Амбасадата на САД во Белград има сознанија дека Србија не и продава оружје на Украина, соопшти денеска Радио Слободна Европа (РСЕ) во врска со наводите во тајните документи на Пентагон.

Не можеме да коментираме за наводни доверливи информации, но според нашите сознанија Србија не и продава оружје на Украина, изјавија за РСЕ од американската амбасада во Белград.

Пренесувајќи податоци од обелоденети тајни документи на Пентагон, агенцијата Ројтерс претходно објави дека Србија се согласила да испрати оружје во Киев или веќе го испратила. Ова веднаш го демантираа српските министри за одбрана и надворешни работи Милош Вучевиќ и Ивица Дачиќ.

The post Имаме информации дека Србија не и продава оружје на Украина, соопшти aмбасадата на САД appeared first on Република.

Вашингтон би сакал Русија да биде ослабена до тој степен што повеќе не може да го прави она што го направи со напад на Украина, изјави шефот на Пентагон, Лојд Остин.

– Сакаме да ја видиме Русија ослабена до тој степен што повеќе не може да го прави тоа што го направи со инвазијата на Украина. Сакаме да ја видиме меѓународната заедница пообединета, особено НАТО, рече Остин.

Тој и Блинкен во неделата одржале продуктивен состанок со украинските власти, на кој разговарале за поддршката на украинската армија.

„Тоа беше многу продуктивна дискусија, разговаравме за поддршката на безбедносните сили, нивната обука, како и за клучните прашања за кои ќе разговараме утре во базата Рамштајн на состанокот со министрите за одбрана“, рече шефот на Пентагон на прес-конференција.

Во таа насока, тој истакна дека главна тема на утрешната средба ќе бидат разговорите за помош на украинските вооружени сили.

The post Пентагон: Сакаме да ја ослабеме Русија за никогаш повеќе да не може да нападне никој како Украина appeared first on Република.