49. издание на Млад отворен театар (МОТ) во Скопје се затвора вечерва со два хит перформанси.

Во Младински културен центар (МКЦ) во салата „25 мај“ од 19 часот е „Сè што е важно“ од Грција.

Двајцата интерпретатори, но исто така и пријатели, соработници и уметнички партнери, навлегуваат во заедничката архива на сценските движења, танцови практики и белешки, кои иако црпат од минатото, сé создаваат во сегашноста и на сцена. Две години по последна претстава „Луси“, туторијал за еден ритуал, соработката меѓу Марта Пасакопулу и Арис Пападопулос е ставена под микроскоп и испитувана во обид да се изглуми пријателство на сцена. Во процесот на откривање, што е вистински важно, тие одново го обликуваат, повторно се претставуваат и на површина го вадат тој меѓупростор. „Ничија сопственост, потенцијално да биде на двајцата“. Публиката е присутна како уште едно стојалиште, одраз на пријателството на овие двајца и неговата потреба од сведок.

Од 21 часот во кино „Фросина“ во МКЦ е закажан украинскиот перформанс „Танцот на смртта“.

Перформанс „Танцот на смртта“, е создаден кратко по почетокот на руската воена агресија. Брилијантната украинска музичка и изведувачка група „Ќерките на Дак“ од Киев, се стекнаа со меѓународна популарност затоа што шест актерки и пејачки ги раскажуваат приказните на жени од Украина – приказни за војната и нивните секојдневни животи и нивните семејства и за тоа како ова го има променето нивниот однос кон животот.

Нашиот тим во Современиот уметнички центар Дак одлучи да започне театарски перформанси во странство, зашто сфативме дека по започнувањето на инвазијата, европското општество повеќе нема да реагира како што беше во првите недели или месеци. Војната полека почнуваше да бледнее и се движеше од вестите на насловна страница до споредни вест. Ни требаа чекори да создадеме нешто што длабоко ќе резонира со народот“ – вели режисерот на кабарето Влад Троитски.

Ќерките на Дак се движат меѓу нивните виртуозни меѓужанровски композиции, меѓу етното, панкот, кабарето и водвил – и не само за да се наслика насилната природа на еден конфликт на еден многу моќен начин, но и за да се обрати кон хуманоста и солидарноста. На сцената се шест жени-артисти, музичарки, актерки, Украинки. Со нас се соочуваат за да пружат отпор, за да се борат, за да продолжат да живеат; ја прераскажуваат војната и нејзиното безимено насилство, корнењето на нивните корења од татковината, прогонот, она за кое што не се зборува. Со огромна сила и ранливост, неуморно го раскажуваат нивното заминување и пристигнување, раскажувајќи ја приказната на оние што останале.

The post Хит-перформансите „Сè што е важно“ и „Танцот на смртта“ за затворање на МОТ appeared first on Република.

Вечерва од 20 часот на сцената на Албански театар во Скопје ќе биде прикажана претставата „Без крв“ од авторот Алесандр Барико, а во режија на Дијана Добрева, во рамките на 49. издание на Млад отворен театар (МОТ).

Претставата е ко-продукција на Драмски театар од Пловдив и народниот теата „Јордан Хаџи Константинов Џинот“ од Велес.

Литературното ремек-дело на Алесандро Барико, започнува со одмазда, а завршува со казна. Граѓанска војна затвора тројца мажи во својот лавиринт: татко, две деца и крволочен Минотаур.

Во текот на годините додека трае зачадениот мир, една убава жена стои пред продавач на билети за лотарија, чекајќи да го започне својот пат или кон смртта или кон пресметка. „Има ли крај на одмаздата, или пак ова е еден маѓепсан круг во кој сите сме проколнати да се вртиме?“, е едно одлично прашање што го поставува овој роман. Засилувањето на одмаздата меѓу луѓето и нациите е препознатлив знак на духот на времето во кое живееме. Човекот е се’ поосамен во „срцето на земјата“.

И само љубовта ги затвора раните без да ја повтори болката.

Претходно, од 18 часот ќе се одржи работилница и перформанс „Мoving inside out“ на сцената на  „Јадро“.

Криста Денио и Искра Шукарова се уметници кои работат на полето на танцот и перформансот и ќе одржат работилница за студентите и професионалците во танцот и театарот каде што ќе истражат интердисциплинарните пристапи кон креирањето на перформанс кој е специфичен или врзан за просторот каде што се игра. Употребувајќи танцови и театарски методологии, Денио и Шукарова ќе ги спојат практиките и техниките што се специфични за просторот, кои ги поддржуваат и учесниците во нивното истражување на техниките на раскажување на приказни и креативноста, создавањето и истражувањето и на архитектурата на галеријата Јадро, вклучувајќи го и паркот во близина, дрвјата и природата. Денио ќе се осврне на работата на нејзиниот проект „Проектот Мрежа“, инспириран од еколошките системи на комуникација, делењето на ресурси и преживувањето што се случува во заедниците на дрвјата и што човековите заедници можат да научат од нив. Шукарова ќе ја презентира својата работа во потсистемите на невербална комуникација за да ги употреби соматските практики како една рамка за уметнички израз.

Работилницата ќе вклучува тренинг за движење и глас, што вклучува соматски движења, развојни движења, партнерство и умешност за делење на потешката физичка работа, врз основа на Контактна импровизација и некои техники од Акциониот театар, спојувајќи ги гласот/звукоти движењето преку употреба на високоструктуирани импровизациски вежби. Оваа работилница ќе кулминира со кратки перформанси што ќе ги креираат студентите.

The post Вечерва на МОТ „Без крв“на Театарот од Пловдив и Велешки театар appeared first on Република.

Претставата „Куќа, дом“, авторски проект на Катја Легин на Креативен центар Крушче од Словенија закажана за вечерва во приватна куќа во Капиштец од 21 часот е распродадена, а организаторот на Млад отворен театар (МОТ) пушти во продажба уште еден, втор термин, од 18 часот, соопштија од Младински културен центар (МКЦ).

