Еден човек загина, а двајца други се повредени откако маж со нож нападна полн неделен пазар во Волворт, јужен Лондон, пишува „Сан“.

Полицијата околу 11:40 часот добила повик дека повеќе луѓе се избодени со нож на улицата „Ист“.

И покрај напорите на итната помош, кај еден маж е констатирана смрт на местото на настанот.

На местото на настанот е уапсен маж за кој се верува дека има околу шеесет години.

Инцидентот не се третира како тероризам, а истрагата е во тек, соопшти полицијата.

The post Mаж избоден до смрт, други двајца повредени во напад во Лондон appeared first on Република.

Полицијата во градот Бон во Германија застрелала маж кој претходно со нож повредил две лица.

Напаѓачот подоцна починал во болницата.

Повредени се жена (43) и маж (32). На местото на нападот им била укажана помош.

Во написите на локалните медиуми се наведува дека напаѓачот и жртвите се познавале и дека конфликтот настанал како резултат на расправија.

The post Eден мртов, двајца повредени во напад со нож во Германија appeared first on Република.

Британската полиција денеска потврди дека уште едно дете кое беше рането во напад со нож во градот Саутпорт во Англија, им подлегна на повредите, со што бројот на деца-жртви се зголеми на три.

По нападот со нож во училиште за танц во Саутпорт осум деца беа повредени, а пет се во критична состојба.

Повредени се и двајца возрасни кои исто така се во критична состојба, соопштија официјални претставници.

Деветгодишно девојче почина рано изутрината во болница, соопшти полицијата, пренесе Скај њуз.

The post Почина уште едно дете избодено со нож во нападот во Саутпорт appeared first on Република.

Три лица се повредени во напад на плоштад во германскиот град Манхајм, јавија германските медиуми. На социјалните мрежи се појави видео од нападот.

На видеото се гледа како лице со нож во рака прво напаѓа политичар, за во следниот момент да му скокнат случајни минувачи, но и полицаец.

Откако успеал да се оттргне од луѓето кои се обиделе да го совладаат, напаѓачот со нож смртно ги прободел полицајците во врат.

Во следниот момент, друг полицаец го застрелал напаѓачот.

Според германските медиуми, нападнатиот политичар е Михаел Штирценбергер (59), познат како критичар на исламот.

The post Напад со нож врз политичар и полицаец во Германија appeared first on Република.

Четири лица се повредени денеска во напад со нож во метрото во Лион при што е уапсен 27-годишен Мароканец.

Локалното обвинителство соопшти дека повредените не се во животна опасност.

„Осомничениот од мароканска националност и на возраст од 27 години претходно не и е познат на полицијата, но неколку пати бил хоспитализиран поради психијатриски проблеми“, соопшти полицијата.

Неименувани полициски извори за француски медуми изјавија дека нема елементи што би укажувале дека станува збор за терористички акт.

The post Во Лион четири лица се повредени во напад со нож, уапсен е Мароканец appeared first on Република.

Едно лице е потешко, а две се полесно повредени откако напаѓач ги избодел со нож изутринава на железничката станица Лион во југоисточниот дел на Париз, јави ДПА.

Обезбедувањето на станицата успеало да го совлада напаѓачот и да го предаде на полицијата. Тој при апсењето приложил италијанска возачка дозвола.

Трите лица биле избодени во чекалната на подземното ниво на станицата.

Мотивите за нападот засега се нејасни.

Поради нападот, дел од станицата Лион привремено беше затворен, а железничкиот сообраќај прекинат.

The post Три лица избодени со нож на железничка станица во Париз appeared first on Република.

Училиште во јужна Шпанија е евакуирано откако 14-годишен ученик избодел двајца врсници и тројца професори.

Нападот се случил рано утринава во Институтот „Елена Гарсија Армада“ во Херез де ла Фронтера, а се сомнева дека има уште неколку повредени студенти. Еден од учениците рано утрото избодел неколку професори и соученици, а потоа бил уапсен. Според полициски извори, напаѓачот употребил нож.

