Претседателката Гордана Сиљановска Давкова, вчеравечер се обрати на младинската дискусија „Nextgen перспективи: Младинска (Ре)акција!“, што по повод 12 август, Меѓународниот ден на младите, се одржа во Вила Билјана во Охрид.

Темата на настанот, во коорганизација на Националниот младински совет на Македонија и Кабинетот на претседателот, а со поддршка на Британската амбасада во Скопје, беа младинските перспективи и визиите на младите за лидер и лидерство.

За време на дискусијата беа споделени размислувања, идеи и визии на младите кои доаѓаат од граѓанските организации за состојбата со младите и младинското организирање кај нас.

Претседателката Сиљановска Давкова рече дека не може за младите да се одлучува без младите и како што нагласи, многу логично е во процесот на одлучување, кога одредено прашање се однесува на младите, тие да кажат како го замислуваат решението.

Можеби е добро да ги земете работите во свои раце, да бидете субверзивни, бидејќи еднаш ќе ве прескокнат, меѓутоа не може секогаш. Ако зад вас стојат моќни организации, тогаш и вашиот збор и вие ќе бидете чуени. Мислам дека клучната улога ја имаат младите. Без ум, без знаење, без креација, без непослушност, промени нема, рече претседателката Сиљановска Давкова, порачувајќи дека само одлуките во кои учествуваат младите можат да водат сметка за иднината во која клучниот збор ќе го имаат младите.

Во своето обраќање на настанот, британскиот амбасадор Метју Лосон посочи на заложбите за поддршка на младите луѓе.

Британската амбасада е одлучна во поддршката на младите луѓе низ целата земја. Нашата посветеност вклучува зајакнување на младите девојки и жени, како и препознавање на критичната улога што ја играат во градењето на инклузивни и отпорни заедници. Продолжуваме да работиме заедно со голем број партнери со цел да ги опремиме младите со неопходното знаење, вештини и искуства потребни за нивно напредување, како професионално, така и лично. На овој Меѓународен ден на младите, ми претставува огромно задоволство што ги славиме нашите достигнувања и нашите придонеси заедно со претседателката, партнерите и младинските организации. Ќе продолжиме да работиме заедно на овие важни прашања“, рече амбасадорот Лосон.

Претседателот на НМСМ, Филип Ивковски рече дека радува можноста за Меѓународниот ден на младите да им се овозможи на младите простор да разговараат за своите потреби и интереси со носители на одлуки.

Се надеваме дека ова нема да биде ретка можност туку стандардна практика преку која младите секогаш ќе бидат дел од одлуките кои ги засегаат  нив. Затоа и Националниот младински совет на Македонија веќе една деценија работи на креирање политики и мерки за млади издвојувајќи ги Законот за младинско учество и младински политики, Стратегијата за млади, Стратегијата за ментално здравје кај млади како позначајни системски решенија. Предизвиците се' уште остануваат бројни, но секогаш нашата работа е водена од најдобриот интерес на секој млад човек и никој да не остане заборавен на маргините на општеството, рече Филип Ивковски, претседател на НМСМ.

Меѓународниот ден на младите кој се одбележува секоја година на 12 август е прогласен од Обединетите нации со идеја за подигање на свеста за младите и младинските прашања. Целта на денот е да се сврти вниманието на јавноста за одредени културни, социјални и правни прашања околу младите.

The post Сиљановска Давкова: Во процесот на одлучување, кога одредено прашање се однесува на младите, тие да кажат како го замислуваат решението appeared first on Република.

The post Амбасадорот Метју Лосон го честиташе Св. Кирил и Методиј: Нивниот придонес и дело е од непроценливо значење за македонскиот јазик, култура и писменост appeared first on Република.

Претседателката Гордана Силјановска Давкова денеска ги прими амбасадорката на Украина во Македонија, Лариса Дир и амбасадорот на Обединетото Кралство на Велика Британија и Северна Ирска, Метју Лосон.

Како што се наведува во соопштението, на средбата со Дир било изразено задоволство од традиционалните пријателски односи, засновани на заемна почит и меѓусебно разбирање. Претседателката Сиљановска Давкова ја нагласила нејзината заложба за продлабочување на соработката во сите области од заеднички интерес, реафирмирајќи ја поддршката за Украина против руската агресија, со која се поткопува европската глобална безбедност и стабилност.

Двете соговорнички, како што се посочува, размениле мислења и за стратешките определби и перспективите на двете земји, истакнувајќи ја потребата од натамошна заемна помош, споделување искуства и експертиза. Силјановска Давкова ја нагласила македонската поддршка за Украина на нејзиниот пат кон Европската Унија и НАТО.

Амбасадорката Дир, упатувајќи честитки за изборот на претседателката Силјановска Давкова ѝ посакалс успешно извршување на функцијата.

