Ноќва околу полноќ во Тетово на улица „Радован Цонич“ полициски службеници од СВР Тетово ја лишиле од слобода А.Б.(53) од Тетово.

Таа била пријавена од нејзиниот 66-годишен сопруг, дека околу 17.30 часот во нивниот семеен дом физички ја нападнала нивната малолетна ќерка, а при нападот зела и остар предмет, со кој при обид да ѝ го земе од рацете, нејзиниот син се пресекол.

Таа е задржана во полициска станица за понатамошна постапка и против неа ќе следува соодветен поднесок.

The post Мајка со нож тргнала кон малолетната ќерка appeared first on Република.

Ученик од осмо одделение во Суботица за време на попладневна настава со нож повредил ученичка од истото одделение, јавија српските медиуми повикувајќи се на полицијата. Повредите на девојчето се санирани во болница и нејзиниот живот не е во животна опасност.

Според првичните информации, ученик од основното училиште „Сечењи Иштван“ во Суботица со нож  и нанел повреди на соученичката на рацете и нозете.

Брзата помош ја пренела повредената ученичка во болница во Суботица каде и биле санирани повредите. Малолетникот, ученик во осмо одделение, е приведен и ќе биде изведен пред судијата за малолетници на Вишиот суд во Суботица

The post Осмооделенец со нож рани соученичка во основно училиште во Суботица appeared first on Република.

24-годишниот А.Ш. од Скопје вчера бил уапсен од страна на полицијата на подрачјето на Гази Баба откако претходно бил пријавен дека околу 19:30 часот во прифатниот центар за бездомници во Визбегово со нож и со физичка сила ги одзел двете малолетни деца од својата 23-годишна вонбрачна сопруга.

По целосно документирање на случајот, ќе следува соодветна кривична пријава, објави МВР. Известен бил Центарот за социјална работа, а малолетниците биле вратени на мајка им.

The post Маж со нож ги одзел децата од мајката во прифатен центар во Скопје appeared first on Република.

Надворешна канцеларија за криминалистички работи Гостивар, поднесе кривична пријава против С.Г.(47) од Скопје поради постоење основи на сомнение за сторени кривични дела „загрозување со опасно орудие при тепачка или караница“ и „мачење животни“.

На 03.05.2024, пред домот на Б.У.(23), пријавената со нож го нападнала неговиот брат, по што во шталата на таткото на Б.У. , исто така, со нож повредила домашни животни и оштетила два прозорци, соопштија од МВР.

The post Скопјанка нападнала маж со нож, па ги избола и неговите домашни животни appeared first on Република.

Британската полиција соопшти дека уапсила маж откако 11-годишно девојче и 34-годишна жена биле избодени со нож на плоштадот Лестер во центарот на Лондон.

Од полицијата соопштија дека не веруваат дека има повеќе осомничени за тој напад и дека се чекаат нови информации за здравствената состојба на нападнатите кои се пренесени во болница.

The post Девојче и жена ранети со нож во центарот на Лондон, напаѓачот уапсен appeared first on Република.

СВР Тетово поднесе кривична пријава против Ј.Ј.(20) и А.Р.(30), двајцата од Тетово, поради постоење основи на сомнение за сторено кривично дело „загрозување со опасно орудие при тепачка или караница“.

На 25.06.2024, пријавените физички го нападнале А.Ш.(19), а потоа првопријавениот со нож му нанел повреда.

Второпријавениот, при обид да го напушти местото, со возилото удрил во неговиот брат Б.Ш и во неговата мајка.

The post Тинејџер ранет со нож, со возило удрени неговите мајка и брат appeared first on Република.

На 14.06.2024 во 14:30 часот, полициски службеници од Полициското одделение Петровец ги привеле А.А.(26) и Ј.Б.(24), двајцата од с.Катланово, скопско, поради сомнение дека пред фирмата во која работеле во индустриска зона на подрачјето на општина Петровец учествувале во физичка пресметка.

Во тепачката Ј.Б. употребил остар предмет и му нанел убодна рана на Н.М., кој бил пренесен во Компекс клиники „Мајка Тереза“ за укажување лекарска помош.

