На 23-ти ноември во 20:00 часот, во театарот „Јордан Хаџи Константинов-Џинот” во Велес ќе се одржи авторски концерт на македонскиот композитор и диригент Владимир Николов. На концертот ќе бидат изведени одбрани композиции од неговиот богат творечки опус, меѓу нив и неколку светски и македонски премиери. Ова е воедно и прв негов целовечерен авторски концерт со овој оркестар.

Владимир Николов е композитор чие творештво опфаќа широк спектар на изразни средства и жанри, користејќи ги искуствата во класичната музика и џезот како точка на поаѓање. Веќе подолго време е "зад сцената" во улога на аранжер во светски оркестарски проекти, но често настапува и како диригент со реномирани солисти и ансамбли.

Како редовен аранжер на еден од најдобрите ревиски оркестри во светот - Метропол Оркест, соработувал со врвни имиња како Џон Клејтон, Ренди Брекер, Винс Мендоза, Џулс Бакли и Џејкоб Колиер. Како автор и бенд лидер има издадено три студиски албума со ансамблот Николов-Ивановиќ Ундектет. Угледниот магазин JazzTimes овој ансамбл го оценува како „извонреден, еден од моментално најкреативните големи џез ансамбли во Европа”, а Downbeat музиката на овој ансамбл ја оценува како „ритмички сложенa, хармонски евокативнa, беспрекорно аранжиранa”.

Овие квалитети прострујуваат и во неговата музика за Биг Бенд оркестар која соединува различни стилови во еден органски сублимат. За своите композиции и аранжмани за Биг Бенд е добитник на бројни награди и признанија. Авторскиот концерт насловен „Crossover Stories” вклучува композиции од различни периоди во минатите 22 години авторска дејност.

The post Авторски концерт на Владимир Николов и Националниот џез оркестар во Велес appeared first on Република.

На 25 октомври, на сцената на Клуб Театар Комедија-Контеса во Загреб, Македонскиот национален џез оркестар го отвори есенското издание на фестивалот Jazz HR Festival.

Заедно со оркестарот, со свои композиции настапија извонредните солисти: Александра Бијелиќ, Алба Нациновиќ, Марио Бочиќ, Филип Булатовиќ, Томаж Гајшт и Јанко Новоселиќ, како и членовите на оркестарот: Виктор Филиповски, Кирил Кузманов, Зоран Костадиновски, Иван Иванов и Трајче Велков.

Концертот беше под диригентската палка на Џијан Емин.

The post Македонскиот национален џез оркестар го отвори есенското издание на фестивалот Jazz HR Festival appeared first on Република.

Во вторник, на 8 октомври, во 20 часот во Македонскиот народен театар (МНТ), на големата сцена ќе се одржи концерт на Националниот Џез оркестар со студенти од Факултетот за музичка уметност (ФМУ) и Џез академијата во Штип.

Од националниот џез оркестар најавуваат уникатен настан кој ќе претставува спој на искуството на професионалните музичари и талентот на студентите од Факултетот за музичка уметност во Скопје и Џез академијата во Штип.

Концертот ќе понуди динамична програма, исполнета со разнородни џез композиции и иновативни аранжмани. Ова вечер ќе биде одлична можност, јавноста да ужива во креативноста и свежината на новите таленти, како и да ги поддржи во нивниот музички развој, велат од НЏО.

The post Концерт на Националниот џез оркестар со студенти од ФМУ и Џез академијата во Штип appeared first on Република.

Карпошовото културно лето годинава ќе се одржи традиционално, по 15-ти пат, од 19 до 27 август. За оваа намена Општината издвои средства во висина од 2.500.000 денари. На годинашното Карпошово културно лето, кое започнува в понеделник, ќе настапат Националниот џез-оркестар, гудачки оркестар и Радио Бубамара, со солистите Андријана Јаневска, Џон Илија Апелгрин, Ана Петановска, Светлана Јовановска, Зорица Поп-Анкова и Драган Мијалковски, кои ќе бидат дел од македонскиот музички времеплов.

Годинава плоштадот „Делфина“ во Влае девет дена ќе биде резервиран за забава на која ќе настапуваат уметници, солисти и музичари, а ќе има програма и за најмладата публика. Локалната самоуправа го насочи фокусот кон македонската културна сцена, каде што во рамките на годинашното јубилејно Карпошово културно лето ќе настапуваат само домашни музичари, уметници и актери.

The post Националниот џез-оркестар на Карпошово културно лето appeared first on Република.

Карпошовото културно лето годинава ќе се одржи традиционално по 15 пат од 19-ти до 27-ми август.

На овогодинешното Карпошово културно лето, кое започнува в понеделник, ќе настапат Националниот џез оркестар, гудачки оркестар и Радио Бубамара со солистите Андријана Јаневска, Џон Илија Апелгрин, Ана Петановска, Светлана Јовановска, Зорица Поп-Анкова и Драган Мијалковски, кои ќе бидат дел од македонскиот музички времеплов.

Плоштадот Делфина во Влае, девет дена ќе биде резервиран за незаборавна забава на која ќе настапуваат уметници, солисти, музичари, а ќе има програма и за најмладата публика.

The post Македонски музички времеплов со Националниот џез оркестар, Андријана Јаневска, Џон Илија Апелгрин, Зорица Поп-Анкова, Драган Мијалковски… appeared first on Република.

На 11 август, со почеток од 22 часот, на сцената на Долни Сарај, Охрид, концерт ќе одржи Националниот џез оркестар, а гостин на концертот кој ќе биде диригиран од страна на маестро Џијан Емин, ќе биде истакнатиот српски пијанист со македонско потекло, композитор и лидер на бенд, познат по својот иновативен пристап кон џез-фјужн и светската музика – Васил Хаџиманов.

