Новоименуваниот вонреден и оплномошен амбасадор на Република Македонија во Белград, проф.д-р Никола Тупанчевски денеска на српссиот претседател Александар Вучиќ, на свечена церемонија му ги предаде акредитивните писма, јави дописникот на МИА од Белград.

Предавањето на акредитивните писма на претседалот на Србија Александар Вучиќ, преставува формално отпочнување на можноста соработката меѓу овие две држави да биде подобрена и истоврмено да се надгради. Ова е вистински момент и во своите тези што ги бранев пред македонското собрание напоменав дека се работи за период што има ренесансен карактер и кој во иднина треба да преставува иницијална каписла во остварувањето на сите замислени можности и форми за соработка, изјави амбасадорот Тупанчески.

Проф.Д-р Никола Тупанчески со предавањето на акредитивните писма, по пауза од седум години, стана шести македонски амбасадор во Република Србија.

The post Тупанчески стана македонски амбасадор во Белград appeared first on Република.

Во Министерството за правда денеска беше извршено примопредавање на функцијата министер за правда помеѓу досегашниот и новоименуваниот вршител на оваа должност, Никола Тупанчески и Кренар Лога.

Како што информираат од Министерството за правда, Тупанчески му посака на Лога успешна работа, реализација на голем број проекти и успех во функционирањето на Министерството.

Министерот Лога, му се заблагодари на Тупанчески за неговиот досегашен придонес и најави реформи во сферата на правосудството и засилување на борбата против криминалот и корупцијата, се наведува во соопштението од Министерството за правда

The post Тупанчески му ја предаде министерската функција на Кренар Лога appeared first on Република.

Во врска со непотпишувањето на правно мислење за еврообрзницата од страна на поранешниот министер за правда Никола Тупанчески, ресорното Министерството денеска појасни дека неговата оставка од страна на Собранието е констатирана на 13 февруари и согласно тоа тој нема право да стави потпис. Барањето за мислење од Министерството за финансии, како што информираа од Министерството за правда, е пристигнато на 15 февруари.

Министерот за правда Никола Тупанчески до Владата поднесе оставка од функцијата на 10.02.2023 година. Собранието ја констатираше оставката и престанокот на функцијата министер за правда на седница на 13.02.2023 година. Од 14.02.2023 година, Никола Тупанчески е во работен однос на Правниот факултет „Јустинијан Први”. Барањето од Министерството за финансии за потпишување на правно мислење за еврообврзницата е примено во Министерството за правда на 15.02.2023 година. Со оглед на тоа што Тупанчески не е министер за правда од 13 февруари, тој нема право да стави потпис како министер, се вели во соопштението од Министерството за правда.

Министерството за финансии вчера информираше дека постапката за издавањето на еврообврзницата ќе биде завршена по назначувањето на новиот министер за правда.

Целосната постапка за издавање на еврообврзницата ќе биде извршена по спроведување на административните процедури, кои подразбираат и мислење од новиот министер за правда. Веднаш по изборот на новиот министер за правда ќе се одржи нова аукција. За ова банките-агенти што посредуваа при издавањето на еврообврзницата ќе ги информираат инвеститорите, кои при минатата аукција имаа 2,5 пати поголем интерес во однос на понудената сума, како резултат на довербата во добрите економски политики, наведе Министерството за финансии во вчерашното соопштение.

The post Министерство за правда: Тупанчески не е министер од 13 февруари, барањето за еврообврзницата е стигнато на 15 февруари appeared first on Република.

Откажана е еврообврзницата од 600 милиони евра, а причина за ова е смената на министерот за правда Никола Тупанчески, кој што не сакал да потпише и без негов потпис понатаму не може да се движи постапката, открива Гордана Димитриеска-Кочоска.

Ова е најголем доказ дека и во владата има голем раскол и дека нема капетан на бродот.
Како можевте да дозволите ваков срам на државата и да ја оставите без пари?
Кој ќе сноси одговорност за ваков непромислен потег?
Дали намерно ја втурнувате државата во банкрот?
Докторите немаат земено плата а изговор ви е дека ги чекате парите од еврообврзницата. Повеќе од јасно е дека тие пари нема да ги добиеме.
Оставка на цела влада веднаш!, бара Димитриеска-Кочоска.

