Дежурен јавен обвинител од Основното јавно обвинителство Скопје, заедно со увидни екипи од МВР, во текот на ноќта извршиле увид на булеварот „Никола Карев“ каде со пукање од огнено оружје беше убиено едно лице, а две беа повредени.

https://republika.mk/vesti/crna-hronika/ova-e-ubieniot-pejach-sinoka-vo-pukaneto-na-plasticharska/

Како што информира денеска Јавното обвинителство, издадени се наредби за вештачење на трагите прибирани од местото, а се преземаат и други дејствија.

Од Министерството за внатрешни работи инфрмираа дека работат на откривање на сторителите. Оттаму соопштија дека синоќа околу 23:40 часот во СВР Скопје било пријавено дека на булевар „Никола Карев“ имало пукање, а во 23:45 часот, од Универзитетска клиника по хируршки болести „Св.Наум Охридски“ - Скопје било пријавено дека кај нив со повреди од огнено оружје бил донесен Т.А.(24) од Скопје.

Во 23.51 часот, од Комплексот клиники „Мајка Тереза“ било пријавено дека кај нив со повреди од огнено оружје биле донесени О.Б.(19) и А.И.(29), двајцата од Скопје, каде што по укажаната помош, во 00.45 часот на 27.05.2024, А.И. починал, соопшти МВР.

The post Се вештачат трагите од синоќешното пукање во Скопје appeared first on Република.

Синоќешната вооружена престрелка на Пластичарска во полиција била пријавена вчеравечер околу 23.40 часот, кога во СВР Скопје било пријавено дека на бул.„Никола Карев“ во Скопје имало пукање.

Во 23.45 часот, од Градската општа болница „Св.Наум Охридски“ било пријавено дека кај нив со повреди од огнено оружје бил донесен Т.А.(24) од Скопје.

Во 23.51 часот, од Комплексот клиники „Мајка Тереза“ било пријавено дека кај нив со повреди од огнено оружје биле донесени О.Б.(19) и А.И.(29), двајцата од Скопје, каде што по укажаната помош, во 00.45 часот на 27.05.2024, А.И. починал. Повредените лица се надвор од животна опасност.

Екипи на Јавното обвинителство и на МВР веднаш излегле на терен и вршеле увид.Од полицијата велат дека се преземаат мерки за пронаоѓање на сторителите и за расчистување на случајот.

Според неофицијалните информации, починатиот бил познат музичар. На пукањето му претходела масовна тепачка.

The post Починатиот пејач е 29-годишник: МВР со детали за пукањето на Пластичарска appeared first on Република.

Загинатиот во пукотниците кои се случувале синоќа околу 23 часот на булеварот „Никола Карев“, познат како Пластичарската улица во Скопје, е познат пејач, велат информациите на 24инфо.

Според првичните ингормации, инцидентот започнал со расправии, па прераснал во физичка пресметка со употреба на огнено оружје.

https://republika.mk/vesti/crna-hronika/eden-zaginat-dvajtsa-povredeni-vo-pukotnitsi-na-plasticharska/

Во 23.40 било пријавено дека на бул.„Никола Карев“ има пукање каде има повредени лица. Во 23.45ч пријавено е дека едно лицето Т. А. со повреди од огнено оружје е донесено во ГОБ „Наум Охридски“ и е качено во операциона сала. Од Ургентен центар е пријавено дека кај нив се донесени 2 лица, О. Б. и А.И. од Скопје, исто така со повреди од огнено оружје.

Повредените лица се надвор од животна опасност.

The post Убиениот на Пластичарска бил познат пејач appeared first on Република.

Вооружена престрелка се случувала ноќва околу 23 часот на булеварот „Никола Карев“, познат како Пластичарската улица во Скопје.

Еден од повредените по синоќешното пукање им подлегнал на повредите од огнено оружје и починал синоќа на скопските клиники, дознава ТВ21.

Според информациите на телевизијата, инцидентот започнал со расправии, па прераснал во физичка пресметка со употреба на огнено оружје.

