Израел дал зелено светло за прекин на огнот со либанската шиитска милиција Хезболах, јави денеска телевизијата N12.

Целта е да се преговара за потраен договор, објави N12, цитирајќи неименуван соработник на израелскиот премиер Бенјамин Нетанјаху.

Како што пренесе ДПА, првично нема официјална потврда за извештајот. Портпаролката од канцеларијата на Нетанјаху рече дека не дала таква изјава.

Масовното израелско бомбардирање на Либан досега резултираше со повеќе од 600 смртни случаи од почетокот на ескалацијата во понеделникот, соопшти либанското Министерство за здравство.

Група земји, вклучувајќи ги САД и земјите од ЕУ, заедно со клучните арапски нации, се залагаат за запирање на борбите.

Прекинот на огнот што се бара треба да трае 21 ден и има за цел да создаде простор за дипломатско решение на конфликтот меѓу Израел и Хезболах во Либан, како и на речиси едногодишната војна во Газа.

Заедничката изјава беше поддржана од САД, Германија, ЕУ, Австралија, Канада, Франција, Италија, Јапонија, Саудиска Арабија, Обединетите Арапски Емирати и Катар.

The post Н21: Нетанјаху даде зелено светло за прекин на огнот во Либан appeared first on Република.

Центарот за управување со кризи апелира до граѓаните на внимателност при палење оган на отворено за Меѓународниот ден на трудот - 1 Мај.

За првомајскиот празник традиционално граѓаните излегуваат во природа и на излетнички места. Апелираме за внимателност при палење оган на отворено за првомајскиот празник, како и секогаш кога се престојува во природа. Ако се пали оган на отворено при одењето на излет, таму каде што нема посебно направени огништа за правење скара, тоа да се прави внимателно и пред заминување од местото, обврзно да се изгасне жарта од огнот, велат од ЦУК.

The post Ако правите скара за 1 мај бидете внимателни со огнот: ЦУК апелира до граѓаните за внимателност appeared first on Република.

Преговорите за прекин на огнот меѓу Израел и палестинското движење Хамас треба да продолжат денеска во Катар, најавија египетските власти.

Тоа ќе биде првпат израелски официјални лица и претставници на Хамас да се приклучат на индиректните разговори од почетокот на светиот муслимански месец Рамазан.

Меѓународните посредници се надеваа дека ќе обезбедат шестнеделно примирје пред почетокот на Рамазан претходно оваа недела, но Хамас го отфрли секој договор кој не би доведел до траен прекин на огнот во Газа, што Израел го отфрли.

Во последните денови, сепак, двете страни направија потези за враќање на преговорите, кои никогаш не беа целосно прекинати.

Хамас им дал на посредниците нов предлог во три фази за прекин на борбите, според двајца неименувани египетски функционери.

Првата фаза ќе биде шестнеделен прекин на огнот со кој ќе се ослободат 35 заложници - жени, болни и постари лица - кои ги држеше Хамас во Газа во замена за 350 палестински затвореници кои ги држеше Израел.

Хамас, исто така, ќе ослободи најмалку пет жени војници во замена за 50 затвореници, вклучително и некои кои отслужуваат долги казни под обвинение за тероризам.

Израелските сили ќе се повлечат од двата главни патишта во Газа, ќе им овозможат на раселените Палестинци да се вратат во северниот дел на Газа разурната од борбите и ќе овозможат слободен проток на помош во областа, изјавија официјални лица.

Во втората фаза, двете страни ќе прогласат траен прекин на огнот и Хамас ќе ги ослободи преостанатите израелски војници кои се држат како заложници во замена за други затвореници, изјавија египетските власти.

Во третата фаза, Хамас ќе ги предаде телата што ги држи во замена Израел да ја укине блокадата на Газа и да дозволи да започне реконструкцијата.

Израелскиот премиер Бенјамин Нетанјаху го нарече предлогот „нереален“. Сепак, тој се согласи да испрати израелски преговарачи во Катар на дополнителни разговори.

The post Во Катар ќе продолжат преговорите за прекин на огнот меѓу Израел и Хамас appeared first on Република.

Американскиот претседател Џо Бајден синоќа изрази оптимизам дека нескоро ќе се постигне нов прекин на огнот меѓу Израел и палестинската милитантна група Хамас во војната во Газа.

-Мојот советник за национална безбедност ми кажа дека сме блиску, рече Бајден. „Сè уште не сме готови. Се надевам дека ќе имаме прекин на огнот до следниот понеделник“, додаде тој.