Претставата „Куќа, дом” е авторска претстава на Катја Легин, актерка, танчерка и основачка на Општественото студио за истражување во уметноста на играта „УЦ Крушче” во Словенија. Таа, заедно со нејзиниот уметнички и животен партнер, театарскиот режисер Томи Јанежич, кој воедно е и советник во проектот, заеднички го водат културниот центар во Крушче посветен на уметничкото истражување, создавање, резиденцијален престој и неформално уметничко образование. Перформансот „Куќа, дом” која се изведува во специфичен, не – театарски простор (дом), таа вели – “една претстава не е вистинска претстава ако не треба да чистите по изведбата”.

Оригиналната претстава се изведува во нивниот дом, каде е сместено и студиото во кое работат. Во неа, авторката истражува повеќе теми – краде од филмот, користи поп и прави сѐ што може за да се случи Театар. Жонглира со темите на женственоста и животните сокови, домот, семејството и отсуството.

The post Вечерва две изведби на „Куќа, дом“ на МОТ appeared first on Република.

Вечерва, на 18 ноември, од 20 часот на Факултетот за драмски уметности (ФДУ) во ррамките на официјалната програма на Млад отворен театар (МОТ) ќе се одигра српската монодрама „Мајорот и Хелена“, авторски проект на Алекса Јовиќ по мотивите на истоимената книга на Маја Бекчиќ-Петровиќ.

Монодрамата „Мајорот и Хелена“ е авторски проект на Алекса Јовиќ, по мотивите на истоимената книга на Маја Бекчиќ Петровиќ во драматизација на Дивна Стојанов и во продукција на театарот Промена и продукцијата Облак. Претставата е работена по вистинитата приказна на Хелена Вуковиќ – некогашен мајор во војската на Србија и транс-жена. Монодрамата е сценска поставка на нејзиниот живот, од првото чувство дека е девојче, а не момче во патријархално семејство, преку обидот за потискување на сопствениот идентитет во конзервативното општество, до сегшниот спокој кога и физички станала тоа што отсекогаш била – жена.

The post Српската монодрама „Мајорот и Хелена“ вечерва на МОТ appeared first on Република.

Вечерва на Млад отворен театар (МОТ) во рамки на придружната програма од 20 часот во салата „Фросина“ во Младински културен центар (МКЦ) ќе се одигра „Лебедово езеро“ во режија на Метју Борн. Проекцијата е во рамки Денот на Артхаус Синема, кој ја слави различноста на европската кинематографија во повеќе од 700 кина во над 40 земји.

Оваа смела реинвенција на ремек-делото на Чајковски предизвика сензација кога беше премиерно прикажана пред речиси 30 години и оттогаш стана најуспешната танцова театарска продукција на сите времиња.

Возбудлив, храбар, духовит и емотивен, овој настан кој го дефинира жанрот е сè уште најпознат по тоа што го замени женскиот корпус-де-балет со заканувачки машки ансамбл, кој ја урна конвенцијата, вртејќи ја традицијата на глава.

За првпат поставена на Садлерс Велс во Лондон во 1995 година, Лебедово езеро на Метју Борн го зафати светот на танцовиот театар и стана најдолготрајниот танцов класик во цела должина на Вест Енд и на Бродвеј. Оттогаш се изведува низ целиот свет, собирајќи над триесет меѓународни признанија, вклучувајќи ја наградата Оливие за најдобра нова танцова продукција и три награди Тони за најдобар режисер на мјузикл, најдобра кореографија и најдобар костимографија.

По проекцијата ќе има дискусија за претставата со професорка по Историја на танцова уметност Соња Здравкова Џепароска на Универзитет „Св. Кирил и Методиј“ и Ана Стојаноска,
Театролог, писател, професор на ФДУ, претседател на МТФ „Војдан Чернодрински.

Настанот е организиран во соработка со ARTACTUM, компанија што води дејност со проекти од областа на културата во Македониа. Основана од македонскитот режисер Иван Поповски и театарски продуцент Татјана Дешко. Целта на ARTACTUM e да создаде што е можно повеќе прилики за различни културни настани за да го разбуди апетитот на уметниците во Македонија и да создаде импулси за нови инспирации.

The post Вечерва на МОТ „Лебедово езеро“ и дискусија за претставата appeared first on Република.

Претставата „Куќа, дом“, авторски проект на Катја Легин на Креативен центар Крушче од Словенија закажана за во вторник во приватна куќа во Капиштец од 21 часот е распродадена, а организаторот на Млад отворен театар (МОТ) пушти во продажба уште еден, втор термин, од 18 часот, соопштија од Младински културен центар (МКЦ).

Претставата „Куќа, дом" е авторска претстава на Катја Легин, актерка, танчерка и основачка на Општественото студио за истражување во уметноста на играта „УЦ Крушче" во Словенија. Таа, заедно со нејзиниот уметнички и животен партнер, театарскиот режисер Томи Јанежич, кој воедно е и советник во проектот, заеднички го водат културниот центар во Крушче посветен на уметничкото истражување, создавање, резиденцијален престој и неформално уметничко образование. Перформансот „Куќа, дом" која се изведува во специфичен, не - театарски простор (дом), таа вели - "една претстава не е вистинска претстава ако не треба да чистите по изведбата". Оригиналната претстава се изведува во нивниот дом, каде е сместено и студиото во кое работат. Во неа, авторката истражува повеќе теми - краде од филмот, користи поп и прави сѐ што може за да се случи Театар. Жонглира со темите на женственоста и животните сокови, домот, семејството и отсуството.

The post „Куќа, дом“ на МОТ е распродадена, ќе има и втор термин во вторник од 18 часот appeared first on Република.

Со претставата „Хинкеман“, во режија на Тамара Стојаноска на независниот театар „Златен Елец“, вечерва во 20 во Младиониот културен центар (МКЦ) се отвора 49. издание на меѓународниот театарски фестивал Млад отворен театар (МОТ).

„Наградата „Биш“ што ја добивме минатата година на 48.МОТ за претставата „Кенди“ нѝ отвори нови професионални шанси, гостувања на фестивали надвор од државата, запознавање со врвни театарски уметници и секако можност за работење на нова претстава за МОТ оваа година. Многу ми значи и ми е драго што текстот на Ернст Толер и приказната за Јуџин Хинкеман ќе има премиера токму на овој фестивал кој секогаш дава слобода и простор за разговарање на важни општествени теми и различни форми на театарско изразување, изјави режисерката Стојаноска.