Вкупно три лица биле хоспирализирани. Во 23 часот и 45 минути едно лице е хоспитализирано во ГОБ Наум Охридски и итно префрлено во операциона сала.

Во исто време во Клинички центар пријавено е дека имаат примено две лица со повреди од огноено оружје.

Повредените лица се надвор од животна опасност.

The post Еден загинат, двајца повредени во пукотници на „Пластичарска“ appeared first on Република.

Вчера во 19:45 часот било пријавено дека во Скопје, на бул.„Никола Карев“, патничко возило „мерцедес“ со скопски регистарски ознаки, управувано од М.И.(34) од село Студеничани, удрило во пешакот В.Б.(61) од Скопје.

Како што пренесе МВР, во несреќата со тешки телесни повреди се здобила В.Б., констатирани во Градската општа болница „Св. Наум Охридски“.

Извршен бил увид од увидна екипа од СВР Скопје.

The post Повторно прегазен пешак на Пластичарска appeared first on Република.

За во петок (24 ноември) е најавен протест за правда на малиот Мануел кој беше усмртен на улицата „Пластичарска“ на 12-ти октомври годинава. Протестот ќе почне од собирното место пред теќето во Топаана, а ќе заврши пред Основниот Кривичен суд. Пред Кривичниот суд ќе се обратат двајца говорници, таткото на Мануел, Себастиан Асановски и претставник на институтот „Ромалитико“.

На 12 октомври, 21 годишниот Шукри Зеќири, со возило марка Мерцедес Е-320 на улица „Пластичарска” со брзина од 76 километри на час (26 километри час над дозволената брзина од 50 километри на час) го усмрти 10 годишниот Мануел Асановски и побегна од местото на трагедијата.

На 15 ноември, судијката Марија Клетничка донесе пресуда во која се наведува дека 21-годишниот Зеќири сторил кривично дело и му е определена затворска казна од 2 години и 3 месеци и 3 годишна забрана за управување со моторно возило по отслужување на казната.

Од „Ромалитико“ истакнуваат дека ваквите пресуди во коишто сторителите добиваат минимални казни, а има човечки жртви, како во случајот на Мануел, дополнително ја потврдуваат недовербата на граѓаните во правосудниот систем во државата.

-Укажуваме дека губењето на животот на 10 годишниот Мануел е трагедија и болка којашто ќе го следи семејството до крајот на животот и најмалку што може судот да направи за овој случај е да донесе праведна одлука за казна на сторителот.

Со организираниот протестен марш, Ромалитико, ромската заедницата и сите незадоволни од судскиот систем, а во овој случај незадоволни од одлуката на судијката Марија Клетничка донесена во петок (24 ноември), бараме:

1. Казната затвор да биде зголемена и да се земат околностите според кои е сторенокривичното дело;

2. Пристап до правда и правични пресуди за ромската заедница во случаи кога жртвата еРом/ка

3. Активноучество на ромската заедница во судската власт, стои во соопштението на „Ромалитико“.

The post Утре протест пред Кривичен, се бара правда за малиот Мануел кој беше усмртен на „Пластичарска“ appeared first on Република.

Обвинителството ќе вложи жалба на висината на казната одредена за Шукри Зеќири од Скопје, 21-годишниот возач кој на 12 октомври на булеварот „Никола Карев“, на делот познат како „Пластичарска“ удри десетгодишно дете кое од ударот почина на самото место, а тој избега и денеска беше осуден на единствена казна затвор од две години и три месеци, информираат од Основното јавно обвинителство Скопје за МИА.

Казната денеска во Основен кривичен суд му ја одреди судијката Марија Клетничка, а тој беше гонет за кривично дело „тешки дела против безбедноста на луѓето и имотот во сообраќајот“ и кривично дело „неукажување помош на лице повредено во сообраќајна незгода“.

Согласно законот, за „тешки дела против безбедноста на луѓето и имотот во сообраќајот“ е предвидена казна затвор во траење од една до пет години, па за наведеното кривично дело судот му утврдува казна затвор во траење од 2 години, и сторил едно кривично дело за неукажување помош на лице повредено во сообраќајна незгода од член 301 став 1 од КЗ, за кое кривично дело согласно законот е предвидена парична казна или затвор до една година, па за наведеното кривично дело судот му утврдува казна затвор во траење од шест месеци, рече судијката.