На средбата со Лосон, како што информира Кабинетот на претседателката, беа разменети мислења за севкупните билатерални односи меѓу двете држави. Силјановска Давкова истакна дека нашата држава придава особено значење на развојот на пријателските односи и соработката со Обединетото Кралство, вклучувајќи го сојузништвото во НАТО алијансата.

Претседателката посочи на нејзината подготвеност за натамошно унапредување на билатералната соработка со Обединетото Кралство во сите сфери од заемен интерес.

Како држава особено ја цениме британската поддршка во исполнувањето на стратешката цел – членство во Европската Унија, која продолжи и по Брегзит, се вели во соопштението од претседателскиот кабинет.

Амбасадорот Лосон на претседателката Силјановска Давкова и предаде честитка од Кралот Чарлс Трети по повод нејзиното стапување на функцијата, во која упатува најискрени честитки за нејзиниот избор.

Уверен сум дека ќе го вложите целиот Ваш капацитет за време на Вашиот мандат како претседател за справување со големите предизвици на нашето време, почнувајќи од справувањето со климатските промени до продлабочувањето на евроатлантската интеграција на Македонија. Многу сум задоволен што нашите две земји имаат воспоставено цврсти трговски и безбедносни односи. Оттука, се надевам дека за време на Вашиот мандат како претседател односите, кои се веќе толку блиски, уште повеќе ќе се продлабочат, се вели во честитката од кралот Чарлс Трети.

The post Амбасадорите на Обединетото Кралство и Украина на прием кај претседателката Силјановска Давкова appeared first on Република.

Не треба да дебатираме дали постои македонскиот јазик. Го зборуваме, го предаваат на нашите универзитети, се пишуваат деловни договори на македонски јазик, рече амбасадорот на Велика Британија, Метју Лосон, на вечерашното одбележување на роденденот на британскиот крал Чарлс Трети во Скопје.

Ми се чини дека секој што негира дека постои македонскиот јазик не му кажал на Виз Ер, бидејќи секој месец се пријавувам на македонски јазик за мојот лет кога се враќам дома. Ова е мојот начин, нашиот британски начин да кажеме, „ние сме ваши партнери, пријатели и сојузници, продолжуваме да го негуваме нашето пријателство и понатаму, рече Лосон.

По повод одбележувањето и на 30 години партнерство и дипломатски односи меѓу двете земји, амбасадорот рече дека секогаш ќе ја поддржуваат Македонија како рамноправен партнер.

Секогаш ќе ја поддржуваме Македонија како рамноправен партнер во трговијата, инвестициите, во НАТО, ОБСЕ, Обединетите Нации. Нашето партнерство се протега и во вашата култура, јазик и историја. Ние сме горди на нашата историја и нашиот јазик во Обединетото Кралство, особено оваа година со крунисувањето на нашиот нов крал и разбираме и почитуваме дека и вие сте горди за вашиот јазик и вашата историја, дополни Лосон.

Специјалниот британски претставник за Западен Балкан, Стјуарт Пич, на настанот што се одржа во Музеј на современа уметност во Скопје, истакна дека се гордеат што и Македонија стои со Украина, не само со тоа што е значаен билатерален донатор, туку и со тоа што придонесува на пошироката европска безбедност преку НАТО.

Како специјален претставник, дел од мојата улога е да промовирам отпорни и отворени општества. Додека беснее војна во Украина, на едвај 700 километри оттука, ова никогаш не било поважно. Стоиме заедно со Украина соочени со руската агресија затоа што веруваме во демократијата и меѓународниот систем заснован на правила. Горди сме што и Македонија стои со Украина, не само со тоа што е значаен билатерален донатор, туку и со тоа што придонесува на пошироката европска безбедност преку НАТО, рече Пич, дополнувајќи дека вежбата „Брз одговор 22“ која се одржа минатата година беше јасен показател на оваа посветеност.

Тој рече дека  Македонија игра водечка улога на меѓународно ниво не е само преку НАТО.

Македонија претседава со ОБСЕ во време кога Русија се обидува да го поткопа пристапот на организацијата базиран на консензус. Го поздравувам ова лидерство и одбрана на основните принципи на ОБСЕ - отсуство од употреба на сила, почитување на суверенитетот, територијалниот интегритет и заштита на основните права и слободи, рече Пич.

Тој сподели дека политичката посветеност на реформите е клучна и Обединетото Кралство работи заедно со Македонија во поддршка на институциите, граѓанското општество, слободните медиуми, истовремено промовирајќи го почитувањето на човековите права вклучително и родовата еднаквост.

