Комесарот за проширување на Европската унија, Оливер Вархеји, на Самитот на Берлинскиот процес изјави дека приемот на земјите од Западен Балкан е геополитички приоритет за ЕУ.
Работиме со сите наши инструменти за да го забрзаме процесот за да го постигнеме во блиска иднина, напиша Вархелина на социјалната мрежа Х, по повод средбата на лидерите на Западен Балкан на Самитот на Берлински процес.

Вархеји го истакна и фактот дека ЕУ на неколку различни начини им помага на земјите од Западен Балкан.

„Преку ЕИП од 30 милијарди евра и РГФ од шест милијарди евра, поврзуваме патишта, железници, дигитални мрежи, ги диверзифицираме енергетските ресурси и ги поддржуваме малите и средни претпријатија. Голем успех: Очекуваната мобилизација на средства веќе достигна 60 проценти = 17,2 милијарди евра. Ова ја докажува релевантноста на нашата програма и способноста да ја апсорбираме во земјите од Западен Балкан“, нагласи Вархеји.

The post Вархеји: Работиме на забрзување на пристапот на земјите од Западен Балкан во ЕУ appeared first on Република.

Европскиот комесар за проширување и соседска политика Оливер Вархеји упати честитка до премиерот Христијан Мицкоски и Владата по повод нивниот избор.

Честитки до премиерот Мицкоски и членовите на новата Влада! Со нетрпение очекувам да работиме брзо со Вас за да го унапредиме европскиот пат на Северна Македонија, наведе Вархеји во честитка објавена на Икс.

Новата Влада на премиерот Мицкоски беше избрана синоќа со 77 гласа „за“ и 22 „против“. За неа гласаа пратениците од коалициите на ВМРО-ДПМНЕ и Вреди и од Движењето ЗНАМ, а против гласаа СДСМ и Левица. Пратениците на Европскиот фронт, предводен од ДУИ, ја напуштија седницата пред гласањето.

The post Вархеји го честиташе изборот на новата Влада appeared first on Република.

Еврокомесарот за добрососедска политика и проширување, Оливер Вархеји, денеска изјави дека е важно да се продолжи со усогласување на визната политика на Србија со визната политика на Европската унија.

Вархеји ова го изјави во Белград на средбата со вицепремиерот и министер за внатрешни работи Ивица Дачиќ, соопшти надлежното министерство.

„Имајќи ја предвид улогата на МВР, како и добрата соработка со европските институции во претходниот период, министерот Дачиќ посочи дека меѓу приоритетите на Србија се сузбивањето на нерегуларната миграција и заштитата на државната граница. како и борбата против шверцот и трговијата со луѓе“, се наведува во соопштението.

Дачиќ подвлече дека Србија е подготвена да ја крене на повисоко ниво својата соработка со европските партнери, да работи на прашањето за илегалната миграција и постепено да ја усогласува својата визна политика со политиката на ЕУ.

Соговорниците разменија мислења за соработка во областа на преговарачкото поглавје 24 – правда, слобода и безбедност, особено во борбата против организираниот криминал, тероризмот и злоупотребата на дрога, се додава во соопштението.

The post Вархеји: Србија да ​​продолжи со усогласување на визната политика со ЕУ appeared first on Република.

Планот за раст на Западниот Балкан вклучува пакет мерки за поттик на земјите од регионот за многу побрзо исполнување на критериумите за членство во ЕУ и дополнителен сет за поддршка на нивните економии и инвестиции и доколку се оди според планот, првата исплата на средствата, односно на авансот, би можела да се случи пред летните одмори, изјави еврокомесарот за проширување и соседска политика Оливер Вархеји во интервју за Европската новинска редакција (ЕНР), чиј дел е и МИА.

– Тука не е само финансирањето, туку и отворени агенди и можност за однапред да се почувствуваат некои од придобивките од постепената интеграција, истакна Вархеји во интервјуто дадено по повод вчерашниот договор меѓу Европскиот совет и Европарламентот за формирање на Механизмот за раст и реформи на Западниот Балкан, што претставува финансиски инструмент на Планот за раст.

Според Вархеји, работите сега се поставени така што до 2027 година кога ќе истече сегашната Повеќегодишната финансиска рамка и до кога е и важноста на Планот за раст, би имале се што е потребно земјите од Западниот Балкан да бидат подготвени да се приклучат на Унијата.

