Конечно на територијата на Општина Аеродром, односно во населбите Аеродром и Ново Лисиче пристигна струја, по 15 часа.

ЕВН Македонија го санираше дефектот со поголемо доцнење, а се огласија дека станува збор за комплициран дефект кој бара повеќе работа.

Според досегашните информации прекинот во снабдувањето со електрична енергија биле два 110-киловолтни далекуводи кои ги снабдуваат трафостаниците „Аеродром“ и „Исток“.

The post По 15 часа дојде струја во Аеродром и Ново Лисиче appeared first on Република.

По спроведена истражна постапка, јавен обвинител од Основното јавно обвинителство Скопје денеска поднел обвинителен акт против 28-годишен скопјанец за кривично дело „убиство“, соопшти Јавното обвинителство.

https://republika.mk/vesti/crna-hronika/ubistvo-vo-novo-lisiche-vnuk-ja-pretepal-pa-zadushil-svojata-baba/

На 18 јануари, при вршење семејно насилство во семејниот дом на булеварот „Видое Смилевски Бато“ во Скопје, обвинетиот со умисла ја лишил од живот сопствената баба. Додека жртвата јадела, тој ја нападнал, започнал да ја удира по главата и телото, а потоа ја задушил, се појаснува во соопштението.

Јавниот обвинител до Основниот кривичен суд Скопје доставил и предлог за продолжување на претходно определената мерка притвор за обвинетиот.

The post Истрагата е завршена, на 28-годишникот од Ново Лисиче ќе му се суди за убиството на баба му appeared first on Република.

Основното јавно обвинителство Скопје донесе Наредба за спроведување истражна постапка против 28-годишен скопјанец за кого постои основано сомнение дека сторил кривично дело – Убиство од член 123 став 2 точка 2 од Кривичниот законик.

На 18 јануари, во семејниот дом во Ново Лисиче, при вршење семејно насилство, осомничениот со умисла ја лишил од живот својата баба. Според првичните сознанија, тој ја нападнал удирајќи ја по главата и вратот, а потоа ја задушил, информира ОЈО.

Јавниот обвинител до судијата на претходна постапка од Основниот кривичен суд Скопје поднесе предлог за определување мерка притвор против осомничениот, бидејќи постои опасност тој да се даде во бегство, да влијае врз сведоците и вештаците или да изврши друго убиство. Судијата го прифати предлогот и на осомничениот му определи притвор во траење од 30 дена.

The post Убиство во Ново Лисиче, внук ја претепал па задушил својата баба appeared first on Република.

Пожар избувнал денеска во стан во скопската населба Ново Лисиче, на чие гаснење интервенирале три противпожарни возила.

Опожарен е стан на првиот кат на бул. АСНОМ број 68. Интервенирано е со три Противпожарни возила со 12 пожарникари. Не е дозволено проширување на пожарот на соседните станови. Навреме е направена евакуација. Нема повредени лица. Причинета е само материјална штета, изјави за МИА командирот на ППБ на Град Скопје Звонко Томески.

Тој додаде дека е повикана екипа на полицијата за да ги утврди причините за пожарот.

The post Пожар во стан во Ново Лисиче appeared first on Република.

Две екипи на противпожарна бригада на Град Скопје со две возила работат на гаснење на пожарот во Горно Лисиче, во местото наречено „Бановина“, информираат од Центарот за управување со кризи.

- Гори сува трева и ѓубре. Нема опасност од ширење, известуваат од ЦУК.

The post Скопски противпожарни екипи гаснат пожар во Горно Лисиче appeared first on Република.

Пожар избувнал кај депонијата во скопската населба Ново Лисиче денеска околу 13 часот, а по интервенцијата на противпожарните служби е ставен под контрола.

Пожарот е редуциран, противпожарната служба интервенираше со три возила и сега е надвор од опасност за ширење, информираа за МИА од Противпожарната бригада на Град Скопје.

Со пожарот, како што посочија, се зафатени сува трева и стари гуми.

The post Пожар кај депонијата во Ново Лисиче, нема опасност за ширење appeared first on Република.

Нови сигнали за крадци низ Скопје пристигнале до редакцијата на 4NEWS.mk. според која во Ново Лисиче е украдена машина за садови од 7-ми спрат.

https://www.youtube.com/watch?v=FmHTcAOcyFo

Читателот на 4NEWS. mk тврди дека истите кратци досега украле велосипеди, патики, комода...пријавено е во полиција, но досега нема никаква повратна информација оттаму за преземени дејствија.

The post Нова снимка од крадци кои оперираат во Скопје appeared first on Република.

Ирена Груевска од Скопје е незадоволна и гневна затоа што вчера, Кривичниот суд во Скопје досудил казна затвор од 4 години и 6 месеци за возачот кој го усмртил во сообраќајка нејзиниот сопруг и го пратил во домашен притвор до правосилноста на пресудата, иако дотогаш бил во затворски притвор.

https://republika.mk/vesti/crna-hronika/pominal-na-crveno-i-imal-alkohol-vo-krvta-predlozen-pritvor-za-soobrakjajkata-kaj-novo-lisiche-vo-koja-zagina-maz/

Во несреќата, која се случила во близина на трговскиот центар „Лиса“ во Ново Лисиче во јануари годинава, со тешки телесни повреди се здобила и нејзината малолетна ќерка, која до ден денес доживува тешки психички трауми, оди на психијатар и има огромна грижа на совеста, затоа што таа го повикала татка си да ја земе дента кога се случила несреќата.

