Велика Британија пред две години била многу загрижена поради можноста дека рускиот претседател Владимир Путин ќе ја гаѓа Украина со нуклеарно оружје во октомви 2022 година.

Тоа се наведува во книгата „Оут оф Блу“, биографија на поранешната премиерка Лиз Трас.

Како што се наведува во книгата, таа била загрижена дека Велика Британија ќе биде на удар на нуклеарно зрачење и ги поминала своите последни денови во премиерскиот кабинет подготвувајќи се за зрачењето кое би можело да го погоди островот.

Трас минувала часови проучувајќи сателитски снимки и правец на ветерот, бидејќи се плашела дека врнежите би можеле директно да влијаат на Британија.

The post Путин го држел прстот на црвеното копче, во Лондон се треселе од паника: Бевме на чекор до крај на светот appeared first on Република.

Владимир Путин се плаши да употреби нуклеарно оружје затоа што го сака својот живот и контролата над животите на другите, изјави украинскиот претседател Володимир Зеленски.

Рускиот претседател на 25 септември изјави дека ја менува руската „нуклеарна доктрина“ и може да ги прошири околностите под кои може да се користи такво разорно оружје.

Но, Зеленски рече дека не мисли дека Путин ќе ризикува да користи нуклеарно оружје.

Никој не знае што навистина има во главата на Путин. Тој може да употреби нуклеарно оружје за да нападне која било земја во секое време. Или не. Не сум сигурен дека ќе го стори тоа. Споделувам со вас што мислам. Но, јас не сум Путин. Не можам да знам точно. Тој го сака својот живот и својот начин на живот и како управува со животите на другите, рече Зеленски.

Од почетокот на војната, Кремљ неколку пати се закануваше со нуклеарно оружје. Рускиот министер за надворешни работи Сергеј Лавров во саботата му порача на Вашингтон да ја подготви Европа за „самоубиствен потфат“ поради „бесмисленоста и опасноста од самата идеја за борба до победа со нуклеарна сила како Русија“.

The post Зеленски: Путин се плаши да употреби нуклеарно оружје appeared first on Република.

Генералниот секретар на НАТО Јенс Столтенберг изјави дека имало консултации меѓу членките на Алијансата за вадење на нуклеарното оружје од складиштето, негово распоредување и ставање во состојба на готовност.

-НАТО разговара за распоредување на повеќе нуклеарно оружје соочени со зголемената закана од Русија и Кина, изјави Столтенберг за британски Телеграф.

Според него, Алијансата мора да го покаже својот нуклеарен арсенал за да испрати директна порака до своите противници.

-Нема да навлегувам во оперативните детали за тоа колку нуклеарни боеви глави треба да бидат оперативни, но мора да се консултираме за овие прашања. Токму тоа го правиме, рече Столтенберг.

Тој посочи дека транспарентноста за нуклеарното оружје треба да биде еден од основите на нуклеарната стратегија на НАТО во подготовката на Алијансата за, како што рече, поопасен свет.

-Транспарентноста помага да се пренесе директна порака дека ние, се разбира, сме нуклеарна алијанса. Целта на НАТО е, се разбира, свет без нуклеарно оружје, но се додека има нуклеарно оружје, ние ќе останеме нуклеарна алијанса, рече Столтенберг.

Според него, Кина особено инвестира во модерно оружје, вклучувајќи го и нејзиниот нуклеарен арсенал, кој, според него, до 2030 година ќе порасне на 1.000 боеви глави.

-А тоа значи дека во не толку далечна иднина НАТО би можел да се соочи со нешто со кое никогаш досега не се соочил, а тоа се два потенцијални противници со нуклеарно оружје, Кина и Русија, рече Столтенберг

The post Столтенберг се консултирал и со Македонија за вадење на нуклеарното оружје од складиштата appeared first on Република.

НАТО одби да и дозволи на Полска да постави нуклеарно оружје во земјата.

Полскиот претседател, Анджеј Дуда, претходно изјави дека официјална Варшава преговара со Вашингтон и сака да постави американски нуклеарни боеви глави на своја територија. Сепак, генералниот секретар на НАТО, Јенс Столтенберг одговори дека нема такви планови и дека за ова прашање воопшто не се разговара.

НАТО нема планови да ја промени конфигурацијата на своите нуклеарни сили или да стационира какви било сили во која било земја на НАТО“, додаде генералниот секретар.