Притоа, со повреди се здобиле Е.М., Р.Б. и С.Ќ., сите вработени во истата фирма.

По целосно документирање на случајот ќе биде поднесен соодветен поднесок.

The post Се степале колеги – еден ранет со нож, тројца повредени appeared first on Република.

Синоќа во Призрен, град во Косово е уапсен 44-годишен маж, кој во алкохолизирана состојба со нож ја нападнал својата 21-годишна ќерка и и нанел повреди опасни по живот, пренесува Телеграф.

Од Регионалниот полициски центар во Призрен потврдија дека А.Ш. (44) по расправија, под дејство на алкохол, со нож ја нападнал ќерката Е.Ш. (21), нанесувајќи и повреди на грбот.

Состојбата на повредената девојка е критична и лекарите се борат за нејзиниот живот во болницата во Призрен. Со оглед на тоа дека таткото бил пијан, по наредба на надлежен обвинител му е одредена мерка притвор во траење од 48 часа.

Случајот е опишан како обид за убиство, пишува Телеграф.

The post Трагедија во Косово: Пијан татко ја избодел ќерка си со нож, се бори за живот appeared first on Република.

Денеска 18-годишен ученик со нож нападнал професорка за време на час по англиски јазик во училиште на западот на Франција, јави телевизијата „БФМ“. Средношколецот по нападот се обидел да побегне, но бил приведен.

Професорката се здобила со полесни повреди на лицето, пренесуваат француските медиуми.

Извор близок до истрагата вели дека професорката неколку минути пред нападот разговарала со ученикот за неговото неодамнешно неколкудневно отсуство, пренесува Танјуг.

The post Ученик нападнал професорка со нож во Франција, се обидел да побегне appeared first on Република.

Основното јавно обвинителство Велес поведе постапка против лице од селото Раштани за кое постои сомнение дека сторило кривично дело „Загрозување на сигурноста“. Осомничениот, како што соопшти денеска Јавното обвинителство, при вршење семејно насилство, ја загрозил сигурноста на неговиот татко, со сериозна закана дека ќе нападне по неговиот живот.

На 18 мај осомничениот влегол во кујната и побарал 3.000 денари од неговата мајка, кажувајќи и дека мора да ги најде парите. На тоа реагирал таткото, кој му забележал дека е срамота постојано да бара пари од нив, по што осомничениот зел кујнски нож и му се заканил на таткото дека ќе го убие ако се меша. Со тоа, како што се наведува, кај оштетениот предизвикал чувство на несигурност, загрозување и страв.

Имајќи предвид дека ваквото однесување на осомничениот се повторувало и претходно, меѓутоа родителите не пријавувале во полиција, јавниот обвинител одлучи до судијата на претходна постапка од Основниот суд во Велес да поднесе предлог за определување мерка притвор. Судот го прифати предлогот и на осомничениот му определи притвор во траење од осум дена, се вели во соопштението од Јавното обвинителство

The post Му рекол срамота е везден да бараш пари од нас, по што синот му извадил нож appeared first on Република.

Две лица загинаа, а 10 се ранети во напад со нож во основно училиште во јужна Кина, соопшти полицијата.

Не е соопштено дали меѓу жртвите има и деца.

Нападот се случил во училиште во градот Гуиси, во провинцијата Џиангси, јави Би-Би-Си.

Полицијата соопшти дека нападот со кујнски нож го извршила 45-годишна жена.

The post Две лица загинаа, a 10 се ранети во напад со нож во основно училиште во Кина appeared first on Република.

Две лица се тешко повредени, а уште четири се полесно ранети во напад со нож врз случајни минувачи во северниот швајцарски град Зофинген, на околу 50 километри јужно од Базел и германската граница.

Како што соопшти локалната полиција, има неколку повредени лица. Портпаролот на полицијата за ДПА, додаде дека тие се пренесени во болница.

Полицијата соопшти дека добила повици дека маж нападнал луѓе со нож на локална железничка станица. Напаѓачот потоа избегал во блиската зграда, повредувајќи ги и лицата што ги сретнувал по патот.

