Поради пожар во Еко хотел Здравец, во близина на бугарскиот град Пловдив итно се евакуирани над 100 деца, соопшти локалната пожарникарска служба. Евакуиран е и целиот персонал од хотелот кој се наоѓа на околу 18 км од тој бугарски град.

Учениците денеска требало да си заминат и веќе биле спакувани, поради што евакуацијата се одвивала многу брзо. Хотелот е еден од популарните спа центри во областа на планинскиот парк „Хижа Здравец“.

Во гаснењето на пожарот се вклучени седум тимови на пожарникари. Според бугарската полиција, пожарот најверојатно избувнал во помошна просторија во хотелот. Локалните медиуми прецизираат дека пожарот избувнал во котларата и зафатил голем дел од зградата.

The post Поради пожар во хотел близу Пловдив, итно евакуирани стотина ученици appeared first on Република.

Во Бугарија попладнево беше регистрриран земјотрес со интензитет од 4,8 степени

Епицентарот на земјотресот е на 15 километри југоисточно од Пловдив и на 146 километри од Софија. Според локални медиуми, засега нема информации за штети по земјотресот

The post Силен земјотрес во близина на Пловдив appeared first on Република.

Во Националната опера и балет на Македонија во Скопје, денеска гостува балетот на Државната опера од Пловдив. Пред публиката ќе се претстават со балетските едночинки „Долгата божиќна вечера“ и „Жени во Д-мол“. Костимограф е Раду Поклитару, сценограф е Андреј Злобин, костимограф - Дмитро Курјата, а светло дизајнер е Лена Антохина.

Настапуваат балетските уметници од балетот при Државната опера - Пловдив, Р. Бугарија. Гостувањето се реализира во соработка на Националната опера и балет на РСМ и Културно-информативниот центар на Р. Бугарија во Скопје.

„Долгата божиќна вечера“, се наведува во соопштението од БГКИЦ - Скопје, е балет-рефлексија за минливоста на животот, за суетните и бескорисни нешта со кои ги исполнуваме драгоцените минути, часови и години од нашиот престој на Земјата. Продукцијата следи деведесет години од животот на едно аристократско семејство, минувајќи во серија божиќни вечери.

„Жени во Д-Мол“ е изведба проткаена со почит кон генијалноста на Ј. С. Бах. Раду Поклитару раскажува трагична приказна за непостоечко женско пријателство, кое служи само како изговор за расплетот на невообичаено сложени повеќефигурни композиции и продорни дуетни фрагменти.

The post Балетот на Државната опера од Пловдив гостува во Националната опера и балет на Македонија appeared first on Република.

Во Домот на културата „Борис Христов” во Пловдив, Република Бугарија, синоќа гостуваше Националната опера и балет на Република Македонија со балетската претстава „Госпоѓиците од Авињон”.

На почеток на настанот беше оддадена почит на жртвите на катастрофалниот земјотрес во Турција и Сирија.

Балетската претстава е инспирирана од истоименото сликарско дело на Пабло Пикасо, со либрето и драматургија на Сашо Димоски, музика на Калиопи Букле и кореографија и режија на Олга Панго, а во балетска изведба на првенки и првенци на Македонскиот Балет.

Пловдивската публика ги поздрави нашите уметници со долготраен аплауз. Гостувањето е поддржано со финансиски средства на Министерството за култура на Република Бугарија.

The post Долготраен аплауз за македонските уметници: „Госпоѓиците од Авињон“ гостуваше во Домот на културата „Борис Христов” во Пловдив appeared first on Република.

Т.н „крал на кокаинот“ и еден од најбараните лица во Британија е уапсен во Бугарија.Бенџамин Мекан (32) е уапсен во понеделникот во хотел во градот Пловдив. Со себе имал лажен и вистински пасош на туѓо име.

Тој е обвинет за испорака на повеќе килограми кокаин во 2020 година користејќи шифрирани мобилни телефони, пишува Дејли Мејл.

Се сметаше дека Британецот се крие во Барселона, но властите влегоа во Бугарија по заедничка операција на британската национална агенција за криминал (NCA), бугарската полиција и шпанската цивилна гарда.

Мекан сега е во притвор во Бугарија и чека екстрадиција . Максималната казна за набавка на дрога од класа А е доживотен затвор.

The post „Кралот на кокаинот“ во Велика Британија падна во Бугарија appeared first on Република.