The post Еврообврзницата е откажана, оти Тупанчески пред бегање одбил да ја потпише appeared first on Република.

Пратеникот Драган Ковачки од ВМРО-ДПМНЕ на премиерот Димитар Ковачевски му порача дека е слуга на Али Ахмети, па го праша, каде е смената на Бојан Маричиќ и Бујар Османи поради лошите резултати. Тој го праша премиерот и каде е предлогот за разрешување на Славјанка Петровска, а поради тоа што немало плати во АРМ. За Ковачки несфатлива е промената на министерот за правда Никола Тупанчески, бидејќи, според пратеникот, на негово место доаѓа брат на осомничен за убиство.

Со честото менување на коалиционите партнери, го уништивте легитимитетот на извршната власт. Зарем заслужува еден професор како Тупанчески, кој уживаше делумна почит и кај опозицијата, по само година дена, да го замените со човек кој е брат на лице осомничено за убиство? Едно чудо министри за правда сменивте последните шест години. Тоа е доказ дека правдата ја гледате дневно политички и низ призмата на пазарењата, додаде Ковачки.

Тој праша каде е смената на Бојан Маричиќ кого го нарече неспособен и Бујар Османи за кого кажа дека бидејќи единствено е способен за продажба на се што не е негово.

Зарем министерот за здравство кој писмено барал од Владата да се купи лекот за болните од цистична фиброза, а премиерот не ја донел одлуката, ќе го менува со причина што министерот јавно проговори и ја обелодени вистината, дека директната одговорност за починатиот Благојче е кај премиерот, праша Ковачки.

The post Ковачки до Ковачевски: Тупанчески го заменувате со човек кој е брат на осомничен за убиство appeared first on Република.

Лидерката на ЛДП, Моника Зајкова, коалициска партнерка на СДСМ во власта, во дебатниот магазин 24 Анализа на ТВ 24 изнесе критики за состојбите во правосудството и беше резервирана околу можноста да биде сменет министерот за правда Никола Тупанчески. Таа призна дека владата не спроведува реформи во правосудниот систем бидејќи како што рече таа на некому му одговора ваквиот хаос се со цел да нема одговорност.

Нејзината изјава доаѓа откако деновиве постојано се шпекулираше дека ресорот правда СДСМ ќе му го отстапи на новиот партнер во власта, Алијанса за Албанците.

Реформите во правосудниот систем не се на некое завидно ниво, а со мали чекори можевме да ги направиме. Не навлегувам во персонални решенија, но ресорот како ресор има многу работа и има многу што да се работи – од Судскиот совет, судската администрација, одговорност на судии итн. Да детектираме кои се тие судии и обвинители кои се подложни на корупција и не си ја вршат својата работа, рече Зајкова.

Можам да имам лични перцепции, најбитно е сите министри во своите ресори да бидеме на висина на задачата и да се работи исклучиво во инетерес на граѓаните. Не сме сите компетентни да го даваме своето мислење, а најдобро мислење на крајот го дава јавноста за тоа кој најдобро се грижи за нивните интереси, рече Костадинов за тоа како ја оценува работата на Тупанчески и за тоа дали треба да биде заменет со кандидат од Алијанса за Албанците.

The post Зајкова и Костадинов подготвуваат терен за смена на Тупанчески и отстапување на Правда на АА appeared first on Република.

Министерот за правда Никола Тупанчески вечерва изјави дека разрешувањето на директорот на Управата за извршување санкции Марјан Спасовски, поради бегството на затвореникот Беким Мемети, не значи дека работата е завршена, туку треба да се дојде до докази кој се е инволвиран. Тој во интервју за Топ тема на Тв Телма не ја исклучи можноста истрагата за бегството на Мемети да резултира со уште разрешувања директори, меѓу кои и на директорот на затворот „Идризово“, Шпенд Тахири.

На вчерашната седница на Владата е разрешен директорот на Управата за извршување на санкции и се разгледуваа сите варијанти што всушност би значеле одговорност по вертикална линија. Да потсетам дека пред три или четири месеци претходниот директор кој исто така беше директор на затворот „Идризово“ беше разрешен токму од страна на Владата. Не значи дека тука е завршена целата работа. Едноставно треба да се откријат, да се стигне до докази кој се’ е инволвиран во целава оваа работа дури и формациски. Може да нема директно влијание или директни ингеренции во однос на случувањата, меѓутоа дефинитивно понекогаш треба да се поднесе одговорност и во формално правна смисла на зборот, односно формациски, нагласи Тупанчески.

