29-годишник од Прилеп загина во тешката сообраќајна несреќа што се случи вчера околу 18 часот на патот Прилеп-Градско.

Според првичните информации, во несреќата учествувале патничко возило „ауди“, со кое управувало починатото лице и товарно возило „ман“ со скопски регистарски ознаки, зад чиј волан бил 38-годишниот З.Б. од Куманово. А.М.(29) им подлегнал на повредите во прилепската градска болница каде бил пренесен по сообраќајната несреќа која се случила нешто пред 18 часот.

По наредба на јавен обвинител , телото на починатиот било дадено на обдукција, а увид на местото извршила екипа на ОВР Прилеп, информираат од МВР.

Поради сообраќајната несреќа на магистралниот пат Прилеп – Градско, меѓу крстосницата за село Ореовец и село Плетвар, сообраќајот беше во целосен прекин од 18 часот, а од 21 часот соообраќајот се одвиваше наизменично по една коловозна лента.

The post 29-годишнен прилепчанец загина во сообраќајката на Плетвар appeared first on Република.

Поради сообраќајна несреќа, на патниот правец Градско-Прилеп кај Плетвар, сообраќајот е во прекин во двата правци, соопшти АМСМ.

Засега не се познати детали за несреќата.

The post Сообраќајна несреќа на Плетвар, сообраќајот во прекин appeared first on Република.

Поради сообраќајна незгода, сообраќајот на магистралниот пат А1 Градско-Прилеп, кај Плетвар, е во прекин.

Од Авто мото сојузот на Македонија информираат дека сообраќајот е во прекин попладнево од 17:25 часот.

The post Попладнево сообраќајка на Плетвар, сообраќајот е во прекин appeared first on Република.

Читателите на „Република“ вечерва низ испратија видео кое доаѓа од близината на Прилеп.Поточно во клисурата пред Плетвар каде се појавија чудни светла. На почеток изгледале како звезди а се движеле праволински пред да се изгубат во темнината.

Погледнете и самите оценете за што се работи.

The post Што прелета над Прилеп? Се појави чудна праволиниска светлина appeared first on Република.

Блокиран е планинскиот превој Плетвар, дознава 4NEWS.mk. Според првичните информации станува збор за сообраќајна несреќа во која учествувала и цистерна, од која истекува метан.

РЦУК – Прилеп известува дека од 15:20 часот ТППЕ Прилеп (пожарникарите) и екипа од Полициска станица ПС Прилеп на патен правец Прилеп – Плетвар кај Каменоломот имаат интервенција на сигурносниот вентил кој пропуштал гориво од возило – цистерна што превезувала течен гас – метан.
Возилото е одстрането од сообраќај на лице место се упатени екипа од ПС Прилеп и ТППЕ Прилеп заради одстранување на дефектот и обезбедување на просторот и возилото.

Сообраќајот се одвива под контрола на патрола од ПС Прилеп.

Моментално, Плетвар е затворен за целосен сообраќај.

За настатнот е известен инспекторот за заштита и спасување од ДЗС Прилеп.

The post Блокиран е планинскиот превој Плетвар, истекува метан од цистерна appeared first on Република.

Сообраќајот на државните патишта се одвива непречено, по претежно суви коловози. Слаб снег провејува на Попова Шапка. Појава на магла има на Плетвар со видливост од 20 до 30 метри.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post Магла на Плетвар, слаб снег на Попова Шапка appeared first on Република.

“Вложуваме интензивно во инфраструктурата и во време на светската економска криза, затоа што кога велиме дека градиме европска држава, мислиме на евроинтеграциите, но пред сè на европски квалитет на живот и европски животен стандард за граѓаните, тука дома”, изјави премиерот Димитар Ковачевски на денешниот увид на градежни работи за рехабилитација на делницата Фариш – Прилеп, после превојот Плетвар, каде беше заедно со министерот за транспорт и врски Благој Бочварски и директорот на ЈП Државни патишта Ејуп Рустеми.

Овде на Плетвар, направив увид во градежните работи, и според ова што може да се види, завршува реконструкцијата на делницата Плетвар.

