Продолжува сага со градскиот превоз во Скопје и состојбата на оние малку автобуси од ЈСП кои возат низ градот.

Во ново видео на социјалните мрежи, лути патници се расправаат со возач, кој им објаснува дека автобусот не е во ред и не може да го вози.

Во коментари корисниците на лутите патници им предлагаат оваа лутина да ја насочат каде што треба - пред канцеларијата на Данела Арсовска:

The post Автобус на ЈСП не може да тргне, патниците нагрнаа на возачот appeared first on Република.

Бројот на патници услужени на двата меѓународни аеродроми во земјава достигна 432.678 во првите два месеци од годината, што е за 39,5 насто повеќе во споредба со истиот период од минатата година, соопшти „Aeroports de Paris“ (АДП).

Според последното соопштение од „АДП“, само во февруари, бројот на патници достигнал 189.434, што е за 30,8 отсто повеќе од февруари 2023 година.

Остварениот сообраќај на аеродромите во Охрид и Скопје за првите два месеци годинава достигна 3.521 летови, што е за 34,5 проценти повеќе споредбено со истиот период лани. Само во февруари на двата аеродрома се реализирани 1.590 летови или 30,1 проценти повеќе отколку во февруари минатата година.

Инаку, компанијата „АДП“ поседува 46 проценти од акциите на компанијата „ТАВ аеродроми“, турскиот концерн што стопанисува со аеродромите во Скопје и Охрид.

The post Зголемен бројот на патници и летови од аеродромите во Скопје и Охрид во првите два месеци од 2024 година appeared first on Република.

Најмалку 50 лица се повредени по „инцидент“ на летот на „Латам Ерлајнс“ (LATAM Airlines) од Сиднеј за Окленд.

За време на летот се појавил технички проблем што предизвикал леталото нагло да почне да понира, јавуваат локалните медиуми.

Од Брзата помош соопштија дека на лице место биле прегледани и укажана им била помош на околу 50 лица, од кои едно било во тешка, а останатите во умерена или полесна состојба.

Околу 13 лица се пренесени во болница на лекување, додаваат од Итната медицинска помош.

Авионот „Боинг 787-9 Дримлајнер“ слета на аеродромот во Окленд според планираното во понеделникот попладне по локално време.

Авионот вообичаено застанува во Окленд на пат до Сантијаго, главниот град на Чиле.

„Латам Ерланјс“ има редовни линии меѓу Сиднеј, Окленд и главните центри во Јужна Америка.

The post Најмалку 50 повредени во инцидент за време на лет од Сиднеј за Окленд appeared first on Република.

Меѓународниот аеродром Скопје лани забележал близу 2,9 милиони патници, што го прави петти најпрометен во регионот. Од аеродромите во земјите од поранешна Југославија, најмногу патници во 2023 година имал белградскиот - 7,95 милиони, втор е Загреб со 3,72, на трето место е аеродромот во Приштина со 3,42 милиони, а четврти е Сплит со 3,59 милиони патници, објави специјализираниот сајт за авијација „Exyuaviation“.

Низ комерцијалните аеродроми во земјите од регионот минатата година поминале повеќе од 35,5 милиони патници, што е за пет милиони повеќе отколку во 2022. Повеќе од половина од аеродромите лани забeлежале најпрометна година досега, а дел сè уште се под нивото на превезени патници во однос на периодот пред ковид пандемијата.

Во 2023 година, Скопје првпат го престигна традиционално попрометниот Дубровник, додека Подгорица го надмина Сараево, а Љубљана Задар.

Во однос на пред ковид периодот (2019 година), белградскиот аеродром бележи 1,8 милиони повеќе патници, приштинскиот еден милион, а скопскиот дополнителни 400 илјади патници.

Најмногу патници лани летале со авиокомпанијата „Визер“ (5,9 милиони), што е за 1,8 милиони повеќе во споредба со 2019 година. Втора е „Ер Србија“ со 5,2, а трет „Рајанер со 3,66 милиони превезени патници.

The post Аеродромот во Скопје бил петти најпрометен на Балканот во 2023 година appeared first on Република.

