Бугарскиот државјанин Ангел Василев во јануари годинава закупил околу 2.500 домени од Македонската академска истражувачка мрежа- МАРнет, дознава „Република“

Конкретно се работи за закупени домени со префикси Мк, Ком.Мк, Орг.мк, поврзани со македонски музеи и култура.

Еден од нив е и домејнот „музејтеракота.мк“. Овој музеј од Виница има само Фејсбук страница но не и интернет страница.

Ваква, и слични страници поврзани со македонска култура и музеи и установи нема да можат да бидат регистирани бидејќи се веќе закупени од извесен Василев кој живее во Плевен.

„Република“ се обрати до Василев и го праша поради кои причини ги закупил овие домени, но не добивме одговор.

Мора да се напомене дека закупот на вакви домени не е незаконски и за тоа се плаќа годишен закуп.

Симптоматично е што ова се прави од бугарски државјанин во период кога од источниот сосед сме изложени на културен, јазичен и историски притисок.

Согласно Законот за слободен пристап до инфорамции од јавен карактер испративме прашање и до МАРнет и по еден месец чекање не добивме одговор.

ШТО Е МАРнет

Македонска академска истражувачка мрежа или МАРНет  е организација основана во 1995 година Во мрежниот информациски центар на МАРНет е регистриран врвниот домен за Македонија, доменот .mk.

The post Бугарски државјанин во МАРнет регистрирал 2.500 домени поврзани со македонски музеи и култура appeared first on Република.

Во вторник, 18 април, во чест на Светскиот ден на културното наследство, бесплатен ќе биде влезот во сите музеи и локалитети низ државата, најави министерката за култура Бисера Костадиновска-Стојчевска.

Македонската култура и уметност-богатство кое вреди да се погледне, почувствува и чува. Дојдете, посетете и истражете на 18 април, вели министерката.

The post Во вторник бесплатен влез во музеите и локалитетите во Македонија appeared first on Република.

Околу стотина меѓународни музеи денеска во заедничко соопштение изразија длабока загриженост од постапките на климатските и екоактивистите, насочени кон оштетување на уметнички дела.

Активистите одговорни за тие напади во голема мера ја потценуваат чувствителноста на овие незаменливи дела, се вели во заедничката изјава на големите меѓународни музеи како „Прадо“ во Мадрид, „Лувр“ во Париз, „Гугенхајм“ во Њујорк итн. Тие се „длабоко шокирани од несовесното загрозување на тие дела во низата напади на активистите“ што имаат цел со тоа да го привлечат вниманието на јавноста кон глобалното затоплување.

Последниве недели, активисти за климата оштетија слика на Гоја во Мадрид, познатата графика „Кембелова супа“ на Енди Ворхол, изложена во Австралија, „Сончогледите“ на Ван Гог во Лондон, како и дело на Клод Моне во Потсдам, Германија.

Музеите се места каде што се воспоставува дијалог меѓу луѓето од различни делови на светот и затоа тие придонесуваат за општествена размена, велат 92-та потписници.

Сликите, за среќа, останаа неоштетени, но настанот со „Сончогледи“ предизвика мали оштетувања на рамката.

The post Светските музеи се загрижени по нападите на климатските активисти appeared first on Република.

Француските власти ги повикаа националните музеи да бидат дополнително внимателни по серијата напади на еколошки активисти врз дела изложени во музеи и други институции, објавија денеска медиумите.

„Франција ниту еден ден не е заштитена од некој полуден активист кој ќе нападне некоја слика“, рече министерката за култура Рима Абдул Малак, која побара од музеите „двојна будност“.

Еден од последните инциденти што се случија во музеите во другите европски земји се случи во музејот Орсеј во Париз.

Тој музеј поднел жалба против активистките кои минатата недела се обидоа да фрлат супа врз сликата на францускиот уметник Пол Гоген, објави денеска весникот „Паризиен“.

Раководството на музејот поднесе тужба за „обид за оштетување уметничко дело“, додава весникот, наведувајќи дека поради тоа париското обвинителство отворило истрага.

Иако музејот не објави за кое уметничко дело станува збор, француските медиуми објавија дека една девојка прво имала намера да го залепи своето лице на познатата слика на холандскиот уметник Винсент Ван Гог „Автопортрет во Сент Реми“, а бидејќи била спречена, се обидела да истури супа на платното на Гоген.

