Огнен Здравсковски од неодамна е член на составот ОЗ во кој се и Антонио Тимчевски, клавијатури, Дејвид Дејв Демир, гитара, Бојан Дичовски, бас гитара, и Гоги Мицевски, тапани. И тоа не е сѐ, за јавноста да види и чуе како изгледаат и звучат дечките спакуваа одлично видео со кавери за омилените песни на Огнен.

„„Моја драга“, „Остала си увијек иста“, „Од милијун жена“, „Доѓи“, „Остани“ се песни кои ми се многу драги и секоја на свој начин обележува еден дел од мојата кариера и настапите затоа сакав да ги отпеам и да им дадам свој печат“, вели Оги, додавајќи дека приказната наречена ОЗ бенд допрва почнува да се раскажува.

„Во периодот кој ќе следува на публиката ќе ѝ ја претставам мојата авторска музика. Дел од проектите се веќе завршени, дел се во изработка и веќе нема назад – дојде време за убава македонска забавна музика“, вели Оги.

Додека да чуеме и видиме што спакувале момците и како звучат кога изведуваат авторска музика ужувајте во повеќе од 15 минути музичка магија и гласот на Огнен Здравковски, секако, сето визуелно спакувано во видео кое дише со романтика. За видео реализацијата на проектот се погрижи Скендеровски продукција.

https://www.youtube.com/watch?v=nEz-jwYbDqg

The post Нови проекти на Огнен Здравковски appeared first on Република.

По одличната „Километрима“, популарниот пејач Огнен Здравковски пред неколку дена учествуваше на 38. издание на фестивалот „Макфест“ во Штип, каде настапи со својата најнова песна која носи наслов „Порок“.

Огнен настапи во ревијалната вечер и со својата изведба во живо, ја воодушеви многубројната публика во културниот дом „Ацо Шопов“, како и гледачите пред тв-екраните.

Автори на оваа песна се потпишуваат веќе докажаните музички имиња, Елвир Мекиќ како автор на текстот, додека музиката и аранжманот се дело на Дамјан Лазаров.

Јас сум прездоволен од мојот настап на „Макфест“, добивам само позитивни коментари. Најважно од се ми беше песната да и се допадне на публиката, а според тоа што го слушам и читам на социјалните мрежи, им се допаѓа „Порок“, вели Здравковски.

Инаку за потребите на оваа негова најнова песна, Огнен сними и видеоспот во српската престолнина, каде соработуваше со екипата на „Sneak Media“, кои снимаат и со најпознатите тамошни ѕвезди.

Покрај Огнен, во спотот се појавува и познатиот српски модел Андреја Милутиновиќ, која одлично ја заврши својата задача.

Она што е важно да се спомене, е тоа што Огнен не застанува тука, тој веќе со својата екипа од соработници размислуваат и за новата песна и новите проекти, а до тогаш него ќе може да го видите и слушнете на настапите ширум нашата земја.

Погледнете го спотот за „Порок:

https://youtu.be/aN-zxNFGKLo?si=hXQJqIdCdcU0iMnv

The post Елвир Мекиќ му напиша текст на Огнен Здравковски appeared first on Република.

Популарниот пејач Огнен Здравковски пред неколку дена гостуваше во една од најпопуларните музички емисии на водителот Горан Чомор – „Пред Фајронт“.

Покрај Огнен, гости во истата емисија биле и популарните пејачи: Вања Мијатовиќ, Викторија Бурсач и Фатмир Сулејмани.

Огнен на барање на водителот ја запеал една од најпознатите македонски песни „Зајди, зајди“ и со неговата маестрална изведба ги оставил со подотворени усти гостите, водителот и сите позади камерите.

 

View this post on Instagram

 

A post shared by Ognen Zdravkovski (@ognenzdravkovski)

Инаку Здравковски за неколку дена ќе го промовира и видеоспотот за неговата најнова песна со која настапи на „Макфест“, „Порок“. Спотот за истата познатиот пејач го сними со професионална екипа во Белград, а покрај Огнен, во него се појавува и позната српска манекенка.

The post Српските пејачи извадија телефони да снимаат како Огнен Здравковски ја пее „Зајди, зајди“ appeared first on Република.