Роден на 23 јуни 1973 година во Белград, Србија (тогаш Југославија), Хаџиманов потекнува од семејство на музичари; неговиот татко е познатиот пејач, композитор и актер, Зафир Хаџиманов, а мајка познатата пејачка и актерка, Сенка Велетанлиќ.

Васил уште од мали нозе покажува исклучителен музички талент и започува со своето формално образование по класичен пијано, но набрзо навлегува во џезот и фјужн-музиката, црпејќи инспирација од различни музички традиции, вклучувајќи ја балканската, африканската и индиската музика.

Во текот на 90тите години, Васил Хаџиманов е особено присутен и признат на српската музичка сцена со својот бенд, изведувајќи уникатен спој на џез импровизација со елементи на балканските народни ритми и мелодии. Неговата музика се карактеризира со сложени ритми, богати хармонии и длабока интеграција на различни музички култури.

Во текот на својата кариера, Хаџиманов има соработувано со бројни меѓународни музичари и има издадено повеќе албуми кои добиваат позитивни оцени од критиката, меѓу кои „Васил Хаџиманов бенд“ (2001), „7/8 & 11“ (2008) и „Alive“ (2016). Неговите композиции често ги рефлектираат неговите искуства и согледувања за културната различност на Балканот и пошироко. Во 2023 година го издава албумот “Keyf” чија промоција се одржа неодамна и во земјава и наиде на навистина добар прием од публиката.

Васил Хаџиманов продолжува да биде водечка фигура во современата џез и фјужн музичка сцена, признат како по неговото виртуозно свирење пијано, така и по неговата способност да ги премости културните поделби преку музиката.

На концертот во Долни Сарај ќе бидат изведени дел од најпознатите композиции на Хаџиманов, адаптирани за изведба со биг-бенд, како и композиции од неодамна промовираниот албум “Keyf.”  Аранжманите на композициите се на Владимир Николов, Тони Китановски и самиот Хаџиманов.

The post Концерт на Национален џез оркестар и Васил Хаџиманов во Охрид appeared first on Република.

На 11 август, со почеток од 22 часот, на сцената на Долни Сарај, Охрид, концерт ќе одржи Националниот џез оркестар, а гостин на концертот кој ќе биде диригиран од страна на маестро Џијан Емин, ќе биде истакнатиот српски пијанист со македонско потекло, композитор и лидер на бенд, познат по својот иновативен пристап кон џез-фјужн и светската музика – Васил Хаџиманов.

На концертот во Долни Сарај ќе бидат изведени дел од најпознатите композиции на Хаџиманов, адаптирани за изведба со биг-бенд, како и композиции од неодамна промовираниот албум “Keyf.” Аранжманите на композициите се на Владимир Николов, Тони Китановски и самиот Хаџиманов.

Роден на 23 јуни 1973 година во Белград, Србија (тогаш Југославија), Хаџиманов потекнува од семејство на музичари; неговиот татко е познатиот пеач, композитор и актер, Зафир Хаџиманов, а мајка познатата пејачка и актерка, Сенка Велетанлиќ. Васил уште од мали нозе покажува исклучителен музички талент и започува со своето формално образование по класичен пијано, но набрзо навлегува во џезот и фјужн-музиката, црпејќи инспирација од различни музички традиции, вклучувајќи ја балканската, африканската и индиската музика.

Во текот на 90-тите години, Васил Хаџиманов е особено присутен и признат на српската музичка сцена со својот бенд, изведувајќи уникатен спој на џез импровизација со елементи на балканските народни ритми и мелодии. Неговата музика се карактеризира со сложени ритми, богати хармонии и длабока интеграција на различни музички култури.

Во текот на својата кариера, Хаџиманов има соработувано со бројни меѓународни музичари и има издадено повеќе албуми кои добиваат позитивни оцени од критиката, меѓу кои „Васил Хаџиманов бенд“ (2001), „7/8 & 11“ (2008) и „Alive“ (2016). Неговите композиции често ги рефлектираат неговите искуства и согледувања за културната различност на Балканот и пошироко. Во 2023 година го издава албумот “Keyf” чија промоција се одржа неодамна и во земјава и наиде на навистина добар прием од публиката.

Васил Хаџиманов продолжува да биде водечка фигура во современата џез и фјужн музичка сцена, признат како по неговото виртуозно свирење пијано, така и по неговата способност да ги премости културните поделби преку музиката.

The post На 11 август концерт на Националниот џез оркестар и Васил Хаџиманов во Охрид appeared first on Република.

По завршувањето на настапите од мини турнејата на Националниот џез оркестар со Рамбо Амадеус, овој високо професионален музичко театарски концепт ги надмина границите на класичната концертна изведба и како што пишува „Слободна Далмација“ и останатите медиуми, „кога ќе се додадат сите епитети во прилог на ова концертно доживување кое не може да има ригидна дефиниција во припадноста на жанрот и видот, фактички тоа уметничко дело добива епско значење“.

Хрватската турнеја на Националниот џез оркестар и Рамбо Амадеус ја запали публиката и медиумите во Хрватска. 

„Делириум во Сплит,” “Еуфорија во Шибеник,” “НЏО и Рамбо го разбудија Вис,” “Вис веќе нема да биде ист по настапот на НЏО И Рамбо Амадеус”, „Јавни нереди “ за време на концертот на Националниот Џез Оркестар и Рамбо Амадеус во Шибеник“, се само дел од насловите кои ги објавија медиумите во Хрватска за време на турнејата на Националниот џез оркестар, кој  го нарекоа и “најлудиот оркестар на Балканот.“

Рекордно продадени концерти, изблици на еуфорија, громогласни аплаузи како и бројни осврти и написи во хрватските медиуми, ја означија првата официјална интернационална турнеја на Националниот џез оркестар кој настапи со Рамбо Амадеус на три престижни концертни сцени на хрватското приморје. Долго ќе се памети нивниот концерт во Хрватскиот народен театар во Сплит, една од најреномираните културни институции во регионот, која ретко и инцидентно ја отстапува сцената за жанр, поинаков од класичниот. Видеата сведочат за неколкуминутни стоечки овации на публиката која во Сплит ги повикува музичарите на бис а музичката критика овој настап го оцени како ексклузивен кој можеби никогаш не се случил на оваа сцена.