На прашањето дали Владата оценила дека одговорноста на Тахири е помала од таа на Спасовски, Тупанчески тврди дека не станува збор за оценување на поголема или помала одговорност, затоа што одговорноста би требало да биде по вертикална линија, од првиот до последниот, а тоа треба да го покаже истрагата.

Прашан дали тоа значи дека може да биде разрешен и директорот на „Идризово“, вели дека тоа не е исклучено бидејќи се разгледуваат сите опции.

Досега е оваа фаза, треба да видиме навистина веројатно ретки се случаите кога имаме ваква реакција зборувам општествена кога станува збор за вакви настани. Колкава е одговорноста, дали некој направил ненамерно, намерно, со умисла, од небрежност, тоа треба да го покаже истрагата. Се разбира во вакви ситуации понекогаш и ненамерните пропусти имаат сериозен импакт, вели тој.

Според него, нема сомнеж дека бегството на Мемети било добро организирана акција, која побарува исто толку добро организирана реакција од страна на државните органи.

Станува збор за промптно реагирање од страна на Управата за извршување санкции, со спроведувањето на вонредниот стручен надзор. Тоа значеше суспендирање на сите, првично што изгледа дека се вклучени во однос на овој немил настан. Втора рабора која исто така треба да се подвлече е дека, во меѓувреме, за истите тие лица веќе е одредена мерка притвор и тие се суспендирани од своите работни места, вели министерот за правда.

Трета работа или сегмент, додава Тупанчески, што е комплементарен на претходните е дека е распишана меѓународна потерница од страна на МВР за лицето кое е во бегство. И четврта работа, треба да се посочи дека и органите на прогонот, вклучително и ОЈО за организиран криминал, учествуваат во откривањето на сите докази што се поврзани за овој настан.

Така што ако ги земете овие неколку сегменти, реакцијата е иницијална, меѓутоа тоа не значи дека тука ќе застане, во однос на оваа општетсвена реакција, затоа што очекувањата се дека овој кривично-правен настан има и одредени работи што допрва треба да се истражуваат, подвлече министерот Тупанчески.

The post Тупанчевски: Разрешувањето на Спасовски не значи дека работата со бегството е завршена appeared first on Република.

Предлогот, кој обвинител ќе биде врска со Европравда во Хаг, го утврдува јавниот обвинител на РСМ. Сепак, изборот формално го прави министерот за правда, пишува 360 степени.

Меѓу пријавените се и досегашната обвинителка за врска со Европравда, Ленче Ристоска, обвинителката од ОЈО ГОКК, Ивана Трајчева, и уште двајца обвинители од скопското обвинителство.

Пријавените кандидати до овој момент се:

1. Ленче Ристоска, јавен обвинител во ОЈО Скопје

2. Ивана Трајчева, јавен обвинител во ОЈОГОКК

3. Наташа Гоџоска, јавен обвинител во ОЈО Скопје

4. Дејан Петрески, јавен обвинител во ОЈО Скопје

5. Александар Марковски, јавен обвинител во ОЈО Скопје

Од сите кандидатури, највпечатлива е онаа на Наташа Гоџоска, јавна обвинителка од ОЈО Скопје. Не поради нејзините квалификации, туку поради фактот што таа е сестра на министерот за правда Никола Тупанчески. Токму Тупанчески, според член 112 од Законот за меѓународна соработка во кривичната материја, е функционерот кој формално го врши изборот на предлог на јавниот обвинител на РСМ.

Целиот текст овде.

The post Сестрата на Тупанчески конкурирала за обвинител за позиција за која одлучува брат ѝ appeared first on Република.

Министерот за правда Никола Тупанчески денеска и утре ќе престојува во дводневна работна посета на Република Хрватска, при што ќе оствари билатерална средба со министерот за правда и администрација на Хрватска, Иван Маленица.

Како што соопштија од Министерството за правда, целта на посетата е продлабочување на меѓусебната соработка во областа на правдата и евроинтегративните процеси.

Двајцата министри ќе се обратат и на Загрепско-скопскиот колоквиум, кој ќе се одржи на Правниот  факултет во Загреб.

The post Тупанчески во дводневна посета на Хрватска appeared first on Република.