Дополни дека судот обвинетиот Шукри Зеќири го осудува на единствена казна затвор во траење од две години и три месеци.

Согласно член 47 од КЗ во наведена казна затвор во траење од две години и три месеци на обвинетиот му се засметува секое лишување од слобода по однос на предметните кривични дела, како и времето поминато во куќен притвор сметано од 12.10.2023 година од 17:25 часот до правосилноста на пресудата врз основа на признание на вина на Основен кривичен суд Скопје КБР 2083/23 од 15.11.2023 година но најдолго 60 дена сметано од 15.11.2023 како ден на објава на пресудата, појасни Клетничка.

На обвинетиот, судијката му одреди и казна забрана за управување со моторно возило во период од три години со што времето поминато во затвор не се смета во казната и му ја продолжи и мерката куќен притвор сѐ до правосилноста на пресудата.

Како што образложи судијката при денешната пресуда, Судот како отежнувачки околности при изрекувањето на пресудата ги земал зачестеноста на овие кривични дела, степенот на кривичната одговорност на обвинетиот и објектот на зашитита кога како жртва во конкретниов случај се јавува 10 годишно дете кое прерано го загуби својот живот, како и исклучителната болка која е предизвикана кај членовите на неговото семејство.

Околноста дека обвинетиот по случувањето воопшто не застанал да види дали може да укаже лекарска помош или да повика брза помош и со самото тоа евентуално спасување на животот на жртвата, околноста што обвинетиот го управувал возилото со брзина од 76 километри на час, која е повисока од законски пропишаната брзина од 50 километри на час, на место каде што нема одбележан пешачки премин на растојание од 100 метри, каде што нема заштитна ограда а има голема фреквенција на пешаци, појасни Клетничка.

Додека, како олеснувачки околности ги зема личните прилики на обвинетиот, особено, како што рече, возраста на обвинетиот, која е млада личност на возраст од 21 година, неговата материјална, социјална и семејна положба, околноста што обвинетиот не е осудуван, и против него не се водат постапки за други кривични дела како и неговото целосно признание на вина со кое, според неа, придонесе кон брзо решавање на постапката како и каењето и жалењето на обвинетиот.

А и околноста што одреден степен на вина во сообраќајната незгода е најдено и на страна на жртвата која започнала да преминува попречно преку коловозот со трчање од лево кон десно, гледано во насока на движење на патничкото моторно возило, на место на кое нема обележан пешачки премин, во ситуација која на растојание помало од 100 метри нема обележан пешачки премин без да обрне внимание на возилата кои се движат по булеварот, рече судијката.

Во изјава за медиуми по пресудата, таткото на жртвата изјави дека очекувале дека казната треба да биде над 10 години.

Повеќе да е од 10. Да изгубиш дете со две години, ова не е реално. Се знае кога губиш дете како се чувствуваш. Од тоа нема повеќе тежина. Не му посакувам на никому ова да му се случи. Ама ако имаме држава треба правилно да се суди, рече тој.

Процесот го води судијката Марија Клетничка, а застапник на обвинението е обвинителот Даниел Коцев.

The post „Да изгубиш дете со две години, ова не е реално“, вели таткото за казната доделена на возачот кој го усмрти неговиот син appeared first on Република.

Единствена казна затвор од две години и три месеци одреди судијката Марија Клетничка од Основниот кривичен суд Скопје за 21-годишниот Шукри Зеќири од Скопје, кој на 12 октомври на булеварот „Никола Карев“, на делот познат како „Пластичарска“ во Скопје удри десетгодишно дете кое од ударот почина на самото место, а тој избега.

На обвинетиот, судијката му одреди и казна забрана за управување со моторно возило во период од три години со што времето поминато во затвор не се смета во казната и му ја продолжи и мерката куќен притвор сѐ до правосилноста на пресудата.