90 проценти од градежните работи на делницата се завршени. Сега се поставуваат сообраќајна сигнализација и банкини. Верувам дека сите овде присутни напорно работат на завршните работи, и затоа ќе си дозволам уште од сега да ве поканам сите вас, на пуштањето во употреба на делницата Плетвар, важна секција во должина од 19 километри која е значајна бидејќи е дел од главниот магистрален пат за цела Пелагонија. Ова е практично е продолжување на новиот експресен пат од Градско до Плетвар, рече премиерот Ковачевски и најави дека за околу месец дена, ќе може да видиме, готов, отворен и функционален пат.

„Оваа делница, но и целиот овој зафат, односно реконструкцијата која се реализира со средства од ЕБОР во вредност од над четири милиони евра, значи модернизација на Коридорот 10-Д и поврзување со Република Грција, кај граничниот премин Меџитлија.Тоа значи и отворени можности за развој на стопанството во целиот пелагониски регион”, објасни премиерот Ковачевски и рече дека ќе продолжи инсистирањето на ефикасност во модернизацијата на инфраструктурата во нашата држава како еден од суштинските услови за нови инвестиции, за нови работни места, за подобар квалитет на живот на граѓаните и за поголема безбедност во сообраќајот, но и за патничко и железничко поврзување какво што доликува на држава којашто ги почна преговорите со Европската Унија.

The post Ковачевски: Делницата кај Плетвар е 90 отсто завршена appeared first on Република.

Обилни врнежи од снег во моментов има на превојот Плетвар. Сообраќајот се одвива отежнато па на возачите им се препорачува да внимаваат.

Лошото време се очекува да продолжи и вечерва.

The post Снег на Плетвар-сообраќајот се одвива отежнато appeared first on Република.

Ноќта ќе биде тешка за оние кои ќе се движат по македонските патишта. Речиси сите патни правци се непроодни и неисчистени. Екипата на „Република“ беше на дел од нив и забележа дека наделжните од „Македонија“ повторно ги изненади снегот.

Најопасно е можеби на Плетвар каде возилата едвај се движат и каде е неопходна зимска опрема.Патниот правец Прилеп-Македонски брод е целосно непрооден. Непродно е и на велешко брдо.

Слично е и на Стража како и на делот од Крива Паланка кон Деве Баир како и на Ѓавато каде е забрането движење за тешки моторни возила.

Возачи внимавајате

https://republika.mk/vesti/makedonija/pletvar-straza-kriva-palanka-makedonija-blokirana-od-pet-santimetri-sneg-nadleznite-iznanadeni-na-prvi-fevruari/

The post Патниот правец Прилеп-Македонски брод непрооден, на Плетвар отежнато движење appeared first on Република.

Речиси во цела Македонија денеска паѓа снег. Иако снежната прекривка е само неколку сантиметри тоа беше доволно сите регионални патни правци како и автопатите да се прекриени со снег и одвивањето на сообраќајот е отежнато. Тоа посебно се однесува за превојот Стража, кај Валандово и на Плетвар.

Очигледно е дека надлежните во „Македонија пат“ снегот ги изненади и на први февруари.

Забрана за сообраќај на тешки товарни возила од 15:55 часот е воведена на патниот правец Ресен-Битола преку планинскиот превој Ѓавато.

Од 15:30 часот е воведена и забрана за тешки товарни возила и на патниот правец Крива Паланка кон граничниот премин Деве Баир поради обилни врнежи од снег.

Поради обилни врнежи од снег, од 15:30 часот е воведена забрана за сообраќај на тешки товарни возила на патниот правец Крива Паланка – Г. П. Деве Баир.

The post Плетвар, Стража, Крива Паланка: Македонија блокирана од пет сантиметри снег, надлежните изненадени на први февруари appeared first on Република.

Возчите кои вечерва ќе поминуваат низ превојот Плетвар, нека возат внимателно и полека. Врнежите од снег кои се засилија попладнево веќе се наталожија, а коловозот не е исчистен, ниту пак е фрлена сол.

The post Нов снег, стара приказна – Плетвар не е исчистен, внимавајте! appeared first on Република.