Ставена е во функција најголемата дигитална судница во државата во Идризово која е последниот од низата проекти кои ги реализираше Министерството за правда, информираат оттаму.

Објектот се простира на површина од 1089 м2 со капицитет за 120 лица. Ова е најголемата и најопремената судница во Македонија со судска сала од 290 м2. Изградена е по примерот на судниците во државите со големо искуство во сузбивањето на организираниот криминал. Таа е само еден сегмент од целокупниот комплекс за оваа намена кој меѓудругото содржи и простории за обвинетите, посебни канцеларии за судиите и јавните обвинители, простории за адвокатите, најсовремен систем за заштита на сведоци со можност за изобличување на слика и тон, систем за видеоконференција, кабина за преведувачи, како и соодветен безбедносен и мониторинг систем. Комплексот располага со посебни влезови за осудени лица, за службени лица, како и за јавноста која ќе присуствува на овие судења и посебен дел за новинарите, велат од МП.

Вкупната вредност на изградбата на објектот изнесува 1,3 милиони евра од кои речиси 975 илјади евра се обезбедени преку ИПА акциската програма „Поддршка за секторот правда” на ЕУ а за набавка на безбедносната опрема беше обезбедена донација на Амбасада на САД во вредност од над 60 илјади евра. За ова намена, Владата од буџетот издвои околу 283 илјади евра финасиска помош и дополнителни 45 илјади евра преку Управата за извршување на санкции за набавка на мебел и опрема.

На официјалниот почеток на функционирањето на најголемата дигитална судница се обратија министерот за правда Никола Тупанчески, Амбасадорот на ЕУ Дејвид Гир и заменик шефот на Мисијата во Амбасадата на САД во Скопје, Ерик Мејер.

Користењето на оваа судница ќе има сериозен импакт во насока на намалување на трошоците за судските процеси за обезбедување и транспорт, кои значително ќе се редуцираат.Ќе се обезбеди поголема заштита на безбедноста и сигурноста на граѓаните на главниот град и нема да се наруши непреченото, нормално функционирање на градот преку блокирање на сообраќајот.Првото судење во најголемата дигитална судница во Идризово ќе се одржи на 14 декември, рече во своето обраќање министерот за правда Никола Тупанчески.

Тупанчески посочи дека судницата нуди најсовремени услови за изведување на судски процеси. Функционалниот аудио-конференциски систем со кој располага судницата дава можности за судења без физичко присуство на учесниците во судските процеси и слично.

The post Тупанчески: На 14 декември ќе се одржи првото судење во најголемата дигитална судница во Идризово appeared first on Република.

„Првото прашање ќе го упатам до министерот за здравство, и се однесува на продолжувањето на работниот однос на здравствените работници и соработници кои наполниле 64 години и имаат 15 години пензиски стаж. Според правен основ, измени и дополни на член 104 од Законот за работни односи во 2021 година, каде се дава можност со посебен закон односно lex specialis во случајот Законот за здравство да се продолжи работата најдолго до 67 години. Општествена оправданост е поради хроничен недостиг на кадар, егзодус на лекарите и соработниците надвор, насушна потреба од високо квалификуван кадар и нужност од добра здравствена заштита наша. Постапката е да директорот на здравствената установа по приемот на претходно изразената согласност од здравствениот соработник односно работник кој што ги исполнил условите за пензија да остане до 67 години, го потврдува тоа и го испраќа до министерот чија единствена надлежност е да го потврди“, истакна Гордана Силјановска Давкова, пратеник од редовите на ВМРО-ДПМНЕ и Коалицијата на денешната собраниска седница по пратенички прашања.

Силјановска Давкова додаде дека нејзино прашање е зошто министерот за здравство постапува спротивно на Законот и се однесува како да од него зависи законското право. Според неа министерот мора да го штити јавниот интерес и здравјето на граѓаните. Не треба министерот да ги дискриминира колегите.

„Второто прашање е до премиерот, можеше и да биде до министерот за транспорт и врски, меѓутоа тоа би сакала премиерот и повеќе барам од него мислење одошто што е тоа директно прашање. А, се однесува на Македонски пошти. Поштата е наша, на граѓаните, а не на директорите и на администрацијата. Затоа тие на чело на Поштата треба да се бираат врз основа на конкурс, врз основа на стручност и компетентност. И затоа јас прашувам кога Поштата ќе ни биде вратена нам на граѓаните? Бидејќи тоа е еден огромен објект кој што функционираше со децении и мислам дека час поскоро треба да се отворат портите на Поштата“, укажа Силјановска Давкова.