Меѓу земјите на НАТО, САД, Велика Британија и Франција имаат свој нуклеарен арсенал. Американски нуклеарни ракети се распоредени и во Италија, Германија, Турција, Белгија и Холандија.

Желбата на Полска да добие сопствени нуклеарни резерви најверојатно е поврзана со одлуката на Русија да распореди дел од своите нуклеарни боеви глави во Белорусија, која се граничи со Полска.

The post НАТО одби да и дозволи на Полска да постави нуклеарно оружје во земјата appeared first on Република.

Рускиот претседател Владимир Путин предупреди на „трагични“ последици доколку западните земји испратат војници во Украина, велејќи дека неговата земја има оружје за да напаѓа цели на Запад.

(Западните нации) мора да сфатат дека и ние имаме оружје што може да погоди цели на нивната територија. Сето ова навистина се заканува со конфликт со употреба на нуклеарно оружје и уништување на цивилизацијата. Зар тие не го сфаќаат тоа?, рече Путин во четвртокот за време на неговото годишно обраќање за состојбата на нацијата.

Претходно оваа недела, францускиот претседател Емануел Макрон рече дека иако нема планови за испраќање западни трупи да се борат во Украина, можноста останува.

The post Путин предупредува на нуклеарна војна доколку Западот испрати војници во Украина appeared first on Република.

Соединетите Американски Држави планираат да стационираат нуклеарно оружје во Обединетото Кралство за прв пат по 15 години.

Како што откриваат документите на Пентагон, до кои имал пристап британски „Телеграф“, таквата одлука доаѓа затоа што „заканата од Русија се зголемува“.

Договорите за нов објект во базата на британското Воено воздухопловство „Лејкенхит“ во Сафолк потврдуваат дека САД имаат намера во воздухопловната база да распоредат нуклеарни боеви глави три пати поголеми од бомбата фрлена во Хирошима.

The post САД ќе распоредат нуклеарно оружје во Британија за да ја заплашат Русија appeared first on Република.

Иранските власти ја сменија својата политика од последните неколку месеци и продолжија да збогатуваат ураниум до нивоа од 60 отсто, односно блиску до степенот што се смета за доволно да се произведе оружје,соопшти денеска Меѓународната агенција за атомска енергија (МААЕ).

Британските медиуми пренесуваат дека Иран веќе има доволно ураниум збогатен до 60 отсто што, доколку продолжи со ова темпо на збогатување, наскоро ќе може да направи три атомски бомби.

„Иран го зголеми своето производство на високо збогатен ураниум, поништувајќи го претходното намалување на производството од средината на 2023 година“, се наведува во соопштението на МААЕ.

По политиката на забавување, инсталациите за збогатување на ураниумот во комплексот Натанц и фабриката Фордоу, сега го збогатуваат ураниумот до 60 проценти со брзина од околу три килограми месечно“, се наведува во соопштението.

Според МААЕ, околу 42 килограми ураниум збогатен до 60 проценти се доволни за да се почне со производство на нуклеарна бомба.

Инспекторите на МААЕ прво, на 25 ноември, забележаа промена во производството во фабриката во Фордоу, по што Иран соопшти дека промената е направена на 22 ноември и дека стапката на производство таму се враќа на нивото пред забавувањето, се додава во извештајот.

„Агенцијата потврдува дека од крајот на ноември 2023 година, стапката со која Иран произведува ураниум збогатен до 60 отсто во овие два капацитети заедно е зголемена на приближно девет килограми месечно“, се наведува во извештајот на МААЕ.

Иран негира дека работи на создавање нуклеарно оружје.

Многу дипломати веруваат дека забавувањето, што почна во јуни, е резултат на тајните преговори меѓу САД и Иран што доведоа до ослободување на американските граѓани од Иран на почетокот на оваа година.

The post МААЕ: Иран повторно збогатува ураниум до ниво потребно за нуклеарно оружје appeared first on Република.

Претседателот на Белорусија Александар Лукашенко изјави дека Русија ги завршила сите испораки на тактичко нуклеарно оружје за неговата земја, акција што предизвикува сериозна загриженост во соседна Полска и другите околни земји.

