Бугарскиот премиер Николај Денков вчера соопшти дека поднел оставка од премиерската функција, како и дека таа веќе е доставена до Народното собрание.

Се очекува пратениците да расправаат за предлог-одлука за прифаќање на оставката на премиерот.

Со тоа, согласно договорот од минатогодишните избори, Денков ќе го наследи неговиот коалиционен партнер од централно десничарската партија ГЕРБ ќе ја води Владата.

„Ова не е политичка игра, ова е почитување на даден збор, тоа е израз на доследност, политички фер-плеј и почит кон граѓаните. Денеска ја исполнувам обврската што ја презедовме со заедничката декларација на 6 јуни 2023 година“, изјавил Денков.

The post Бугарскиот премиер Денков поднесе оставка appeared first on Република.

Сакам јасно да кажам дека во моментов Бугарија нема никакви други барања кон Македонија, освен оние наведени во одлуката на ЕУ од минатата година врз основа на договорено со т.н. „француски предлог“, изјави бугарскиот премиер Николај Денков во обраќањето пред Европскиот парламент во Стразбур на дебатата насловена „Ова е Европа“.

– Низ годините нашите односи се влошија и не мислам дека за тоа е виновна Бугарија. Условите мора да се исполнат од страна на Македонија за да се отвори преговарачкиот процес и од тој аспект, не прифаќам никаква критика за нашата земја, рече Денков, додавајќи дека во тука не станува збор за односи меѓу Бугарија и Македонија, туку меѓу Македонија и ЕУ.

The post Бугарија нема нови барања за Македонија, засега appeared first on Република.

Бугарскиот премиер Николај Денков во свое обраќање од Европскиот парламент ги коментирал односите на неговата земја со Македонија, потсетувајќи дека Бугарија е првата земја во светот што ја признала нашата држава како независна европска земја.

За жал, со текот на годините нашите односи се влошија и не мислам дека Бугарија е виновна за тоа. Затоа сакам јасно да кажам дека Бугарија во моментов нема други барања кон Македонија, освен оние што беа утврдени во одлуката на Европската Унија минатата година, заклучил Денков, пренесуваат бугарските медиуми нагласувајќи дека Македонија мора да го исполни договорот.

Додал дека во однос на ова прашање, не прифаќа никакви критики кон неговата земја.

Ваквата изјава на Денков следува откако неколку европратеници ја повикале Софија да му го отвори патот на Скопје кон пристапувањето во ЕУ, за чија европска определба нема сомневања, бидејќи за да ѝ се отворат вратите за преговори таа го промени и името.

The post Бугарскиот премиер Денков: Бугарија во моментов нема други барања кон Македонија appeared first on Република.

По повод 120-годишнината од Илинденско востание во Софија, бугарскиот претседател Румен Радев одржа говор во кој рече дека „Илинденско-Преображенското востание е најмасовниот израз на волјата за слобода на бугарскиот народ“.

-Ова востание се пренесе далеку во времето, бидејќи неговите резултати далекусежно ги надминаа неговите непосредни политички и воени цели. Илинденско-Преображенското востание“ зазема значајно место во односите со Република Македонија и во зближувањето врз основа на „историската вистина“, рече Радев додавајќи дека востанието го најавиле „камбаните на бугарските цркви“.

Тој додаде дека гаранцијата за уставна еднаквост ќе ги исполни заветите на Илинденците од 1903 година и нивниот завет за еднаквост и правда.

-Граѓаните и на Бугарија и на Р.Македонија им се поклонуваат на овие завети и на идеалите пред востанието, рече Радев.

И Николај Денков, премиерот на Бугарија смета дека „2 Август е симбол, пред 120 години на тој датум Бугарите во Македонија и одринска Тракија докажуваат дека идејата за демократска република во која Бугарите, Турците и Евреите ќе се рамноправни во сите односи, не беше обесена заедно со Левски“.

Илинденско-преображенското востание е настан со големо значење за современата бугарска нација. Неслучајно е што токму Бугарите се движечката сила во најголемото востание против Османлиската империја во овие земји. Во географските обласи Македонија и Источна Тракија во тоа време тие се најбројниот и политички најактивниот дел меѓу, инаку разнородното население. Бугарската содржина и облик на востанието, но и на целото револуционерно движење во Македонија и Одринско е признато од сите. Од Османлиите, од другите етнички заедници, и од блаксанските соседи. Во тоа време споменот за обединување од 1885 година не е далечен. Затоа и домашните и странците јасно ја знаат природната насока на бараната целосна автономија на Македонија и Одринско до едно идно соединување. Летото во 1903 година, нашите сонародници во Македонија и Одринско ја плаќаат цената за стремежот кон слободата со илјадници човечки жртви и со многу материјални и морални опустошенија. За да се спасат над 30 000 бегалци бараат спас во родната мајка. Ние, нивните наследници, сме повикани да ги браниме тие вредности и да ги предадеме на нашите деца, кои треба да ги пренесат и во иднина.

The post Радев: Влезот на Бугарите во Уставот е завет на Илинденците, востанието го објавиле камбаните од бугарските цркви appeared first on Република.

Бугарскиот премиер Николај Денков денеска ќе биде во еднодневна посета на Атина, каде ќе има средба со својот грчки колега Киријакос Мицотакис.

Премиерите на Бугарија и Грција ќе разменат мислења за начините за надминување на негативните последици од војната во Украина за економијата, енергетиката и безбедноста, а ќе ги разгледаат и изгледите за продлабочување на билатералната соработка меѓу двете земји.

Во бугарската делегација се и министерот за финансии Асен Василев, министерот за животна средина и вода Јулијан Попов, министерот за транспорт и врски Георги Гвоздејков и министерот за енергетика Румен Радев.

The post Бугарскиот премиер ќе ја посети Грција appeared first on Република.

Премиерот Димитар Ковачевски претпладнево имаше телефонски разговор со новиот премиер на Република Бугарија, Николај Денков, кому му го честиташе мандатот посакувајќи му  успешна работа на новоизбраната Влада што ја предводи.

-Во разговорот е изразено очекување од двете страни за добра меѓувладина соработка, во интерес на граѓаните и на добрососедските односи. Разговарано е за важноста од промоција на позитивната реторика којашто придонесува во меѓусебната доверба, како и од продолжување на динамиката во билатералната агенда и средбите меѓу министрите во владите кои ќе придонесат кон постигнување резултати кои се конкретни и видливи за граѓаните, информира владината прес-служба.

Како што е наведено во соопштението, з„аедничка е оценката дека е потребна конструктивност во пристапот и понатамошната соработка, за коешто постои увереност и кај двајцата премиери дека го очекуваат и граѓаните на Македонија и Бугарија, но и регионот, Европската Унија и меѓународните партнери

The post Ковачевски се слушна со новиот бугарски премиер appeared first on Република.

Народното собрание на Бугарија на вонредна седница ги одобри структурата и составот на новата бугарска влада со премиерот академик Николај Денков, вицепремиерката Марија Габриел и 18 министри, по што кабинетот „Денков-Габриел“ положи заклетва пред Народното собрание „во името на Република Бугарија да ги почитува Уставот и законите на земјата и во сите нивни постапки да се раководат од интересите на народот“.

The post Со него Ковачевски ќе преговара: Денков е новиот бугарски премиер appeared first on Република.