Авиосообраќајот на аеродромот „Никола Теска“ во Белград, Србија е во целосен прекин, пренесуваат српските медиуми, додавајќи дека ќе нема полетувања и пристигнувања во наредните два часа, поради „проблем во безбедносната контрола“.

Проблемот наводно настанал кога патниците кои долетале од Македонија по слетувањето влегле во автобусот, кој по грешка ги однел на погрешен гејт. Така тие завршиле во транзитната зона, каде што не им е дозволено да бидат бидејќи Македонија не спаѓа во групата земји кои ги имаат потребните дозволи за тоа.

Патниците од Скопје се запрени и подоцна ќе мора да ги поминат сите безбедносни контроли за да може да продолжи нормалното функционирање на патничкиот сообраќај на аеродромот. Се проценува дека прекинот на сообраќајот ќе трае најмалку два часа, објави српски „Курир“.

 

View this post on Instagram

 

A post shared by 192.RS (@192_rs)

The post Поради патници од Македонија запрен авионскиот сообраќај на аеродромот во Белград appeared first on Република.

Автобусот, којшто се запали утрово кај Стража, се движел на редовна линија Скопје - Охрид. Нема повредени патници, а во гаснењето интервенирале гостиварските пожарникари. Сообраќајот се одвива нормално.

-Денеска, во 11:25 часот на бесплатниот број за итни повици 112 е добиена пријава дека пред патниот премин Стража е запален патнички автобус кој се движел на редовната линија Скопје - Охрид. Операторот од 112 веднаш ги известил МВР - СВР Тетово и ТППЕ Гостивар. Гостиварските пожарникари итно излегле на лице место и го изгаснале запалениот автобус. Нема ниту еден повреден патник, информираат од ЦУК.

Во тек е увид од екипа на МВР.

Претходно, од Мнистерството за внатрешни работи за МИА потврдија дека на магистралниот пат Гостивар-Кичево, на околу три километри пред месноста „Стража“, се запалил автобус кој се движел кон Кичево, а случајот бил пријавен во 11:20 часот во СВР Тетово.

На посоченото место веднаш се испратени полициски службеници од Одделението за внатрешни работи Гостивар и екипа од гостиварската Територијална противпожарна единица. Нема повредени лица, наведоа од МВР. 

The post Се запали автобус на Стража, нема повредени патници, сообраќал на релација Скопје – Охрид appeared first on Република.

Српски граѓани во земјава доживеаја голема непријатност кога се враќале од Грција.

Според нив, биле нападнати од група малолетници кои фрлале камења кон нивниот автобус.

За среќа нема повредени.

Вечерва на враќање со автобус од Грција се случи нешто непријатно. Од надвозник во Македонија бевме гаѓани со камења. За среќа, стаклото не се скрши целосно и децата што седеа таму не беа повредени. Ние подоцна бевме известени дека тоа го направила група малолетници, дека не сме први на кои ова им се случува, а се почесто и се случува. Знаат кој се работи и не гледам ништо да се пишува каде и да е. Овде сакам да го свртам вниманието на возачите да внимаваат кога поминуваат под надвозници низ Македонија, напиша Сања М. на Фејсбук страницата „Во живо од Грција“.

The post Автобус со српски туристи каменуван во Македонија appeared first on Република.

Велешани кои патуваат со воз се револтирани поради тoa што возовите веќе петти ден не сообраќат поради бојкот на машинскиот и извршниот персонал на ЖРСМ Транспорт.

Патниците од Велес и велешко кои редовно патуваат со воз од кои некои немаат можност за друг превоз, се револтирани што мора да бараат други начини да стигнат до Скопје, Прилеп, Битола, Гевгелија, а како алтернатива мора да бараат поскап превоз со автобус, такси или сопствен превоз со што се изложуваат за дополнителни трошоци за бензин и патарини. Се обраќаат со молба до менаџерскиот тим на МЖ Транспорт во преговори со Владата да ги исполнат барањата на машиновозачите за возовите повторно да се пуштат во сообраќај.