На економскиот самит во Санкт Петерсбург на земјите собрани околу Русија, Лукашенко изјави дека испораките биле завршени во октомври, но не прецизираше колку нуклеарни боеви глави се префрлени од Русија во Белорусија ниту каде се распоредени.

За разлика од стратешкото нуклеарно оружје кое е термонуклеарно, претежно поставено на интерконтинентални балистички ракети и може да срамни цели градови и пошироки области околу нив, тактичкото оружје е класично атомско, има значително помала моќ и е наменето за употреба на бојното поле. Сепак, тоа, како и термонуклеарното (хидрогенско) оружје, произведува радијација што не познава граници меѓу државите

Русија претходно соопшти дека ќе ја задржи контролата врз тактичкото оружје во Белорусија.

Лукашенко додаде дека целта на распоредувањето на ова оружје е да се одврати можна агресија на Полска, членка на НАТО, врз Белорусија.

The post Лукашенко: Русија пренесе тактичко нуклеарно оружје во Белорусија appeared first on Република.

Русија вели дека забелешките на израелскиот министер за наследство Амихаи Елијаху дека се разгледува употреба на нуклеарно оружје во Газа покренуваат „огромен број прашања“.

Портпаролката на руското Министерство за надворешни работи, Марија Захарова додаде дека Израел се чини дека признал оти поседува нуклеарно оружје, „прашање кое намерно е двосмислено со децении“.

 Значи, слушаме официјални изјави за присуство на нуклеарно оружје?, праша таа, додавајќи дека Меѓународната агенција за атомска енергија треба да изврши увид.

Елијаху беше критикуван од израелскиот премиер Бенјамин Нетанјаху и суспендиран на неодредено време од состаноците на владата.

The post Москва вели дека изјавите на израелскиот министер за нуклеарно оружје покренуваат „огромен број прашања“ appeared first on Република.

Рускиот парламент денеска го заврши гласањето за законот со кој Москва се повлекува од ратификацијата на глобалниот договор за забрана на тестирање на нуклеарно оружје.

Горниот дом на парламентот, Советот на федерацијата, едногласно со 156 гласа го одобри законот откако претходно едногласно беше усвоен и од Долниот дом на парламентот, Думата. Документот сега ќе оди кај претседателот Владимир Путин на потпишување.

Претходно овој месец, Путин ги повика пратениците да ја воведат промената за да ја „одразат“ позицијата на САД, кои го потпишаа, но никогаш не го ратификуваа Договорот за сеопфатна забрана на нуклеарни тестови (CTBT).

Русија наведува дека нема да продолжи со нуклеарно тестирање доколку тоа не го стори и Вашингтон, но експертите за контрола на вооружувањето се загрижени дека тоа би можело да доведе до тест што Западот би го сметал за заканувачка ескалација во контекст на војната во Украина.

Иако никогаш формално не стапи во сила, CTBT нуклеарните тестирања ги претвори во табу - ниту една друга земја, освен Северна Кореја, во овој век нема извршено тестирање што вклучува нуклеарна експлозија.

Експертите за контрола на вооружувањето велат дека руски или американски нуклеарен тест може да предизвика нова трка во вооружувањето во време на акутна меѓународна тензија, со војни кои беснеат во Украина и на Блискиот Исток. Тие додаваат дека доколку една земја изврши нуклеарна проба, и друга веројатно би го направила истото, а како други кои би го следеле чекорот се наведуваат Кина, Индија и Пакистан.

Си-ен-ен минатиот месец објави сателитски снимки на кои се гледа дека Русија, САД и Кина во последните неколку години изградиле нови капацитети на нивните полигони за нуклеарни тестирања.

The post Русија се повлече од договорот за нуклеарно оружје appeared first on Република.

Саудискиот престолонаследник Мохамед бин Салман предупреди дека ако Иран се здобие со нуклеарно оружје, Саудиска Арабија ќе го стори истото.

Ако Иран добие нуклеарно оружје, и ние мора да го добиеме, изјави саудискиот принц за Фокс њуз во интервју емитувано вчера.

Иран негира дека сака нуклеарно оружје, пренесува Индекс.

Врските меѓу Ријад и Техеран се подобрија по договорот во март, со посредство на Кина, за повторно воспоставување дипломатски односи меѓу двете земји по седум години без формални врски.

Бин Салман рече дека Иран е сериозен во напорите за помирување со Саудиска Арабија.