Нашата програма Чивнинг им даде шанса на над 200 граѓани да студираат на престижни британски универзитети. Стабилното инвестициско опкружување и пазарот на трудот ја поткрепуваат стабилноста. Македонија е најголемиот трговски партнер на Обединетото Кралство во Западен Балкан, во 2022 година вкупната трговска размена изнесуваше 2,3 милијарди фунти со значителни инвестиции од британските компании како Џонсон Мети, Сопро и Централ Ејжа Металс, рече Пич.

Тој информираше дека наскоро ќе биде отворена бизнис комора на Обединетото Кралство/Македонија, што ќе им овозможи на другите да ги споделат плодовите од ова партнерство.

Да резимираме, ќе продолжиме да стоиме заедно со сите граѓани на Македонија кои работат на обезбедување стабилна иднина во срцето на евроатлантската заедница. Ќе ве поддржиме во градењето на робусни институции за поддршка на оваа цел, во развојот на економијата и создавањето на работни места за обезбедување на посветла иднина на следната генерација, рече Пич.

Во рамките на одбележувањето на роденденот на британскиот крал Чарлс Трети во Скопје денеска се одигра и фудбалски натрпевар помеѓу женската селекција на С Македонија и армиската екипа на Велика Британија.

The post Лосон: Нема потреба да дебатираме дали постои македонскиот јазик appeared first on Република.

Претседателот на Демократската унија за интеграција, Али Ахмети, денес оствари средба со амбасадорот на Велика Британија во земјата, Метју Лосон.

Ахмети и Лосон поразговараа за политичкиот моментум, важноста на политичката стабилност, европската алијанса на прогресивните сили, единството за усвојување на уставните измени без пролонгирање и целосниот фокус на земјата во спроведување на реформите за забрзување на процесот на интеграција во Европската Унија.

Ахмети изрази благодарност за поддршката што британската држава отсекогаш ја давала на процесите за демократски и економски развој на земјата, на членството во НАТО и интеграцијата во Европската унија, како и за конструктивната поддршка во надминувањето на споровите во духот на добрососедството и унапредување на европскиот пат.

Ахмети го информираше амбасадорот Лосон за информативните средби што Демократската унија за интеграција ги одржува со граѓаните под мотото “Заедно кон Европа“ за да се пренесе јасна порака за здружување на силите во мисијата за интеграција.

Сојузот за Европа на прогресивните партии е иднината, нагласи меѓу другото Ахмети.

Амбасадорот Лосон ја повтори британската поддршка за европската интеграција на Македонија, како и на реформите во земјата, но и на големиот интерес за зголемување на британските инвестиции во нашата земја.

The post Ахмети на средба со британскиот амбасадор: Сојузот за Европа на прогресивните партии е иднината appeared first on Република.

Претседателот на ВМРО-ДПМНЕ, Христијан Мицкоски денеска заедно со потпретседателите Александар Николоски и Владо Мисајловски оствари средба со новиот амбасадор на Обединетото Кралство на Велика Британија во Република Македонија, Метју Лосон.

Мицкоски му посака добредојде и му честита за назначување на функцијата и упати благодарност за континуираната поддршка од страна на Обединетото Кралство на Велика Британија, потенцирајќи дека во интерес на државата и граѓаните потребно е продлабочување на соработката и добрите односи меѓу двете земји.

На средбата се разговараше за актуелната политичка и економска состојба, како и за енергетската криза.

Мицкоски рече дека власта лошо менаџира со институциите и тоа е една од причините зошто Македонија се соочува со енергетската криза, објаснувајќи дека доколку се направи на време план за модернизација на производните капацитети со кои располага тогаш Македонија наместо увозно зависна земја, ќе има доволно електрична енергија да извезува.

Во однос на надворешната политика, Мицкоски го информираше амбасадорот Лосон дека ВМРО-ДПМНЕ е партија на народот и работи исклучиво во интерес на граѓаните и за зачувување на државните и национални интереси, укажувајќи дека има визија, план и конкретни политики кои ќе ја изнесат Република Македонија на прав пат.

Мицкоски се заблагодари на амбасадорот Лосос за средбата и истакна дека се надева ваквите средби ќе продолжат и во иднина со цел плодотворна соработка.

The post Мицкоски оствари средба со амбасадорот на Обединетото Кралство на Велика Британија во Македонија appeared first on Република.

Министерот за животна средина и просторно планирање Насер Нурдини оствари прва протоколарна средба со новименуваниот амбасадор на Обединетото Кралство Метју Лосон.

По срдечното добредојде и искажаните желби за успешен дипломатски мандат министерот Нуредини се осврна на добрата соработка на двете држави во заштита на животната средина со фокус на климатските промени и остварување на амбициозните климатски цели, информираат од МЖСПП.

На средбата, како што е наведено во соопштението, соговорниците размениле информации за активностите реализирани согласно заклучоците на минатогодишната Конференција на страните на UNFCCC, COP 26 што се одржуваше во Глазгов под покровителство на Обединетото Кралство.