Уште сме под импресии иако има веќе неколку дена откако ја завршивме нашата турнеја низ Хрватска во рамки на која беа реализирани три концерти на кои со нас настапи нашиот пријател, извонредниот уметник Рамбо Амадеус.  Уште еднаш, оваа наша соработка се покажа како исклучително успешна, а пред публиката се претставивме со биг бенд аранжманите на композициите на Рамбо, подготвени од нашите членови, кои македонската публика имаше можност да ги чуе пред година и пол на концертот кој се одржа на сцената на Филхармонија, сметаат од Националниот џез оркестар.

Овој пат трите концерти обединија три различни контексти и хронотопи при што првиот настап беше на 25 јуни во Шибеник, во Тврдината Св. Миховила, следеше концертот на 28 јуни, во рамки на првото издание на фестивалот Island Vis Music Breeze, и концерт во Хрватскиот народен театар во Сплит, една од најреномираните културни институции во регионот, кој се одржа на 1 јули.

Изведбите на толку различни сцени бараат различен фокус при изведбата по што дојдовме назад со богато искуство, но и со полни срца бидејќи настапите беа одлично прифатени од страна на публиката, се изродија безброј нови можности за нови соработки, а концертите беа комплетно распродадени во рекорден рок, велат од Националниот џез оркестар.

Концертот  во Шибеник почна во релативно мирна концертна атмосфера и кон средината на концертот веќе цела публика беше на нозе и се случи голема концертна еуфорија со скандирање од страна на оубликата…” – вака го опишаа медиумите концертот во Шибеник, во Тврдината Св. Миховила, додека настапот во Хрватскиот народен театар во Сплит беше опишан како “редок вид на театарско музички перформанс креиран од НЏО И Рамбо”.  “Помеѓу НЏО и Рамбо имаше ретко видена и слушната интеракција каде целиот концерт повеќе наликуваше на музичка драмска претстава со високо креативна нарација на Рамбо Амадеус.”  Критиката имаше најпофални зборови за настапот на Оркестарот и сите музичари оценувајќи дека “Оркестарот се претстави на хрватската публика на највисоко професионално ниво и воедно прикажа вистинска непосредност во комуникацијата со Рамбо. Солистите блескаа во сите солистички делници”.

The post Медиумите во Хрватска, Националниот џез оркестар го нарекоа „најлудиот оркестар на Балканот“: Долго ќе се памети нивниот концерт во Хрватскиот народен театар во Сплит appeared first on Република.

Националниот џез оркестар продолжува со своите концертни настапи надвор од нашата земја, овој пат најавувајќи три концерти во Хрватска на кои ќе настапи заедно со Рамбо Амадеус.

Оваа мини турнеја низ Хрватска започнува на 25 јуни кога Оркестарот ќе настапи во Тврдината Св. Миховила, Шибеник. По настапот во Шибеник, следува концертот на 28 јуни, во рамки на првото издание на фестивалот Island Vis Music Breeze, кој ќе се одржи од 28 до 30 јуни на полуостровот Прирово во Хрватска. Третиот концерт ќе се одржи во Хрватскиот народен театар во Сплит, една од најреномираните културни институции во регионот, на 1 јули.

Антоније Пушиќ, познат во јавноста како Рамбо Амадеус, е познат по остри и сатирични текстови и виртуозност на гитарата. Неговата музика е мешавина од спротивности, колаж кој вклучува фанк, рок, хип-хоп, класичен, модерен џез, импровизирана музика, комедија скечеви и електронска музика. Рамбо пред се е мајстор за раскажување приказни, како музички така и лирски, што секогаш доаѓа до израз во неговите настапи во живо. Неговите концерти никогаш не се само повторување на снимени песни, туку мешавина од слободна импровизација и сатиричен хумор.

Публиката во Хрватска ќе има можност да проследи дел од композициите на Рамбо Амадеус, изведени во аранжмани за биг бенд состав. Аранжманите изработени од страна на членовите на биг бендот ги претвараат овие композиции во вистински ремег дела.

Рамбо Амадеус и Националниот џез оркестар, тогашно Здружние на џез музичари (ЗЏМ) имаа заеднички концерт во Скопје во декември 2022 година.

The post Три концерти на Националниот џез оркестар и Рамбо Амадеус во Хрватска appeared first on Република.

Националниот Џез Оркестар со Рамбо Амадеус, Влатко Стефановски трио и Васил Хаџиманов бенд, следниот викенд на 28, 29 и 30 јуни ќе настапат на островот Вис, Хрватска во сколоп на џез фестивалот Island Vis Music Breeze.

Програмата на фестивалот е следна:

Петок 28 јуни: Rambo Amadeus & Macedonian National Jazz Orchestra – MacedoniaLana Janjanin Quartet – Croatia/Slovenia

Сабота 29 јуни: SubotaHojsak & Novosel – Croatia Zasto Kafka? – Serbia, Vlatko Stefanovski Trio – Macedonia Dilatum Jazz Quartet Croatia

Недела 30 јуни: Matija Dedic Quartet (feat. Lu Dedic) – CroatiaVasil Hadzimanov Band – Serbia/Macedonia.

Фестивалот е организиран од 3 Гонг Продукција од Македонија и Туристичкото биро на Вис.

The post Националниот Џез Оркестар, Влатко Стефановски Трио и Васил Хаџиманов на џез фестивал на Вис appeared first on Република.