– Се надевам дека исто така е јасно дека ова е политичко сидро на процесот на проширување и дека тој не е реверзибилен освен ако земјата кандидат не одлучи сама да го напушти процесот. Но, од наша страна сега се ставивме на место за да може да се спроведе проширувањето, нагласи еврокомесарот.

Вархеји истакна дека се останува да заврши формалната процедура за усвојување на Регулативата за создавање на Механизмот, како и да се изработат реформските агенди на секоја од земјите од регионот.

– Се надевам дека следната недела ќе биде одобрена од страната на Советот (на ЕУ), а потоа и формалното ќе биде усвоена од Европскиот парламент на последниот пленум во април, што значи дека тогаш ќе се формира Механизмот. Ние веќе работиме со партнерите од Западниот Балкан за да ги добиеме нивните реформски агенди, така што до моментот кога ќе биде воспоставен Механизмот, веќе ќе почнеме да работиме на реформските агенди и на тоа да бидат одобрени најбрзо што може, и посочи Вархеји на репортерката на Танјуг, која го водеше интервјуто во името на ЕНР.

Според еврокомесарот, земјите од Западен Балкан се отидени прилично напред во изработката на своите реформски агенди и веќе се доставени конечни предлози.
Во однос на тоа кога може да се очекуваат првите исплати на средства од Механизмот, Вархеј посочува дека тоа ќе зависи и од спроведувањето на реформите посочени во ланскиот извештај за напредокот на земјите од регионот на патот кон ЕУ.

– Значи, секогаш ќе има поврзаност помеѓу она што треба да се направи во однос на процесот на проширување и реформските агенди. А првата исплата, се надеваме, била веднаш по усвојувањето на реформските агенда. Тоа најверојатно би можело да се направи пред летните одмори. Тоа е она што го имаме како цел, потенцира Вархеји.

Тој нагласи дека со средствата од Механизмот, земјите од Западниот Балкан ќе може да ги забрзаат реформите, но и да обезбедат инвестиции за проекти од животната средина или енергетскиот сектор област, врз основа на утврдени правило и законски барања.

Во однос на останатите мерки предвидени со планот за постепена интеграција на Западниот Балкан во ЕУ, Вархеји посочува дека уште лани во ноември подготви листа на области каде што смета дека би можеле да се придвижи тој процес.

– На пример, мислам дека највидливата и најзначајна мерка што можеме да ја направиме оваа година е учество на земјите од Западен Балкан во Единствена област за плаќање во евра (СЕПА), што ќе доведе до намалување на трошоците за трансфери на пари меѓу ЕУ и земјите од Западен Балкан. Според мене, мислам дека ова би било највидливото остварување, истакна еврокомесарот за проширување.

Околу можното влијание на изборите за членови на Европскиот парламент во реализацијата на Планот, но и на целокупното пристапување на земјите од Западен Балкан во Европската Унија, Вархеји посочува дека кога станува збор за проширувањето тоа процес кој во поголемиот дел се води во Советот на ЕУ и од страна на земјите членки, па така евроизборите не би имале значително влијание врз него.

– Се разбира, улога во тоа како ко-законодавец има и Европскиот парламент, на пример при создавањето на Механизмот, но во однос на динамиката на политичкиот процес, Советот е тој што е клучен, посочи Вархеји.

Тој изразува надеж дека и следниот состав на Европскиот парламент ќе помага за побрза имплементација на Планот, бидејќи, како што вели, во интерес на Европската Унија е да го постигне овој успех, но и да помогне да се намали економскиот и социјалниот јаз меѓу ЕУ и Западниот Балкан.

– Вистинскиот одговор непосредно пред изборите, како за Западниот Балкан, така и за граѓаните на ЕУ, е дека со ова имаме јасни гаранции дека она што треба да се направи со реформите ќе се направи, а во однос на Западнот Балкан дека можеме да се обидеме да обезбедиме поголеми придобивки од пристапувањето уште пред членството во Европската Унија, порача Вархеји во интервјуто за ЕНР.

The post Вархеји: Исплатата на првите средства од Планот за раст на Западниот Балкан е можна пред летните одмори appeared first on Република.

Македонија ќе го продолжи преговарачкиот процес со Европската Унија откако ќе бидат усвоени уставните амандмани, што е предвидено со Преговарачката рамка и со заклучоците на Советот на ЕУ од јули 2022 година, стои во заклучоците усвоени на денешното заседание на Советот за општи работи на Унијата.