Машинскиот и извршниот персонал на ЖРСМ Транспорт од петокот во 16.00 часот почна бојкот со прекин на железничкиот сообраќај поради неисплатен втор дел од платата за месец јули годинава. Прв воз што запре наместо да тргне беше возот од Скопје – Гевгелија кој по возен ред поаѓа во 16:55 часот.

The post Возовите петти ден не сообраќаат, патниците од Велес револтирани appeared first on Република.

Јужнокорејската национална авиокомпанија „Кореја ер“ почна да ја мери и тежината на патниците, заедно со багажот при качувањето на авионот.

Во соопштението на компанијата се наведува дека тоа сѐ тоа е согласно решшението на Министерството за инфраструктура и транспорт на Јужна Кореја, коешто со оваа одлука цели кон поголема безбедност во воздушниот сообраќај. Станува збор за пилот-програма што ќе трае три седмици и засега се однесува само на домашните летови, а воведена е за да ѝ помогне на авиокомпанијата при одлуки за потребите околу горивото и распределбата на тежината во авионот.

Меѓутоа, патниците може да одбијат да бидат измерени.

При мерењето на патниците и багажот, никој друг нема да ги види податоците, и тие се споделуваат само со Министерството. Јужнокорејската авиокомпанија стана втората авиокомпанија во светот што направила ваков чекор, откако „Ер Нов Зеланд“ почна да ги мери патниците во јуни. Резултати од тој пилот проект сѐ уште не се објавени.

The post „Кореја ер“, освен багажот, ќе ги мери и патниците appeared first on Република.

Бранот груби, пијани и насилни патници во авионите, којшто се појави за време на корона-пандемијата, не стивнува, предупредуваат бројките.

Бројот инциденти поврзани со непочитувањето правила во авионите, кусо опадна по укинувањето на корона-мерките, но повторно почна да расте во текот на 2022 година. Статистиката ја потврдуваат и бројните видеа со луѓе кои почнуваат расправија. Според Меѓународната асоцијација на авиокомпании (ИАТА), лани имало по еден инцидент на 568 лета, а во 2021 година - еден на 835 летови.

Овие т.н. безобѕирни патници најчесто одбиваат да носат појаси, инсистираат на преголем рачен багаж, се тепаат, пушат вистински или електронски цигари и се впуштаат во кавга за своите ставови. Според ИАТА, бројот „непримерни“ патници во 2022 година се зголемил за 37 отсто во однос на претходната година.

Физичките напади се ретки (на еден од 17.200 летови), но и тоа е скок од 61 отсто за една година.

Во првата половина на 2023 година, бројот на инциденти сè уште е двојно поголем од просекот пред здравствената криза, според Американската управа за цивилно воздухопловство - ФАА. Оттаму се залагаат за „нулта толеранција“ за вакви испади и лани поднеле обвиненија против недисциплинирани патници, во вкупна вредност од 8,4 милиони долари во казни.

The post Одбиваат да стават појас, имаат преголем рачен багаж, пушат, се караат со стјуардесите: Сѐ почесто има безобѕирни патници во авионите appeared first on Република.

Седум лица се повредени во авион поради силни турбуленции за време на летот на „Хаваи ерлајнс“ од Хонолулу до Сиднеј.

Авионот во четвртокот превезуваше 163 патници и 12 членови на екипажот кога „наиде на неочекувани силни турбуленции околу петтиот час од летот, се вели во соопштението на авиокомпанијата.

Се додава дека лекарите на аеродромот укажале помош на тројца повредени патници кога авионот слетал во Сиднеј.

Еден патник и три стјуардеси се испратени во болница на дополнителни прегледи, по што стјуардесите се отпуштени од болничко лекување.

Минатата година во тешки турбуленции беа повредени 25 лица на летот на „Хаваи ерлајнс“

The post Патници повредени откако силни турбуленции зафатија авион од Хаваи appeared first on Република.

Само неколку недели пред исчезнувањето на туристичката подморница Титан, ветеран на американската морнарица предупреди на ужасните здравствени ефекти од заробувањето во таков брод.

