Дебарскaтa полиција поднесе кривични пријави против дебарчанец и жител на Струга, за сторено кривично дело „демнење“.

Поднесена е кривична пријава против Р.И.(43) од Дебар и Т.Б.(30) од струшкото село Корошишта поради постоење основи на сомнение за сторено кривично дело „демнење“. Пријавениот Р.И. своерачно напишал повеќе анонимни писма со лажна и тенденциозна содржина, со користење на лични податоци на лице вработено во ОВР Дебар, информираше Стефан Димоски, портпарол на Секторот за внатрешни работи-Охрид.

Според него на 22 јуни годинава Р.И. му ги предал писмата на Т.Б., кој, како помагач и соизвршител на делото, писмата ги доставил во поштата во Струга и ги пуштил на неколку службени адреси.

Со ваквото постапување, пријавените кај оштетениот предизвикале психичка вознемиреност и чувство на несигурност, додаде Димоски.

The post Двајца мажи осомничени за демнење, испраќале писма на неколку службени адреси appeared first on Република.

Нови цени на поштенските услуги во меѓународниот поштенски сообраќај се во сила од денеска. Новите цени се однесуваат за писмата, поштенските картички, печатените работи и малите пакети.

За стандардизираното писмо, поштенската услуга ќе чини 42 денари, а исто толку ќе чини и за поштенската картичка.

Поштенската услуга за нестандардизираното писмо до 20 грама во соседните држави и во земјите од Европа, кои се во втора зона, од септември ќе биде 42 денари, а за останатите држави од Европа, кои се во трета зона, како и за Австралија, Нов Зеланд и останатите држави од светот 45 денари.

За препорачаните писма, ќе се доплаќа 139 денари како дополнителна цена која ќе се додава на цената за основната услуга.

Кај малите пакети до 100 грама, доколку се праќаат во соседните држави и во земјите од Европа од втора зона ќе се плаќа поштенска услуга од 105 денари, а за останатите европски држави кои се во трета зона, како и за Австралија, Нов Зеланд и останатите држави од светот 120 денари. За најголемите пакети од 1000 до 2000 грама, цената на поштенската услуга за соседните држави и за Европа, втора зона, ќе биде 1.115 денари, додека за останатите европски држави, Австралија, Нов Зеланд и останатите држави од светот ќе биде 1.285 денари.

За печатени книги, весници и списанија до 20 грама, поштенската услуга за соседните држави и Европа, втора зона, ќе биде 37 денари, а за Австралија, Нов Зеланд и останатите држави од светот 39 денари. За пратка со печатени книги, весници и списанија кои тежат од 1000 до 2000 грама, ќе се плаќа поштенска услуга од 1.112 денари за соседните држави и Европа, втора зона, додека за Австралија, Нов Зеланд и останатите држави во светот 1.265 денари…

За авионски превоз за писмо, поштенска картичка, печатени работи, мали пакети и секограми (сите видови печатени работи за слепи) за Австралија и Нов Заланд и за останатите земји во светот, цената ќе биде по 6 денари за секои 10 грама тежина на пратката, која ќе се пресметува како дополнителна цена и ќе се додава на цената за основната услуга. За земјите од Европа, цената за оваа услуга останува четири денари на секои 10 грама тежина на пратката.

Потребата од зголемување на цените, како што стои во образложението од Агенцијата за пошти, е оправдано од неколку причини – некои од постојните цени на основните и дополнителните услуги во меѓународниот сообраќај како писмо и поштенска картичка се во примена повеќе од 20 години, додека цените на нестандардизираното писмо, печатени работи и мали пакети, препорачано ракување и ракување со писмо, не се сменети шест години, а трошоците за нивно обезбедување се зголемени.

Во образложението се наведува и дека вака зголемените цени на поштенските услуги се меѓу пониските во регионот и дека се во рамки на просекот со земјите од регионот.