Катар, Египет и САД со недели се обидуваат да посредуваат за нов прекин на огнот меѓу Хамас и Израел во Газа, договор што треба да го олесни ослободувањето на израелските заложници кои сè уште се држат во крајбрежниот појас.

Меѓутоа, неизвесно е дали меѓународните посредници ќе можат да го договорат прекинот на огнот до 10 март, кога почнува муслиманскиот пост Рамазан.

Медиумите претходно објавија дека тешките преговори не напредуваат. Израелските телевизиски станици Канал 12 и Кан цитираа официјални лица дека преговарачката рамка предложена од посредниците сè уште не е компатибилна со барањата на Хамас.

Хамас го обвини Израел дека ги блокира преговорите.

The post Бајден се надева на нов договор за прекин на огнот во Газа: Блиску сме appeared first on Република.

Известувачот на Обединетите нации за палестинските територии, Франческа Албанезе, денеска изјави дека одлуката на Израел да дозволи секодјдневна четиричасовна хуманитарна пауза во северниот дел на Појасот Газа е „многу цинична и сурова.“

Значи, четиричасовен прекин на огнот, за луѓето да можат да дишат и да се сетат како е животот без бомбардирање пред да почнеме повторно да ги бомбардираме. Тоа е многу цинично и сурово, изјави Албанезе во Аделаида, Австралија, пренесуваат американските медиуми.

Таа додаде дека секој ден врз Појасот Газа се фрлаат 6.000 бомби и дека тоа е „мало парче земја каде што луѓето се заробени, а уништувањето е огромно.

Нема да има враќање на луѓето по тоа што Израел го направи со Појасот Газа, кажа известувачката на ОН.

Портпаролот на Советот за национална безбедност на САД, Џон Кирби, вчера најави дека Израел секојдневно ќе спроведува четиричасовни паузи во борбите во одредени области на северот на Појасот Газа.

Кирби кажа дека најавите за паузи ќе бидат објавени три часа пред нивниот почеток и дека е од клучно значење хуманитарните резерви и помошта да се прошират во областите каде што луѓето бегаат.

The post Албанезе: Цинична и сурова е одлуката на Израел за четиричасовни паузи appeared first on Република.

Институциите од Тетово објавија апели до граѓаните да не се пали оган на отворено за да се избегнат пожари, а тоа важи особено за подрачјата на националниот парк Шар Планина.

Од Територијалната противпожарна единица (ТППЕ) Тетово велат дека деновиве со зголемување на температурите се евидентираат и пожари на отворени простори каде за жал во најголем број случаи причина е човечки фактор.

Апелираме до граѓаните на Општина Тетово и другите рурални општини кои гравитираат кон општината, да бидат максимално внимателни во овој временски период, имајќи ги предвид штетите кои можат да бидат предизвикани од појавата на пожари во природата и во објектите. Апелираме и до земјоделците и до излетниците на отворено да не палат оган и да не фрлаат цигари, бидејќи мала искра може да предизвика голема катастрофа. Исто така, апелираме да бидете многу внимателни што се фрлат во контејнерите за да се избегнат пожари, порача Авни Амети, командир на ТППЕ Тетово.

Неделава од ЈП Национален парк Шар Планина информираа дека изминатите неколку дена во атарите на селата во склоп на паркот биле регистрирани неколку пожари, најчесто поради палење на стрништа и плевели

На територија на Национален парк Шар Планина е строго забрането палање на стрништата, плевели и други одпадоци. Како потсетување за оваа недозволена активност поставува табли, а против оние кои нема да ја почитуваат оваа препорака чуварската служба на ЈУ Национален Парк Шар Планина ќе превземе мерки согласно закон, порачаа од оваа јавна установа.

Оттаму потсетуваат дека казната за ваква активност изнесува од 6.000 до 8.000 евра за правни лица, а од 1.500 до 3.000 евра за физичко лице.

The post Надлежните апелираат да не се пали оган во Тетовско, особено во националниот парк Шар Планина appeared first on Република.

Вечерва се палат коледарски огнови.Коледарските огнови се предвесник на Бадник. Но, со оглед на загадувањето и кораната неизвесно е дали граѓаните вечерва ќе се соберат во своите населби покрај огнот со чашка ракија и посно јадење.

Ова е стара македонска традиција, вечерта пред Бадник да се дочека надвор, крај оган, со чашка греена ракија во рацете, со погача, со македонски песни, со желби за здравје и бериќет.

Иако според толкувањата на црквата овие обичаи се пагански, граѓаните ги практикуваат како можност за дружење пред божиќните празници.

The post Вечерва се палат бадниковите огнови, дали ќе ги има? appeared first on Република.