Уште една трагедија го потресе македонскиот ракомет, кој повторно е завиен во црно по смртта на Горан Станковиќ.

Поранешниот ракометар, а сега ракометен работник, ја загуби најважната животна битка и почина на 50 годишна возраст.

Станковиќ беше дел од раководството на тимот на Јуниор Кисела Вода, а претходно беше најавувач на натпреварите на Металург во Автокоманда и СЦ „Борис Трајковски“. Публиката најмногу го памети кога го најавуваше „ѕвезденот“ тим на Лино Червар и ракометарите Дарко Станиќ, Ренато Вугринец, Филип Миркуловски, Наумче Мојсоски, Ванчо Димовски...

The post Почина легендрниот спикер на Металург appeared first on Република.

Претседателката на Металург, Зорица Блажевска зборуваше на прес-конференцијата по повод суспензијата од Суперлигата. Ракометната федерација на Македонија реагираше по упатствата на Европската ракометна федерација (ЕХФ) и поради неисплатените плати и тужбите од Шпенде и Кастратовиќ, клубот од Автокоманда беше санкциониран.

Блажевска откри дека долгот на Металург е 65.000 евра, но истиот ќе биде повисок ако се пресметаат сите плати кои Кастратовиќ ги бара (90.000 евра). Според неа, доколку не беше ковид-кризата сè ќе беше поинаку, а нагласи дека и Минчо Јорданов сè уште не се откажал од клубот.

Долгот на клубот е 65.000 евра за овие два случаи (Шпенде и Кастратовиќ), но доколку се додадат и сите плати што ги бара Кастратовиќ, таа бројка би била 90.000 евра. Минчо Јорданов инвестираше пари кога најмногу требаше. Не може да се оспори неговата поддршка. Да не беше ковид-кризата работите ќе беа поинакви. Сите гледаат да ги спасат своите бизниси. Можам само да потенцирам дека Минчо Јорданов не се откажа од Металург, изјави Блажевска на денешната прес-конференција.

Металург мора да ги реши проблемите и да најде заеднички јазик со Ракометната федерација на Македонија (РФМ) и Европската ракометна федерација (ЕХФ) пред да се врати на терените. Доколку не успее во тоа, многу лесно може да заврши во вториот ранг на македонскиот ракомет.

The post Металург има долг од 90 илјади евра, потврди претседателката на клубот Зорица Блажевска appeared first on Република.

РК Металург е суспендиран од настапи во Суперлигата по барање на ЕХФ, а клубот од Автокоманда нема право на настапи во лигата се до надминување на долговите кон поранешните играчи и тренери.

Ова е сериозен удар за некогашната ракометна гордост на Македонија, Металург е во криза, а раководството за денес најави прес-конференција на која ќе бидат обелоденети сите детали поврзани со моменталната ситуација во која се наоѓа повеќекратниот првак на Македонија.

Деталите се очекуваат во 11 часот, Металург се надева на разрешување на сериозните проблеми.

The post Металург на прес-конфренција ќе објаснува што се случува во клубот appeared first on Република.

Поранешниот македонски ракометен репрезентативец, Игор Котевски е назначен за нов тренер на Металург.

Котевски е нов тренер на Металург. Ова значи негово враќање во Автокоманда, откако претходно го водеше и Металург 2, објави клубот од Автокоманда.

Котевски на тренерската позиција во Металург ќе го наследи Иван Марковски.

Во својата тренерска кариера, Котевски пред доаѓањето во Металург работеше во неколку младински екипи, како и со првите тимови на Бутел и Голден Арт.

The post Игор Котевски е нов тренер на Металург appeared first on Република.