Значењето на МОТ за развојот на младите театарски сили и театарскиот живот воопшто, го потврдува и Стојаноска.

Многу од претставите што ги имам гледано на овој фестивал оставиле голем емотивен впечаток кај мене и инспирирана од духот на МОТ и времето во кое живееме се решив да го работам овој текст. Се работи за една приказна која е многу директна, искрена и на моменти сурова, како системот во кој сите ние преживуваме и преку една камерна форма се надеваме дека ќе се доближиме до публиката и ќе ја пренесеме пораката за ширење на емпатија и мир,  вели таа.

Претставата „Хинкеман“ е работена според антивоената и експресионистичка драма (Der deutsche Hinkemann, 1923) на Ернст Толер, која е своевидно истражување на бруталните сили што управуваат со нашиот свет – војните, социјалните неправди и немилосрдните системи на економска моќ што ја ловат работничката класа. Текстот е како огледало на нашето општество изградено на суровост, пари и предрасуди, а оние што се различни на кој било начин, секогаш, во кој било историски контекст се исмејувани или отфрлени од толпата. Хинкеман нè охрабрува да го видиме светот низ очите на оние што се маргинализирани и дискриминирани и дава порака за разбирање, емпатија и заедништво.

Во претставата играат: Бобан Алексоски, Талија Настова, Дритон Вејсели, Ане Блажовски, Леонида Гулевска и Бранко Михајлоски.

МОТ, по вечерашната премиера ќе понуди театарски претстави работилница и мастерклас, кои ќе се одвиваат на сцените на МКЦ, во Албанскиот театар и во приватна куќа од 15 до 21 ноември.

Целосната програма и распоред на фестивалот можат да се погледнат на официјалната страна на фестивалот mot.mk, а билетите можат да се набават преку билет сервисот на МКЦ bileti.mkc.mk.

The post Со претставата „Хинкеман“ во режија на Тамара Стојаноска започнува 49. издание на МОТ appeared first on Република.

Од 15 до 21 ноември во Младински културен центар (МКЦ) ќе се одржи 49. издание на Млад отворен театар (МОТ), а организаторот најавува театарски настани, претстави и работилница  кои ќе се реализираат со огромна поддршка на МОТ–овската мрежа која е создавана изминативе децении.

Фестивалот се отвора со минатогодишните победници, независната продукција, театарот „Златен Елец“ и премиера на претставата „Хинкеман“ по текст на Ернест Толер, во режија Тамара Стојаноска. Антивоената тема која се провлекува во нивната претстава го најавува и мотивот на годинешниот МОТ.

Во време кога светот се соочува со две војни, програмата на овој МОТ го изнесува својот активистички став со кој во фокус ги става темите кои го запалија светот, а во нашето општествено политичко секојдневие не добиваат соодветно значење.“ – вели Русе Арсов.

Претставата „Хинкеман“ ги истражува бруталните сили што управуваат со нашиот свет – војните, социјалните неправди и немилосрдните системи на економска моќ што ја ловат работничката класа. Таа ерупција на омразата меѓу луѓето и нациите е препознатлив знак на духот на времето во кое живееме и денес.

Осаменоста на човекот во таков пејзаж е доволно податлив, за со неа да се бави претставата „Без крв“, која е продукција на двегодишниот меѓународен проект „Манифест“ копродукција на Драмски театар – Пловдив и Народниот театар „Јордан Хаџиконстантинов – Џинот“ – Велес.

Воената тема пластично ќе ја доловат шесте брилијантни актерки од Украина кои ќе ги раскажат своите приказни распнати меѓу војната и нивните секојдневни животи и нивните семејства и за тоа како ова состојба го има променето нивниот однос кон животот во перформансот „Танцот на смртта“на Ле Пре/Дак Театар. Перформансот е создаден кратко по почетокот на руската воена агресија и во моментов овој музичко – театарски проект ужива огромна популарност, а негови членови се дел од музичкото фрик – кабаре „Ќерките на Дак“ (Dakh daughters) од Киев.

Додека светот гори во глобален контекст, на локално ниво ние водиме војна за МОТ. Се бориме и со минимум буџет покажуваме дека МОТ не е осамен, бидејќи солидарноста на глобалната МОТовска мрежа го овозможува и ова 49то издание на фестивалот. Инстинктот за преживување е силен, еднаков како љубовта која го шири овој МЛАД „средовечен“ фестивал“ – вели Арсов во името на тимот на МКЦ.

На МОТ годинава гостува „Скринејџери, втор дел“, рефлексивен мјузикл од Франција кој се обидува да одговори на прашањето каква трага остава дигиталниот хаос на нашата психа и фантазија, за да сме способни да го впиеме сето тоа „скролајќи“ надолу.

Потоа гостува најнаградуваната претстава во историјата на Новосадско народно позориште „Ана Каренина“, во режија на Дејан Пројковски, која беше прогласувана за апсолутен победник на неколку регионални фестивали.

Присуството на Креативниот центар Крушче на Томи Јанежич, со делото „Куќа, дом“ на Катја Легин нѝ дава можност за доживување на театарот во автентичен простор за темата, овој пат куќа/дом на непозната локација во Скопје, за која публиката која има билет ќе добие адреса дополнително.

Театарот Промена, од Србија доаѓа со монодрамата „Мајорот и Хелена“, која е авторски проект на Алекса Јовиќ и ја обработува приказната на транс-родовата жена и нејзината храброст во конзервативното општество.

„Сé што е важно“ е интерактивна претстава на театарот Арисандмарта од Грција, кој ќе ги донесе белешките за изведување на пријателство, низ сценски движења на кои публиката ќе биде сведок.

Театарскиот режисер и драмски писател Јари Јутинен (уметнички дитектор на sadsongskomplex:fi, од Финска) ќе биде домаќин на разговорен мастерклас за професионалци во театарот и студенти што ги истражуваат „зошто“, „кој“ и „како“ на меѓународната соработка. Со него заедно ќе испитаме зошто глобалните партнерства се важни во театарскиот свет, или пак, дали се?

Целосната програма и распоред на фестивалот можат да се погледнат на официјалната страна на фестивалот mot.mk, а билетите можат да се набават преку билет сервисот на МКЦ bileti.mkc.mk.