Полицијата на социјалните мрежи потврди дека насилникот бил уапсен од специјалци откако два часа се криел во зградата. Според локалната полиција, сторителот, за кој се претпоставува дека дејствувал сам, е идентификуван како странец на околу 40 години.

Мотивот за нападот се уште е нејасен.

Сите шест жртви се во болница со убодни рани. Меѓу повредените има и две учителки од кантоналното училиште во Зофинген и една бремена жена, која се здобила со расекотини на лицето, но нејзиниот живот повеќе не е во животна опасност.

Насилникот добил и лекарска помош бидејќи се повредил со нож.

The post Двајца тешко ранети, а уште четворица полесно повредени во напад со нож во Швајцарија appeared first on Република.

Од Уставен суд потврдија дека во текот на вчерашниот ден, претседателката на Уставниот суд, Добрила Кацарска, во полициска станица пријавила евентуално загрозување на сигурноста откако на нејзиното приватно паркинг место во близина на нејзиното живеалиште во непосредна близина на нејзиното возило е пронајден нож и други предмети.

https://republika.mk/vesti/makedonija/katsarska-vo-garazha-ja-prechekal-improviziran-krevet-i-kujnski-nozh-zaboden-vo-prekinuvachot-za-svetlo/

Како што соопшти на денешната прес-конференција во Уставен, портпаролката Христина Беловска, оставаат на надлежните да утврдат дали се работи за закани или случајност.

Она што можам да го потврдам е нејзината пријава со оглед дека на нејзиниот имот, на нејзиното приватно паркинг место кое што се наоѓа во подземна гаража од затворен тип и во која што има околу 50-ина други автомобили наоколу е пронајден забоден нож на 20-ина сантиметри во прекинувачот за струја кој што се употребува токму за да се осветли делот над нејзиниот автомобил и други останати предмети за кои што повеќе информации ќе може да добиете веројатно од истрагата, рече Беловска.

Во однос на заканите, таа дополни дека имало повеќе непријатности во континуитет.

Некои ситни инциденти во јавноста, има закани на социјалните мрежи упатено лично кон неа кои што сѐ уште се достапни и верувам дека ќе бидат и тие проверени, меѓутоа, претседателката не сакаше да се реагира за ниту еден од тие инциденти сѐ до моментот вчера кога беше пронајден и нож на нејзиниот личен имот, дополни таа.

Од Министерството за внатрешни работи претходно денеска потврдија дека е известен јавен обвинител, предметите се подигнати за вештачење и се преземаат мерки за расчистување на случајот.

The post Уставен суд: Надлежните да утврдат дали се работи за закана или случајност ножот на гаражното место на претседателката Кацарска appeared first on Република.

Ноќеска во 00.30 часот во Гостивар, во присуство на родител, полициски службеници од ОВР Гостивар лишиле од слобода малолетник од Гостивар. Тој се сомничи дека на 12.05.2024 после 23.00 часот во Гостивар, по претходна расправија, со остар предмет му нанел убодна рана на Л.М.(18) од Прилеп.

Остриот предмет бил пронајден и одземен, а по целосно документирање на случајот против него ќе биде поднесена соодветна пријава.

The post Уапсен малолетник од Гостивар кој со нож нападнал 18 годишен прилепчанец appeared first on Република.

Вчеравечер во периодот од 22.45 до 23.20 часот на подрачјето на Центар, полициски службеници од Полициската станица Центар и од Единицата за интервентна полиција при СВР Скопје лишиле од слобода четири малолетници од Скопје.

Како што соопштуваат од полицијата, тие се сомничат дека околу 22.00 часот на подрачјето на Центар со закана со остар предмет од двајца други малолетници одзеле пари. Со малолетниците бил извршен службен разговор, а парите биле пронајдени и ќе бидат вратени на сопствениците.

По целосно документирање на случајот, против нив ќе биде поднесена соодветна пријава.

The post Банда малолетници со нож ограбиле деца сред Центар appeared first on Република.