Разговарајќи за напорите за нормализирање на односите меѓу Саудиска Арабија и Израел, принцот изрази оптимизам за постигнатиот напредок, велејќи: „Секој ден се приближуваме“.

Тој негираше дека се прекинати преговорите со Израел со посредство на САД.

Зборувајќи за важноста на палестинското прашање во контекст на нормализацијата на односите со Израел, тој рече: Палестинското прашање е многу важно за нас. Мораме да го решиме тој дел. Мораме да видиме во која насока оди прашањето. Се надеваме дека ќе им го олесниме животот на Палестинците, ќе го добиеме Израел како играч на Блискиот Исток, додаде тој.

Администрацијата на Бајден активно работи на дипломатска нормализација на односите меѓу Саудиска Арабија и Израел.

Тие сакаат да постигнат нешто слично на т.н Договори на Абрахам – Серија договори за нормализација со посредство на САД во 2020 година меѓу Израел и четири арапски држави за време на администрацијата на Трамп.

Пред да се согласи на каков било договор, Саудиска Арабија бара формирање на независна палестинска држава и други отстапки од Израел за Палестинците.

Тајмс од Израел наведува дека противење на планот нешто такво да се случи нема само во САД, туку и во Израел.

Весникот потсетува дека минатиот месец Јаир Лапид, поранешен израелски премиер и шеф на дипломатијата, кој сега е на чело на опозицијата, рекол дека тој договор во овој момент ја загрозува безбедноста на Израел и регионот.

Не смееме на Саудиска Арабија да и овозможимена било кое ниво на збогатен ураниум - рекол Лапид.

Овој израелски политичар е син на Јосеф Томи Лапид, некогашен вицепремиер и министер за одбрана на Израел, кој е роден како Томислав Лампел 1931 во Нови Сад, а после Втората светска војна се одселил во Израел.

The post Овој човек сака атомска бомба: Како САД и Израел можат да му помогнат и зошто на тоа се противи политичар родум од Нови Сад? appeared first on Република.

Cеверна Кореја ја пушти во употреба својата прва „тактичка нуклеарна подморница“, која ќе биде дел од флотата што патролира во водите меѓу Корејски Полуостров и Јапонија.

Како што објавија севернокорејски државни медиуми, лидерот Ким Џонг-ун, кој присуствувал на лансирањето, истакнал дека итна задача е да се вооружи морнарицата со нуклеарно оружје и ветил дека ќе во морнарицата ќе бидат распоредени повеќе подморници и бродови опремени со тактичко нуклеарно оружје.

Ким најави дека Cеверна Кореја планира да ги претвори своите постоечки подморници во ударни подморници вооружени со нуклеарно оружје и да го забрза процесот што треба да доведе до изградба на подморница на нуклеарен погон.

Засега не е познато со какви проектили ќе биде вооружена новата подморница. Cеверна Кореја тестираше голем број балистички ракети лансирани од подморници (СЛБМ) и крстосувачки ракети лансирани од подморница. Исто така, не е јасно дали земјата целосно ги развила намалените нуклеарни боеви глави потребни за монтирање на такви ракети.

The post Cеверна Кореја ја распореди својата прва „тактичка нуклеарна подморница“ appeared first on Република.

Околу 100 медицински списанија во светот, меѓу коишто и повече престижни гласила, денеска испратија повик за елиминација на нуклеарното оружје во светот.

Меѓу водечките медицински гласила се: „Би-ем-џеј“ (BMJ), „Лансет“ (The Lancet), „JAMA“ и „Њу Ингланд журнал“ (New England Journal of Medicine). „Опасноста е сериозна и расте“ - гласи оценката по зголемената употреба на нуклеарно оружје во Украина, новите севернокорејски ракетни тестови итн. Се бара блокирање и неширење на нуклеарното оружје.

„Земјите со нуклеарно оружје мора да ги отстранат своите нуклеарни арсенали пред да нѐ елиминираат нас“, се наведува во написот.

В недела се навршуваат 68 години од американското нуклеарно бомбардирање врз јапонскиот град Хирошима во Втората светска војна - прв таков напад во историјата на човештвото.

The post Медицинските списанија предупредуваат на поголеми опасности од нуклеарното оружје appeared first on Република.