Фестивалот МОТ е финансиски поддржан од Министерството за култура и туризам, Градот Скопје како и Францускиот културен центар во Скопје.

The post Претставата „Хинкеман“ во режија Тамара Стојаноска на 15 ноември го отвора 49. издание на МОТ appeared first on Република.

Невработеноста на младите ширум светот минатата година падна на околу 13 отсто, што значи дека околу 64 милиони луѓе на возраст меѓу 15 и 24 години биле без работа ширум светот.

Извештајот на Меѓународната организација на трудот (МОТ) предвидува дека оваа стапка ќе падне на 12,8 проценти оваа и следната година, и се наведува дека стапките на невработеност во 2023 година се вратиле на стапките пред пандемијата на Ковид 19, но не во сите региони во светот, објави Ројтерс.

За младите во арапските земји, Источна Азија, Југоисточна Азија и Пацификот, стапките на невработеност кај младите минатата година беа повисоки отколку во 2019 година, при што трендот во арапските земји се случи пред пандемијата, додека пораст на невработеноста беше забележан во азиските подрегиони.

Во извештајот се наведува и дека просечната возраст на вработените во Африка е многу пониска отколку во развиените земји во светот, што може да доведе до можни проблеми кога станува збор за економската стабилност.

Како што е наведено, претстојниот „земјотрес на младите“ во Африка може да доведе до зголемување на невработеноста кај младите, што пак може да доведе до проблеми за социјалната правда и глобалната економија.

The post Невработеноста во светот падна на 13 отсто, објави МОТ appeared first on Република.

Претставата „ Кенди“ на театарот Златен Елец, ја освои наградата „Биш “, што ја доделува фестивалот Млад отворен театар за најдобра претстава од независната домашна продукција. Зад оваа одлука стои меѓународното жири во состав: Сашо Огненовски од Македонија, Маја Митиќ од Србија и Доротеа Подолски од Хрватска.

„Кенди“ е во режија на Тамара Стојаноска. Таа е и авторка на адаптацијата направена според романот на Лук Дејвис „ Кенди: роман за љубовта и зависноста“. Оваа дуодрама зборува за зависноста на младите од дрога. Во неа играат Лео Поповиќ и Бобан Алексоски.

Наградата „Биш“ фестивалот МОТ ја додели по втор пат.

The post Претставата Кенди на „ Златен Елец“ ја освои наградата БИШ на 48. МОТ appeared first on Република.

Денес на програмата на 48. издание на Фестивалот „Млад отворен театар“ ќе се одржи работилница, презентација на перформанс и театарска претстава.

Во продукција на Српскиот народен театар од Нови Сад, вечерва во 20 часот во сала 25 мај (МКЦ) ќе се изведе пиесата „Евангелие по Ф.М. Достоевски“.

„Филозофскиот фокус на „Евангелие по Ф.М. Достоевски“ е сконцентриран околу прашањата дали Бог постои и ако постои, зошто создал таков пекол на Земјата каде што живееме во толку многу болка и страдање; и ако не постои, каква надеж имаме за да излеземе од оваа беда и суровост? Лоренци и Старина првенствено ги поставуваат овие прашања со прикажување приказни за детските страдања. И навистина, детето е толку важен лајтмотив, што сликата на детето е на постерот за претставата (младиот Раскољников). Да го преформулираме прашањето на почетокот на параграфот – ако децата како најневини човечки суштества толку многу страдаат на Земјата, дали тоа е доказ дека Бог не постои или дека е крајно суров?“, се вели во описот за претставата.

Претставата е работена по оригинален текст на Достоевски, а во режија на Јернеј Лоренци. Во неа играат Радивој Ќупиќ, Лидија Стевановиќ, Ненад Пеќинар, Марија Меденица, Сонја Кеслер, Нина Пророчиќ Рукавина, Душан Вукашиновиќ и Димитрије Аранѓеловиќ.

Сценографија е на Бранко Хојник, костимографка е Белинда Радуловиќ. Композитори се Бранко Рожман и Димитрије Бељански, а кореографијата е на Грегор Луштек. Дизајнот на светло е на Бранко Хојник и Јернеј Лоренци. Соработник на текстот е Матиц Старина, асистенти на режија се Ана Јанковиќ и Исидора Куленовиќ и асистент на сценографија е Даниела Матовиќ.

Денеска во 12 часот во просториите на Факултетот за драмски уметности (ФДУ) ќе се одржи работилницата наречена Карневал за „Себеси“ под менторство на Мирза Метин.

Оваа работилница претендира преку серија на физички и вокални вежби учесниците да доживеат автокарневалско искуство. Вежбите главно се составени од вокални и физички анализи на традиционални курдски танци и песни. Различните овчарски гласови се исто така една од темите што се провлекува низ овие вежби. Во вториот дел од работилницата ќе се користи и сопствената културна, физичка и вокална меморија на учесниците“, се вели во најавата.

Во 18 часот во Галерија 2 во Младинскиот културен центар (МКЦ) ќе има презентација на перформансот „Испробување феминистички иднини 2.0“. Се работи за платформа која Тиииит! Инк. ја формираше во 2021 година, со цел да придонесе кон афирмација, феминистичка едукација и развој на продукција во полето на современите изведувачки уметности.

Како продолжение на програмата ‘Испробување феминистички иднини 2.0’, годинава локален интердисциплинарен колектив развива феминистички преформанс, чијашто премиера е планирано да се случи во рамки на програмата МОТ+. Нивниот проект е ‘Мачката Елеонора’, кој допира до актуелни феминистички прашања преку преиспитувањето на можностите за радикална самоопределба и идентитетска трансформација. Поаѓајќи од истоимената монодрама на германската авторка Карен Јес (Die Katze Eleonore, Caren Jeß), тие ги истражуваат овие централни прашања од феминистичкиот и родовиот дискурс, но и можностите за колаборативна изведувачка практика, која се води од дијалогот помеѓу теоријата и уметноста“, се вели во најавата.

Во перформансот се вклучени видео, трансформација на простор, звук, тело, говор и авторски текст, колективот се занимава и со сопствената позиција во локалниот уметнички контекст, преведувајќи го изворниот текст и како израз на индивидуалната и колективна криза на припадност и неприпадност.