„Третото прашање се однесува на министерот за правда, на мојот колега, и е врзано за т.н. јавнообвинителска трагедија. Како може да се реши проблемот со Јавното обивинителство? По мене и моите два предлози се, прво – оставка од првиот, односно сонцето во јавното обвинителство кое се затемни. А, вториот одговор може да биде барање од предлагачот значи од Владата за разрешување на Јавниот обвинител. Но, прашањето до министерот е повеќе од стручен аспект – Имате ли вие трет предлог? имено, во програмата на СДСМ пишуваше дека предлагаат да се бира Јавен обвинител на предлог на опозицијата. Компаративните искуства покажуваат дека мнозинство за Јавните обвинители е повисоко. Зошто? Заради двотретинското мнозинство да има обединувачка улога. Значи, министре јас не барам од Вас да се мешате во правосудство, меѓутоа многу ме интересира како мислите дека треба да се разреши оваа јавно обвинителска правна трагедија“, нагласи пратеничката.

The post Силјановска: Зошто Сали ги дискриминира колегите? appeared first on Република.

На денешната собраниска седница за пратенички прашања професорката Гордана Силјановска Давкова, пратеник од редовите на ВМРО-ДПМНЕ и Коалицијата, упати неколку прашања до министрите на владата за невладеењето на правото/

Првото прашање ќе го упатам до министерот за здравство, и се однесува на продолжувањето на работниот однос на здравствените работници и соработници кои наполниле 64 години и имаат 15 години пензиски стаж. Според правен основ, измени и дополни на член 104 од Законот за работни односи во 2021 година, каде се дава можност со посебен закон односно lex specialis во случајот Законот за здравство да се продолжи работата најдолго до 67 години. Општествена оправданост е поради хроничен недостиг на кадар, егзодус на лекарите и соработниците надвор, насушна потреба од високо квалификуван кадар и нужност од добра здравствена заштита наша. Постапката е да директорот на здравствената установа по приемот на претходно изразената согласност од здравствениот соработник односно работник кој што ги исполнил условите за пензија да остане до 67 години, го потврдува тоа и го испраќа до министерот чија единствена надлежност е да го потврди, посочи Силјановска Давкова.

Силјановска Давкова додаде дека нејзино прашање е зошто министерот за здравство постапува спротивно на Законот и се однесува како да од него зависи законското право. Според нејзе министерот мора да го штити јавниот интерес и здравјето на граѓаните. Не треба министерот да ги дискриминира колегите.

Второто прашање е до премиерот, можеше и да биде до министерот за транспорт и врски, меѓутоа тоа би сакала премиерот и повеќе барам од него мислење одошто што е тоа директно прашање. А, се однесува на Македонски пошти. Поштата е наша, на граѓаните, а не на директорите и на администрацијата. Затоа тие на чело на Поштата треба да се бираат врз основа на конкурс, врз основа на стручност и компетентност. И затоа јас прашувам кога Поштата ќе ни биде вратена нам на граѓаните? Бидејќи тоа е еден огромен објект кој што функционираше со децении и мислам дека час поскоро треба да се отворат портите на Поштата, укажа Силјановска Давкова.

Третото прашање го упати од нејзиниот колега, министерот за правда Никола Тупанчески.

Ова прашање е врзано за т.н. јавно-обвинителска трагедија. Како може да се реши проблемот со Јавното обивинителство? По мене и моите два предлози се, прво – оставка од првиот односно сонцето во јавното обвинителство кое се затемни. А, вториот одговор може да биде барање од предлагачот значи од Владата за разрешување на Јавниот обвинител. Но, прашањето до министерот е повеќе од стручен аспект – Имате ли вие трет предлог? Имено, во програмата на СДСМ пишуваше дека предлагаат да се бира Јавен обвинител на предлог на опозицијата. Компаративните искуства покажуваат дека мнозинство за Јавните обвинители е повисоко. Зошто? Заради двотретинското мнозинство да има обединувачка улога. Значи, министре јас не барам од Вас да се мешате во правосудство, меѓутоа многу ме интересира како мислите дека треба да се разреши оваа јавно обвинителска правна трагедија, нагласи пратеничката.

