Утрово најниска температура од 10 степени е измерена во Лазарополе и на Попова Шапка. Следат Крива Паланка и Маврови Анови со 12 степени, 14 во Крушево, 15 Берово, 16 Тетово, Куманово, 17 Претор, Битола, 18 Скопје-Петровец, Охрид, Дебар, 19 Штип, Струмица, 20 Скопје–Зајчев Рид, Прилеп, Виница, Велес, 22 во Демир Капија, Кавадарци и Дојран и 25 во Гевгелија.

Времето денеска, како што соопшти УХМР, ќе биде сончево и топло со умерен, а претежно долж Повардарието и во источниот дел од земјата со засилен ветер од северен правец (над 60 км/час). Максималната температура ќе биде во интервал од 29 до 38 степени. UV=9

Во Скопје сончево и топло со умерен до засилен северен ветер. Максималната температура ќе достигне 35 степени

The post На Шапка и Лазарополе уживање-10 степени appeared first on Република.

Најмногу дожд во изминатите 24 часа наврнал на Попова Шапка, каде според мерењата на УХМР се регистрирани 43 литри на метар квадратен.

Врнежи имало и во Куманово - 31 литар, во Дебар - 23, во Крива Паланка - 21, во Пожаране - 16, во Тетово - 12, во Струмица и Гевгелија - 10, во Претор, Охрид и Виница осум, во Маврови Анови седум, во Крушево пет, во Лазарополе, Штип и Дојран четири, во Скопје-Петровец, Скопје-Зајчев Рид и Битола два и во Берово и Велес еден литар.

ОД УХМР информираат дека времето денеска ќе биде променливо облачно и посвежо со повремени врнежи од дожд, особено во јужните делови каде повремено ќе бидат поројни и проследени со грмежи. Ќе дува слаб до умерен, а во североисточните делови повремено засилен ветер од североисточен правец. Максималната температура ќе биде во интервал од 14 до 20 степени.

Во Скопје променливо облачно со повремен слаб дожд и со слаб до умерен северен ветер. Максималната температура ќе достигне до 20 степени.

The post Најмногу дожд наврнал на Попова Шапка appeared first on Република.

Најниска температура од -1 степен Целзиусов утрово е измерена на Попова Шапка и во Маврови Анови. Следат Лазарополе, Берово и Крушево со нула степени, 1 во Прилеп, Битола, 2 Претор, 3 Демир Капија, Струмица, 4 Велес, Кавадарци, Охрид, Тетово, Крива Паланка, 7 Скопје-Зајчев Рид, 5 Виница, Гевгелија, 6 Штип и 8 степени во Дојран.

За изминатите 24 часа заклучно до 07 часот најмногу воден талог од 11 литри на метар квадратен е наврнат во Гевгелија, поитоа во Струмица 8 л/м2, 7 во Виница, 6 Радовиш Пожар, 5 Крива Паланка, 4 Охрид, 3 Лазарополе, Куманово, 2 Берово и 1 л/м2 во Маврови Анови, Демир Капија, Претор, Штип, Битола, Дојран и во Скопје кај Петровец.

Времето денеска променливо облачно, претежно во планинските региони во западните делови и на крајниот исток со повремени локални врнежи од дожд. Ќе дува слаб до умерен ветер од северозападен правец, поизразен долж Повардарието. Максималната температура ќе биде во интервал од 19 до 17 степени.

Во Скопје променливо облачно со услови за краткотраен дожд и со слаб до умерен ветер од северозападен правец. Максималната температура ќе достигне 16 степени.

The post Најстудено на Попова Шапка и во Маврови Анови, најмногу дожд во Гевгелија appeared first on Република.

Слаб снег провејува на Попова-Шапка кој во моменов не се задржува на коловозот, соопшти попладнево ЈП Македонијапат.

Сообраќајот на државните патишта се одвива тековно. На одредени патни правци кои поминуват низ клисури и усеци можна е појава на поситни одрони.

ЈП Македонијапат апелира на внимателно управување со возилата, почитување на поставената сообраќајна сигнализација, како и прилагодување на брзината спрема условите на патот.

The post Слаб снег провејува на Попова-Шапка, нема опасност по коловозот appeared first on Република.

Австријка која се повредила скијајќи на Попова Шaпка е извлечена со хеликоптер на МВР информираше Центарот за управување со кризи.