Дополнително, се поздравува нивото на подготовка на земјава во клучните области и се нагласува важноста од забрзување на реформите поврзани со ЕУ и нивна натамошна консолидација и имплементација, во областите на владеењето на правото и на основните права, вклучително и правата на лицата кои припаѓаат на малцинските заедници. Исто така, се бара и гарантирање на независноста, професионалноста и непристрасноста на судството, зајакнување на борбата против корупцијата и организираниот криминал и реформи во јавната администрација. Се апелира на зајакнување на слободата на медиумите и на изразувањето и се нагласуваат очекувањата за конкретни резултати од имплеметацијата на договорите со Грција и Бугарија.

Како што изјави еврокомесарот за проширување и соседска политика Оливер Вархеји, усвоените заклучоци се фундаментални за напредокот на политиката за проширување и со нив се потврдува напредокот на 10-те кандидати за членство и се испраќа јасна порака за посветеност на проширувањето на ЕУ со земјите од Западниот Балкан, Турција, Украина, Молдавија и Грузија.

„Ова е година на моментум на политика на проширување на ЕУ и драго ми е што не само што успеавме да дадеме предлози до Советот, туку донесoвме и одлуки“, рече Вархеји.

Тој додаде дека сепак конечната одлука околу процесот на проширување ќе ја донесат лидерите на Унијата на Самитот во четврток и во петок.

The post Македонија ќе го продолжи преговарачкиот процес со ЕУ откако ќе бидат усвоени уставните амандмани appeared first on Република.

Европскиот комесар за проширување Оливер Вархеји го поддржа ставот на претседателот на Европскиот совет, Шарл Мишел, дека ЕУ треба да биде подготвена да прими нови земји-членки до 2030 година, што е спротивно на официјалната изјава на претседателката на Европската комисија, Урсула фон дер Лајен, пишува порталот „Политико“.

Вархеји не се согласува со ставот на својот шеф дека не треба да има цел датум за проширување на ЕУ, со што се доведува во прашање внатрешното единство на извршното тело на Унијата во однос на оваа клучна тема, пишува бриселскиот портал.

„Од наша страна неуморно работевме на таа цел - па затоа сум многу среќен што конечно гледам дека земјите-членки исто така почнуваат да се движат и да се мобилизираат политички и подготвени да инвестираат политички за да има нови членки на ЕУ до 2030 година“, рече Вархеји за време на прес-конференцијата во Анкара со турскиот министер за надворешни работи Хакан Фидан.

Навраќајќи се на предлогот на Мишел дека ЕУ треба да биде подготвена да прими нови членки во 2030 година, Вархеји изјави дека ЕУ треба да биде подготвена да прими нови членки до таа година.

The post Вархеји се сложува со Мишел за нови членки во ЕУ до 2030 година appeared first on Република.

Албанскиот премиер Еди Рама ја поздрави пораката на еврокомесарот за проширување, Оливер Вархеји, кој ја пренесе подготвеноста на ЕК за секој предлог што може да доведе до проширување на ЕУ во 2030 година, јави Топ чанел. Рама во објава на социјалните мрежи напиша дека по „изјавите на Мишел, бавниот автобус на ЕУ станува интересно место за престој".

- Нашата комисија која никогаш не го разочара нашиот регион, особено во тешки времиња. Мора да се признае, по изненадувачкиот говор на претседателот Мишел на Стратешкиот форум во Блед, бавниот автобус на ЕУ станува интересно место за престој дури и без слободно место - без сомнение патниците од Западен Балкан можат подобро да го издржат времетраењето на возењето додека го следат гласниот разговор меѓу седнатите момчиња. Да слушнеме што е следно, пишува Рама.

Рама ја поздравува одлуката на Советот кој "конечно сака да го направи големиот чекор за да се реализира проширување на унијата".

Претходно еврокомесарот Вархеји рекол дека "Европската комисија отсекогаш била подготвена да даде каков било предлог што би можел да доведе до проширување на 2030 година".

Според Топ чанел изјавата на Рама доаѓа по омекнувањето на ставот на Европската комисија, по забелешките што ги упатија на изјавата на Шарл Мишел на самитот во Блед во Словенија, за проширување на Европската унија. По неговата изјава ЕК потенцираше дека целта не биле роковите, туку исполнување на критериумите.

Шефот на албанската влада на Самитот во Блед рече дека "не верувам дека во 2030 година ќе бидеме во ЕУ" а потоа оцени дека "иако патувањето до дестинацијата може да биде бавно, останувањето во автобусот на ЕУ дури и без седиште е побезбедно од седењето во руски авион“.

