По синоќешното силно невреме во Скопје во ГОБ „8 Септември“ протекла вода во операционите сали на третиот кат, и поради тоа биле одложи операциите.

Д-р Александар Каревски, ортопедски хирург во болницата „8 септември“, на својот Фејсбук профил објави дека негрижата и запоставувањето секогаш излегуваат на виделина.

Синоќешното невреме имало сериозни последици по оперативниот блок во ГОБ 8ми Септември. Време е некој способен да ги решава проблемите на оваа болница, порача Каревски.

Но, според надлежните, нема потреба за загриженост бидејќи болницата е во функција.

Директорот на болницата, проф. д-р Христијан Костов во изјава за ТВ Телма истакна дека преголемото количество на вода на кровните површини по што дренажниот систем не успеал да ја исдренира водата, и имало протекување во првата и втората операциона сала.

Меѓутоа сабајлето ние ги ставивме во функција другите две операциони сали кои што се на приземје. Имаше некои мали доцнења со започнувањето на операциите но сега тие се во надминати. Екипите за санација се веќе на терен, така што за брзо ќе бидат во функција и тие сали, вели Костов.

The post Одложени операции во ГОБ „8 Септември“ поради поплавени операциони сали appeared first on Република.

Светски позната по-пејачка Aдел одложи десет концерти во Лас Вегас.

За жал, морам да се смирам и да се одморам од моите концерти во Вегас“, ја започна таа објавата на Инстаграм.

Таа рече дека има здравствени проблеми.

Бев болна пред и за време на целата пауза. Немав шанса да се подобрам пред да продолжи шоуто и сега повторно сум болна, што за жал влијае на мојот глас, објаснила таа.

Моментално се разработуваат деталите и наскоро биде објавено кога повторно ќе може да настапи во Лас Вегас.

Пејачката ја започна својата постојана претстава во Цезар Палас во Лас Вегас во ноември 2022 година. Коментарите под објавата се полни со поддршка.

The post Поради проблеми со здравјето Адел одложи 10 концерти во Лас Вегас appeared first on Република.

Работниците од обезбедувањето на повеќето поголеми аеродроми во Германија денеска штрајкуваат поради спорот околу платите, што доведе до масовно откажување на летовите. Синдикатот вер.ди, кој најави штрајк во вторник, ги повика работниците на штрајк на 11 аеродроми, во Франкфурт, Берлин, Келн, Дизелдорф, Хамбург, Штутгарт, Лајпциг, Хановер, Дрезден, Бремен и Ерфурт.

Аеродромите во Баварија, вклучувајќи го и Минхен, вториот најфреквентен во земјата, не беа погодени. Сите поаѓања за тој ден од Берлин, Хамбург и Штутгарт беа откажани пред почетокот на штрајкот. Откажани се и околу четири петтини од летовите во Келн и една третина во Дизелдорф.

Во Франкфурт, операторот на најпрометниот аеродром во Германија рече дека безбедносните контролни пунктови надвор од транзитната зона ќе останат затворени. На патниците кои планираат да одат таму им се препорачува да не доаѓаат на аеродромот. Сепак, некои летови сè уште беа овозможени, па Луфтханза планираше да оперира поголем дел од планираниот распоред, вклучувајќи ги и интерконтиненталните летови.

Аеродромската групација АДВ проценува дека вкупно околу 1.100 летови ќе бидат откажани или одложени, што ќе влијае на околу 200.000 патници, објави германската новинска агенција ДПА.

Три рунди работни преговори не доведоа до договор за платите на околу 25.000 работници од обезбедувањето. Вер.ди бара зголемување од 2,80 евра на час за сите вработени и повикува да се воведат бонуси за прекувремена работа од првиот дополнителен час. Здружението на работодавачи соопшти дека понудило покачување од 4% оваа година и 3% следната година, како и отстапки за тоа кога ќе почнат бонусите за прекувремена работа. Разговорите треба да продолжат на 6 февруари.

The post Штрајкот на вработените во обезбедувањето откажа и одложи околу 1.100 летови во Германија appeared first on Република.

Доделувањето на наградите „Еми“ е одложено за 15 јануари, соопштија Телевизиската академија на САД и ТВ-мрежата „Фокс“, додека холивудските сценаристи и глумци сѐ уште штрајкуваат поради несогласувањата со студијата.

Првично, 75. доделување на наградите беше планирано за 18 септември, а номинациите беа објавени во јули, непосредно пред Здружението на глумците да се приклучи на штрајкот.

Холивудските актери минатиот месец им се придружија на сценаристите кои се без работа од мај, бидејќи преговорите со студијата не  успеаја.

The post Доделувањето на „Еми“ наградите презакажано за 15 јануари appeared first on Република.

За прв пат по 11 септември, 2001, е најавено одложување на Наградите „Еми“, јавува „Euronews“.

Една од најголемите американски манифестации, беше планирана за 18 септември, но поради моменталните дуални штрајкови на Американското здружение на писатели и Американското здружение на телевизиски актери, односно Американската федерација на телевизиски и радио уметници, медиумската мрежа „Фокс“ најави одложување на шоуто.

