Министер за внатрешни работи Панче Тошковски денеска го посети Одделот за сузбивање на организиран и сериозен криминал при Министерството за внатрешни работи каде оствари  работен состанок со поширокото раководство.

Како што соопштија од МВР, на состанокот Тошковски бил запознаен со делокругот на работа и со тековните активности и во тој дел бил информиран дека е извршено мапирање на критичните места за евентуални изборни нерегуларности, а биле посочени и определени предизвици со кои се соочуваат од аспект на формално-правната поставеност на Одделот, систематизацијата на работните места и организациската поставеност на единиците.

Можам да констатирам дека Одделот за сузбивање на организиран и сериозен криминал согласно спецификите на работата која ја извршува треба да биде организациска единица каде работат најдобрите и најискусни полициски службеници и распоредувањето на кадри треба да се врши исклучиво согласно мерит систем, а не било каква припадност и во таа насока во наредниот период треба да се направи кадровско реструктуирање според однапред определени објективизирани критериуми, истакнал министерот Тошковски.

The post Во Одделот за сузбивање на организиран криминал мора да работат најдобрите, порача Тошковски appeared first on Република.