The post Силјановска Давкова до Тупанчевски: Како мислите дека треба да се разреши оваа јавно обвинителска правна трагедија? appeared first on Република.

Алките кои државата ги доби како донација во 2015 година, заедно со друга опрема за воведување на пробација (издржување казна затвор дома), веројатно ќе завршат во отпад. Заклучокот се наметнува по ставот на министерот за правда, Никола Тупанчески, прашан зошто опремата се уште не профункционирала.

При гостувањето во „360 степени“ тој објасни дека ако алките се стават во функција, потребните делови за се да работи како што треба ќе бидат поскапи од самите алки.

Дефинитивно Управата за извршување на санкции има задача не само да го разгледа прашањето во однос на алките, затоа што зборуваме за пробацискиот систем, неопходноста на тие алки и дефинитивно да видиме уште еднаш дали тие алки, сега зборувам околу нивната рентабилност, во смисла ќе ги ставиме во функција меѓутоа дефинитивно, дали тие алки и нивното користење…, кажа Тупанчески.

Алките за издржување на казна куќен затвор не профункционираа затоа што воопшто не беа ставени во употреба во првата година по нивната набавка во 2015 година, колку што траеше гарантниот рок на производителот. Тие не беа ставени во функција ниту во втората година по купувањето. Кога потоа се покрена иницијатива за нивно ставање во употреба потребно беше да се купат нови батерии кои чинеа многу, особено што беше изминат гарантниот период.

Актуелната законска регулатива предвидува алките да се користат само при издржување на казна затвор во домашни услови. Алката која во себе има џи-пи-ес (GPS) предавател, заедно со друга опрема и пробациската служба, треба да гарантираат дека осуденото лице не го напушта домот и дека алката постојано е на него.

Во неколку наврати во јавноста се пласира идејата дека алките би требало да се употребуваат и за за лица во притвор. Министерот за правда Никола Тупанчески информираше дека се работи на комплетно нов Закон за кривичната постапка, каде треба да се види дали ќе бидат направени измени со што ќе алките би можеле да се употребуваат и за домашен притвор.

The post Неупотребената опрема од 1,5 милиони евра за домашен затвор веројатно ќе заврши во отпад appeared first on Република.

Граѓаните кои добија казни поради прекршување на ковид-19 мерките за време на пандемијата, а потоа и одбија да ја платат казната, ќе бидат амнестирани бидејќи нема место во затворите. Предлогот, вели министерот за правда Никола Тупанчески во вечерашното издание на „360 степени“, дошол од Основниот кривичен суд од Скопје а тие го прифатиле. Решението е спремно за гласање во Собранието.

Според анализите на владиниот ресор, амнестијата ќе ослободи над 1 200 лица. Според министерот Тупанчески прекршителите не се криминалци, туку лица чии парични казни се пред трансформација во казни затвор.

Ја прифативме идејата на Кривичниот суд – Скопје зашто ни се виде како идеја која може да помогне. Тука не станува збор за лица кои извршиле кривични дела кои, пак, според својата персонална анамнеза претставува криминалци во вистинска смисла на зборот. Тоа се лица кои ги прекршиле ковид-мерките и нашиот кривичен законик предвидува, најчесто беа парични казни. Зборуваме за повеќе од 1 200 луѓе на кои, практично ако не ја платат паричната казна, за кратко време паричната ќе им се трансформира во затворска казна. Оваа идеја на Кривичниот суд, бидејќи предлог-законот е готов, е во собраниска процедура. Мораме да бидеме брзи зашто ако навреме не го донесеме законот тогаш задоцнето ќе биде неговото носење, изјави министерот за правда во гостувањето на „360 Степени“.

 

Но, ако се амнестираат сите што не си ја платиле казната, што ќе се случи со оние кои биле доволно одговорни барем да си ја платиле казната во државниот буџет? Често, сумите на казните беа од 1 000 до 2 000 евра. Прашан, дали на тие што платиле ќе им бидат вратени парите, министерот Тупанчески одговори дека фокусот сега е на друго место.

Амнестијата се однесува на оние на кои паричната ќе им биде трансформирана во казна затвор. Оние кои веќе ја платиле изречената казна е прашање за кое може да се размислува, но фокусот е на лицата на кои паричната казна би им се трансформирала во затворска казна, вели Тупанчески.