The post Рама ја поздрави изјавата на Вархеји: Бавниот автобус на ЕУ станува интересно место за престој appeared first on Република.

Утре во Тирана ќе биде одржа неформален состанок на лидерите на земјите од Западен Балкан, во пресрет на Самитот на Берлинскиот процес, кој ќе се одржи на 16 октомври во албанскиот главен град.

На состанокот најавено е присуство и на комесарот за проширување и добрососедство Оливер Вархеји.

Средбата ќе се одржи во понеделник напладне околу 12 часот во владината вила 30. До денес единствено не е потврдено присуството на косовскиот премиер Албин Курти, јави АБЦ њуз.

Таа средба Рама ја најави за време на неодамнешната дводневна балканска турнеја, во чии рамки ги посети Скопје, Приштина, Подгорица, Сараево и Белград.

The post Лидерите на земјите од Западен Балкан в понеделник во Тирана на состанок со Вархеји appeared first on Република.

Европскиот комесар за проширување Оливер Вархеји денеска изјави дека посветеноста на нормализацијата на односите меѓу Белград и Приштина покажува храброст и решителност на патот кон Европската унија.
Вархеји на својот Твитер профил им честиташе на Белград и Приштина по завршувањето на вчерашниот дијалог во Охрид под покровителство на ЕУ.

Тој напиша дека „ЕУ е подготвена да ги поддржи двете страни во процесот на имплементација“.

Високиот претставник за надворешна политика и безбедност на ЕУ, Жозеп Борел, синоќа во Охрид, по средбата меѓу српскиот претседател Александар Вучиќ и косовскиот премиер Албин Курти, изјави дека двете страни постигнале договор за имплементацискиот анекс на Договорот за патот кон нормализација на односите.

„Конечно, по 12 часа, имаме договор како да го имплементираме договорот што Србија и Косово го постигнаа на 27 февруари во Брисел“, изјави Борел во Охрид.

The post Вархеји: Посветеноста за нормализација на односите меѓу Белград и Приштина е храбар чекор кон ЕУ appeared first on Република.

Потпретседателот на Европската комисија и висок претставник за надворешни работи, Жозеп Борел и еврокомесарот за проширување, Оливер Вархеји вечерва пристигнаа во Скопје, а на скопскиот аеродром ги пречека вицепремиерот за европски прашања Бојан Маричиќ.

„Имав чест да посакам добредојде на големите пријатели на Македонија, потпретседателот на Европската комисија и висок претставник за надворешни работи, Жозеп Борел и еврокомесарот за проширување, Оливер Вархеји. Политичка поддршка која државите од Западен Балкан ја имаме треба да ја искористиме и да ги загарантираме стабилноста, мирот и европската перспектива на регионот“, напиша Маричиќ на Фејсбук.

На утрешната седница на Советот за стабилизација и асоцијација, посочува Маричиќ во објавата, ќе имаме можност да разговараме за статусот на реформите, напредокот во евроинтеграциите и за билатералните односи во рамки на Спогодбата за стабилизација и асоцијација.

„Им посакувам успешен престој и со убави вести за регионот да заминат од нашата држава, која е пример за надминување на спорови по мирен и дипломатски пат“, порача Маричиќ.

Интересно е тоа што на фотографиите може да се забележи дека Вархеји се симнува од авионот држејќи прилично тежок и полн ранец во рацете.

The post Еврокомесарот Вархеји слета на скопскиот аеродром appeared first on Република.

Комесарот за добрососедска политика и проширување Оливер Вархеи изјави дека изградбата на Европски колеџ во Тирана со финансирање од ЕУ е „јасен сигнал дека членството на Албанија во Унијата е блиску“, јави Топ чанел.

- Охрабрен сум од посветеноста на албанската влада да продолжи со агендата на ЕУ. Мило ми е што успеавме да најдеме средства за кампусот на европскиот колеџ. Ова е јасен сигнал дека членството е блиску. Затоа со голема гордост можам да соопштам дека приемниот процес ќе можеме да го започнеме во септември оваа година. Ни треба зграда, убаво место каде што може да се смести факултетот. Се надевам дека во втората половина од оваа година ќе има големи случувања во патувањето на Албанија кон ЕУ, рече Вархеи на заедничката прес-конференција во Тирана со високиот претставник на ЕУ за надворешни работи и безбедносна политика и потпретседател на Европската
комисија, Жозеп Борел и албанскиот премиер Еди Рама.