На средбата станало збор и за предизвиците со кои се соочуваат државите пред новиот COP 27 што во ноември ќе се одржи во Египет, особено заради глобална енергетска криза.

Во оваа прилика министерот Нуредини ги претстави цврстите стратешки определби на Министерството, но и на државата и во услови на енергетска криза да се движат кон остварување на националните климатски цели, трансформација на економијата кон зелена економија и кон транзиција кон обновливи извори на енергија, се наведува во соопштението.

The post Нуредини: Не отстапуваме од зелената транзиција, само го успоривме темпото appeared first on Република.

Работната недела на британскиот амбасадор во земјава Метју Лосон, кој неодамна стапи на функцијата, му започна со добивање сертификат за положен испит по македонски јазик, ниво Ц1.

За ова тој се пофали на социјалните мрежи велејќи дека му претставува чест и задоволство да го учи македонскиот јазик.

🇲🇰Одличен почеток на неделата со сертификат за положен испит по македонски јазик. Ми претставува чест и задоволство што го учам овој прекрасен јазик. pic.twitter.com/EWG2VOjIAE

— MatthewLawsonUK (@MatthewLawsonUK) October 17, 2022

Многу сум среќен што положив испит по македонски јазик, Ц1. Ова е доказ од Министерството. Негувајте ги вашите јазик и вашата култура, вели Лосон во видеопорака зборувајќи на македонски јазик.

Ова не е првпат новиот британски амбасадор да објави видеопорака во која зборува на македонски. Неговото прво видеообраќање, како и честитката за 11 Октомври – Денот на народното востание беа на македонски јазик.

The post Британскиот амбасадор во Македонијa се пофали со положениот испит по македонски јазик appeared first on Република.

Британскиот амбасадор во земјава, Метју Лосон положил испит за познавање на македонски јазик, ниво Ц1.

Многу сум среќен што положив испит по македонски јазик, Ц1. Ова е доказ од Министерството. Негувајте ги вашите јазик и вашата култура, амбасадорот во порката на Македонски јазик, објавена Твитер.

🇲🇰Одличен почеток на неделата со сертификат за положен испит по македонски јазик. Ми претставува чест и задоволство што го учам овој прекрасен јазик. pic.twitter.com/EWG2VOjIAE

— MatthewLawsonUK (@MatthewLawsonUK) October 17, 2022

The post Британскиот амбасадор положи испит по македонски јазик: Негувајте ги вашиот јазик и култура appeared first on Република.

Заменик-претседателот на Владата задолжен за економски прашања, координација на економските ресори и инвестиции, Фатмир Битиќи, денеска се сретна со новоназначениот амбасадор на Обединетото Кралство Метју Лосон.

На почетокот на средбата вицепремиерот Битиќи му посака добредојде во нашата земја и изрази сочувство за смртта на Нејзиното Величество, кралицата Елизабета Втора, со желби за успех и добро здравје на Неговото Величество, кралот Чарлс Трети.

Вицепремиерот Битиќи и Амбасадорот Лосон, разговараа за економските приоритети на Владата, тековната и идна економска соработка помеѓу двете земји како и можностите за развој на истата истакнувајќи дека Обединетото Кралство се традиционално силни економски и партнери во развојот на нашата земја.

Амбасадорот Лосон се заблагодари за топлиот прием и надеж дека партнерскиот однос и добрата соработка ќе продолжи и во неговиот мандат, истакнувајќи дека Обединетото Кралство е еден од најголемите странски директни инвеститори во земјава.

Вицепремиерот Битиќи се заблагодари на досегашната поддршка што Обединетото Кралство ја нуди во развојот на земјава, реализирајќи неколку проекти преку кабинетот на вицепремиерот за економски прашања, како Единицата за следење на (капиталните) инфраструктурни проекти и креирањето на Националната Развојна Стратегија 2022 – 2042.

The post Битиќи – Лосон: Обединетото Кралство е доверлив партнер во развојот на нашата земја appeared first on Република.

Метју Лосон е именуван за нов британски амбасадор во Република Македонија.

Тој ќе стапи на должност на местото на актуелната амбасадорка Рејчел Галовеј, чиј мандат истекува во јули годинава.

Лосон во Скопје доаѓа по амбасадорската функција во Душанбе, Таџикистан. Во неговата биографија се наведува дека ја вршел и функцијата заменик-шеф на британската мисија во Босна и Херцеговина од 2015 до 2018 година, а имал дипломатска служба и во Канада од 2013 до 2015 година.

Новиот британски амбасадор работел и како шеф на Одделот за Јужна Азија и Авганистан при Министерството за надворешни работи и Комонвелт од 2009-2011.

The post Метју Лосон е именуван за нов британски амбасадор во Македонија appeared first on Република.