Германската министерка за внатрешни работи Ненси Фезер денеска предупреди за зголемување на шпионажата и кибер заканите од странски земји, вклучувајќи ги Русија, Кина и Иран.

„Заканата за нашата демократија од шпионажа, саботажа, дезинформации и кибер-напади достигна нова димензија“, им рече Фесер на новинарите во Берлин на промоцијата на извештајот за заштита на Уставот од 2023 година, кој дава информации за природата и обемот на прекршување на највисокиот правен акт, како што се активностите на екстремната десница, екстремната левица и исламистичките групи.

Фезер истакна дека Русија ја прилагодила својата разузнавачка стратегија по протерувањето на руските дипломати од Германија во 2023 година.

 „Кремљ сега е фокусиран на шпионажа, а во исто време спроведува сајбер напади и кампањи за дезинформација против Берлин“, рече Фезер.

Шефот на Канцеларијата за заштита на Уставот, германската внатрешна разузнавачка агенција на Германија, Томас Халденванг, рече дека кампањата на кибер напади во 2023 година била насочена против високи цели во бизнисот и политиката, вклучувајќи го и извршниот комитет на германската Социјалдемократска партија.

„Овој напад оттогаш и се припишува на групата АПТ 28 контролирана од руското воено разузнавање“, рече Халденванг.

The post Германската министерка за внатрешни работи Фезер предупреди за зголемување на шпионажата и кибер заканите од странски земји appeared first on Република.

Германската министерка за внатрешни работи, Ненси Фезер, порача дека приврзаниците на Хамас треба да бидат депортирани од државата, секаде каде што што е можно, додавајќи дека властите внимателно ќе ги следат потенцијалните исламистички напаѓачи.

Ако можеме да ги депортираме поддржувачите на Хамас, мораме да го сториме тоа. Нашите безбедносни власти во моментов ставија уште посилен фокус на исламистичката сцена“, рече Фезер по разговорите со претставници на Федералната канцеларија за криминалистичка полиција.

Фезер посочи на неодамнешниот напад во Брисел како показател за заканата поврзана со тензиите околу конфликтот Израел-Хамас.

The post Првата германска полицајка сака да ги избрка приврзаниците на Хамас од земјата appeared first on Република.