Во рамки на презентацијата на платформата која Тиииит! Инк. ја реализира во соработка со Локомотива – Центарот за нови иницијативи во уметноста и културата, ФДУ Скопје и МОТ, ќе бидат претставени фрагменти од досегашната работа на перформансот преку кои ќе може да се увидат некои од основните принципи и методи на работа на колективот.

The post „Евангелие по Ф.М. Достоевски“ на Српски народен театар од Нови Сад за крај на драмската прогрма на МОТ appeared first on Република.

Во Железничката зграда во Скопје вечер ќе се одржи перформансот „Градот како сцена II – приказна за шетачката“, како дел од програмата на 48. издание на МОТ. На репертоарот вечер се и перформансите „Кем“ и „Сингуларност“.

„Градот како сцена II – приказна за шетачката“ е театарска инсталација во три чина и е продолжение на истражувањето претставено во рамки на националниот павилјон на Република Македонија на Прашкото квадриенале за перформанс дизајн и простор во 2023 година, како дел од платформата за интердисциплинарни просторно изведувачки практики, Градот како сцена. Автори се Алембик (Виктор Танасковски и Ива Дамјановски), Бесфорт Идризи, Викторија Илиоска и Анастасија Пандиловска. Куратори: Филип Јовановски и Ивана Васева.

„Кем“ е богат танцов израз, перформанс базиран на курдските ритуали, од Германија. Станува збор за традиционален, но современ вокален и телесен перформанс. Автор и режија е на Мирза Метин, а перформансот ќе се одржи во ФДУ.

„Сингуларност“ е мултимедијално дело за танц, интерактивен звук и визуелни елементи. Изведбата е обид за автопоезис, самосоздавање. Како чувствителен софистициран танцов перфрманс, има одличен спој на звук и слики. Кореографија е на Кули Росна, Кенет Флак. Музика е на Мадс Кјелдгард. Дизајн на интерактивен звук е на Кенет Флак во соработка со Кули Росна. Автори се Кули Росна режија; Кули Росна, Кенет Флак. Перформансот ќе се одржи во МКЦ.

The post „Градот како сцена II – приказна за шетачката“, „Кем“ и „Сингуларност“ вечер на МОТ appeared first on Република.

Денеска на програмата на Млад отворен театар (МОТ) публиката ќе проследи три домашни продукции. Во 18 часот актерите на Театар за деца и младинци (ТДМ) ќе ја одиграат младинската претстава „Франкенштајн“. Претставата е во режија на Кокан Младеновиќ, а играат: Ангела Димитрова, Бојан Кирковски, Матеа Јанковска, Наташа Петровиќ, Ненад Митевски, Никола Наковски и Симона Спировска.

Претставата има за цел да ги истражува различните практики на дискриминација во општеството во кое живееме. Прашањето кој е и што е; што може да биде и кој сè може да биде „чудовиште“, а пред сè прашањето кој проценува и одредува дека другиот е чудовиштен – е темата на оваа наша претстава. Следејќи ги различните теориски и книжевни постапки од Франц Кафка па преку Пол Б. Пресијад и други, се занимававме со прашањето на давање слобода на говор на оние на кои инаку не им е дозволено да зборуваат во јавниот простор. Ако „чудовиштето“ проговори, што ќе ни каже? На кој начин и поради што, ние луѓето едни со други се означуваме со погрешни, неприфатливи и застрашувачки?

Претставата им се обраќа на младите со цел да се запрашаат за оние ставови што им се наметнуваат од нивните родители, од училиштето, од општеството, а кои воопшто не се добри.

Во 20 часот ќе следува премиерата на „Поол“, работена по мотиви на Марк Рејвенхил, во режија на Шенај Мандак, продукција на „Хибрид“ од Скопје.

Во претставата се среќаваме со приказната за група уметници, кои се занимаваат со алтернативна уметност во боемскиот кварт. Но што се случува кога еден од групата се издвојува и постигнува вистински успех? Што прават оние што остануваат назад, во боемскиот кварт додека еден оди напред во големиот свет?

Народниот театар од Штип ќе гостува на фестивалот во 22 часот на сцена во Младинскиот културен центар. Во претставата според Харолд Пинтер, а во режија на Васил Христов, играат: Милорад Ангелов, Ефтим Трајчов-Ѓаурски, Валентина Ѓоргиевска, Владимир Тулиев, Стефанија Митовска, Даријан Петров.

„Роденден“ (1957) и ден денес сè уште стои како доказ за Пинтеровата непоколеблива посветеност кон истражувањето и откривањето на скриените аспекти и двосмисленоста на човековата природа.

Во ова дело, неговиот уникатен стил на дијалог ја прикажува моќта на јазичната манипулација и процесот на вербална лоботомија. Манипулацијата со зборови станува оружје, бидејќи јазикот се користи за контрола и доминација. На тој начин, Пинтер ги крши рамките на театарскиот традиционализам и ја прикажува кревкоста на човечката комуникација.

Хуманизмот, пацифизмот и правдољубието на Пинтер се очигледни во неговиот децениски незапирлив политички активизам и непоколеблива посветеност на разоткривањето на општествените неправди.

Театарска претстава со психолошки карактер, која воведува нов филмски јазик на режија и глума, кој ќе ја зачуди публиката.

The post Денеска на МОТ: „Роденден“ на Штипски театар, „Франкенштајн“ на ТДМ и премиера на „Поол“ appeared first on Република.

Огранизацијата „Факултет за работи што не се учат – „ФРУ“ ве кани на тродневна програма „Градот како сцена – приказна за шетачката“ во рамки на 48. издание на интернационалниот театарски фестивал Млад отворен театар (МОТ).

Перформативна инсталација „Градот како сцена II – приказна за шетачката“ е продолжение на истражувањето претставено во рамки на Националниот павилјон и Студентски павилјон на Република Македонија на 15. Прашкото квадриенале за перформанс дизајн и простор во 2023 година како дел од платформата за интердисциплинарни просторно изведувачки практики на ФРУ насловен „Градот како сцена“.