Во научен труд објавен во медицинско списание минатиот месец, д-р Дејл Моле детално ја опиша „непријателската“ средина на комерцијалните подморници. Во длабочините, патниците се соочуваат со ограничени резерви на кислород, токсични нивоа на јаглерод диоксид и опаѓање на температурите.

Подморницата Титан треба да има прочистувач на јаглерод диоксид за да го отстрани вишокот токсичен гас што се акумулира кога патниците издишуваат во затворени простории, но повеќето бродови имаат ограничен капацитет од овој прочистувач.

Постои и ризик од хипотермија поради ниските температури во длабочините на океаните, како и хипервентилација предизвикана од напади на паника, која може да потроши уште повеќе скапоцен кислород.

Научен труд објавен помалку од еден месец пред инцидентот на Титан
Трудот на д-р Моле беше објавен во научно списание на 29 мај, само 20 дена пред Титан да изгуби контакт со својот мајчин брод, оставајќи пет патници заробени на дното на океанот. На подморницата и останаа 40 часа кислород во вторникот, околу 13 часот по локално време, објави американската крајбрежна стража.

д-р. Моле изјави за DailyMail дека се води трка со времето во обидат за спасување на патниците.

Подморницата нурнала во неделата и изгубила контакт со матичниот брод час и 45 минути по почетокот на патувањето. Постои можност Титан да се наоѓа на површината на океанот, но бидејќи патниците се затворени во главната капсула која може да се отвори само однадвор, тие се заробени и се уште можат да се задушат доколку не ги најдат наскоро.

- Заробениот екипаж на потонат брод или подморница се соочува со многу физиолошки предизвици, вклучувајќи токсични гасови, изложеност на зголемен притисок од околината и хипотермија - напиша д-р Моле во својот труд, објавен во списанието Ciottone's Disaster Medicine.

Поголема грижа од кислородот е јаглерод диоксидот

Секогаш кога луѓето се во херметички затворен простор, повеќето помислуваат прво на кислородот, но јаглерод диоксидот всушност е поголема грижа. Сигурно ќе има некој систем за чистење на јаглерод диоксид во подморницата, но во случај на губење на изворот на енергија тој систем повеќе не би функционирал.

На луѓето внатре ќе им биде тешко да дишат, ќе им се зголеми длабочината на дишењето. Ќе започне главоболка и постепено ќе ја губат свеста. Зголеменото ниво на јаглерод диоксид е она што прво ги убива луѓето кога се во затворена средина, а не нивото на кислород - додава тој.

Што ако не ја најдат подморницата на време?

Штом ќе ја изгубат способноста да го отстранат јаглеродниот диоксид од таа внатрешна атмосфера, тоа е она што ќе доведе до смрт.Тоа е како да ставите кеса преку глава. Ќе има чувство на „глад за воздух“, а потоа ќе следи несвестица – објаснува тој.

Хипотермијата е уште еден значаен ризик за екипажот.

Внатре во ваква мала подморница, електронската опрема на бродот ќе генерира малку внатрешна топлина, а луѓето исто така ќе генерираат топлина бидејќи тоа е мал простор. Сепак, брзо ќе стане прилично студено.

После тоа, тие ќе ја изгубат способноста да ги користат рацете и „тогаш постепено ќе паднат во несвест“, вели д-р Моле.

Треба да се трудите да останете максимално смирени и да исклучувате што е можно повеќе електрична опрема за да ја зачувате батеријата.

Друга можност е пенетрација на вода во кабината, изјави д-р Моле.

Се случува толку брзо што навистина не би знаеле што се случило.

Да беше така, оние во подморницата ќе загинаа веднаш, додаде тој. Доколку е сè уште недопрена, патниците сè уште не треба да имаат никакви негативни здравствени ефекти, рече тој.

Заглавени во сè постресна ситуација, патниците на подморницата најверојатно ќе ги фати паника. Симптомите на напад на паника вклучуваат забрзано чукање на срцето, отежнато дишење и мускулна напнатост. Луѓето може да чувствуваат вртоглавица, гадење и да чувствуваат тремор и препотување.