The post „Правда“: На неплаќачите на ковид-19 казните ќе им се прости, на оние што платија – нема враќање пари appeared first on Република.

Министерот за правда Никола Тупанчески вели дека испраќањето на Законот за здруженија и фондации на мислење на Венецијанската комисија е од превентивни причини во однос на примената на одредбите кои се изгласани во Собранието за да не дојде до несакани консеквенции кои во формална смисла би довеле до Европскиот суд за човекови права. Европската пракса покажа дека закон може да биде проверен и по неговото донесување.

Мислењето на Венецијанската комисија е добредојдено. Исходот не можеме да го прејудицираме. Можеби ќе оди во наш прилог. Факт е дека во иднина можеби добро би било оваа пракса да продолжи и во иднина, но тоа да биде пред донесувањето на законите затоа што на некој начин е подобро да се реагира во таа фаза отколку кога ќе биде донесен законот па после да добиеме пресуда од Европскиот суд за човекови права, изјави министерот за правда Никола Тупанчески одговарајќи на новинарски прашања.

https://republika.mk/vesti/makedonija/zakonot-so-koj-se-zabranija-car-boris-i-vancho-mihajlov-moze-i-da-ne-profuncionira-ako-taka-kaze-eu/

The post Тупанчески: Европската пракса покажа дека закон може да биде проверен од Венецијанската комисија и по неговото донесување appeared first on Република.

Министерот за правда Никола Тупанчески смета дека изборот за шеф на ОЈО за организиран криминал и корупција покажал одредени слаболсти и дека е нопходно да се пристапи кон негови измени во однос на построги критериуми и правила. Одговарајќи на новинарски прашања, Тупанчески рече дека за избор ќе мора да се додаде цензус како и да се разгледа опцијата за воведување втор изборен круг или пак дополнителен критериум.

Некои параметри останаа недефинирани докрај, во смисла на тоа, ќе се обидам да карикирам, што може првиот човек на организиран криминал  да биде избран само со еден глас од страна на едно лице. Ќе мора тука да се додаде цензусот, дали ќе има потреба од втор круг на избори, од некој дополнителен критериум. Во нашата држава  главниот проблем не е квалитетниот закон, туку се судираме со суштинскиот проблем, а тоа е капацитетот на институциите и интегритетот, изјави Тупанчески.

Прашан за коментар во однос на фотографиите на новиот обвинител за организиран криминал Ислам Абази со лица од ДУИ, министерот Тупанчески рече дека времето ќе покаже дали хипотезите имаат реална основа.

https://republika.mk/vesti/makedonija/tupanchevski-vremeto-kje-pokaze-dali-obvinuvanjata-za-povrzanosta-na-abazi-so-dui-imaat-realna-osnova-ili-ne/

The post Тупанчески: Моделот за избор на шеф на ОЈО ГОКК покажа слабости, потребни се построги правила и критериуми appeared first on Република.

Министерот за правда, Никола Тупанчески, вели дека времето ќе покаже дали обвинувањата за поврзаноста на новиот шеф на Основното јавно обвинителство за гонење организиран криминал и корупција (ОЈО ГОКК) Ислам Абази со ДУИ имаат реална основа или не.

Коментарот на Тупанчески доаѓа откако вчера се појавија фотографии на Абази со функционери од ДУИ откако обвинителот тврдеше дека нема лични контакти со интегративците.

„Ги видов и тие фотографии кои имплицираат дека избраниот обвинител има некаква конекција или комуникација со претставници на одредена политичка партија. Никогаш не може до крај да се неутрализираат, најважно е дека практично времето ќе биде главниот фактор кој ќе покаже дали навистина овие хипотези и претпоставки што се пласираат по неговиот избор имаат реална основа. Практично, комуникацијата не може да биде исклучена, но најважно е да не биде злоупотребена, одговори  Тупанчевски на новинарско прашање.

Целиот текст овде.

The post Тупанчевски: Времето ќе покаже дали обвинувањата за поврзаноста на Абази со ДУИ имаат реална основа или не appeared first on Република.