– На Единствениот повикувачки број за итни повици 112 во ЦУК во 14:20 часот волонтер од Охридска спасителна служба, којшто е и водич на туристичка група – скијачи од странство, пријави дека туристка од Австрија при пад во слободно скијање кај месноста „Орлов камен“ на Попова Шапка се здобила со повреда на ребрата. Заради сериозноста на повредата, а и други здравствени специфичности, не била во можност да се движи. Побаран бил хеликоптер за спасување за транспорт до болница, при што директорот на ЦУК, Стојанче Ангелов, беше во директна комуникација со спасителите, соопштија од ЦУК.

При комуникацијата на спасителите со повредената, информирала дека претходно имала операција на рбетниот столб и на него имала вградена метална шипка со штрафови. На местото на настанот има пристигнато ратрак и луѓе за поддршка, но состојбата на повредената и комуникацијата со нејзе, индицирала дека транспортот со ратрак заради проблемот со ’рбетот од минатото, како и сегашната дополнителна повреда, би довел до поголеми компликации. Заради специфичноста на итниот случај за повредената бил побаран транспорт со хеликоптер од местото на настанот до болница во Скопје.

Хеликоптерската единица на МВР одговорила веднаш на барањето за интервенција ја донеле жената во Скопје. Од почетокот на спасителната акција и е пружена прва помош, адекватно била покриена со фолија за да и се зачува топлината и дека се наоѓала во добра општа здравствена состојба, соопшти ЦУК.

The post Спасена туристка од Австрија повредена при скијање на Попова Шапка appeared first on Република.

Најниска температура од - 1 степен утрово е измерена на Попова Шапка. Следат Скопје-Петровец, Крива Паланка, Лазарополе и Берово со нула степени, 1 Битола, Охрид, 2 Маврови Анови, Крушево, 3 Скопје-Зајчев Рид, Струмица, Прилеп, Кавадарци, Претор, 4 Тетово, Дебар, 6 Демир Капија, Виница, Велес, 7 Дојран, Гевгелија и 9 степени во Штип.

Времето денеска ќе биде сончево со умерена облачност и релативно топло. Ќе дува умерен, наместа повремено засилен ветер од јужен правец. Максималната температура ќе биде во интервал од 12 до 18 степени.

Во Скопје сончево со умерена облачност и со слаб до умерен јужен ветер. Максималната температура ќе достигне 17 степени.

The post Најстудено утрово на Попова Шапка appeared first on Република.

Граѓаните кои сакаат да ја посетат Попова Шапка од денеска ќе имаат можност да ја користат нововоспоставената автобуска линија која тргнува од Тетово. До скијачкиот центар досега немаше редовна автобуска линија, а Општина Тетово воведува превоз во сабота и недела.

Од Тетово кон Попова Шапка автобуси ќе тргнуваат во 08:30, 11:00, 14:00 и 17:00 часот со почетна точна – во близина на поранешната појдовна станица на жичарницата од градот до скијачкиот центар.

На ден 27.01.2024 година (сабота), со почеток во 11:00 часот, ЈП „Тетово Транспорт“-Тетово ќе организира свечен настан за пуштање во употреба на новата линија за јавен превоз во правец „Тетово – Попова Шапка – Тетово“. Поаѓањето ќе биде со автобус од градската жичарница. Заедно со градоначалникот на општина Тетово, Биљал Касами ќе се упатиме кон Попова Шапка, се вели во повикот на Општина Тетово.

Во соопштение, од општина Тетово најавија дека повратен билет за едно лице ќе чини 200 денари.

Оваа линија очигледно ќе влијае не само на зголемување на бројот на туристи, туку и на олеснување на сообраќајот кон овој патен правец. Ајде да уживаме заедно во убавините на зимскиот центар. Секогаш сме на услуга на граѓаните, порачуваат во соопштението од Канцеларија за комуникации и односи со јавноста на Општина Тетово.

Патниците ќе се превезуваат со автобуси на Јавното претпријатие „Тетово Транспорт“ – Тетово, кои имаат редовни градски линии. За враќање од Попова Шапка кон Тетово предвидени се термините 09:30, 12:30, 15:30 и 18:30 часот.

The post Од денеска ќе има автобуски превоз од Тетово до Попова Шапка и назад appeared first on Република.