Тие може да почнат да дишат брзо и длабоко, што може да предизвика премногу јаглерод диоксид да се издишува додека нема доволно кислород за да се вдише. Сето ова може да доведе до хипервентилација.

д-р. Моле го доставил својот труд до списанието пред две години, а бил објавен неколку недели пред инцидентот на Титан.

The post Во исчезнатата подморница имаат воздух до петок: Ова се ужасните последици со кои се соочуваат заробените патници appeared first on Република.

Десетици луѓе се повредени денеска во судар на автобус од Полска и камион во источна Германија.

Полицијата соопшти дека камионот странично удрил во автобусот додека ја менувал лентата на автопатот А12 меѓу градовите Сторков и Федерсдорф, во германската покраина Бранденбург.

Според полицијата, повредени се 52 лица, од кои 10 потешко, а состојбата на едно лице е критична.

Три хеликоптери, амбулантни возила и полиција се на местото на несреќата каде е затворен дел од автопатот.

The post Десетици повредени во судар на автобус од Полска и камион во Германија appeared first on Република.

Над 51 илјади патници влегле и излегле од ГП Табановце изминатиов викенд, соопштија денеска од МВР.

Според податоците од преминот од 13 до 16. јануари, годинава до пладне низ преминот поминале 51.515 патници. Од нив на преминот влегле 11.707, а излегле 21.701 македонски државјанин. Влез оствариле 8.289 странски државјани, а во истиот период излегле 9.818 лица, странски државјани.

Најголем наплив на патници и возила имаше на 15-ти јануари годинава од 15:00 до 18:00 часот, соопштија за МИА од ГП Табановце.

Во моментов на ГП Табановце редовно се одвива сообраќајот.

The post Викендов над 51.000 патници поминале низ ГП Табановце, најмногу македонски државјани appeared first on Република.

Над 18.500 граѓани влегле на граничниот премин Табановце, а над 8.500 излегле од вчера на полноќ, до денеска до 10 часот, информираа од Министерството за внатрешни работи.

Најголема фреквенција имало вчера во попладневните часови и во текот на ноќта, а сите ленти на ГП Табановце се подготвени и работат на проток на патници, додека, времето на чекање е околу 15-20 минути, соопштија од МВР.

Според податоците на МВР, во периодот од 00:00 часот на 23 декември до 10 часот денеска, на ГП Табановце во земјава влез оствариле 13.007 домашни и 5.544 странски државјани или вкупно 18.551 патник. Излез оствариле 4.259 домашни и 4.421 странски државјанин, или вкупно 8.680 патници.

Тоа би значело дека 17.266 домашни и 9.965 странски државјани поминале на ГП Табановце за влез и излез од државата, односно вкупната бројка на патници е 27.231, велат од МВР.

Минатиот викенд почна зголемената фреквенција на влез на патници, пред сѐ македонски државјани, кои заради празниците се враќаат во земјава.

The post Кој тргнал на пат, ќе се изначека: Зголемена фреквенција на патници на ГП Табановце, сите ленти во функција appeared first on Република.

„Не заспивајте, да не треба да кршиме“, си кажувале меѓу себе патниците кои на 29 ноември патувале од Скопје за Софија и назад со автобусот на „Македонија сообраќај“, пишува „СДК.мк“,

Автобусот чадел по пат, лазел и на крај ги симнал патниците кај Ранковце, по што ги презело патничко возило испратено од компанијата и стигнале дома во 1 по полноќ, наместо околу 22 часот како што било планирано, реагираат патниците кои ја контактирале редакцијата на „сдк.мк“.

Вознемирени од сообраќајките кои се случија во Ласкарци во 2019 (16 загинати) и лани во Бугарија (45 загинати), една од патничките вели дека одлучила да реагира, бидејќи смета оти е очигледно дека никој не врши контрола на превозниците.

Патувањето од Скопје за Софија почнало на 29 ноември во 7 часот, а според превозникот и информациите објавени на нивната интернет страна, пристигнувањето во Софија е во 12:40 по локално време. Во автобусот биле девет патници, од кои шест странски државјани.