Најмалку четири лица се повредени во напад со нож во црква во западниот дел на Сиднеј.

Нападот се случил додека епископот водел богослужба, која била емитувана на интернет.

На местото на настанот излегле неколку екипи на полицијата и итната помош.

Меѓу повредените има четворица мажи, за кои се претпоставува дека се на возраст од 60, 50, 30 и 20 години. Меѓу ранетите е и бискупот.

На видеата објавени на социјалните мрежи се гледа како напаѓачот му приоѓа на бискупот и го прободува со нож, јавуваат австралиските медиуми. Снимката не е проверена, а полицијата не потврдила дека се случил овој инцидент.

The post Се се случувало во преносот во живо: Свештеник нападат за време на проповедта appeared first on Република.

Во потресен инцидент, малолетник од Скопје бил примен во Поликлиниката „Бит Пазар“ со убодна рана, по расправија со напаѓачи кои барале пари. Момчето било жртва на брутален напад од изнудувачи. Полицијата, одговарајќи на пријава поднесена во 17:35 часот на СВР Скопје, активно го истражува случајот.

Страшната голгота започнала кога жртвата ја сретнале неколку лица во околината на Бит Пазар. Напаѓачите, наводно, барале пари од момчето, а по негово одбивање, еден од нив прибегнал кон насилство, со остар предмет и нанесување убодна рана.

Органите на прогонот брзо реагираа на инцидентот и имаат за цел расветлување на околностите околу нападот. Истрагата има за цел да го утврди идентитетот на напаѓачите.

The post Го избоделе со нож кај Бит Пазар: Mалолетно момче одбило да даде пари на изнудувачи appeared first on Република.

Во напад со нож трагично загинал Стефан Савиќ (23), репрезентативец на Србија во ММА и освојувач на бронзен медал на Светското првенство.

Нешто по полноќ, на аголот од улиците Добрачина и Дунавска во Белград, Савиќ бил пронајден со убодна рана во пределот на градниот кош. Итно бил пренесен во Ургентниот центар, но од здобиените повреди починал.

Савиќ беше познат по својата успешна спортска кариера, особено по освојувањето на бронзениот медал на Светското првенство во ММА. Неговата посветеност и умешност во боречките вештини му донесоа голема популарност во спортските кругови, а неговиот придонес во српскиот спорт останува неизбришлив.

The post Млад српски ММА борец убиен со нож во Белград appeared first on Република.

Децата кои го посетуваат основното училиште „Владислав Рибникар“ денеска се пратени дома, бидејќи во ранецот на едно од децата најверојатно бил пронајден нож, јави Н1.

Во пораката на Вибер, испратена до родителите, било наведено дека подоцна ќе добијат детални информации за се, а родителите добиле порака дека нема да продолжи наставата до крајот на денот.

Во исто време, на социјалните мрежи се појави информација дека кај ученик, наводно, од 8-мо одделение бил пронајден нож. Како што потврди еден од родителите на Н1, тие информации се вистинити. Според извештаите, ножот бил пронајден во ранецот.

На прашањето на Н1 како ножот влегол во училницата, покрај обезбедувањето, родителот рекол дека „обезбедувањето е никакво“.

Пред училиштето во моментов се распоредени полициски сили поради дојава дека ученик донел нож во училиштето.

Лани, на 3 мај во тоа училиште беше извршено масовно убиство кога 13-годишно момче уби девет ученици и чувар.

The post Полиција пред училиштето во Србија каде што беше извршено масовно убиство поради дојава дека ученик донел нож appeared first on Република.

Еден ученик изутрината повредил со нож неколку соученици во средно училиште во градот Вупертал во западна Германија.

Напаѓачот потоа бил совладан и фатен. Тој исто така е повреден, но не се знае дали сам себеси се повредил или се повредил при апсењето.

Полицијата околу 10 часот добила повик дека ученик нападнал други ученици во гимназијата и повредил најмалку четири лица, пренесува „Билд“.

Засега не се знае кој степен се повредите.

The post Тинејџер со нож нападнал ученици во Германија, најмалку четворица повредени appeared first on Република.