На 16 – ти ноември (четврток) со почеток во 20 часот е закажан првиот чин „Градот како сцена – изгубени (модернистички) утопии“ - Претставување на Национален павилјон на Република Македонија на 15. Прашкото квадриенале за перформанс дизајн и простор во 2023 година. Автори се: Алембик (Виктор Танасковски и Ива Дамјановски), Бесфорт Идризи, Викторија Илиоска и Анастасија Пандиловска. Куратори се: Филип Јовановски и Ивана Васева.

Вториот чин од перформансот е закажан на 17-ти ноември (петок) од 12 до 18 часот под наслов „Ретки искуства на градот како сцена“ - Отворање на просторна инсталација - архива на истражувањето во рамки на платформата за интердисциплинарни просторно изведувачки практики на ФРУ насловен „Градот како сцена“ во периодот 2013 – 2023 година.

Во рамки на оваа архива ќе биде изложен проектот „Еднаш во животот – ретки студентски искуства на градот како сцена“, дел од Студентскиот павилјон на 15. Прашкото квадриенале за перформанс дизајн и простор во 2023 година. Учесници се: Мартина Пенева, Димитар Милев, Тамара Џерков, Дениз Ајдаревиќ, Александар Јовановски и Мартина Петреска. Куратори се: Кристина Леловац и Филип Јовановски

На 18-ти ноември (сабота) од 12 часот ќе се одржи третиот чин или „Изведба на јавниот простор“ - Дискусија модерирана од Кристина Леловац (актерка и изведувачка, ФДУ-УКИМ Скопје) и Миодраг Куч (ZK/U-Берлин), Маркета Фантова (уметничка директорка на Прашкото квадриенале за перформанс дијзан и простор). Истиот ден, од 13:45 часот започнува сесијата „Попаметни граѓани 02“ - Перформативна презентација на процесот на работа со студенти од Архитектонски факултет и факултетот за Драмски уметности- УКИМ Скопје, како и други сродни уметнички факултети во земјава во периодот октомври-ноември 2023 година. Овој процес на работа е дел од долгорочниот проект Градот како сцена: изведување на јавниот простор. Процесот на работа вклучуваше развој на метода на читање на градот и различни урбани контексти кои подоцна ќе имаат за цел да се трансформираат во изведба и/или интервенција во јавен простор.

Процесот на работа со студентите беше менториран од Филип Јовановски, Миодраг Куч (К/У Берлин) и Борис Бакал (Shadow Casters – Загреб) во соработка со Креативниот тим дел од платформата Градот како сцена: Ивана Самандова, Димитар Милев, Мартина Пенева, Тамара Џерков, Андреа Маркоска. Комесар: Русе Арсов | Продукциски тим: Ивана Самандова, Благица Петрова.

Партнери во проектот се Младинскиот културен центар – Скопје; Интернационален театарски фестивал МОТ. Поддржувачи се Министерство за култура на Република Македонија, Факултетот за драмски уметности - универзитетот „Св.Кирил и Методиј“-Скопје и проектот Активен ГРА(Д)/ѓани, финансиран од Европската унија.

The post АКТО на Млад отворен театар appeared first on Република.

И оваа година Млад отворен театар (МОТ) ја доделува наградата БИШ, иницијатива која ја започна минатата година, како дел од заложбите за поддршка и промоција на домашната, пред сè независна сцена. На отворениот повик на кој се пријавија 25 театарски претстави од домашната независна продукција, на овогодинешното издание на фестивалот ќе бидат прикажани шест селектирани претстави.

За вечерашниот репертоар на МОТ се две претстави „Вилицата на Ибен Бајерс“ по текст на Филип Грујиќ, во режија на Борис Василески (20 часот на малата сцена на Македонската опера и балет во Скопје) и „Немиот келнер“ (22,30 МКЦ – Фросина) од  Харолд Пинтер, а во режија; на Александар Ивановски.

„Вилицата на Ибен Бајерс“ сведочи за извонредниот подем и трагичниот пад на Ибен Бајерс, човек обземен од амбиции и заробен од смртоносна привлечност. Така, со возбудлив приказ на ненаситната потрага на еден човек за моќ, оваа претстава навлегува во вистинската приказна за протагонистот, харизматичен индустријалец чиј живот добива судбоносен пресврт кога ќе наиде на моќен напиток. Општествениот коментар на делото се зајакнува уште повеќе со појавата на Radium Girls кои паралелно со приказната на Ибен, ја раскажуваат и својата приказна обоена во црно од зелениот еликсир.

„Вилицата на Ибен Бајерс“ е застрашувачко истражување на човечкиот дух, што ги истакнува опасностите од неконтролираната амбиција и кревкоста на нашето постоење – сплет на хибрис и трагедија кои даваат одговор на многу навидум едноставни но сепак комплексни човекови дилеми.

Во претставата играат: Марјан Наумов, Гоце Андонов, Благојчо Стојанов, Ава Хусеини, Томислав Давидовски, Катерина Јовановиќ/Ања Митиќ, Ана Грамосли/Нина Елзесер и Јанка Лефкова. Продуцент на претставата е Андреа Маркоска, драматург Стефан Миленков, костимографијата е на Марта Дојчиновска, сценографијата е на Ненад Тонкин и музиката е на Сашко Костов.

„Немиот келнер“ е политички ангажирана претстава, која зборува преку секојдневните човечки односи и се занимава со процесите и состојбите низ кои поминуваме додека сме обесправени, немоќни и понижени.

Бен и Гас се наоѓаат во подрумска просторија и се во исчекување на насоките за извршување на нивната следна задача. Но, настаните го менуваат својот вообичаен тек. Играат Васко Костовски и Мартин Ѓоргоски.

The post Почнуваат претставите од селекцијата за наградата БИШ на 48. издание на МОТ appeared first on Република.

На третиот ден на Млад отворен театар (МОТ) кој е во тек на Факултатот за драмски уметности (ФФДУ) во 17 часот ќе се одржи разговор со театарскиот продуцент Душан Пернат на ФДУ.

Душан Пернат е театарскиот продуцент и организатор кој повеќе од четири децении работи како менаџер за меѓународни турнеи во „Словененско младинско гледалишче“. Со повеќе од шестотини турнеи во повеќе од триесет земји, во кои беа поставени повеќе од осумдесет претстави, тој значително го оформи меѓународниот идентитет на „Младинско“ и го стави словенечкото театарско творештво на меѓународната мапа.