The post Вархеји тврди дека членството на Албанија во ЕУ е близу, Македонија не ја ни спомена appeared first on Република.

Европските пратеници бараат од комесарот за проширување Оливер Вархеји да поднесе оставка поради вчерашниот инцидент што се случи во Европскиот парламент додека комесарот одговараше на пратенички прашања за проширувањето со Западен Балкан.

Камерите го снимија унгарскиот комесар Вархеји како пратеници ги нарекува „идиоти“.

Откако одговорил на прашање од пратеник, седнал и наводно на унгарски рекол „колку уште други идиоти има?“

Дел од пратениците бараат и истрага за комесарот.

Вархеји денеска рече дека неговата изјава е „извадена од контекст“, („колку уште други идиоти има?“) која ја изговори откако одговори на прашање на хрватскиот претставник Томислав Сокол во дебатата за политиката на проширување на ЕУ кон Западен Балкан.

The post Вархеји под притисок, европратениците бараат негова оставка appeared first on Република.

Случајот „Пендиков“ ја тресе и Европската Унија и е тест за преиспитување на европските вредности на самата Европа.

Холандскиот експерт за Балканот Ханс ван дер Берг смета дека приемот на македонските Бугари од страна на еврокомесарот Оливер Вархеји е лош знак за кредибелитетот на ЕУ и испраќа порака дека ЕУ има двојни стандарди.

https://republika.mk/vesti/makedonija/makedonski-bugari-vo-brisel-na-sredba-so-evrokomesarot-za-proshiruvane-varhej/

Ван ден Берг оценува дека двојните стандарди на Европската унија ги одвраќаат Македонците од неа.

Еден етнички Бугарин во Македонија, бивш вмровец познат во светот на дрогата, поврзан со бугарски центар во Македонија, претепан и еврокомесар се среќава со етнички Бугари? Во децениите кога Македонија беше независна, етничките Македонци во Бугарија беа убивани, исчезнуваа и им беше забрането да имаат македонски центар. Никој не се потресе, коментира Ван ден Берг на Твитер.

Бугарија постојано ги игнорираше пресудите на Европскиот суд за човекови права, бидејќи човековите права на етничките Македонци во Бугарија беа сериозно прекршени. Никој во Европската комисија не се потресе. Бугарија одбива реципроцитет за сè. Никому во ЕК не му пречи. Не е ни чудо што ЕУ го губи целиот кредибилитет во Македонија. Двојни стандарди“, додава тој.

Твитер е премногу ограничен за да се наведат сите прекршувања на човековите права на етничките Македонци во Бугарија (или етничките Македонци во Грција за таа работа), но чувството во Скопје е дека сето тоа е в ред ако сте во ЕУ. Сè помалку Македонци ќе сакаат да бидат во таква ЕУ, заклучува Ван ден Берг.

One ethnic BG in MK, ex-VMRO/known in drugs world, connected to BG centre in MK, beaten and EU Comm. meets ethnic BG? In decades that MK was independent, ethnic Macedonians in BG were killed, disapperared, and forebidden to have MK centre. Nobody bothered. https://t.co/RDrI4wHpAV

— Hans van den Berg (@bipdirector) February 1, 2023

The post Ван ден Берг: ЕУ го губи кредибилитетот со двојните аршини кон Бугарите во Македонија и кон Македонците во Бугарија appeared first on Република.

Резолуцијата на Европскиот парламент за спроведување на надворешната и безбедносната политика на ЕУ, која беше усвоена денеска на пленарна седница, содржи параграф со кој се повикува Европската комисија да започне „независна и непристрасна истрага“ за Оливер Вархеји, со цел да се утврди дали однесувањето на комесарот за проширување и соседска политика „го крши кодексот на однесување на членовите на Комисијата“.

Тој член од резолуцијата беше усвоен со 357 гласа „за“, од вкупно 632 пратеници кои гласаа.

Овој напис наведува дека „комесарот одговорен за соседска политика и проширување намерно се обидува да ја заобиколи и поткопа централната важност на демократските реформи и реформите на владеењето на правото на земјите што влегуваат во ЕУ“.

Написот стана дел од Резолуцијата на барање на холандскиот пратеник Тејс Рутен од групата на социјалисти и демократи.

The post ЕП бара истрага за работата на комесарот Вархеји appeared first on Република.