Енрике Галего, новинар на ТВ Херез, изјави дека училишни извори веруваат дека ученикот дошол на час наутро и извадил голем нож од ранецот. Потоа продолжил да ги „боде сите што минувале“. Училиштето во моментов е во блокада и неколку амбулантни возила се присутни додека на настраданите им се пружа помош.

The post 14-годишник избоде двајца соученици и тројца професори во училиште во Шпанија appeared first on Република.

Полициски службеници од СВР Скопје, вчера привеле 16-годишен малолетник поради основано сомнение дека извршил кривично дело разбојништво во обид.

Од Министерството за внатрешни работи известуваат дека лицето, на 28 месецов, во трговски центар на подрачје на Центар, заедно со уште едно лице со остар предмет нападнале тројца малолетници од Скопје и им нанеле повреди.

Против малолетникот е поднесена кривична пријава по брза постапка до страна на Основното јавно обвинителство - Скопје.

The post Приведен 16-годишникот кој со нож нападна малолетници во скопски трговски appeared first on Република.

Триесетдневен притвор му одреди Судот на битолчанец кој завчера со нож му го расекол стомакот на едно лице и му го довел животот во опасност.

За случајот, Основното јавно обвинителство Битола донесе наредба за спроведување истражна постапка против едно лице за кривично дело – Тешка телесна повреда.

Осомничениот, на 24 јули, пред куќа на улицата „Сотир Брбевски“ во Битола, без особен повод или причина, со нож прободел и расекол едно лице во абдоменот, нанесувајќи му повреди на мускулатурата на предниот абдоминален ѕид и на тенкото црево, со што го довел во опасност животот на оштетениот, информираат од ЈО.

Оттаму, соопштуваат дека јавниот обвинител до судијата на претходна постапка од Основниот суд во Битола доставил и предлог за определување мерка притвор на осомниченото лице, сметајќи дека постојат законски основи за притворска мерка.

Судот го прифати предлогот и донесе решение со кое на осомничениот му определи притвор во траење од 30 дена, известуваат од ЈО.

Вчера од МВР известија дека На 24.07.2023 во 15.20 часот полициски службеници од СВР Битола го лишиле од слобода Л.С.(38) од Битола.

Тој се сомничи дека околу 15.00 часот на ул.„Сотир Брбевски“ во Битола, поради претходни недоразбирања и по кратка расправија, со остар предмет го нападнал С.С.(53) од Битола и му нанел повреди. С.С. бил пренесен во Клиничка болница Битола каде му биле констатирани тешки телесни повреди. Увид на местото извршила екипа од СВР Битола. Против приведениот денеска (25.07.2023) е поднесена кривична пријава по чл.131 ст.3 од Кривичниот законик, а од страна на судија на претходна постапка на Л.С. му е одреден притвор во траење од 30 дена, велат од МВР.

The post 38-годишен битолчанец со нож пробол сограѓанин во стомакот appeared first on Република.

Четири мали деца и еден возрасен се повредени во напад со нож во парк во градот Анеси на француските Алпи, соопшти француската полиција, откако првично извести дека осум деца се повредени.

Животите на три жртви се во опасност, пренесуваат агенциите. Според некои медиуми станува збор за три деца, а според други медиуми две деца и еден возрасен. Децата се на околу три години, соопшти полицијата.

Луѓето трчаа, плачеа, паничеа … беше ужасно, изјави еден сведок за радио Франс Инфо.

Ужасната сум … да напаѓаш деца е одвратно. Незамисливо е што се случи овде утрово на место кое е толку мирно, место кое го сакаат и жителите и туристите. Потресени сме, изјави пратеничката Вирџинија Дуби-Мулер изјави за BFMTV.