Националниот џез оркестар го најавува следниот настан за оваа сезона - Концерт на Националниот џез оркестар со гостите Џон Рајли (тапани) и, за нас добро познатиот диригент, Зиги Фајгл, вечерва во 20 часот во Македонскиот народен театар.

Џон Рајли e светски реномиран и признат изведувач, автор и учител, кој соработува со светските водечки џез музичари повеќе од 40 години. Четирикратен добитник на Греми наградата, од вкупно 14 номинации, Џон има реализирано стотици снимки и настапи со Мајлс Дејвис, Дизи Гилеспи, Стен Гец, Вуди Херман, Џон Скофилд, Џо Ловано, Боб Минцер, Карнеги Хол џез бендот, џез оркестарот Вангард и многу други.

Џон е автор на The Art of Bop Drumming, моментално објавена на пет јазици, Beyond Bop Drumming, The Jazz Drummer's Workshop, и The Master Drummer.

Џон има завршено дипломски студии по џез музика на Универзитетот во Северен Тексас (1975) и мастер студии на Музичката школа на Менхетен (1985), каде денес е и професор. Тој исто таке е професор и на Универзитетот Куцтаун, визитинг професор на Конзерваториумот во Амстердам во Холандија, и редовно држи предавања низ целиот свет.

Зиги Фајгл е добро познат на нашата публика, меѓу другото и по неколкуте досегашни настапи со нашиот оркестар. Фајгл е светски познат диригент на биг бенд, првенствено познат по неговиот придонес за австриската џез сцена. Водел различни биг-бендови и ансамбли, меѓу кои биг бендот во Грац, каде што е и декан и професор на Универзитетот за музика и изведувачки уметности; ХГМ биг бендот, биг бендот Суд, преку својата работа покажувајќи го својот талент за аранжирање и диригирање на големи музички состави.

Работата на Фајгл во музиката за биг бенд често опфаќа широк спектар на стилови, од традиционалните свинг и џез стандарди до посовремени и експериментални композиции.

Соработувал со многу реномирани музичари и уметници, како во Австрија, така и на меѓународно ниво, меѓу кои Бил Холман, Тутс Тилеманс, Арт Фармер, Марк Марфи, Боб Брукмаер, Артуро Сандовал и други, и се стекнал со репутација за неговото вешто лидерство и иновативни аранжмани.

Како диригент на биг бенд, Сиги Фајгл игра витална улога во обликувањето на звукот и насоката на ансамблите што ги води, здружувајќи ги талентираните музичари за да создадат динамични и привлечни изведби. Неговата посветеност на уметничката форма и неговиот придонес во традицијата на биг бендот го зацврстија неговото место како почитувана личност во светот на џез музиката.

На програмата ќе бидат композиции од оркестарот Тед Џонс/Мел Луис, оркестарот Vanguard Jazz, како и од Бади Рич биг бендот и Оркестарот Стен Кентон, создадени од повеќе различни композитори меѓу кои: Тeд Џонс, Џим Мекнили, Боб Брукмаер, Бил Холман. Извонредни стандарди и аранжмани кои дополнително ќе ги истакнат способностите на нашиот гостин тапанар.

The post Студентите и пензионерите може да набават билети со попуст за концерт на Националниот џез оркестар со уште еден Греми-добитник, тапанарот Џон Рајли и светски познатиот биг бенд диригент, Зиги Фајгл appeared first on Република.

Националниот џез оркестар го најавува следниот настан за оваа сезона – Концерт на Националниот џез оркестар со гостите Џон Рајли (тапани) и, за нас добро познатиот диригент, Зиги Фајгл. Концертот е в сабота, 1 јуни, 2024г. во 20ч. во Македонски народен театар

Џон Рајли e светски реномиран и признат изведувач, автор и учител, кој соработува со светските водечки џез музичари повеќе од 40 години. Четирикратен добитник на Греми наградата, од вкупно 14 номинации, Џон има реализирано стотици снимки и настапи со Мајлс Дејвис, Дизи Гилеспи, Стен Гец, Вуди Херман, Џон Скофилд, Џо Ловано, Боб Минцер, Карнеги Хол џез бендот, џез оркестарот Вангард и многу други.

Џон е автор на The Art of Bop Drumming, моментално објавена на пет јазици, Beyond Bop Drumming, The Jazz Drummer’s Workshop, и The Master Drummer.

Џон има завршено дипломски студии по џез музика на Универзитетот во Северен Тексас (1975) и мастер студии на Музичката школа на Менхетен (1985), каде денес е и професор. Тој исто таке е професор и на Универзитетот Куцтаун, визитинг професор на Конзерваториумот во Амстердам во Холандија, и редовно држи предавања низ целиот свет.

Зиги Фајгл е добро познат на нашата публика, меѓу другото и по неколкуте досегашни настапи со нашиот оркестар. Фајгл е светски познат диригент на биг бенд, првенствено познат по неговиот придонес за австриската џез сцена. Водел различни биг-бендови и ансамбли, меѓу кои биг бендот во Грац, каде што е и декан и професор на Универзитетот за музика и изведувачки уметности; ХГМ биг бендот, биг бендот Суд, преку својата работа покажувајќи го својот талент за аранжирање и диригирање на големи музички состави.

Работата на Фајгл во музиката за биг бенд често опфаќа широк спектар на стилови, од традиционалните свинг и џез стандарди до посовремени и експериментални композиции. Соработувал со многу реномирани музичари и уметници, како во Австрија, така и на меѓународно ниво, меѓу кои Бил Холман, Тутс Тилеманс, Арт Фармер, Марк Марфи, Боб Брукмаер, Артуро Сандовал и други, и се стекнал со репутација за неговото вешто лидерство и иновативни аранжмани.

Како диригент на биг бенд, Сиги Фајгл игра витална улога во обликувањето на звукот и насоката на ансамблите што ги води, здружувајќи ги талентираните музичари за да создадат динамични и привлечни изведби. Неговата посветеност на уметничката форма и неговиот придонес во традицијата на биг бендот го зацврстија неговото место како почитувана личност во светот на џез музиката.