Русија веќе ја стационираше првата серија тактичко нуклеарно оружје во Белорусија, изјави рускиот претседател Владимир Путин.

„Белорусија, која се наоѓа западно од Русија и северно од Украина, е еден од најблиските сојузници на Москва. Тоа и помогна на Русија да ја започне својата првична инвазија на Украина во февруари лани, дозволувајќи им на руските трупи да влезат во земјата од север. Руската употреба на нуклеарно оружје е „теоретски можна доколку постои закана за постоењето на Руската Федерација“, изјави денеска Путин.

Рускиот претседател на Меѓународниот економски форум во Санкт Петребург изјави дека тие ќе се користат само ако територијата или државата на Русија бидат загрозени, пренесе Би-Би-Си.

Американската влада вели дека нема индикации дека Кремљ планира да користи нуклеарно оружје за да ја нападне Украина.

„Не гледаме никакви индикации дека Русија се подготвува да употреби нуклеарно оружје“, рече американскиот државен секретар Антони Блинкен по коментарите на Путин.

Белорусија е клучен руски сојузник и служеше како лансирно поле за целосната инвазија на Путин на Украина во февруари лани.

Путин рече дека пренесувањето на тактичките нуклеарни боеви глави ќе биде завршено до крајот на летото.

Одговарајќи на прашања по говорот на Меѓународниот економски форум во Санкт Петербург, рускиот претседател рече дека потегот е за „задржување“ и за потсетување на секој што „мисли да ни нанесе стратешки пораз“.

На прашањето за можноста за користење на тоа оружје, тој одговори:

„Зошто да му се закануваме на целиот свет? Веќе реков дека е можна употреба на екстремни мерки во случај да постои опасност за руската државност“.

Тактичкото нуклеарно оружје се мали нуклеарни боеви глави и системи за испорака наменети за употреба на бојното поле или за ограничен удар. Тие се дизајнирани да уништат непријателски цели во одредена област без да предизвикаат широко распространети радиоактивни последици.

Најмалото тактичко нуклеарно оружје може да биде еден килотон или помалку, што произведува еквивалент на илјада тони експлозив ТНТ. Најголемите можат да бидат големи и до 100 килотони. За споредба, атомската бомба што САД ја фрли на Хирошима во 1945 година беше 15 килотони.

The post Руско нуклеарно оружје стигна во Белорусија, потврди Путин appeared first on Република.

Нема индиции дека Русија се подготвува да употреби нуклеарно оружје и САД не гледаат причина да ја променат готовноста на своите нуклеарни сили, изјави американскиот државен секретар Ентони Блинкен.

Претходно денеска рускиот претседател Владимир Путин изјави дека „теоретски“ Русија може да употреби нуклеарно оружје во случај на закана за нејзиниот територијален интегритет или постоење, но дека тоа не е неопходно.

Блинкен, исто така, ги демантираше информациите дека имало договор меѓу САД и Иран за иранската нуклеарна програма. Тој увери дека нема таков договор, откако во медиумите се појавија информации во оваа насока.

The post Блинкен: Нема индиции дека Русија се подготвува да употреби нуклеарно оружје appeared first on Република.

Белорускиот претседател Александар Лукашенко денеска изјави дека неговата земја почнала да добива тактичко нуклеарно оружје од Русија, од кое некои се трипати помоќни од атомските бомби фрлени од САД на Хирошима и Нагасаки во 1945 година. Нуклеарни боеви глави со помал дострел, кои би можеле да се користат на бојното поле, Москва ги испраќа надвор од руската територија за првпат по распадот на Советскиот Сојуз.

„Имаме проектили и бомби што ги добивме од Русија“, рече Лукашенко во интервју за државната руска телевизија, објавено на каналот Телеграм на белоруската новинска агенција Белта.

„Бомбите се трипати помоќни од оние фрлени врз Хирошима и Нагасаки“, додаде тој.

Лукашенко, близок соработник на рускиот претседател Владимир Путин, во вторникот објави дека нуклеарното оружје може да пристигне во Белорусија „за неколку дена“ и дека неговата земја има инфраструктура за ракети со голем дострел доколку некогаш е потребно.

Путин во петокот рече дека Русија ќе испрати оружје, врз кое ќе ја задржи контролата, откако Белорусија ќе ја подготви потребната инфраструктура. Во вторникот, Лукашенко рече дека Белорусија има неколку локации за ова кои датираат од советската ера и дека обновила пет или шест од нив.