Во паркот покрај езерото во Анеси, деца на околу три години биле на утрински излет кога одеднаш се појавил маж со нож и почнал да ги боде. Некои од децата биле во колички, јави Би-Би-Си. Напаѓачот потоа побегнал од местото на настанот, а потоа нападнал постар човек кој се движел во близина. Во тој момент интервенирала полицијата, при што напаѓачот бил застрелан во нозете и совладан.

#Breaking: Update - Video footage reportedly taken minutes after the terror stabbing attack in #Annecy, #France, showing you the Syrian suspect running away after being chased by locals, while people scream for help in the background for the children that had been stabbed. pic.twitter.com/WufuLkgMkf

— Sotiri Dimpinoudis (@sotiridi) June 8, 2023

Полицијата соопшти дека осомничениот е Абдалмасих Х., сириски бегалец кој легално влегол во Франција. Тој поднел барање за азил на 28 ноември 2022 година.

Францускиот претседател Емануел Макрон се огласи на Твитер за нападот со нож, нарекувајќи го чин на „кукавичлук“.

Нацијата е во шок. Нашите мисли се со повредените, како и со нивните семејства и со итните служби, додаде тој.

The post Објавено видео како луѓе трчаат по Сириецот кој избоде деца во Франција appeared first on Република.

Неколку деца се избодени со нож во напад во парк во близина на езерото Анеси, во југоисточна Франција, јавија локалните медиуми.

Нападот се случил утрово околу 9:45 часот, а во него вкупно осум лица се избодени со нож, додека три се во критична состојба.

На местото на настанот пристигнала вооружена полиција која брзо го совладала напаѓачот, пред да го уапси и пренесе во болница.

Францускиот министер за внатрешни работи Жералд Дарманин на Твитер напиша: „Неколку лица, меѓу кои и деца, беа повредени од лице вооружено со нож. Поединецот е уапсен благодарение на многу брзата интервенција на полицијата“.

Регионалниот заменик префект, Антоан Арман, нападот го опиша како „гнасен чин“ и рече дека властите истражуваат.

Француската премиерка Елизабет Борн е на пат кон местото на настанот.

Француските медиуми во меѓувреме пренесоа дека во нападот се повредени шест деца, а жртвите биле на возраст од околу три години.

Француското национално собрание одржа едноминутен молк, а патиштата околу местото на нападот се блокирани.

The post Маж со нож избодел шест деца во парк во Франција, три се во критична состојба appeared first on Република.

Едно лице загина, а најмалку четири други се повредени, од кои дел и потешко, во напад со нож во супермаркет во Милано, во северна Италија, наведуваат локалните медиуми.

Полицијата уапси 46-годишен Италијанец, кој е осомничен за нападот, јавува агенцијата ЛаПрес.

Нападот се случил во супермаркетот „Карфур“ во близина на Милано, на северот на Италија.

Едно од ранетите лица во супермаркетот починало на пат кон болница, јави Анса.

Меѓу повредените е и шпанскиот фудбалер Пабло Мари, кој е позајмен во клубот Монца од Арсенал, јавуваат агенциите.

Мотивот за нападот не е познат, а италијанските власти велат дека нема елементи што укажуваат на тероризам.

Би-би-си наведува дека Мари (29) му се приклучи на Арсенал од бразилскиот Фламенго во јануари 2020 година, а за клубот од Лондон одигра само 19 натпревари и моментално е на позајмица во италијанскиот клуб Монца.

The post Познат фудбалер меѓу повредените во нападот со нож во „Карфур“ кај Милано appeared first on Република.

Маж влегол во зграда на улицата „Адмирал Гепрат“ во центарот на Белград, извадил нож и со него почнал да боде луѓе, пренесуваат српските медиуми.

Полицијата брзо реагирала и го совладала напаѓачот. Мотивите за нападот засега се непознати.

Нападот се случил спроти црквата Вознесение, набрзо пристигнала брза помош, а повредените биле згрижени.

Истрагата е во тек.

The post Маж со нож влегол во зграда и почнал да напаѓа случајни лица appeared first on Република.