Зад воланот, во другото возило, се наоѓало 21-годишно момче кое немало возачка дозвола, имало 0,57 промили алкохол во крвта и поминало на семафорот на црвено светло.

Момчето се изјаснило за виновно и изразило каење, што било доволно судот да му дозволи затворската казна да ја чека дома. Груевска вели дека обвинителката ќе ја обжали таквата одлука, но дека нејзиниот живот и животот на нејзините две деца никогаш нема да биде повторно ист.

Целото сведоштво на „Слободен печат“

The post Ирена Груевска: Возач без дозвола го уби маж ми во сообраќајка, а доби само 4 години и 6 месеци казна која ќе ја чека дома appeared first on Република.

На вкупна должина од 800м2 вградени се 120 тони асфалтна маса и нивелирани се три канализациони шахти. Во текот на наредните денови ќе биде обележана и хоризонталната сигнализација на патеките и поставена вертикалната сигнализација.

Во средината ќе се уредува зелената површина (средишното зеленило) кое e во надлежност на ЈП Паркови и зеленило Скопје. Во текот на наредниот период на овој потег ќе бидат извршени поврзувања со постоечките патеки.

The post Aсфалтирани патеките на булеварот Видое Смилевски Бато appeared first on Република.

Паркот на последна 5-ка во населбата Ново Лисиче добива ново хортикултурно уредување, а изминатите денови беа поставени и нови павилјони, дрвени клупи и маси за релаксација на сите генерации, куќичка и други рекреативни елементи за забава на децата, како и корпи за отпадоци за чиста околина, соопшти Општина Аеродром.

Станува збор за еден од најголемите паркови во главниот град кој го уредуваме заеднички со градските служби, а во наредниот период во негова непосредна близина е најавена изградба на нов мега-парк што ќе зафати површина од 100.000 м2.

Во изминатите неколку месеци, службите на Општината учествуваа во бројни акции, при што во овој парк беа засадени стотина садници, велат од Општината.

Новото уредување го спроведоа екипите на ЈП „Паркови и зеленило“, со кои Општина Аеродром има воспоставено одлична соработка која ќе продолжи со ист интензитет за зазеленување на Аеродром и Скопје.

The post Продолжува уредувањето на паркот на последна 5-ка во Ново Лисиче appeared first on Република.

Градоначалничката на Град Скопје, Данела Арсовска заедно со градоначалникот на Општина Аеродром, Тимчо Муцунски и директорот на ЈП Улици и патишта, Борис Настов извршија увид во градежните активности за изградбата на велосипедска и пешачка патека на булевар Србија, како и на продолжувањето на пешачката патека на булевар Видое Смилевски Бато.

Утврдено е дека градежните активности на патеките се одвива според предвидената динамика и планирано е нивно завршување во предвидениот рок. Ќе се задржи средишното зеленило и ќе се обнови, а и страничните делови на булеварите ќе бидат уредени со нови зелени површини и со нови садници.

Изградбата на вело и пешачката патека на булевар Србија е во насока од булевар Февруарски поход кон булевар АСНОМ, во должина од 850 метри и широчина од 4 метри (2 метри вело патека и 2 метри пешачка патека), на вкупна површина од 3.400 квадратни метри.

Изградба на пешачка патека на булеварот Видое Смилевски Бато е на потегот од страна булеварот Февруарски поход кон булевар АСНОМ, во должина од 300 метри и 3 метри широчина, на вкупна површина од 900 квадратни метри.

Изградбата на нови велосипедски патеки и подобрување на постојната велосипедска инфрастуктура во Скопје е еден од приоритетите на новата градска администрација. Истовремено ќе се работи и на развивање на велосипедската мрежа кон приградските населби, со што ќе се намали ризикот од возење велосипеди на коловозите, се со цел поголема безбедност на граѓаните коишто користат алтернативен превоз.

The post Нова вело и пешачка патека на булeварите „Србија“ и „Видое Смилевски Бато“ appeared first on Република.

Покрај булеварот „Видое Смилевски-Бато“ во населбата Ново Лисиче, спроти трговскиот центар „Лиса“ се поставува нова пешачка патека.

Патеката ќе биде изработена од павер елементи и ќе биде долга триесетина метри.

Општина Аеродром патеката ја прави по барање на околните жители, кои со години наназад го газат постојниот тревник и на тој начин создале див скратен премин.

 

Создаваме услови за полесно и побезбедно движење на пешаците, а истовремено се грижиме за зачувување на зеленилото и здравата животна средина - информираат од општина Аеродром.

The post Нова пешачка патека покрај булеварот „Видое Смилевски-Бато“ во Ново Лисиче appeared first on Република.