Повеќе од 60 години по смртта на атрактивната актерка Мерлин Монро создадена е нејзината дигитална верзија со помош на вештачка интелигенција. Технолошката компанија за вештачка интелигенција „Соул машинс“ на технолошката конференција на фестивалот „Саут бај Саутвест“ во Остин, Тексас го претстави проектот „Диџитал Мерлин“.

Како што велат ова е интерактивно искуство во кое таа ќе „споделува анегдоти, па дури и испраќа персонализирани честитки, создавајќи незаборавно искуство за обожавателите на Мерлин“.

Прикажана на компјутерскиот екран во црн џемпер и нејзината позната фризура, дигиталната двојничка на познатата актерка ќе разговара со заинтересираните искажувајќи ги своите мислења и емоции „во гласот и стилот на Мерлин“.

За време на неодамнешниот тест, дигиталната Мерлин Монрло зборуваше за нејзината омилена улога, ликот Шугар во комедијата „Некои го сакаат тоа жешко“ од 1959 година, запирајќи и замислено гледајќи надолу пред да одговори.

Таа одговори дека смета дека секси, но ранливиот лик е „предизвикувачка, но наградувана улога“, и ги препорача нејзините други комедии како „Мажите претпочитаат русокоси“.

„Секој разговор со Мерлин е посебно чувство“, вели Грег Крос, ко-основач и директор на компанијата.

https://www.youtube.com/watch?v=GJ9X26AZNAI

The post Вештачката интелегенција ја оживеа Мерлин Монро: Зборува и изгледа како славната актерка appeared first on Република.

Една од  најпознатите српски актерки падна во рамките на истрагата за злосторствата на Кавачкиот клан дознава „Република.рс“.

-Кога оперативците на Европол и Евроџаст во соработка со МВР на Србија ги искршиле шифрираните телефони со апликацијата Скај, кои ги користеле членовите на кланот, наишле и на кодното име Мерлинка. Преку вкрстена комуникација и долга оперативна работа утврдија дека тоа е звучно име од филмот и од малите екрани.

Таа стапила во интимни односи со политичари, бизнисмени и други јавни личности, а потоа ги уценувала со помош на членови на кланот. Исто така, на нејзиниот шарм не останале имуни и некои високи полициски функционери од кои извлекувала информации за текот на истрагата, кој бил под лупа на МУП и какви дејствија се планираат.

The post Шифра „Мерлинка“: Eдна од најпознатите српски актерки работела за Кавачкиот клан appeared first on Република.

Продукциската и „стриминг“ куќа Нетфликс го објави официјалниот трејлер за биографскиот филм Blonde чија режија ја потпиша Ендрју Доминик, во кој една од најубавите жени во светот, Ана де Армас, ја игра холивудската, модна и шоубизнис икона Мерлин Монро.

Филмот, базиран на бестселерот „Русокоса“ на Џојс Керол Оутс, ќе ја доживее светската премиера во конкуренција на филмскиот фестивал во Венеција. „Русокоса“ е еден од најочекуваните наслови што ќе се натпреваруваат на фестивалот во Венеција. Шефот на Канскиот филмски фестивал Тиери Фремо претходно изјави дека се обидел да го вклучи во програмата за 2022 година, но не успеал да постигне компромис со Нетфликс.

https://www.youtube.com/watch?v=aIsFywuZPoQ

The post Објавен трејлер за биографскиот филм за Мерилин Монро appeared first on Република.

Нетфликс објави дека новиот биографски, но „фикционализиран“ филм за Мерилин Монро, со кубанско-американската глумица Ана де Армас во главната улога, е завршен и ќе биде објавен на стрим-платформата оваа 2022 година. Tочниот датум на објавување не е соопштен.

Филмот за славната Норма Џин (со уметничко име Мерилин Монро), насловен „Русокоса“ (Blonde), доби назнака 17 плус. Во него глумат и Адриан Броди, Боби Канавејл, Каспар Филипсон како Џон Кенеди и др.

Режијата е на Ендрју Доминик, кој го напиша и сценариото врз основа на романот на Џојс Керол Оутс.

Ана де Армас деновиве е актуелна со филмовите „Џејмс Бонд 007: Не е време за умирање“ и еротскиот трилер „Длабока вода“ во којшто глуми покрај поранешното момче Бен Афлек.

The post Завршен новиот биографски, но „фикционализиран“ филм за Мерилин Монро appeared first on Република.

Аукциската куќа „Кристи“ објави дека во мај ќе се продава портрет на Мерилин Монро од американскиот поп-арт“ уметник Енди Ворхол. Сликата е проценета на 200 милиони долари.

Станува збор за делото „Shot Sage Blue Marilyn“ („Мудрата Мерилин во сино“) насликано 1964 година, соопштија од „Кристи“. Познатата слика сега ѝ припаѓа на Фондацијата на Томас и Дорис Аман од Цирих. Средствата ќе бидат наменети за децата ширум светот и подобрување на животот преку здравствени и образовни програми.

Сите приходи ќе одат во добротворни цели, соопшти аукциската куќа.

Енди Ворхол (1928 – 1987) се смета за еден од најважните претставници на „поп-артот“. Насликал обвивки за неколку прехранбени производи, меѓу кои и „Кока-кола“. Познат е и по портретите на холивудските икони, а осмислил и омоти за два албума на рок-групата „Ролинг стоунс“.

The post Портрет на Мерилин Монро на аукција во „Кристи“, проценет е на 200 милиони долари appeared first on Република.