Разговорот со Душан Пернат, кој ќе зборува за неговите исклучително богати и интересни искуства и различните предизвици на често занемарената професија театарски продуцент, ќе го води Тања Дешко, театарски продуцент, управител на АРТАКТУМ, поранешен раководител на меѓународниот департмент во московскиот театар „Мастерскаја Пјотр Фоменко“.

Вечерва, во 20 часот, во театар Комедија ќе се одржи преставата  „Слугинки“ во режија на Сибел Абдиу. Играат: Селпин Керим, Џенап Самет и Дин Ибрахим.

Бунтот и крикот на младата генерација, која се соочува со низа проблеми и конфликти меѓу луѓето во време кога светскиот капитал е репер за моќ е основниата движека сила на „Слугинки“. Текстот на Жан Жане преку апсурдот го демонстрира самоволието на класните ознаки и вистинската борба на класната нееднаквост.

Слугинки е олицетворение на илузијата во функција на реакција против авторитетите каде што сестрите Соланж и Клер – слугинки на Мадам, преку играње улоги ги демонстрираат сопствените фрустрации и болки од потиснатоста на авторитетите.

Воедно, со инспирација од турскиот традиционален театар наречен „ортаојун“ во претставата ќе се користат кореографии и музика, кои ќе имаат голема улога во стилот на преставата, која може да се класифицира и како физички театар.

The post На третиот ден на МОТ разговор со театарскиот продуцент Душан Пернат на ФДУ appeared first on Република.

Вечерва програмата на МОТ 2023 продолжува со „Браќа Карамазови“ на Загребскиот театар на младите во режија на Оливер Фрлиќ.

Наградуваниот режисер со бројни ангажмани во странство, по 9 години се враќа во ЗТМ (Загребачко казалиште младих) со современа обработка на рускиот класик, Браќа Карамазови, која е во форма на двојна претстава.

Ако публиката гледа само еден дел од претставата, ќе добие заокружена, но делумна приказна. Може да ги гледаат и двата дела и да добијат целосна слика од оваа комплексна линија на дејството поради која овој роман се смета за најцеловитото дело на Достоевски.

Двојноста најдобро е прикажана преку огледалноста на одредени ликови и нивните меѓусебни односи, но и преку сценографските и костимографските решенија, а и кастингот, со кој некои актери играат повеќе ликови, кои меѓусебно се надополнуваат.

Иако досегашните сценски адаптации се држеа подалеку од односот на Аљоша и момчињата од пониските социјални слоеви, во обработката на Фрљиќ тој добива еднакво внимание како и главната линија за браќата Карамазови и нивниот татко.

Претставата ќе биде изведена во Националната опера и балет со почеток во 19.00 часот.

https://www.youtube.com/watch?v=SOtFdi9WvKM&embeds_referring_euri=https%3A%2F%2Fracin.mk%2F&source_ve_path=OTY3MTQ&feature=emb_imp_woyt

The post „Браќа Карамазови“ на Загребскиот театар на младите вечерва на МОТ appeared first on Република.

Со претставата „Декамерон“ во режија на Мартин Кочовски на театарот „Војдан Чернодрински“ од Прилеп, вечерва во Младински културен центар (МКЦ) во Скопје почнува 48. издание на Млад отворен театар – МОТ.

На програмата на годинашното издание, што ќе се одржува до 18 ноември, има вкупно 29 театарски настани, претстави, работилници, промоции и мастерклас-предавања.

„Декамерон“ е претстава полна живот. За жал, секојдневието не е.

Специфичната природа на односи, која ни е зададена во овој период, само ги извлече на површина проблемите на општеството што сме ги имале. Изолираноста на индивидуата, отуѓувањето по секоја основа и класната поделба сега станаа видливи, но постоеле со децении. Истовремено, универзалната тага, солидарноста, сочувството, нè поврзаа сите уште еднаш. Претставата „Декамерон“ стои на хуманистичката платформа на Џовани Бокачо и зборува за човековата волја за живот, радоста од „сега и тука“, за нашата кревкост, но и за силата на човечкиот дух низ ефемерноста на среќата и поуките на трагичноста – велат организаторите.

Следниот ден на сцена ќе има руски реализам, односно „Браќа Карамазови“, во режија на Оливер Фрљиќ на „Загребско казалиште младих“ – ЗКМ од Хрвстаска. На 10 ноември ќе се одржи претставата „Омаж за Каталин Ладик“ од театарот од Словенија, во режија на Ирена З. Томажин, Јуле Флирл.

Како дел од ова програма, меѓудругото, премиерата ќе има и претставата „Поол“ во режија на Шенај Мандек, а во копродукција меѓу минатогодишните добитници на наградата „Биш“ – „Артопиа“ и „Хибрид“. Исто така, ќе биде прикажана и претставата „Геа“ во продукција на „ErosAntEros“ од Италија, меѓународна копродукција во која учествува и МКЦ/МОТ фестивалот, а која е реализирана како најдобар проект на EFFEA-програмата за 2023 година. Во рамките на официјалната програма се уште и продукции од Естонија, Словенија, Германија, Чешка, Турција и Македонија.

Од 16 до 18 ноември, на сцената во Железничката зграда во Скопје ќе биде претставен перформансот/тетараската инсталација во три дела „Градот како сцена II – приказна за шетачот“ на Филип Јовановски.

На 17 ноември пак, ќе се одржи претставата „Евангелие по Ф.М. Достоевски“ во режија на Јернеј Лоренци, а во изведба на Српски народен театар од Нови Сад, Србија.

Мастерклас ќе одржи долгогодишен продуцентот и менаџер за турнеи на Словенско младинско гледалишче од Љубљана Душан Пернат, насловен „Скриената улога на продуцентот“. Како дел од придружната програма е промоција на монографијата за Коле Чашуле на проф. Ана Стојаноска, работилница на режисерот Мираз Метин, а во соработка со „Локомотива“ од Скопје ќе биде реализирана и дискусија – кураторски разговори „Институција која недостасува / Дијалог кој недостасува“.

МОТ и оваа година ќе ја доделува наградата „Биш“, како дел од заложбите на фестивалот за поддршка и промоција на домашната независна сцена.

The post Со „Декамерон“ на прилепски театар вечер почнува 48. издание на МОТ appeared first on Република.