Обвинетиот Зеќири претходно пред Судот го призна делото кое му се става на товар, но рече дека избегал од страв да не биде тепан.

Според обвинението од Основното јавно обвинителство Скопје, обвинетиот се товари за кривично дело „тешки дела против безбедноста на луѓето и имотот во сообраќајот“ по член 300 став 4 во врска со член 297 став 3 во врска со став 1 и кривично дело „неукажување помош на лице повредено во сообраќајна незгода“ по член 301 став 1 од Кривичниот законик.

The post Две години и три месеци затвор за возачот што усмрти дете на „Пластичарска“ appeared first on Република.

Судењето за сообраќајната несреќа во која животот го загуби десетгодишно дете на булеварот „Никола Карев“, на делот познат како „Пластичарска“ во Скопје, денеска во Основниот кривичен суд заврши со признание на вина на 21-годишниот возач.

Обвинетиот на 12 октомври во 16:40 часот на булеварот „Никола Карев“ во Скопје не се придржувал до пропишаните прописи и возел со 76 километри на час, и со предниот дел од возилото удрил во телото на пешак – дете родено 2013 година кое како пешак попречно го поминувало коловозот надвор од обележан пешачки премин. Од ударот детето починува на лице место, а возачот го напушта местото на несреќата без да укаже помош.

Обвинетиот 21- годишен возач од Скопје, денеска пред Судот го призна делото кое му се става на товар, но рече дека избегал од страв да не биде тепан.

Многу ми е жал за тоа што го сторив. Се каам за тоа што го направив. Не можам да спијам. Свесно и доброволно признавам, рече обвинетиот.

Јавниот обвинител Даниел Коцев од ОЈО Скопје, во завршен збор, побара при одмерувањето на казната Судот да ги има в предвид сите олеснителни и отежнителни околности, како и да делува превентивно за другите учесници во сообраќајот.

Со оглед дека обвинетиот го призна делото, предлагам Судот при одмерување на казната да ги има во предвид сите олеснителни околности, како возраста, признанието на вина и тоа дека вештакот одреден степен на вина за несрќата најде и на страната на жртвата. Како исклучително отежнувачките околности, пред се тоа дека жртвата е 10-годишно детенце и исклучителната болка предизвикана на семејството, како и дека по случувањето на несреќата обвинетиот воопшто не застанал да види што се случило и да укаже помош на жртвата и дека возилото го управувал со брзина поголема од законски предвиденото ограничување од 50 километри на час, изјави јавниот обвинител.

Адвокат на обвинетиот по службена должност, во завршен збор рече дека одбраната нема како, а да не се согласи со завршниот збор на обвинителот, особено што е прерано загубен еден детски живот, што не требало никогаш да се случи, но и за уште еден прерано уништен живот на обвинетиот. Тој побара од Судот да даде шанса на обвинетиот да го продолжи животот, со оглед на неговата возраст и дека никогаш не сторил никакво кривично дело, изјави адвокатот на обвинетиот.

Судијката Марија Клетничка Марковска пресудата ќе ја објави на 15 ноември.

Возачот се наоѓа во куќен притвор, а според обвинението од ОЈО Скопје се товари за кривично дело тешки дела против безбедноста на луѓето и имотот во собраќајот по член 300 став 4 во врска со член 297 став 3 во врска со став 1 и кривично дело неукажување помош на лице повредено во сообраќајна незгода по член 301 став 1 од Кривичниот законик.

The post 21-годишникот кој со 76 км/час на Пластичарска уби дете призна вина за сообраќајката appeared first on Република.

Основното јавно обвинителство Скопје поведе постапка против 21-годишен скопјанец кој вчера попладне удри десетгодишно дете на булеварот „Никола Карев“, познат како „Пластичарска“ и побегна од местото на несреќата.

Како што информираат од Обвинителството, возачот е осомничен за „тешки дела против безбедноста на луѓето и имотот во сообраќајот“ и за „неукажување помош на лице повредено во сообраќајна незгода“.