Оваа акција доаѓа по серијата слични инциденти во последните недели во Европа, додека уметничкиот свет од Париз до Њујорк го осудува вандализмот на еколошките активисти.

Активисти за заштита на животната средина неодамна испрскаа супа од домати на заштитното стакло на познатите „Сончогледи“ на Ван Гог во музеј во Лондон.

Активисти во берлинскиот музеј фрлаа пире на заштитното стакло на сликата „Стогови сено“ на францускиот уметник Клод Моне.

Во музејот во Хаг, активисти ја нападнаа сликата „Девојка со бисерна обетка“, холандска барокна слика на Јоханес Вермер.

Активистите за заштита на животната средина не ги таргетираат само музеите со вредни уметнички дела.

За време на викендот, активист на колективот „Последна обнова“ ја прекина оперската претстава „Волшебната флејта“ во еден театар во Париз, така што се качи на сцената и се закачи на декорот. Претставата била прекинат десет минути, додека младиот човек бил однесен, објави францускиот весник Фигаро.

The post Француските власти ги повикаа музеите да бидат внимателни поради еколошките активисти appeared first on Република.

The post Костадиновска-Стојчевска: Музеите се толкувачи на нашата историска и современа културна вистина, зборуваат за  нашиот национален идентитет и секогаш служат како извор на нови сознанија appeared first on Република.

Финската царинска служба соопшти дека го стопирала враќањето на уметнички дела во Русија вредни околу 42 милиони евра поради санкциите на ЕУ и најави дека ќе се консултира со Брисел како да постапи понатаму.

Минатиот викенд, царинските служби заплениле три транспорти на слики, скулптури и антиквитети кои биле позајмени во музеите во Италија и Јапонија, а враќањето било извршено преку Финска.

Сакс Ракшит од финската царина вели дека уметничките дела се сметаат за луксузна стока и подлежат на санкции што ЕУ ги воведе против Русија поради воената акција во Украина.

https://twitter.com/bpolitics/status/1511670336709869578?ref_src=twsrc%5Etfw%7Ctwcamp%5Etweetembed%7Ctwterm%5E1511670336709869578%7Ctwgr%5E%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F3908263%2Fudarili-i-na-umetnost-finci-zaplenili-ruske-umetnine-vredne-42-miliona-evra-sa-pozajmice-italiji-i-japanu-nisu-stigle-nazad

Тие се во сопственост на Државниот музеј за ликовни уметности Пушкин

Запленетите уметнички дела сè уште се руска сопственост и ќе се чуваат под надзор на финската агенција за наследство, соопштија царинските службеници.

Руската новинска агенција „Москва“ го цитираше руското Министерство за култура, кое објави дека уметничките дела се позајмени во Италија од колекциите на водечки руски музеи како Ермитаж и Царское село во Санкт Петербург, како и од Московската галерија Третјаков.

https://twitter.com/Iron_Girlzz/status/1510959934967582725?ref_src=twsrc%5Etfw%7Ctwcamp%5Etweetembed%7Ctwterm%5E1510959934967582725%7Ctwgr%5E%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F3908263%2Fudarili-i-na-umetnost-finci-zaplenili-ruske-umetnine-vredne-42-miliona-evra-sa-pozajmice-italiji-i-japanu-nisu-stigle-nazad

Уметничките дела кои беа на враќање од Јапонија се сопственост на Државниот музеј за ликовни уметности Пушкин.

https://twitter.com/SabrinaBrennan/status/1511775225116954632?ref_src=twsrc%5Etfw%7Ctwcamp%5Etweetembed%7Ctwterm%5E1511775225116954632%7Ctwgr%5E%7Ctwcon%5Es1_&ref_url=https%3A%2F%2Fwww.kurir.rs%2Fplaneta%2F3908263%2Fudarili-i-na-umetnost-finci-zaplenili-ruske-umetnine-vredne-42-miliona-evra-sa-pozajmice-italiji-i-japanu-nisu-stigle-nazad

Финската царина сомничи десетина лица за кршење на санкциите. Минатиот месец, два музеи во Милано изјавија дека се подготвени да вратат неколку позајмени уметнички дела на руските музеи кои побарале предвремено враќање.

The post И уметноста се најде на удар: Финска заплени руски уметнички дела вредни 42 милиони евра appeared first on Република.