Првата награда БИШ за најдобра претстава меѓу две фестивалски изданија ја доби претставата „ГЛУМиЦИ“ на продукцијата „Артопија“ од Скопје. Во колективот „Артопија" членуваат Наташа Петровиќ, Симона Спировска, Ненад Митевски, Бојан Кирковски, Мартин Јорданоски, Кристина Леловац, Никола Наковски, Никола Ристески.

Тимот на претставата синоќа ја прими наградата во Младинскиот културен центар (МКЦ). Наградата која за прв пат е воспоставена на фестивалот, во чест на основачот, уредникот и таткото на МОТ, Љубиша Никодиновски Биш ја додели тричлено меѓународно жири.

Во вечерта посветена на наградата БИШ се спомна и неговото влијание и значење во градењето на алтернативната театарска сцена во Македонија, но и за тоа каков спомен и заложба остави за идните генерации.

Со претставата „Антитело" на ФДУ, во кино Фросина во 21:30 часот вечерва завршува 47 МОТ, a пред неа се во 12 часот „Градот како сцена" на ФРУ, АКТО, Центар за уметност и урбанизам (Берлин) и Фрлачи на сенки (Загреб), во 18.30 во Галерија МКЦ „Создаваме град, градиме иднина" на Симона Димковска и во 20 часот Under construction на Глеј Театар, Словенија.

The post Наградата БИШ за претставата „ГЛУМиЦИ“ на продукцијата „Артопија“, со „Антитело“ завршува МОТ appeared first on Република.

ПРЕМИЕРА ВО РАМКИ НА 47. МОТ:
„ГРАДОТ КАКО СЦЕНА – ИЗГУБЕНИ МОДЕРНИСТИЧКИ УТОПИИ“
Перформативна инсталација во јавен простор
Автори: Филип Јовановски и Миодраг Куч
Учесници/истражувачи/изведувачи во досегашниот (2021-2022) процес: Миодраг Куч, Филип Јовановски, Јана Брсакоска, Љубиша Арсиќ, Симона Димковска, Кристијан Караџоски, Борис Бакал, Културно ЕХО, City Scope, Луна Шаламон, Дениз Ајдаревиќ, Деница Стојковска како и студентите од архитектонски факултет Скопје: Тамара Џерков, Димитар Милев, Сандра Николовска, Бојана Исијанин, Стефан Танков и студенти од Факултетот за Драмски уметности Скопје: Александар Јовановски, Мартина Данаиловска, Марија Талеска, Мартина Петреска, Иван Вртев.
Продукција: Борис Василески
Кураторска поддршка: Ивана Васева
Соработници на продукција: Александар Јовановски, Денис Ајдаревиќ, Луна Шаламон, Мартина Петреска
Музичка интервенција: Дуо „Алембик“
Локација: Во близина на објектот зграда на поранешна месна заедница во Тафталиџе, спроти основното училиште „Јан Амос Коменски“, ул. „Варшавска“ бр. 23
12:00-13:30 – Прва изведба
13:30-15:00 – Втора изведба
Напомена: Бројот на картите е ограничен. Истите можете да ги подигнете само онлајн преку www.bileti.mkc.mk
Во случај на лоши временски услови понесете си соодветна опрема.

„На 3 јули 1973, во Скопје, е пуштен во употреба еден објект кој припаѓа на бруталистичката постземјотресна архитектура, зградата на месната заедница Тафталиџе и воедно и културен центар, кој што граѓаните го викаат „Домче“. „Домче" е можеби најмалиот бруталистички објект во светот. „Домче“, во првите години по неговата изградба послужил за сместување на семејства чии домови биле разурнати од земјотресот во 1963 година. Овој објект подоцна ја опслужувал и потребата на заедницата на сите жители на населбата... Објектот на ДОМЧЕ е една бетонска хоризонтална скулптура, споменик на сеќавањето на заедницата во Тафталиџе. Кога за првпат го видов објектот во основа, ме потсети на павилјонот на Миес Ван Дер Рое во Барселона или можеби споменикот изграден во чест на Карл Лиебнихт и Роза Луксембург, посветен на револуцијата на Спартакистите од 1919 година во Берлин. Кај споменикот на Миес, трагедијата и херојството како сеќавање на историскиот настан, е претставено преку композицијата на апстрактни форми од тула, потсеќајки на ѕидовите од тула каде ги стрелаа спартакистите.
ДОМЧЕ, објект/скулптура/споменик со чисти и јасни апстрактни форми, бил излиен во бетон, втопен во средината, доле, помеѓу дрвјата, во заедницата, блиску до улицата, на приземје, скоро невидлив, а важен. Во Скопје, бетонот бил израз на оптимизам, светлина, слобода на израз на градот на солидарноста којшто допрва требало да се изгради. Во 1926 година, споменикот од тула на Миес е срушен од нацистите, денес(1990-те), „споменикот" на Кирил Муратовски, ДОМЧЕ, е окупиран(приватизиран) од „капиталистите". Тоа се тие историски аналогии на мачнината. „Текстот" во форма на дванаесет приказни со наслов ДОМЧЕ (можеби) најмалиот бруталистички објект на светот, се пишувани како дел од долгорочниот уметнички интердисциплинарен проект со наслов ГРАДОТ КАКО СЦЕНА - Изгубени модернистички утопии. Проектот преку методологијата на читање на објектот, користејќи различни пристапи на истражување и вклучување на заедницата и експертите од различни области, користејќи сценски средства, јавниот простор го трансформира во сцена на која се „изведуваат" проблемите на заедницата. Приказните се пишувани низ процес на истражување, работни средби, работилници како и користење на архиви, библиотеки, видео и аудио интервјуа со корисници на просторот, разговори, архивски приватни видеа и фотографии од граѓани кои биле дел од животот во ДОМЧЕ.“

Продукција:
ФРУ/АКТО фестивал за современа уметност www.akto-fru.org/en/
Центар за уметност и урбанизам (Берлин) www.zku-berlin.org/
Фрлачи на Сенки (Загреб) www.bacaci-sjenki.hr/en/about/

The post Премиера на „Градот како сцена: Изгубени модернистички утопии“ во рамки на 47. МОТ appeared first on Република.