На програмата ќе бидат композиции од оркестарот Тед Џонс/Мел Луис, оркестарот Vanguard Jazz, како и од Бади Рич биг бендот и Оркестарот Стен Кентон, создадени од повеќе различни композитори меѓу кои: Тeд Џонс, Џим Мекнили, Боб Брукмаер, Бил Холман. Извонредни стандарди и аранжмани кои дополнително ќе ги истакнат способностите на нашиот гостин – тапанар.

Билети за концертот може да се набават на билетарницата на МНТ или online на страната на МНТ.

Студентите и пензионерите може да ги набават своите билети со попуст од 50% на билетарница, по приложување на соодветен документ.

The post Концерт на Националниот џез оркестар во МНТ со тапанарот Џон Рајли и светски познатиот биг бенд диригент Зиги Фајгл appeared first on Република.

Националниот џез оркестар на 1 јуни (сабота) во 20 часот во Македонскиот народен театар (МНТ) ќе одржи концерт со двајца исклучителни гости – Џон Рајли на тапани и Зиги Фајгл, веќе добро познатиот диригент и пријател на македонскиот џез состав.

На програмата ќе бидат композиции од оркестарот Тед Џонс/Мел Луис, оркестарот Vanguard Jazz, како и од Бади Рич биг бендот и Оркестарот Стен Кентон, создадени од повеќе различни композитори меѓу кои: Тeд Џонс, Џим Мекнили, Боб Брукмаер, Бил Холман.

Рајли e светски реномиран и признат изведувач, автор и учител, кој соработува со светските водечки џез музичари повеќе од 40 години. Четирикратен добитник на „Греми“ наградата, од вкупно 14 номинации, Џон има реализирано стотици снимки и настапи со Мајлс Дејвис, Дизи Гилеспи, Стен Гец, Вуди Херман, Џон Скофилд, Џо Ловано, Боб Минцер, Карнеги Хол џез бендот, џез оркестарот Вангард и многу други.

Џон Рајли е автор на The Art of Bop Drumming, моментално објавена на пет јазици, Beyond Bop Drumming, The Jazz Drummer’s Workshop и The Master Drummer.

Џон има завршено дипломски студии по џез музика на Универзитетот во Северен Тексас (1975) и мастер студии на Музичката школа на Менхетен (1985), каде денес е и професор. Тој исто таке е професор и на Универзитетот Куцтаун, визитинг професор на Конзерваториумот во Амстердам во Холандија, и редовно држи предавања низ целиот свет.

Зиги Фајгл е добро познат на нашата публика, меѓу другото и по неколкуте досегашни настапи со нашиот оркестар. Фајгл е светски познат диригент на биг бенд, првенствено познат по неговиот придонес за австриската џез сцена. Водел различни биг-бендови и ансамбли, меѓу кои биг бендот во Грац, каде што е и декан и професор на Универзитетот за музика и изведувачки уметности; ХГМ биг бендот, биг бендот Суд, преку својата работа покажувајќи го својот талент за аранжирање и диригирање на големи музички состави.

Работата на Фајгл во музиката за биг бенд често опфаќа широк спектар на стилови, од традиционалните свинг и џез стандарди до посовремени и експериментални композиции. Соработувал со многу реномирани музичари и уметници, како во Австрија, така и на меѓународно ниво, меѓу кои Бил Холман, Тутс Тилеманс, Арт Фармер, Марк Марфи, Боб Брукмаер, Артуро Сандовал и други, и се стекнал со репутација за неговото вешто лидерство и иновативни аранжмани.

Билети за концертот може да се набават на билетарницата на МНТ или online на страната на МНТ. Студентите и пензионерите може да ги набават своите билети со попуст од 50% на билетарница, по приложување на соодветен документ.

The post Џон Рајли и Зиги Фајгл – двајца исклучителни гости на Националниот џез оркестар на концертот во сабота appeared first on Република.

Еден од најдобрите џез вокали на сите времиња, двократниот добитник на Греми награда, Курт Елинг, вечерва настапува со Националниот џез оркестар во Скопје.
За него „Њујорк Тимес“ ќе напише дека токму тој е „извонредниот машки џез-вокал на нашето време“, а според „Вашингтон Пост,“ „oд средината на 1990-тите, ниту еден џез-пејач не бил толку смел, динамичен или интересен како Курт Елинг”, додека ББС Артс оценува дека тој „… ја турка напред уметноста на џез пеењето, повеќе од било кој друг машки изведувач од неговата генерација“.
Елинг има вкупно десет номинации за Греми награди, од кои има освоено две за најдобар вокален џез албум за изданијата Dedicated to you (2009) и Secrets are the best story (2021).
Во текот на својата кариера соработува и снима со Вејн Шортер, Данило Перез, Дејвид Амрам, Ренди Бахман, Боб Белден, Џоан Бракин, Оскар Браун Џуниор, Џоди Кристијан, Били Корган, Орберт Дејвис, Џорџ Фримен, Бади Гај, Јон Хендрикс, Чарли Хантер, Боб Минцер, Бред Мелдау, Ли Ритенур, Џон Пицарели и Боб Шепард. Покрај неговиот бенд со кој најчесто настапува, Курт Елинг бил и член на Квартетот на Бранфорд Марсалис.
Доколку на првите албуми композициите повеќе наликуваат на класичните џез стандарди, звукот на Елинг во последните години добива димензија плус, внесувајќи екстраваганција во музичкиот израз и експериментирајќи со класичните џез музички форми.
Диригент на концертот ќе биде Џијан Емин.