На зимско туристичките центри Маврово и Попова Шапка, посебно за викендите, зголемен е бројот на гостите и посетителите, а кои најчесто пристигнуваат со нивни возила, потсетуваат од Секторот за внатрешни работи Тетово од каде уште еднаш апелираат до сопствениците на возилата задолжително да ги заклучуваат и на седиштата да не оставаат вредни предмети, чанти, паричници, мобилни телефони, лаптоп компјутери, очила за сонце и друго, зашто, ваквите предмети се мета за крадци кои со оштетување на стаклата стигнуваат до целта.

На возачите им се советува, исто така, задолжително да поседуваат зимска опрема, што претставува и нивна законска обврска до 15-ти март годинава. Покрај тоа, им се укажува и на потребата да не ги оставаат возилата каде ќе стигнат и на тој начин да го попречуваат нормалното и безбедно движење на другите учесници во сообраќајот, туку исклучиво на наменски определените локации во овие два центри. Секторот за внатрешни работи Тетово и со апел сопствениците на возилата да ги почитуваат насоките и наредбите на полициските службеници кои секојдневно го регулираат сообраќајот на овие дестинации, со цел да се избегнат, односно превенираат можни поголеми мешаници со несакани последици, велат од СВР Тетово.

The post „Заклучувајте ги возилата, не оставајте ни очила за сонце во нив“: СВР Тетово ги предупредува туристите на Маврово и Попова Шапка appeared first on Република.

Сообраќајот на државните патишта се одвива во зимски услови, по наместа влажни коловози. Слаби врнежи од снег има на Попова Шапка и Маврово. Во Крушево поради појава на магла видливоста е намалена до 50 метри, информира АМСМ.

Како што најавува АМСМ, поради поставување заштитна мрежа на Регионален пат Р1102, делницата Велес - Градско утре и задутре ќе биде затворена за сообраќај  во периодот од 08:00 до 16:00 часот.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Во сила е законската обврска за задолжително поседување  зимска опрема во возилата.

The post Снег на Попова Шапка и Маврово, во Крушево намалена видливост поради магла appeared first on Република.

Сообраќајот на државните патишта се одвива тековно во зимски услови, по наместа влажни коловози. Слаби врнежи од снег има на Попова Шапка и Маврово, а магла со видливост до 50 метри во Крушево, соопшти ЈП Македонијапат.

На одредени патни правци кои поминуват низ клисури и усеци можна е појава на поситни одрони.

ЈП Македонијапат апелира на внимателно управување со возилата, почитување на поставената сообраќајна сигнализација, како и прилагодување на брзината спрема условите на патот.

The post Слаб снег на Шапка и во Маврово, магла во Крушево appeared first on Република.

Најстудено утрово е на Попова Шапка со -13 степени, во Маврови Анови се измерени минус осум, Крушево минус седум, во Крива Паланка и Берово минус шест, а во Скопје минус два степена. Минусни температури има и во Прилеп, Тетово, Битола, Куманово, Виница, Охрид, Штип, Кавадраци и Велес. Над нулата е само во Гевгели со еден степен, соопшти УХМР.

Во текот на ноќта времето беше претежно облачно. Дуваше слаб до умерен, а наместа долж Повардарието засилен ветер од северен правец. Изутринава е облачно и студено, наместа дува слаб ветер од северен правец.

Времето денеска ќе биде сончево со мала до умерена облачност. Ќе дува слаб до умерен ветер од северозападен правец. Максималната температура ќе биде во интервал од -1 до 8 степени.

Во Скопје претежно сончево со слаб до умерен ветер од северен правец. Максималната температура ќе достигне 3 степени.

The post На Попова Шапка утрово -13 степени appeared first on Република.

Денеска се празнува Св.Наум Охридски зимски. Ова е голем празник и се одблежува во манастирот на Попова Шапка. Овој манастир стана познат по настаните со насилното симнување на знамето на МПЦ пред Нова Година.

Општина Тетово потоа издаде решение за рушење на крстот во манастирот за што во моментов се води жалбена постапка.

https://republika.mk/vesti/makedonija/ne-sum-potpishal-i-nema-da-potpisham-odluka-za-urivane-na-krstot-na-popova-shapka/

Во овој манастир на денешен ден секоја година одеше поранешниот претседател Ѓорге Иванов но сегашниот шеф на државата Пендаровски не ја продолжи оваа традиција.

Но, на Шапка денеска беше лидерот на ВМРО-ДПМНЕ Христијан Мицкоски.

The post Денеска се оди на манaстирот на Попова Шапка на кој сакаат да му го урнат крстот appeared first on Република.