The post Поскапуваат цените за писмата, поштенските картички, печатените работи и малите пакети што се праќаат преку Пошта appeared first on Република.

Во аукциската куќа „Дејвид Ли“ се продаваат 32 писма на покојната принцеза Дијана. Целата заработка оди на сметките на организациите кои таа ги поддржувала.

Серија приватни, срдечни писма и картички напишани од принцезата Дијана до нејзините пријатели Сузи и Тарек Касем, излегуваат на аукција. Овој потенцијално одличен архивски материјал се предвидува дека ќе заработи добри пари. Секоја буква ќе се продава посебно, а експертите веруваат дека продавачите ќе заработат вкупно најмалку 90.000 фунти. Парите од продажбата одат во хуманитарни цели, на сметки на организации поддржани од Дијана.

А во 32 писма и честитки, кои ги напишала и ги испратила до пријателите меѓу 1995 и 1996 година, принцезата од Велс зборува за тоа колку жали за разводот со принцот Чарлс, за чувството на изолација и стравувањата дека нејзиниот телефон се прислушува.

Писмата откриваат дека принцезата не би се согласила на развод доколку знаела дека ќе биде „толку очајно и грдо“.

Парот ги продава писмата затоа што сметаат дека „имањето такви документи е голема одговорност“ што не сакаат да им ги пренесат на своите деца. Зачувале за себе некои од писмата кои се особено лични или доверливи.

Идниот сопственик ќе може да додаде во својата колекција, на пример, писма од 28 април 1996 година во кои Дијана го откажува одењето во опера поради напнатост.

Поминувам низ многу тешки времиња и притисокот е сериозен и доаѓа од сите страни. Понекогаш ми е премногу тешко да ја држам главата горе и денес сум на колена и само сакам овој развод да заврши бидејќи неговата цена е огромна“, напишала принцезата.

The post На аукција се продаваат 32 писма на покојната принцеза Дијана во кои зборува колку жали за разводот со принцот Чарлс appeared first on Република.

Повеќе досега невидени писма на англискиот писател од 19. век, Чарлс Дикенс, за првпат ќе бидат изложени во Музејот на Чарлс Дикенс, како и на интернет.

Станува збор за 11 писма што вклучуваат разни белешки и увид во навиките на авторот за читање и пишување, како и податоци за едно патување во Швајцарија, пишувани до пријател…

Имено, на пример, во писмо од 10 февруари 1866 година, Дикенс се жали на одлуката за неработење на поштенската услуга и сообраќај во недела и се заканува дека ќе си замине од неговото соседство.

Би замолил да посочам дека најодлучно и најжестоко се противам на нанесувањето каква било непријатност врз себеси… Во најдобри односи сум со моите соседи – сиромашни и богати и верувам дека би им било жал да ме загубат. Но, ќе бидам дотолку попречен од предложеното ограничување што мислам дека тоа ќе ме принуди да го продадам мојот имот овде и да го напуштам овој дел од земјата - пишува Дикенс.

Писмата се меѓу повеќе од 300 предмети што Музејот на Чарлс Дикенс ги набави од колекционер од САД во 2020 година. Збирката вклучува и лични предмети, портрети, скици, белешки и книги.

Целата колекција, вредна 1,8 милиони фунти (2,1 милиони долари), Музејот ја купи со помош на Меморијалниот фонд на националното наследство, националните библиотеки и стипендијата „Дикенс“.

Емили Данбар, кустос во Музејот, изјави дека една од најдобрите работи за овие писма е тоа што го прикажува како пишувал во неговите 30-ти, 40-ти и 50-ти години од животот и разновидноста на темите што го окупирале неговиот ум.

Чарлс Дикенс е писател на многу познати класици, како што се романите „Оливер Твист“, „Приказна за двата града“, „Големите исчекувања“ и „Дејвид Коперфилд“.

The post Досега невидени писма на Чарлс Дикенс ќе бидат покажани на јавноста во неговиот музеј appeared first on Република.