Курт Елинг е првенствено познат како истакнат џез вокал и композитор кој има издадено неколку албуми, привлекувајќи признание од критиката и добивајќи престижни награди меѓу кои Греми. Академското образование на Елинг е подеднакво импресивно. Тој има дипломи по музика и историја и завршени магистерски студии по филозофија на Универзитетот во Чикаго, кои несомнено влијаеле на неговиот пристап кон уметноста и животот.

Настапувал во интимни џез клубови до големи концертни сали и престижни фестивали, Елинг остава неизбришлива трага на глобалната музичка сцена со настапи во живо кои пленат со својата наелектризирана енергија и емоционална длабочина. Има реализирано повеќе турнеи низ Европа, во градовите познати по своите богати џез традиции како Париз, Лондон, Берлин и Копенхаген; концерти низ Азија, меѓу кои концертите во Токио, Сеул и Шангај, настапи на главните џез фестивали во Австралија, Јужна Америка, концерти во Средниот Исток – Обединетите Емирати и Израел, и секако безброј концерти низ САД.

Во текот на неговата кариера, Елинг соработува со бројни истакнати музичари, опфаќајќи различни жанрови. Неговата разновидност и подготвеност да истражува нови музички територии доведуваат до некои револуционерни соработки меѓу кои соработките со познатиот саксофонист Бранфорд Марсалис на албумот „Upward Spiral“ (2016) награден со Греми; соработката со џез гитаристот Чарли Хантер на албумот „The Messenger“ (1997), соработката со пијанистот Фред Херш и албумот „Leaves of Grass“ (2009), инспириран од поезијата на Волт Витман; соработката со Дејв Холанд Биг бенд на албумот „What Goes Around“ (2002); соработката со саксофонистот и кларинетист, добитник на Греми, Пакито Д'Ривера, и секако, соработката со пијанистот Лоренс Хобгуд, долгогодишен соработник на Курт Елинг, негов музички директор и главен придружник долги години. Нивното партнерство донесе неколку познати албуми, вклучувајќи ги „The Messenger“ (1997) и „Man in the Air“ (2003).

Покрај музиката, Курт Елинг е и ликовен уметник, поет, еко-активист, и едукатор. Тој денеска помеѓу тонската проба со Националниот џез оркестар и вечерашниот концерт издвои време и се согласи на ексклузивен разговор.

Прв пат сте во Скопје и ќе настапите со Националниот џез оркестар. Сте настапувале во интимни џез клубови до големи концертни сали и престижни фестивали. Какви се Вашите впечатоци од пробата? Од салата? Музичарите? Како дојде до оваа соработка?

Мислам дека ова е прв пат да соработувам со Националниот џез оркестар. Имав прилика да запознам дел од музичарите претходно во Загреб во салата „Лисински“. Среќен сум што се сретнувам повторно со старите пријатели, но секогаш сум среќен и кога создавам нови пријателства. Многу сум задоволен од пробата, одлично се подготвени, како оркестар одговорија на секое барање, веднаш реагирааш, бргу ги разбираат идеите, едноставно ја направија мојата работа многу, многу лесна и убеден сум дека вечерва ќе имаме одличен концерт.

Имате вкупно десет номинации за Греми награди, од кои сте освоиле две награди за најдобар вокален џез албум за изданијата Dedicated to you (2009) и Secrets are the best story (2021). Што претставуваат за Вас овие признанија ? Дали ги доживувате како обврска, поголема одговорност?

Наградите едноставно мислам дека укажуваат на тоа дека луѓето go слушаат oнa што го работам. Секогаш сум среќен кога публиката е полна со енергија и исполнета од она што им го презентирам. Моја задача е нивните надежи или очекувања да ги исполнам и да се обидам да пејам се подобро секоја вечер.

Љубовта кон музиката сте ја стекнале преку Вашиот татко. Како изгледаше тоа вљубување со оглед на фактот дека како мал сте сакале да бидете полицаец и да јавате коњ во Чикаго, подоцна студирате Философија, а имате диплома по Историја. Како музиката изби во прв план?

Едноставно мислам дека не бев добар во ништо друго. Музичарите од чикашката сцена додека учев ме охрабруваа и ме тераа да работам понапорно, Јас пак, се трудев да бидам подобар за да ги натерам повторно да ме викнат да настапувам со нив. Ова е мојата вокација и многу сум среќен што ја најдов мојата цел, го најдов она што вистински ме исполнува, а Универзумот некако ме пресретна на половина пат. И тоа е голем подарок за мене.

Ќе речете дека преку ден сте ги читале Кант и Шлајермахер, обидувајќи се да се справите со тоа, а ноќе сте седеле во клубови и, се разбира, не можете да ги направите и двете и да бидете ефективни. На крајот саботата навечер ја победи Недела наутро. Дали студиите по филозофија на Универзитетот во Чикаго имаа влијание на Вашиот пристап кон уметноста и животот?

Всушност е сосема обратно. Имав големи прашања исправени пред мене и ми требаше и сакав да продолжам да ги истражувам и да стигнам до вистинските одговори. Понекогаш нема одговори, има само прашања. Во поголемиот дел од времето, за најважните прашања во животот најчесто е така. Ја добив дипломата, го завршив образованието затоа што сакав да се здобијам со информации и тоа беше со мене цело време.

Во „Тајните се најдобрите приказни“ носите политички и социјални пораки. Дали мислите дека уметноста може да го промени светот? Дали уметниците треба да преземат општествена одговорност?