Европскиот комесар за проширување и соседска политика Оливер Вархеjи потврди дека Босна и Херцеговина следниот месец може да добие кандидатски статус за членство во ЕУ.

Во рамките на Европската комисија ги удвоивме нашите напори да ги ставиме на маса предлозите за проширувањето. Оваа година веќе им дадовме кандидатски статус на Украина, Молдавија и Грузија и верувам дека оваа година ќе имаме уште една позитивна одлука за БиХ, рече Вархеји на прес-конференција во Барселона, каде што се одржува Форумот на 43 земји на Унијата за Медитеранот.

Тој наведе дека со тоа даваат „нов живот на проширувањето“, но истакна дека проширувањето е процес кој бара многу.

Сега земјите кандидати треба прво да ги исполнат своите задачи“, рече Вархеји.

Последна земја што стана членка на ЕУ беше Хрватска во 2013 година.

Првиот дел од Форумот на Унијата за Медитеранот, организација создадена во 2008 година, е посветен на прашањата за безбедноста на снабдувањето со храна и енергија под влијание на конфликтот во Украина. Вториот дел е посветен на безбедноста и миграцијата во соседството на ЕУ.

The post Вархеји: БиХ би можела да добие кандидатски статус следниот месец appeared first on Република.

Еврокомесарот за проширување на Европската Унија, Оливер Вархеји денеска потврди дека наредниот месец, Босна и Херцеговина може да добие кандидатски статус за членство во блокот од 27 земји, како што претходно добија Украина, Молдавија и Грузија.

Доколку има една позитивна последица на војната на Русија против Украина, тоа е, дека проширувањето на ЕУ е долгорочно решение за воспоставување мир, безбедност и просперитет. Во таа смисла, проширувањето сега е „топ“ приоритет, не само на нашите соседи, туку и на нас, изјави Вархеји.

Тој ја даде изјавата на прес-конференција во Барселона, каде се одржува форум на Унијата за Медитеранот.

Ги удвоивме напорите, внатре во Европската комисија, со цел да ставиме на маса предлози за проширување. Оваа година веќе им дадовме кандидатски статус на три земји. Украина, Молдавија и на Грузија. Верувам дека оваа година ќе имаме уште една позитивна одлука за Босна и Херцеговина, додаде Вархеји.

Како што нагласи тој, со тоа „му даваме нов живот на проширувањето“.

Но, се разбира, проширувањето е тежок процес. Сега земјите кандидати прво ќе треба да ги исполнат нивните задачи, посочи Вархеји.

Последната земја што стана членка на ЕУ, беше Хрватска во 2013 година.

The post Вархеји верува дека годинава и БиХ ќе добие кандидатски статус за членство во ЕУ appeared first on Република.

Европската комисија препорача на Босна и Херцеговина да ѝ се одобри статус кандидат за членство во Европската Унија, по ист модел како и во случајот со Украина. Оваа одлука е резултат на новата геостратешка ситуација на европскиот континент, изјави европскиот комесар за проширување Оливер Вархеји.

Тој во интервју за „Независне новине“ од Бања Лука, објавено денеска, зборуваше и за сомнежите околу тоа дали доделувањето кандидатски статус на Босна и Херцеговина и понатаму е поврзано со одредени услови што допрва треба да се исполнат. Сепак, според него, не се работи за условен статус.

Се работи за формула веќе применета кога станува збор за Украина, што значи дека ние од наша страна на Советот на ЕУ му предлагаме на Босна и Херцеговина да ѝ даде кандидатски статус, а потоа да разгледа дали се спроведени реформите, бидејќи ние веруваме дека сите заедно се наоѓаме на една геополитичка крстосница. Европа сега мора да даде понуда за Босна и Херцеговина со цел земјата да ја забрза нејзината внатрешна работа на европскиот пат - појасни Вархеји.

Препораката на Босна и Херцеговина да ѝ се додели кандидатски статус, Советот на ЕУ треба да ја разгледа и одобри во декември. Кога го образложуваше предлогот вчера во Брисел, Вархеји истакна оти очекува во државата дотогаш да бидат формирани новите парламент и влада врз основа на резултатите од изборите на 2 октомври. Па, тие до седницата на Советот „ќе имаат на маса“ најмалку два закона, чие усвојување претходно е поставено како пакет „мини услови“ за одобрување кандидатски статус.