The post Лукашенко: Белорусија почна да добива руско нуклеарно оружје appeared first on Република.

По веста дека Финска утре ќе се приклучи на пактот за НАТО, официјална Москва веднаш најави зајакнување на силите на западот на земјата.

Рускиот заменик-министер за надворешни работи, Александар Груско, изјави дека Русија ќе ги зајакне воените капацитети во своите западни и северозападни региони како одговор на очекуваниот пристап на Финска во НАТО, објави државната новинска агенција РИА.

За пристапувањето на Финска во НАТО потврдија од кабинетот на претседателот на државата. Финска станува полноправна членка откако турскиот парламент во четвртокот ја ратификува точката со која ѝ се дозволува на Финска да му се приклучи на НАТО отворајќи го патот на Хелсинки да се приклучи на западната воена алијанса.

The post Првата реакција на Москва за влезот на Финска во НАТО – распоредува оружје на границата appeared first on Република.

Украина побара итна седница на Советот за безбедност на ОН со цел да се спротивстави на руската „нуклеарна уцена” откако рускиот претседател Владимир Путин најави дека Москва ќе распореди никлеарно оружје во Белорусија.

Европската Унија пак, и се закани на Белорусија со нови санкции ако тоа оружје биде распоредено, додека САД навестија дека „немаат индиции” дека Москва има намера да употреби нуклеарно оружје во Украина.

Министерството ги повика и Г7 и ЕУ да извршат притисок врз Белорусија и да и се заканат со „големи последици” ако прифати распоредување на руско нуклеарно оружје.

НАТО, пак, ја осуди „опасната и неодговорна нуклеарна реторика”, тврдејќи дека „внимателно ја следи ситуацијата”.

Претходно рускиот претседател Владимир Путин најави дека Русија ќе распореди „тактичко” нуклеарно оружје во Белорусија и дека 10 авиони веќе се спремни за употреба на тоа оружје.

The post Украина бара итна седница на Советот за безбедност на ОН по руската „нуклеарна уцена” appeared first on Република.

Високиот претставник на Европската унија за надворешна политика и безбедност, Жозеп Борел ја повика Белорусија да не прифаќа руско нуклеарно оружје на своја територија и порача дека во спротивно може да се соочи со нови санкции.

-Белоруското складирање на руското нуклеарно оружје би претставувало неодговорна ескалација и закана за европската безбедност. Белорусија сè уште може да го спречи, тоа е нивен избор, а Европската унија е подготвена да одговори со воведување нови санкции, напиша Борел на својот Твитер профил.

Префрлувањето на тактичко нуклеарно оружје во Белорусија во саботата го најави рускиот претседател Владимир Путин, кој изјави дека тоа не ги нарушува обврските од договорот СТАРТ, бидејќи САД веќе го направиле тоа со пренесување на своето нуклеарно оружје во други земји.

Според него, изградбата на складиште за тактичко нуклеарно оружје во Белорусија се очекува да биде завршена на 1 јули.

Москва веќе го префрли во Минск системот „Искандер“, кој може да користи нуклеарно оружје, потсетува ТАСС.

The post Борел ѝ се закани на Белорусија: Одбијте го руското нуклеарно оружје или ќе следуваат нови санкции appeared first on Република.

Русија постигна договор со соседна Белорусија за распоредување на тактичко нуклеарно оружје на нејзина територија, изјави рускиот претседател Владимир Путин за руските медиуми.

Ваквиот потег нема да ги прекрши обврските од договорот СТАРТ за неширење нуклеарно оружје, рече Путин и додаде дека САД стационирале нуклеарно оружје на територијата на европските сојузници, пренесе ТАСС.

Путин порача дека Русија ќе одговори на употребата на муниција со осиромашен ураниум.

Русија има многу такви оружја, но тие досега не се користеа“, рече Путин, додавајќи дека оние што користат таква муниција ќе ја користат против сопствениот народ.

Како што рече претседателот на Русија, земјата нема да дозволи претерана милитаризација на економијата. Тој исто така рече дека со ограничувањето на употребата на долари, САД ја сечат гранката на која седат.

The post Русија распоредува нуклеарно оружје во Белорусија за да одговори на употребата на осиромашен ураниум appeared first on Република.