Уметноста веќе го менува светот. Така е уште од самите почетоци и знам дека колку и да постојат луѓе во светот кои ќе изберат да дојдат на концерт, сакам да им кажам и да пејам за нив... да им ја пренесам најважната можна порака која можам да ја дадам. Исто како што сакам да пејам најдобро што можам за нив, исто како што сакам било кое друго искуство да биде најдоброто што може. Но, јас сум исто така човечко битие кое живее во овој свет, а трагедиите и хорорите се исто толку реални колку што се инспирациите и убавите аспекти, како пријателство, љубов... Затоа сметам дека би било многу погрешно да се игнорира она што другите луѓе го преживуваат. Исто како што би било погрешно да се игнорира неверојатно инспиративниот аспект да се биде жив. Сето тоа е дел од животот. Ако можам да бидам на страната на луѓето кои биле повредени и ако можам да сторам било што за да им помогнам, ако можам да бидам на страната на губитниците, со се што можам да направам, а мојата дарба е да пејам и да пишувам стихови - сето тоа морам да го користам многу одговорно

Одржувате и мастер класови. Што е она што најмногу би сакале да им порачате, да им пренесете на своите помлади колеги?

Сметам дека најважно нешто во животот е да го пронајдете она во што сте вљубени. Ако сте вљубени во музиката, тогаш дајте се од себе, целото свое време и посветете го целиот свој живот за да имате колку што е можно повеќе време за музика. Жртвувајте се за неа, бидете дисциплинирани, почуствувајте ја, експериментирајте со неа за да дознаете се за неа. И што и да е она во вашиот живот, што го има овој аспект,  тоа е она за кое треба да се определите. Ако е музиката-тоа е одлично, ако е нешто друго, тогаш тоа најверојатно ќе ве пронајде и ќе ве насочи. Ако имате доволно среќа да имате нешто што толку многу сте вљубени во него тогаш тоа треба да го следите.  Музиката бара многу време, не е лесно и заслужува целосно посветување и личен прогрес, без оглед дали говориме стриктно за музиката или како за човечко битие. Секој од нас мора да биде подобар човек, или да свирите подобро, треба да бидете подобар музичар, ако сте историчар треба повеќе да истражувате, да учите, да бидете смирени и така преку вашата професија да го живеете животот. Се она што вреди најмногу за вас во вашиот живот ќе го бара сето ова од вас.

Разговараше: Невена Поповска

The post Уметноста веќе го менува светот appeared first on Република.

Во Македонскиот народен театар, вечерва со почеток во 20 часот, ќе се одржи концерт на џез вокалистот Курт Елинг со Националниот џез оркестар, под диригентска палка на Џијан Емин.

Елинг има вкупно десет номинации за Греми награди, од кои има освоено две награди за најдобар вокален џез албум за изданијата „Dedicated to you“ издаден во 2009 година, како и „Secrets are the best story“, издаден во 2021 година.

Во 2012 година е прогласен за прв почесен џез амбасадор на Шлезискиот џез фестивал во Полска, а добитник е и на германската награда Ехо џез и Шкотската награда за џез – меѓународна категорија. Во 2013 година е прогласен за Меѓународен џез -изведувач на годината на доделувањето на наградите „Jazz FM Awards“.

Во текот на својата кариера соработува и снима со Вејн Шортер, Данило Перез, Дејвид Амрам, Ренди Бахман, Боб Белден, Џоан Бракин, Оскар Браун Џуниор, Џоди Кристијан, Били Корган, Орберт Дејвис, Џорџ Фримен, Бади Гај, Јон Хендрикс, Чарли Хантер, Боб Минцер, Бред Мелдау, Ли Ритенур, Џон Пицарели и Боб Шепард. Покрај неговиот бенд со кој најчесто настапува, Курт Елинг бил и член на Квартетот на Бранфорд Марсалис.

Билетите за концертот може да се набават онлајн на страната на МНТ, како и на билетарницата на МНТ.

The post Светската ѕвезда Курт Елинг ќе одржи концерт со Националниот џез-оркестар во Скопје appeared first on Република.

Македонскиот Културно-информативен центар вчеравечер пред публиката во Тирана го претстави македонскиот Национален џез оркестар.

Ова се генијални, генијални музичари. Бескрајно благодарам на соработката со македонскиот центар, благодарам што овие прекрасни музичари вечерва свиреа во нашиот град, изјави воодушевен веднаш по нивниот брилијантен настап, Бесим Петрела, директор на „Albania jazz fest“.

Како што информира Културно-информативниот центар на Македонија во Тирана, ова е прво претставување на оркестарот, надвор од нашата држава, кое предизвика бура од воодушевување.

Оркестарот во својот репертоар има различни стилови, почнувајки од класичен џез, преку свинг, би бап, па се до композиции од „Леб и сол“.

Родена е една нова генерација млади музичари, кои суверено владеат со сцената, своите инструменти и музиката. Свират со неверојатна леснотија, духовито и мајсторски. На моменти ви се чини како да се наоѓате пред оркестар кој постои десетици години, иако од неговото формирање до денес, нема поминато ниту една година.

Нивниот настап на „Аlbania jazz fest“ ја покажа сета смисла на нивното формирање и работа.

Во преполната сала на Академијата за уметност во Тирана, публиката ги испрати со неколкуминутен аплауз и два пати барање, музичарите да се вратат на сцена.

Културно-информативниот центар во Тирана најавува за 16 мај 2024 претставување на „Џамбо Агушеви оркестар“ на фестивалот „Clouds“ во Тирана.

The post Националниот џез-оркестар настапи на ,,Албанија џез-фест“ во Тирана appeared first on Република.

Во организација на Албанското џез здружение (Albanian jazz society) оваа година по четврти пат ќе се одржи фестивалот Balkan Jazz Showcase-2024.  На настанот ќе настапат оркестарот NisVille од Србија, Сара Јововиќ трио од Црна Гора, Sethstat Quintet од Македонија, Gypseons Trio од Грција, Leo Richartz Trio од Германија, Alba Dajlani & AJS Quartet од Албанија и Националниот џез оркестар од Македонија. Покрај учесниците од Германија, овој настан ќе ги собере едни од најталентираните џез музичари од Балканот и претставува можност за културна размена и промоција на богатството на џез музиката во овој регион.