Од вкупно три закони од пакетот, Парламентот на Босна и Херцеговина претходно годинава го усвои само законот за јавни набавки. Не се усвоени законите за спречување судир на интереси и за Високиот судски и обвинителски совет, на што од ЕУ инсистираа одлучно.

Законите за јавни набавки и судир на интереси оценети се како клучни за спречување корупција во јавниот сектор.

Дел од медиумите пишуваат дека од новата интерпретација на Вархеји, може да се заклучи оти до декември, ниту тие два закона не мора да бидат нужно усвоени.

Сакаме Босна и Херцеговина да добие нов почеток, затоа што потребен ни е нов почеток. Изборите во Босна и Херцеговина се одржаа и се надевам дека ќе им дадат замав на политичарите во земјата, институциите да ги формираат брзо и што поскоро да почнат со спроведување на реформите што ги предложивме. Доколку тоа се случи, многу работи може да се променат доста брзо - подвлече Вархеји.

Тој смета оти на сите им е јасно кои се критичните реформи што треба да се спроведат.

Вархеји посебно ги наведе судството, борбата против организираниот криминал и корупцијата, управувањето со илегалната миграција, како и изборните реформи.

The post Вархеји: ЕК за БиХ го искористи украинскиот модел на кандидатура appeared first on Република.

Еврокомесарот за проширување, Оливер Вархеји, изјави дека се работи на барањата на Македонија и други земји за помош за покривање на енергетските потреби, јави дописничката на МИА од Брисел.

По најавите дека претседателот Стево Пендаровски побарал од Европската Комисија да ѝ помогне на Македонија да надомести за цената на електрична енергија од Бугарија, еврокомесарот денеска на прес – конференција одговори дека е запознаен со барањето и дека се работи на „поширок пакет за спас“.

Работиме на поширок пакет за енергетски спас за целиот Балкан и се обидуваме да испорачаме многу брзо, би требало да сме во можност да го презентираме на лидерите во ноември на самитот на Берлинскиот процес, каде разгледуваме начини да им помогнеме да одговорат на итните краткорочни и среднорочни потреби, да создадеме алтернативни набвки на гас или струја, како да помогнеме за интерконекторите за гас или струја, изјави еврокомесарот попладнево.

Тој додаде дека е потребно да се поттикнат и инвестиции, посебно во зелената енергија и енергетската ефикасност, нагласувајќи дека зградите од „советски стил“ трошат многу енергија.

Еврокомесарот одговори и на прашање за најлошата оценка во извештајот за Македонија, а тоа е слободата на изразување и на медиуми, каде Европската Комисија го критикува отсуството на реформите во МРТВ. Таа смета дека напредокот во областа на слободата на изразување е ограничен, а недостигот на медиумска саморегулација има негативни последици врз професионалните стандарди во новинарството

За слободата на изразување бараме да се донесат законските реформи кои се на маса веќе неколку години. Се надевам дека конечно опозицијата и Владата ќе најдат начин да се договорат во Собранието за овие реформи, рече евокомесарот Вархеји.

Вархеји не сакаше да го коментира отворањето на бугарските клубови со имиња на фашистички соработници, но изрази надеж дека преговарачката рамка и процес ќе помогнат да се надминат тензиите.

Се надевам дека со договорот за преговарачката рамка и одржувањето на првата политичка меѓувладина конференција, и политичкиот договор кој нѐ донесе таму ќе создадат различна клима, рече еврокомесарот за проширување.

Тој ги повика двете страни да бидат отворени и да се посветат на соработка преку создадената рамка.

Се појавуваат охрабрувачки знаци и треба да имаме доверба во нашите пријатели во Софија и во Скопје дека ќе најдат начин да ја променат целата атмосфера, изјави еврокомесарот Оливер Вархеји.

The post Зградите од „советски стил“ трошат многу енергија, смета Вархеји за енергетската криза на Балканот appeared first on Република.

Европскиот комесар за проширување, Оливер Вархеји, изјави дека Западен Балкан е геостратешки приоритет за Европската Унија повеќе од кога било за време на украинската криза и порача дека е неопходно да се забрза процесот на проширување на овој регион и неговата европска перспектива да се претвори во реалност.

Во видеопорака на конференцијата на граѓанското општество на Западен Балкан, што се одржа во Прага, на тема „Младинската политика на Западен Балкан – суштински елемент за иднината на регионот и Европа“, Вархеји рече дека „ние живееме во прилично турбулентни времиња“ и укажа на предизвиците со кои се соочува ЕУ.