„Километрима“ е насловот на најновата песна на младиот и познат пејач Огнен Здравковски, која вчера беше објавена на сите музички и социјални платформи, а за помалку од 24 часа таа има скоро 40.000 прегледи. Ова е одличен показател дека песната има потенцијал да стане голем хит.

Познатиот пејач и за оваа песна како и за претходната, соработуваше со познатиот српски хит-мејкер Саша Николиќ, кој соработува со најголемите музички имиња од српската естада. Тој ја направи музиката, додека пак текстот е дело на одличната Мира Мијатовиќ, а аранжманот е на Аца Крсмановиќ.

Се разбира, песната има и видеоспот и тоа снимен во далечниот и преубав Египет. Покрај Огнен, во видеото се појавува и преубавиот модел Верица Донев, која само дополнително ги разубави кадрите во него.

Спотот е инаку дело на одличните момци од „Урбан Рекордс“, на чело со Гордан Божиновски.

Доста луѓе вложивме многу љубов, труд и посветеност во овој проект. Кога ќе пресметам, за да звучи и да изгледа вака, сигурно работевме дваесетина луѓе. Почнувајќи од музичките соработници, па потоа и луѓето кои го работеа спотот, мои пријатели кои несебично како секогаш ми помагаат. Огромно благодарам до „Фибула травел“ која овозможи да го снимиме спотот во Египет. Сепак, не сакам јас да го фалам проектот, оставам на публиката да го каже тоа. Ако утре песната ја пеат на моите настапи, тоа е доказ дека сме направиле нешто одлично. Искрено, верувам дека ќе се случи тоа, истакна Огнен.

Видеоспотот инаку беше објавен на каналот на „Гранд“ продукција, со оглед на тоа дека Огнен е нивни ексклузивец веќе неколку години.

Промоција на песната ќе има и во соседна Србија, каде тој е одлично прифатен од тамошната публика.

Инаку до тогаш, Огнен ќе може да го видите и слушнете во живо на неговите настапи во нашата престолнина, како и дургите градови ширум Македонија.

https://youtu.be/BPBBwj1mfRg?si=j-LXOmJAh5gtnYhP

The post За помалку од 24 часа 40.000 прегледи за „Километрима“ на Огнен Здравковски appeared first on Република.

Наскоро ќе имате прилика да го погледнете спотот за најновата песна на младиот и познат пејач Огнен Здравковски, кој го снимаше во далечниот Египет.
Песната е на српски јазик и носи наслов „Километрима“.

За овој најнов музички проект, Огнен реши да соработува со едни од најдобрите музички имиња од Србија, кои стојат како автори на можеби најголемите хитови на овие простори. Тоа е познатиот композитор Сашко Николиќ кој се потпишува како автор на музиката, текстот го напиша Мира Мијатовиќ, додека пак аранжманот е дело на одличниот Аца Крсмановиќ.

За видеоспотот, Огнен ги избра момците од „Урбан Рекордс“, односно како режисер се потпишува Гордан Божиновиски.

Инаку ова не е прва соработка на Огнен и Сашко, тие предходно соработуваа и за песната „Душа“, а по се изгледа ќе продолжат и во иднина.

Овој најнов музички проект ќе биде промовиран во Скопје, но и во Белград, а телевизиска премиера ќе има и на телевизите на „Гранд“, каде Огнен е ексклузивец.

The post Огнен Здравковски сними спот во Египет, наскоро промоција на „Километрима“ appeared first on Република.

„Земјо македонска“ во изведба на Огнен Здравковски е втората нумера од проектот „Македонијо во срце те носиме“ која јавноста веќе од денеска ќе има можност да ја слушне во етерот.

„Земјо македонска“, чиј комплетен автор е легендарната Васка Илиева, според многумина, е неофицијална химна со која се идентификуваат илјадници Македонци. Верзијата на Огнен, односно аранжманот, како и на целиот проект зад кој стои Скендеровски продукција, е со потписот на Николче Мицевски.  