За десетина дена во владина процедура ќе биде новиот Закон за вештачење, кој подолго време се подготвува, најави денеска министерот за правда Никола Тупанчески, посочувајќи го како добра алатка и излезно решение за сите недостатоци и дефекти кои што во моментот се случуваат, а се поврзани со таа сфера.

Тупанчески, во изјава за медиумите по промоцијата на судница опремена со ИКТ опрема денеска во Основниот кривичен суд во Скопје, прашан за тоа што може министерството да направи за предметот за случајот „Ласкарци“ кој подолго време го чека супер вештачењето, рече дека не сака да коментира одделни случаи, нагласувајќи дека министерството за правда се обидува, во рамки на своите ингеренции, на создавање на оптимални услови, но дека работата за правораздавање е сепак работа на судовите и останатите субјекти кои се учесници во постапките.

Констатирани се дефектите и јас мислам дека тоа законско решение ќе претставува решавање на сите досегашни наталожени проблеми. Од тоа како ќе биде изработен регистарот на вештаци, како ќе се добива лиценца и т.н. Значи прецизни правила за тоа како ќе се одвива вештачењето во иднина, изјави Тупанчески.

Претседателот на Основниот кривичен суд Иван Џолев, на прашање до каде е случајот „Ласкарци“, рече дека е точно дека постои застој и веќе година дена како не е изработено вештачењето, иако како што посочи веднаш откако е побарано вештачењето судот постапил и го пратил предметот во Бирото за судски вештачења.

Моите информации кажуваат дека застојот е поради тоа што недостасуваат вешти лица од таа област. Сепак, тоа прашање ќе треба да се постави во Бирото до каде е застојот. Последно што знам е дека вештите лица побарале барање да извршат увид во автобусот и од страна на Судот веднаш е издадена согласност за тоа да го нарават, изјави Џолев.

За автобуската несреќа кај Ласкарци, што се случи на 13 февруари 2019 година, а во која загинаа 16 лица и над 30 беа тешко повредени, Судот издаде наредба за супервештачење на 11 ноември 2021 година.

Обвинети во случајот за несреќата кај Ласкарци се Дурмиш Белули, сопственик на компанијата „Дурмо турс“, одговорниот за транспорт во фирмата, Ремзи Мифтари, и возачот на автобусот Маноил Трифуновски, кои се товарат за сторени тешки дела против безбедноста на луѓето и имотот во сообраќајот, додека тројцата вработени во станицата за технички преглед, Игор Ѓорѓиевски, Горан Дуковски и Јане Боварски, се товарат за соучество во истото дело. Судскиот процес за несреќата започна во септември 2019 година.

The post „Ласкарци“ е заглавен зошто фалат вешти лица, Тупанчески најавува закон кој ќе треба да го реши овој проблем appeared first on Република.

Министерот за правда Никола Тупанчески смета дека постојат начини и механизми како да се утврди потеклото на имотот. Идејата за нов закон за потекло на имот никогаш не била најавувана од страна на министрите за правда во изминативе години туку иницијално доаѓала од вицепремиерите за борба против корупцијата.

Без оглед на статусот што го имате во општеството, секој треба да се одговара според она што  го направил. Неслучајно го спомнав Кривичниот законик кој  не е само за ЈО и за судот. Има и други институции кои би требало да ја утврдуваат противправноста на имотот. Улога треба да има и Антикорупциска комисија. Кривичното дело 359а, кое се однесува на  противправно стекнување и прибарување имот, предвидува казна затвор од најмалку 5 години затвор, рече Тупанчески во синоќешната дебата на 24 Анализа, во која  гостуваше и членот на ДКСК Владимир Георгиев.

The post Тупанчески: Институциите имаат механизми за испитување на потеклото на имотот appeared first on Република.

Министерот за правда, Никола Тупанчески, по повод 25 октомври - Европскиот ден на правдата, порача дека задоцнетата правда е негирање на правдата.

Навремен и еднаков пристап до правда за сите! Наша обврска е на сите граѓани да им обезбедиме соодветни независни и непристрасни судски и вонсудски механизми. Бесплатна правна помош за лицата кои живеат во сиромаштија! Таа е гаранција дека граѓаните кои се во тешка финансиска состојба ќе добијат правна помош од адвокат и фер судење - порача Тупанчески на Фејсбук.

The post Тупанчески го честита Европскиот ден на правдата: Задоцнетата правда е негирање на правдата appeared first on Република.