„Покрај социо-економските предизвици предизвикани од кризата поради Ковид-19, со кои сè уште се обидуваме да се справиме, руската војна во Украина постепено го зголемува нивото на уништување, а бројот на загинати во Украина расте експоненцијално. Оваа агресија мора да заврши“, рече Вархеји, а беше објавено на официјалната веб-страница на ЕУ.

The post Оливер Вархеји: Западен Балкан е геостратешки приоритет повеќе од кога било appeared first on Република.

Ова е момент за отрезнување за Македонија, но и за опозицијата. Палењето документи во пленарната сала, туркањето на луѓето кон насилство и поттикнувањето омраза не носат ништо, само штета, оценува еврокомесдарот за проширување Оливер Вархеи во интервју за Еурактив.

Вархеи вели и дека „волјата за проширување се враќа, ние сме подготвени да се движиме брзо“.

Бриселскиот портал наведува дека откако Скопје го реши долгогодишниот спор со соседната членка на ЕУ, Бугарија, Албанија се очекува веднаш да ги започне пристапните преговори. Во однос на Македонија, посочува, таа прво ќе треба да го промени својот устав за да ги вклучи Бугарите, за што го нема потребниот консензус во парламентот.

Ова, се наведува во текстот, ја поттикна националистичката опозиција да организира протести во Скопје, за кои Вархеји вели дека ги преминуваат основните демократски црвени линии.

-За Македонија ова треба да биде момент за отрезнување, но и за опозицијата. Палењето документи во пленарната сала, туркањето на луѓето на насилство и поттикнувањето омраза не носат ништо, само штета. Постојат многу јасни граници за европскиот начин на водење политика, многу јасни граници за цивилизираната политика, а моја проценка е дека многу од тие црвени линии беа поминати од опозицијата, додаде еврокомесарот.

Во исто време, тој посочи дека „Албанија покажа вистинска солидарност со  Македонија и зрелост во разбирањето дека земји-членки сакаат двете држави да одат напред“, но додава дека Тирана сега може да продолжи и сама.

Целиот процес на проширување се заснова на заслуги, вели Вархеји, а сега трката е во тек, кој и да испорача прв, треба да има право да се приклучи прв.

Она што е важно е дека ако тие испорачуваат брзо, ние сме подготвени да се движиме брзо, (…) и бидејќи сега сме одговорни, конечно, брзината ќе биде многу, многу поразлична, рече Вархеји, додавајќи дека Комисијата ја започна процедурата за скрининг веднаш откако земјите-членки дадоа зелено светло минатата недела.

Во интервјуто Вархеји оценува дека војната на Русија против Украина ја отрезни дебатата околу процесот на проширување на ЕУ и ја покажа потребата за забрзување на процедурите, суштински запрени од претходната Комисија. Кандидатскиот статус на Украина и Молдавија како сигнал за солидарност како одговор на руската агресија и зеленото светло за почетокот на долго одложуваните пристапни преговори со Македонија и Албанија, според него, е „можеби единственото позитивно влијание на војната во Украина бидејќи ја отрезни дискусијата околу проширувањето, како и капацитетот за апсорпција на ЕУ“.

Ние Европејците, сега не само што сфаќаме, туку сме подготвени да го исполниме тоа, дека Европа нема да ужива безбедност, стабилност и просперитет без Западен Балкан да биде целосно интегриран, вели еврокомесарот за проширување.

Во последниве години, потсетува Еурактив, имаше „мал апетит’ за проширување во рамките на ЕУ, а некои земји-членки повикаа на реформи во Унијата пред да примат нови членки.

Не заборавајте, ја презедовме функцијата од претходната Европска комисија која рече „нема проширување“ и штетата беше направена таму, рече Вархеи, додавајќи дека кон втората половина од нејзиниот мандат, Комисијата на Јункер „сфати дека тоа е стратешка грешка“.

Она што го очекувам, и она што ќе биде огромна одговорност за Европската комисија, е дека сега постои јасна политичка волја, која не беше секогаш очигледна, вели Вархеји.

Запрашан за предлогот на францускиот претседател Емануел Макрон за европска политичка заедница, која ќе ги зајакне врските на блокот со земјите кои не се членки на ЕУ во неговото блиско соседство, Вархеи рече само дека тоа „може да додаде уште еден слој“.

The post Вархеји: Волјата за проширување се врати, подготвени сме да се движиме брзо appeared first on Република.