Возачот на автобусот во првата фаза од патувањето не развиваше поголема брзина, претпоставував поради влажните коловози. Меѓутоа веќе во Бугарија, во околината на градот Дупница брзината значително се намали и автобусот започна да чади од задниот дел. Паниката се забележа кај сите патници, особено кај нас Македонците, поради неодамнешните трагични настани со автобуски несреќи. Патниците од задниот дел на автобусот се преместија во предниот дел на автобусот. Во тој дел од патот престоеја тунели и угорнини, каде автобусот се движеше со најмала брзина, до моменти на ‘лазење’ по коловозот, сè до целосно гасење на моторот во ризични делови од патот, како во тунелите. Паниката во автобусот стана видлива и сите патници беа на штрек“, вели 36-годишната скопјанка.

Повеќе на СДК.мк.

The post Не заспивајте, да не треба да кршиме стакла: Патници се возеле преплашени во автобус од Скопје до Софија што чадел и лазел appeared first on Република.

Во текот на вчерашниот ден (28.10.2022) во периодот од 12.00 до 16.00 часот на територијата на Република Македонија спроведена е акциска контрола на возила што вршат јавен превоз на ученици, за зголемување на безбедноста на учениците од дома до училиште и од училиште кон дома. При контролата приведени се две лица поради нарушување на јавниот ред и мир, одземен е боксирач, а констатирани се и 84 сообраќајни прекршоци. Од нив 26 возила се испратени на вонреден технички преглед , а изречени се пет санкции за возење без возачка дозвола, три санкции за нерегистрирани возила…

Засилените акциски контроли продолжуваат и во наредните денови. МВР апелира до сите учесници во сообраќајот да ги почитуваме сообраќајните правила и заеднички да придонесеме за побезбедни патишта.

The post МВР: 84 санкции за автобуси што вршат превоз на ученици, 26 возила се упатени на вонреден технички преглед appeared first on Република.

Пронајдени се телата на 22 лица, сите 19 патници и тројца членови на екипажот, кои се наоѓале во авионот што во неделата се урна на падините на Хималаите во Непал, соопштија денеска властите.

Четворица Индијци, двајца Германци и 16 Непалци биле во авион DHC-6-300 Twin Otter, сопственост на приватната компанија „Тара Ер“, кој се урна 15 минути по полетувањето од туристичкиот град Похара, 125 километри западно од Катманду, во неделата наутро, пренесува „Ројтерс“.

Како што беше најавено, авионот летал кон Јомс, популарна дестинација за туристи, на 80 километри северозападно од Похара, а целиот лет требало да трае 20 минути.

The post Пронајдени телата на сите 22 патници од урнатиот авион во Непал appeared first on Република.

Во светот во неделата беа откажани повеќе од 4.000 летови, од кои повеќе од половина во САД, поради неповолните временски услови, но пред се поради зголемувањето на бројот на заразени со омикрон сојот на коронавирусот.

Според податоците на глобалната страница за следење летови, синоќа до 20 часот по Гринич биле откажани повеќе од 2.400 летови од и кон САД, а повеќе од 11.200 летови се одложени до натамошно известување.

Меѓу авиокомпаниите кои имаа најмногу откажани летови се „Скај Вест“ – 510 и „Југо запад“ – 419, а само до пладне откажани се над 3.300 летови, од кои 1.900 во САД, објави веб-страницата Флајт Авер, пренсуваат агенциите.

Божиќните и новогодишните празници се периоди со најмногу патувања, но брзото ширење на високо преносливиот сој на омикрон доведе до нагло зголемување на заразата, принудувајќи ги авиокомпаниите да ги откажат летовите пред се поради недостиг на екипаж бидејќи голем број пилоти и членови на екипажот беа во изолација.

Транспортните агенции низ САД исто така го суспендираа или го намалија обемот на бизнисот поради недостаток на персонал, бидејќи е потврдено дека голем број вработени се заразени со коронавирусот.

Во последните 24 часа, надлежните американски служби регистрирале 346.869 новозаразени, а бројот на починати и заболени од Ковид-19 во истиот период изнесува 377 лица

The post Откажани повеќе од 4.000 летови ширум светот appeared first on Република.