Лидерот на ВМРО-ДПМНЕ Христијан Мицкоски денеска по повод денот на Св.Наум Охридски го посети манасторот на Попова Шапка кој го носи името на светецот.

The post Мицкоски за Свети Наум на Попова Шапка appeared first on Република.

Снег со слаб интензитет има на Попова Шапка, Маврово, Плетвар, Пресека и Железнец, соопшти вечерва јавното претпријатие „Македонијапат“.

Оттаму информираат дека остануваат забраните за сообраќај за тешки товарни возила на патните правци крак Маврово-Маврови Анови и на патот Струмица-Берово.

На останатите патишта низ државата сообраќајот се одвива во зимски услови по влажни коловози.

Од ЈП „Македонијапат“ апелираат на внимателно возење и прилагодување на брзината конусловите на патот.

The post Снег со слаб интензитет вечерва на Попова Шапка, Маврово, Плетвар и Пресека appeared first on Република.

Утрово најниска температура од -5 степени е измерена на Попова Шапка, потоа -4 во Крушево и -3 Маврови Анови. Следат Битола, Прилеп, Крива Паланка и Берово со 0 степени, 1 во Охрид, Претор, 2 Виница, 3 Скопје-Зајчев Рид, Штип, Тетово, Струмица, Кавадарци, Дебар, 4 Скопје-Петровец, Куманово, Велес, Дојран, Демир Капија и 5 степени во Гевгелија.

Најмногу дожд за изминатите 24 часа до 07 часот наврнал во Маврови Анови (59 л/м2), 50 Струмица, 45 Битола, 43 Демир Капија, 30 Кавадарци, 29 Гевгелија, 28 Крушево, 27 Берово, 23 Крива Паланка, Штип, 22 Виница, 20 Дојран, Прилеп, 16 Скопје Петровец, 11 Ѓуриште, 10 Тетово, Куманово, Велес, Попова Шапка, 9 Претор, 8 Скопје Зајчев Рид, 5 Охрид.

Во 7 часот највисока снежна покривка од 48 см има во Маврови Анови, 39 во Крушево, 21 Попова Шапка, 13 Ѓуриште, 4 Берово и 3 см во Крива Паланка.

Времето денеска облачно и студено со повремени врнежи претежно од снег, особено претпладне. Долж Повардарието ќе врне дожд, освен во повисоките делови од котлините каде врнежите ќе бидат од снег. Ќе дува засилен северен ветер (и над 60 km/h), а локално ќе има појава на голомразица. Максималната температура ќе биде во интервал од 0 до 6 степени Целзиусови.

Во Скопје претежно облачно, претпладне со повремени врнежи од дожд, а во повисоките делови од котлината од снег. Ќе дува засилен северен ветер. Максималната температура ќе достигне 4 степени Целзиусови.

The post Најстудено на Попова Шапка, најмногу снег во Маврови Анови appeared first on Република.

Денеска во СВР Тетово е извршен службен разговор со 23-годишниот Б.Л. од тетовска Мала Речица, кој е второто лице осомничено за симнувањето на знамето на Македонската православна црква - Охридска архиепископија од јарболот на манастирот „Свети Наум Охридски Чудотворец“ на Попова Шапка и поставување на
знамето на Република Албанија.

Од СВР Тетово додаваат дека по документирање на случајот и против него ќе биде изготвен соодветен поднесок.

The post Фатен и вториот малоречанец што го постави албанското знаме на Попова Шапка appeared first on Република.

Либерално демократската партија најостро го осудува вандалскиот чин на симнување на знамето на Македонската Православна Црква – Охридска Архиепископија од јарболот пред храмот Свети Наум Охридски, по што веднаш е поставено знаме на Албанија.

Ова е директен напад кон верниците, но и кон свештенството на МПЦ – ОА и претставува сериозен аларм во државата, особено кога некој се дрзнува да си игра со верските и националните чувства на граѓаните.

Намерните провокации не придонесуваат кон соживот, толеранција и разбирање на различностите. Како наближуваат изборите, најголем број од партиите ќе играат на нивната најсигурна карта, картата на национализмот и презирот кон сите и сѐ што е поразлично од нив. Ваквите немили настани се само еден дел од валкана игра, која одредени политички субјекти се подготвени да ја играат само за да се задржат или да дојдат на власт.

