Денеска (18.06.2023) во периодот од 12.00 до 18.00 часот Одделението за безбедност на патниот сообраќај при СВР Скопје во содејство со Одделението за претходница и сообраќајно ескортно обезбедување при Министерството за внатрешни работи спроведе засилена акциска контрола за прекршоци што ги чинат возачите на мотоцикли. При тоа санкционирани се 76 возачи и тоа, 23 за возење без кацига,14 за возење без возачка потврда,7 нерегистрирани возила...

Привремено се одземени 5 мотоцикли поради истек на важност на сообраќајната дозвола повеќе од 6 месеци.

Акциските контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и сите да придонесеме за побезбеден сообраќај.

The post 76 санкции за прекршоци на возачи на мотоцикли во Скопје, одземени пет мотоцикли appeared first on Република.

На територијата на Македонија за време на заедничка акција на МВР со повеќе надлежни институции координирана од Генералниот секретаријат на Интерпол, се извршени 1.540 проверки на лица и 1.467 моторни возила. Одземени се 10 возила и еден мотоцикл под сомнение за фалсификат.

Од МВР информираа дека во соработка со Царинската управа, Јавното обвинителство, Пазарната инспекција и Управата за јавни приходи, во тесна координација со Генералниот секретаријат на Интерпол, учествувале во глобална операција против криминал со моторни возила, координирана од Генералниот секретаријат на Интерпол.

Операцијата била спроведена во 77 држави, при што во овие држави откриени се 1.121 украден автомобил и 64 мотоцикли.

При преглед на плац за продавање на делови за моторни возила т.н. авто отпад извршена е идентификација на 62 возила за кои е утврдено дека имало избегнати давачки, со што правното лице и одговорното лице на правниот субјект сториле Кривично дело по член 278-б став 1 и став 3 од Кривичниот законик, се појаснува во соопштението од МВР.

Од МВР апелираат до граѓаните да внимаваат при купување на половни моторни возила и увоз од странство, особено на веродостојноста на документите и потеклото на возилото согласно законодавството во државата од каде се увезува.

The post Aкција на Интерпол во Македонија, одземени 10 возила и мотоцикл под сомнение за фалсификат appeared first on Република.