Се радувам што Скендеровски продукција се сети на нешто вакво, затоа што само така ќе ги научиме сите претставници на младата генерација да ги сакаат и негуваат овие песни. Чест и задоволство ми е да пеам македонски песни, особено патриотски, за нашата Македонија. Растен сум со музика и со убавата македонска песна. Дедо ми Наско Џорлев има напишано многу македнски рефрени од кои би сакал да одвојам неколку - „Не кажувај либе добра ноќ“, „Фато мори душманке“, „Во Струмица на улица“, „Кажи ле облаче бело“... Ја одбрав „Земјо македонска“ бидејќи ми е една од омилените патриотски песни, а имам и поврзаност со истата. Вујко ми Зоран Џорлев ја преработи по повод одбележувањето на 20-годишнината од независноста во 2011 година кога и ја изведе на централната прослава. Пресреќен сум што имав можност да учам од него да ја негувам, сакам и творам македонска музика. Ме учеше да си ја сакам, чувам и бранам татковината, тој, за жал, повеќе не е со нас, но пресреќен и горд сум што продолжувам по неговиот пат и ветувам дека гордо и со многу љубов и труд ќе го правам тоа“, вели Огнен.

Зад видеото, како и комплетната реализација на проектот стои Скендеровски продукција, а „Македонијо во срце те носиме“ содржи 12 песни отпеани од 12 изведувачи, и од светот на забавната и од светот на народната музика. Проектот има за цел да се возобноват најубавите македонски патриотски песни, да им се продолжи векот и да се приближат до младите генерации. Меѓу изведувачите освен Огнен Здравковски и Ламбе Алабаковски јавноста уште ќе ги чуе и: Наум Петрески, Сузана Спасовска, Миле Кузмановски, Бојана Скендеровски, ДНК, Андријана Јаневска, Александар Тарабунов, Мина Блажев, Марија Спасовска, Зуица Лазова, а на списокот песни се „Заветна“, „Налеј, налеј“, „Народе македонски“, „Едно име имаме“, „Земјо македонска“, „Ој, Вардаре“, „Оган да го гори“, „Послушајте патриоти“, „Ми заплакало село Ваташа“ ...

Во склоп на проектот наесен планиран е и концертен караван кој под истото име ќе ја обои Македонија во најубавите звуци - да ја обоиме Македонија со најубавите звуци и да го зачуваме највредното – музичкиот аманет кои ни го оставиле генерациите пред нас.

https://www.youtube.com/watch?v=Ufu8duQh0w4

The post „Земјо македонска“ во изведба на Огнен Здравковски, неофицијална химна со која се идентификуваат илјадници Македонци appeared first on Република.

Од неодамна групата „Браво бенд“ има нов член, односно добиваат засилување и тоа не било какво. Во нивниот тим влегува и поп-пејачот Огнен Здравковски, кој важи за еден од најдобрите машки вокали во нашата земја.

Групата и пејачот соработувале и во минатото, но овојпат решија и официјално да се спојат и во иднина тие ќе настапуваат под името Огнен Здравковски и „Браво бенд“.

Долго време бев во потрага по бенд и мислам дека сега се склопија коцките. Добив понуда од „Браво бенд“ и да бидам искрен не се двоумев многу, бидејќи со нив се познавам долго време, сме соработувале зеадно, а она што е најважно, тие се инзворедени музичари, вели Здравковски.

Задоволството не го кријат ниту членовите на бендот. Тие велат дека нивните планови се големи и дека допрва публиката ќе види за што станува збор.

Со Огнен се познаваме долго време и воопшто не ни беше тешко да се договориме. Седнавме, разговаравме, сфативме дека имаме исти амбиции, исти планови и по неколку минути си подадовме рака дека започнуваме со соработка, изјавија момците од „Браво бенд“.

Инаку како што кажавме, нивните планови се големи. Во блиска иднина тие ќе снимаат и авторска песна, а дотогаш ќе може да ги видите и слушнете на настапите ширум нашата земја.

The post Огнен Здравковски е нов член на групата „Браво бенд“ appeared first on Република.

На истата тема и Богдан Илиевски посвети статус на Фејсбук.

The post Победниците: Она кога мора професионално да се појавиш на настан, но не сакаш да те вмешаат во театарот на предавниците appeared first on Република.