На фестивалот Balkan Jazz Showcase-2024 ќе се соберат и директори на фестивали од различни земји, а специјални гости се водечките луѓе од џез асоцијацијата на Кина. Оваа соработка обезбедува не само културна размена, туку и потенцијални проекти во рамките на програмите на Креативна Европа и Западен Балкан, како и промоција на балканската џез сцена на фестивали во кинеските градови како Пекинг, Шангај, Гуангжу и Ченгду.

Покрај музичките изведби, настанот ја вклучува и изложбата „Drumsville - Evolution of the New Orleans Beat“, како подарок од џез-музејот на Њу Орлеанс.

Се очекува оваа манифестација, која ќе се одржи во салата Black Box во Универзитетот за уметности во Тирана од 10-12 мај да ги зајакне врските меѓу уметниците и фестивалите ширум Балканот, отворајќи нови хоризонти за идни соработки и размена на идеи.

Настапот на Националниот џез оркестар се одржа на 11 мај.  Настапот на Balkan Jazz Showcase-2024 во Тирана е прв од неколкуте настапи надвор од нашата земја кои ќе следат во наредниот период, преку кои оркестарот ќе се претстави пред публиката во неколку Балкански земји, за што деталите ќе бидат објавени наскоро.

The post Националниот џез оркестар настапи на Balkan Jazz Showcase-2024 во Тирана appeared first on Република.

Светската мега-ѕвезда на вокалната џез музика, двократниот добитник на Греми награда, Курт Елинг, доаѓа во Скопје. Концертот на Курт Елинг со Националниот џез оркестар ќе се одржи на 15 мај, 2024 година во Македонскиот народен театар, со почеток од 20 часот. Диригент на концертот ќе биде Џијан Емин.

За него „Њујорк Тимес“ ќе напише дека токму тој е „извонредниот машки џез-вокал на нашето време.“

Според „Вашингтон Пост,“ „“Од средината на 1990-тите, ниту еден џез-пејач не бил толку смел, динамичен или интересен како Курт Елинг", додека ББС Артс оценува дека тој „... ја турка напред уметноста на џез пеењето, повеќе од било кој друг машки изведувач од неговата генерација“.

Елинг има вкупно десет номинации за Греми награди, од кои има освоено две награди за најдобар вокален џез албум за изданијата Dedicated to you (2009) и Secrets are the best story (2021).

Во 2012 година е прогласен за прв почесен џез амбасадор на Шлезискиот џез фестивал во Полска, а добитник е и на германската награда Ехо џез и Шкотската награда за џез - меѓународна категорија. Во 2013 година е прогласен за Меѓународен џез -изведувач на годината на доделувањето на наградите Jazz FM Awards.

Во текот на својата кариера соработува и снима со Вејн Шортер, Данило Перез, Дејвид Амрам, Ренди Бахман, Боб Белден, Џоан Бракин, Оскар Браун Џуниор, Џоди Кристијан, Били Корган, Орберт Дејвис, Џорџ Фримен, Бади Гај, Јон Хендрикс, Чарли Хантер, Боб Минцер, Бред Мелдау, Ли Ритенур, Џон Пицарели и Боб Шепард. Покрај неговиот бенд со кој најчесто настапува, Курт Елинг бил и член на Квартетот на Бранфорд Марсалис.

Доколку на првите албуми композициите повеќе наликуваат на класичните џез стандарди, звукот на Елинг во последните години добива димензија плус, внесувајќи екстраваганција во музичкиот израз и експериментирајќи со класичните џез музички форми.

Билетите за концертот може да се набават online на Мк Тикетс и на страната на МНТ, како и на билетарницата на МНТ.

The post Мега-ѕвездата Курт Елинг со Националниот џез-оркестар на концерт во Скопје на 15 мај appeared first on Република.

Во организација на Албанското џез здружение (Albanian jazz society) оваа година по четврти пат ќе се одржи фестивалот Balkan Jazz Showcase-2024. На настанот ќе настапат оркестарот NisVille од Србија, Сара Јововиќ трио од Црна Гора, Sethstat Quintet од Македонија, Gypseons Trio од Грција, Leo Richartz Trio од Германија, Alba Dajlani & AJS Quartet од Албанија и Националниот џез оркестар од Македонија. Покрај учесниците од Германија, овој настан ќе ги собере едни од најталентираните џез музичари од Балканот и претставува можност за културна размена и промоција на богатството на џез музиката во овој регион.

На фестивалот Balkan Jazz Showcase-2024 ќе се соберат и директори на фестивали од различни земји, а специјални гости се водечките луѓе од џез асоцијацијата на Кина. Оваа соработка обезбедува не само културна размена, туку и потенцијални проекти во рамките на програмите на Креативна Европа и Западен Балкан, како и промоција на балканската џез сцена на фестивали во кинеските градови како Пекинг, Шангај, Гуангжу и Ченгду.

Покрај музичките изведби, настанот ја вклучува и изложбата „Drumsville - Evolution of the New Orleans Beat“, како подарок од џез-музејот на Њу Орлеанс.

Се очекува оваа манифестација, која ќе се одржи во салата Black Box во Универзитетот за уметности во Тирана од 10-12 мај да ги зајакне врските меѓу уметниците и фестивалите ширум Балканот, отворајќи нови хоризонти за идни соработки и размена на идеи.

Настапот на Националниот џез оркестар е закажан за втората фестивалска вечер, на 11 мај. Настапот на Balkan Jazz Showcase-2024 во Тирана е прв од неколкуте настапи надвор од нашата земја кои ќе следат во наредниот период, преку кои оркестарот ќе се претстави пред публиката во неколку балкански земји, за што деталите ќе бидат објавени наскоро.

The post Националниот џез оркестар на The Balkan Jazz Showcase-2024 во Тирана appeared first on Република.

The post Today It’s All About Jazz Vol.8 на 30 април во паркот Ибни Пајко appeared first on Република.