Според Обвинителството, осомничениот, на 12 октомври, како учесник во сообраќајот на јавните патишта, движејќи по булеварот „Никола Карев“ во насока од исток кон запад, управувал автомобил Мерцедес Е 320 и брзината на движење не ја приспособил спрема својствата и состојбите на патот, густината на сообраќајот и другите сообраќајни услови, така што да може навремено да го запре пред секоја пречка што под дадените услови да може да ја предвиди.

Со предниот дел од возилото удрил во телото на пешак – дете родено 2013 година кое како пешак попречно го поминувало коловозот надвор од обележан пешачки премин. Од повредите здобиени при сообраќајната несреќа детето починало на Ургентниот центар, а осомничениот, без да укаже помош на повреденото лице го напуштил местото, стои во соопштението од ЈО.

Оттаму дополнуваат дека, ценејќи ги сите околности, надлежниот јавен обвинител му предложил на судот да определи мерка куќен притвор за осомниченото лице, а дополнително и мерки на претпазливост – привремено одземање на патна или друга исправа за преминување на државната граница односно забрана за нејзино издавање и привремено одземање на возачка дозвола односно забрана за нејзино издавање.

The post Обвинителство поведе постапка против возачот кој удри дете на „Пластичарска“ appeared first on Република.

Општински инспектори им ставиле жолти ленти, но сопствениците ги отстраниле и продолжиле со градењето на диво на два идентични објекта на Водно, открива „360 степени“.

На Пластичарска, пак, Општина Центар договорила рушење на дивоградба, но полицијата откажала асистенција во последен момент, пишува порталот.

Одговори за ваквото урбано дивеење во најцентралната скопска општина побараа од градоначалникот Горан Герасимовски, кој вели дека има повеќе решенија за рушење уште од минатата година, но не се руши зошто „средствата на општината не се доволни“.

Мал е градот, сите ги знаеме, дури не само горе што градат, туку знаеме луѓе и на други места. Од наша страна е дадена насока дека тоа е кривично дело и дека мора да се престане со дивоградбата поради тоа што гледаме дека некои реагираат некои не реагираат, ние ќе го почитуваме законот и ќе постапуваме по истиот, вели тој.

Целата сторија на „360 степени“

The post Полицијата во последен момент откажала асистенција за рушење дивоградба на Пластичарска, две скинати ленти и на Водно appeared first on Република.

Тешка сообраќајна несреќа се случила на Пластичарска улица, во близина на касарната „Илинден“.

Според очевидци на несреќата, во сообраќајката учествувале најмалку три возила, а поради оштетените возила и полицискиот увид на лице место, сообраќајот се одвивал крајно отежнато.

Од МВР очекуваме подетални информации за несреќата.

The post Сообраќајка на неколку возила на „Пластичарска“ предизвика блокада на сообраќајот appeared first on Република.

Пешак е повреден попладнево во сообраќајна несреќа на булеварот „Никола Карев“ познат како улица „Пластичарска”.

Веста за МИА ја потврдуваат и од МВР од каде појаснуваат дека сообраќајката се случила кај клучката „Детелинa“.

Според првичните информации, возило „опел корса“ од Скопје во 14:15 часот удрил во пешак кој во меѓувреме е пренесен на комплексот клиники „Мајка Тереза“.

Увидот на местото на настанот уште трае.

The post Пешак повреден на „Пластичарска” appeared first on Република.

Пожарот кој попладнево избувна во објект на улицата позната како „Пластичарска“е изгаснат.

Територијалната противпожарна единица на Град Скопје интервенирала со шест возила и околу 15 пожарникари.

Дел од медиумите јавија дека е блокиран дел од булеварот „Никола Карев“ на потегот кон Бит Пазар.

The post Голем пожар на Пластичарска, се гаснеше со шест возила appeared first on Република.

Голем пожар зафати објект на „Пластичарска“, информира 24инфо.

Полицијата го затвори делот од скопскиот булевар „Никола Карев“ на потегот кон Бит Пазар каде што работат голем број на комерцијални објекти.

На терен се излезени МВР и Противпожарната бригада

The post Голем пожар на „Пластичарска“ – улицата затворена за сообраќај appeared first on Република.