значи кратење има секаде, и во Министерството за култура, но и ќе следат кратења од оние други финансирања кои ние како Министерство ги имаме на располагање. Сепак, јас се надевам дека нема да се одрази на културните настани кои се предвидени, меѓутоа имајќи предвид дека како што напомена министерот за финансии, овие кратења се за да се задржат високите плати и да можеме да ги одржиме примањата на граѓаните во ова време на криза. Капиталните инвестиции засега остануваат така, бидејќи треба да вложуваме истовремено и во повисоки плати, но и во објекти на културата каде уметниците треба непречено да функционираат, рече меѓу другото министерката за култура Бисера Костадиновска Стојчевска на денешниот брифинг со новинарите.

Во поглед на Стратегијата за културно наследство, Костадиновска Стојчевска вели дека нема проблеми во донесувањето.

Законските решенија кои ги затекнав беа или заглавени во Собрание или се во процедура и ќе бидат пратени до Влада, па потоа до Собрание. Она што сега ни следи е Стратегија за култура. Сите досегашни стратегии можат да се ревидираат, на некои и рокот им е изминат и сега мораме да се прилагодиме на она што сега се случува во културата. Во изработката на Стратегијата за култура и сите документи кои треба да ја регулираат и водат културата ќе биде вклучена и независната сцена, „Аудиција сега“, сите засегнати ќе добијат право да бидат вклучени бидејќи треба да бидат опфатени сите, рече Костадиновска-Стојчевска.

Посочи дека контролата на проектите кои се финансираат од Годишната програма, ќе се врши откако ќе бидат исплатени првите сретства и по извесен период ќе се проверува дали се реализирано проектите и она што не се реализирано да може да се пренасочи на друг проект каде што има потреба од дополнителни трошоци.

На новинарско прашање за проблемите околу работењето на директорот на Ансамблот на Албански ора и песни во Македонија, Костадиновска-Стојчевска потенцира дека за да постапи инспекција мора да има пријава.

За ние да постапиме мора да има пријава, а во последниве неколку месеци нема такво нешто. Она што било констатирано како неправилност од досегашните инспекциски било санкционирано. Што се однесува до образовните квалификации, постапката предвидува при изборот, тогашната министерка формирала комисија и членовите утврдиле дека кандидатот ги исполнува условите и тој бил избран. Сега, директорот е среде мандат или на крај на мандатот и јас неможам да направам таков упад  без никаква причина. Но, кога директорот би бил на повторен реизбор, јас како министер сум должна да формирам комисија и таа е должна да ги разгледа документите и да оцени дали се соодветни, рече Костадиновска Стојчевска.

За соработката со Бугарија информираше дека на последната средба  бил потпишан договор за култура и истиот тече бидејќи постојат проекти кои се реализираат од претходно, а сега само ги ставивме на хартија во смисла гостувања на театари, концерти, активно работи нашиот културен центар во Софија, а исто и во Македонија.

Министерката ќе биде дел од владината делегација која ќе патува во Вашингтон.

Ќе се обрне внимание на процесот на зголемување на соработката и помош во областа на заштитата на културното наследство. Во моментов сме во крајна фаза на реституција на украдени икони, кои се пронајдени во Албанија и во таа смисла ќе ја продлабочиме соработката и алатките за унапредување на заштитата на културно наследство. Исто така престојот во Вашингтон ќе биде искористен и за отворање на соработка со американски фондови кои ќе им бидат достапни на културните институции. Знаеме дека преку американски фондови се финансираше реконструкцијата на локалитетот Хераклеа и се надевам дека ваквите фондови и грантови во иднина ќе може и другите институции да ги користат, информираше Бидера Костадиновска Стојчевска.

The post Бисера Костадиновска -Стојчевска: Ќе има кратење во културата, но ќе почнеме од најнепродуктивните трошоци appeared first on Република.

Градоначалничката на Град Скопје, Данела Арсовска, во гостување во емисијата „Трилинг“ на ТВ 24 истакна дека во изминатите неколку месеци, откако стапила на функцијата градоначалник на град Скопје, се соочува со секојдневни опструкции во работењето на градот и градската администрација.

Како што вели градоначалничката, целта на таквите опструкции е да се профилира во првите 100 дена како неуспешен градоначалник за проекти за чија видливост се потреби повеќе од 100 дена.

Град Скопје е оставен во огромни долгови, нетранспарентно трошени средства, проекти коишто биле почнувани само за Пи Ар, за што немало ниту соодветна подготовка ниту пак соодветна анализа. Сега ги решаваме сите овие проблеми, додека некој се обидува да прикаже дека некој овие проекти ги стопира.

 

Ова е само еден начин како да се изманипулира јавноста и да и се прикаже дека некој не работи кога вистината е токму спротивното. Некој намерно довел овие проекти да бидат во фаза во која ќе бидат целосно предизвик за реализација и ние во овие четири месеци успеавме најголемиот дел од нив да ги откочиме. Голем дел од оние проекти што биле застанати во претходните четири години сега веќе ги отпочнуваме со реализација. Еден таков проект е Луна паркот во Скопје - истакна Арсовска.

Таа додава дека и покрај опструкциите, градот успеал да ги изменаџира планираните активности и да покаже резултати уште во првите 100 дена, а сите активности коишто беа ветени за реализација во првите 82 дена се исполнети и испорачани за скопјани.

Сите работи ветени за првите 82 дена од мандатот ги реализиравме токму онака како што ги ветивме. Планираме да се реализираат капиталните проекти коишто се најавени и се буџетирани на почетокот на годината, меѓутоа, сега е многу поважно да се посветиме на хуманата агенда, односно да им помогнеме на граѓаните. Сите средства со коишто располагаме крајна цел е да се вратат кај граѓаните преку квалитетни услуги кои ќе ги овозможиме, имајќи во предвид дека сега се наоѓаме во незавидна ситуација што по основ на големите долгови што се наследени, меѓутоа и како резултат на економската, енергетската и здравствената криза - истакна Арсовска.

The post Арсовска: И покрај секојдневните опструкции успешно ги реализираме проектите appeared first on Република.