ПРЕПОРАЧУВАМЕ Кавадарци, Струмица, Кичево и Битола вечерва дишат најзагаден воздух!
Веруваме дека мнозинството Албанци го осудуваат овој варварски чин на сквернавење на црковното знаме и бараме од албанските политички субјекти да го осудат овој варварски чин и со тоа, да ги обесхрабрат идните потенцијални провокатори.

ЛДП, како политичка партија каде членуваат и се застапени припадници на сите етнички заедници и религии, смета дека во едно мултиетничко општество треба да се дискутира како да се подобри состојбата во сите сектори на државата и таа да се издигне на рамниште на западноевропските земји.

Како либерали, силно веруваме дека во нашата држава треба да царуваат либералните идеали на слобода, еднаквост и взаемна почит, како и тоа дека сите заеднички треба да работиме во насока на реализирање на европската либерална замисла – “Обединети во различностите”.

The post ЛДП за вандалскиот чин на симнувањето на знамето на Шапка: Доста е со намерни провокации и варварски чинови! appeared first on Република.

Директорот на Центарот за управување со кризи Стојанче Ангелов на Фејсбук објави слика од крстот на Попова Шапка на која се гледа дека е симнато албанското знаме кое вчера маскирани лица го поставија наместо црковното знаме на МПЦ. Тој напиша дека црковното знаме ќе биде вратено секој миг, а ги повика албанските партии и лидерот на ДУИ Али Ахмети да го осудат вандалскиот чин.

„Албанското знаме не е повеќе на јарболот во дворот на црквата „Св. Наум Охридски“ на Попова Шапка. Црковното знаме ќе биде вратено во секој миг“, напиша Ангелов и потврди дека лицето кое го симнало знамето е приведено.

https://republika.mk/vesti/crna-hronika/priveden-zhitel-od-mala-rechitsa-osomnichen-deka-postavil-zname-na-albanija-na-manastirot-na-popova-shapka/

Брзата реакција на институциите но и јавниот притисок можат да ги намалат провокациите кои ја потпалуваат меѓуетничката нетрпеливост. Провокациите никако не треба да се премолчуваат туку на нив треба жестоко да се реагира. Само така ќе се обесхрабрат идните потенцијални провокатори.

Реакцијата на општеството на вакви провокации треба да биде обединета и единствена без разлика на етничка, верска, политичка или било каква друга припадност. Верувам дека мнозинството Албанци го осудуваат овој варварски чин на сквернавење на црковното знаме. Единствено не видов претставник на албанските политички фактори во Македонија да излезе со јавна осуда на овој чин. А треба. Затоа го повикувам лидерот на ДУИ Али Ахмети јавно да го осуди овој провокативен вандалски чин“, се вели во објавата на Ангелов на Фејсбук.

The post Ангелов: Црковното знаме ќе биде вратено на јарболот на Попова Шапка, а Ахмети да го осуди вандалскиот чин appeared first on Република.

Вечерва е уапсено едно лице кое попладнево од црквата Свети Наум Охридски Чудотворец лоцирана на Попова Шапка прво го симнал знамето на МПЦ – Охридска Архиепискоција а потоа поставил знаме на Албанија, објави 24 инфо.

Извршителот на делото е пронајден и во моментов е во Полициска станица Тетово.

Настанот претходно, околу 18.00 часот денеска во СВР Тетово го пријавил свештеник од црквата на Попова Шапка.

The post Приведено лицето кое го симна знамето на МПЦ и постави знаме на Албанија во црквата на Попова Шапка?! appeared first on Република.

Има ли држава и институции! Повторно сме сведоци на провокации кои доаѓаат од центри кои имаат намера да испровоцираат меѓуетнички тензии, ова на Фејсбук го напиша пратеникот од редовите не ВМРО-ДПМНЕ, Александар Велјановски.

-Најостро го осудувам симнувањето на црковното знаме и подигањето на знаме на друга држава во црквата свети Наум Охридски на Попова Шапка.
Истите институции и политички партии кои беа гласни за тоа што се постави Крст во двор на црква на Попова Шапка што е легитимно право на една верска заедница да постави верски симбол очекувам да бидат поактивни и погласни кога спротивно на закон се спушта црковно знаме и на негово место се подига знаме на друга држава, истакна Велјановски.

Ќе реагираат ли веднаш институциите или уште ќе политизираат за политички поени? -прашува Велјановски.

The post Велјановски: Кој сака да предизвика нови меѓуетнички тензии?! appeared first on Република.