Во Холивуд се штрајкува поради ниските заработки што ги нудат стриминг платформите, но и зголемениот ризик што вештачката интелигенција го поставува врз писателите и сценаристите.

Ова е прв пат по 1960, Здруженијата да штрајкуваат заедно.

Штрајкот ги прекина снимањата на многу серии и филмови, а еден од нив е и второто продолжение на филмот „Дини“.

Иако поголемите холивудски студија одбија да преговараат со Здруженијата, помалите независни филмски студија продолжија со својата продукција. Дел од независните продукции решија да ги исполнат некои од барањата на Здруженијата и креативните работници.

75-тото издание на Наградите „Еми“ е одложено за јануари 2004 година.

Претходно месецов, објавени беа финалните номинации за наградите, а последната сезона на серијата „Следоред“ освои дури 27 номинации. По неа, највеќе номинации имаат и сериите „Белиот лотус“ и „Последните од нас“.

The post Наградите „Еми“ ќе бидат одложени поради штрајковите во Холивуд appeared first on Република.

Густата магла и намалената видливост и вчера и денеска одложи повеќе летови од скопскиот аеродром, а пристигнувањата беа пренасочувани кон аердромот во Приштина. Дел од летовите од Истанбул и Базел за Скопје беа одложени.

На Меѓународниот аеродром Скопје дел од авионите слетуваат со поголемо доцнење. Најголем дел од летовите беа пренасочени во Приштина, по што, со неколкучасовно задоцнување слетуваа во Скопје.

И утрово редовните летови од Истанбул за Скопје доцнеа по најмалку два часа.

The post Одложени повеќе летови на скопскиот аеродром поради густата магла appeared first on Република.

Новата регулатива, која треба да стапи на сила за новите епидемиолошки мерки во Австрија, а која треба да се применува од полноќ, беше одложена за четврток.

Новата регулатива предвидува враќање на обврската за носење маски во сите затворени простори.

Конкретните детали од регулативата не можеа да се договорат, бидејќи има несогласувања околу тоа дали документите „3G“ можат да ги „заменат“ маските, односно онаму каде што властите го контролираат поседувањето сертификати за вакцинација, сертификати за Ковид-19 или негативен тест, тие го прават тоа и не мора да носат маски.

Тие мерки, како што посочуваат од Министерството за здравство, ќе дојдат, но допрва треба да се разгледаат некои детали.

Австрија беше принудена да ги врати мерките, откако на 5 март укина речиси сè.

Од укинувањето на мерките, бројот на новозаразени драстично скокна, достигнувајќи речиси 60.000 дневно минатата недела, а моментално е нешто под 40.000.

The post Австрија го одложи воведувањето нови антиковид мерки appeared first on Република.

Британската кралица Елизабета одложи денеска две закажани виртуелни состаноци, но ќе продолжи со „полесни обврски“, изјави портпаролот на Бакингемската палата.

Бакингемската палата во неделата објави дека кралицата Елизабета е позитивна на коронавирусот и дека има симптоми слични на настинка, пренесува Ројтерс, а пренесува Танјуг.

Нејзиното височество продолжува со полесни обврски – изјави портпаролот на палатата и додаде дека оваа недела не се планирани други ангажмани.

Иако оттогаш ги откажа виртуелните ангажмани, таа продолжи да врши други службени должности, како што е телефонскиот разговор со премиерот Борис Џонсон што го водела вчера, наведува британската агенција.

Бакингемската палата во соопштение наведе дека нема да дава постојани извештаи за здравствената состојба на кралицата.

The post Кралицата Елизабета ги одложи состаноците appeared first on Република.

Драмски театар Скопје поради моменталната состојба во државата, со зголемен број на Ковид - позитивни лица реши да ги одложи претставите предвидени за следниот период.

Како што објавија, одложени се претставите до 22 февруари и тоа: „Странци“ која беше денеска на репертоар, потоа „Човек перница“ (17 февруари), „Птица со главата меѓу нозе“ (18 февруари), „Чудна случка со кучето во ноќта“ (19 февруари) и „Диши“ на 22 февруари.

The post Драмски театар ги одложува претставите до 22 февруари appeared first on Република.

Светските медиуми навестуваат дека 64. доделување на наградите „Греми“ најверојатно ќе биде одложено поради Омикрон варијантата на коронавирусот.

Церемонијата во моментов е закажана за 31 јануари во Лос Анџелес во легендарната арена „Крипто. ком“, претходно позната како „Стејплес центар“.

За „Билборд“ извор потврди дека одложувањето се чини неизбежно, и дека церемонијата ќе биде презакажена откако повеќе од 21,200 нови случаи на Ковид беа пријавени во округот Лос Анџелес на 1 јануари, според податоци на локалниот центар за јавно здравје.

извор: Макфакс

The post 64. доделување на наградите „Греми“ најверојатно ќе биде одложено поради Омикрон appeared first on Република.