Денес, со почеток во 18:00 часот во Кинотека на Македонија ќе биде прикажан филмот „Мементо“.

МЕМЕНТО ја имаше својата премиера на филмскиот фестивал во Венеција. Набргу потоа, филмот се здоби и со награда на фестивалот САНДЕНС, како и со номинации за Оскар. Филмскиот автор Стивен Содерберг, со корени во независното и експериментално кино, ги препозна овие тенденции во МЕМЕНТО и се наметна како еден од главните промотери и подржувачи на филмов во филмските кулоари. И критиката одлично реагираше на втората кино-објава на браќата Нолан, потенцирајќи ја нелинеарната раскажувачка структура, издржаната глума и прецизната, внимателна режија. Во 2017 година, американскиот национален институт го препозна МЕМЕНТО како битен филм од почетокот на новиов милениум, селектирајќи го за кинотечно архивирање во официјалната-конгресна архива.

МЕМЕНТО
(Memento)
Игран филм, САД
2000, 113 мин, 35 мм
Режија: Кристофер Нолан (Christopher Nolan)
Сценарио: Џонатан Нолан (Jonathan Nolan)
Улоги: Гај Пирс, Кери Ен-Мос, Џо Пантолиано (Guy Pearce, Carrie-Anne Moss, Joe Pantoliano)
Директор на фотографија: Воли Фистер (Wally Pfister)

Леонард Шелби, поранешен истражител од социјалната служба, страда од тешка форма на амнезија. По преживеаната незгода, животот целосно му се менува. Тој постојано користи забелешки и писма, се опседнува со идејата за одмазда. Започнува и своевидна одмаздичка мисија – трага по човекот за кого верува дека ја убил неговата сопруга. Но дали е сè онака како што тој си претставува? Лавиринтот на сеќавања и случувања, полека но сигурно, започнува да се разоткрива…

Комплексниот филмски наратив Мементо е во самата своја суштина нео-ноар филм со елементи на мистерија и психолошка драма. Режисерот Кристофер Нолан го развил сценариото за филмот, адаптирајќи ја кратката новела потпишана од неговиот брат Џонатан Нолан. Главната улога ја толкува актерот Гај Пирс, родум од Австралија. Во филмот се појавуваат и Кери Ен-Мос и Џо Пантолиано, препознатливи во пошироката јавност по нивното учество во култниот филмски серијал МАТРИКС.

The post „Мементо“ денеска во Кинотека на Македонија appeared first on Република.

По одличниот прием во Музејот на современа уметност (МОМА) во Њујорк, македонскиот игран филм „Мементо“ утре, на 11 октомври,ќе биде прикажан и во Филмотека Еспањола - шпанската кинотека во Мадрид. Истиот ден, во чест на националниот празник 11 Октомври, Кинотеката на Македонија ќе го прикажува МЕМЕНТО бесплатно, на својот официјален „Јутјуб“ канал (https://youtu.be/LXbtrhh-IY0).

Од Кинотека велат дека веќе можеме да кажеме дека Мементо прераснува во филмска класика, дел од светското кинематогрaфско наследство, бидејќи за помалку од година дена имаше повеќе од 5 проекции на различни локации и континенти. Само минатиот месец беше прикажан како дел од програмата на МОМА посветена на југословенскиот црн бран, а беше дел и од европскиот проект „Сезона на филмски класици“, кој пак, четврта година по ред, ја вбројува нашата Кинотека во друштвото на европските кинотеки кои имаат за цел да го промовираат и популаризираат филмското архивско богатство на Европа.

За македонската публика, дигитализираната верзија на филмот Мементо на 26 јули оваа година имаше своевидна домашна „премиера“, а истиот ден имаше и онлајн проекција – стриминг кој одеше истовремено и на официјалната интернет страница на Кинотеката, и на социјалните мрежи Фејсбук, Инстаграм и Јутјуб.

Како што понатаму наведува Кинотека, во очекување е и премиерното телевизиско прикажување на Мементо на Арте каналот - европскиот ТВ-канал за култура, што ќе се случи некаде во првата половина на 2024 година. Во моментов се работи на дигитална реставрација на филмот и токму гледачите на Арте ќе имаат чест премиерно да го погледнат освежениот и реставриран Мементо.

Мементо е втор игран филм на Димитрие Османли снимен во 1967 година, и ја раскажува приказна за Јана – која низ разговори и реминисценција со германскиот диригент Вили Милер – се присеќава на своето минато и семејната трагедија која ја доживеала во катастрофалниот земјотрес во Скопје.

The post „Мементо“ на Димитрие Османли ќе биде прикажан за шпанската публика appeared first on Република.

Во мултимедијалната сала на Градската библиотека „Јурај Шижгориќ“ во Шибеник вечер ќе се одржи проекција на македонскиот игран филм „Мементо“ (1967). Главните улоги ги толкуваат Рената Фрајскорн и Стево Жигон, а режијата е на Димитрие Османли.

Овој проект е во организација на здружението Хрватско-македонска тангента. На гостите, како што е најавено, ќе им се обратат претседателот на Хрватско-македонската тангента Сашо Георгиевски и политичарот Тито Петковски.

На 11 септември, „Мементо“ беше официјално прикажан во престижниот МоМА, Музејот на современа уметност во Њујорк, во програма посветена на југословенските авторски филмови од 1960-тите. Пред тоа „Мементо“ ја имаше својата „втора премиера“, односно премиерната проекција на дигитализирана копија од филмот како дел од програмата на третото издание на „Сезона на филмски класици“ - проект на Европската асоцијација на кинотеки (ACE - Association des Cinémathèques Européennes), финансирана од програмата МЕДИА на Европската комисија, заедно со серија проекции во европските филмски центри.

Набргу по онаа во Шибеник, проекцијата ќе се одржи во шпанската кинотека во Мадрид. Неодамна филмот беше прикажан и во Културно-информативниот центар на градот Загреб.

На страницата МоМА за „Мементо“ на Османли пишува дека „...филмот е за совеста и се карактеризира со една од најдобрите монтажи досега изведени на целулоидна филмска лента“, како и дека силно потсетува на делата на францускиот филмски мајстор Ален Ресне.

„Земењето на земјотресот како почетна точка за критички размислувања за прашања како што се холокаустот, нуклеарните катастрофи и Виетнамската војна - Мементо е калеидоскоп на 20 век, како и лична потрага по мир во овој турбулентен свет“.

Во трауматскиот дискурс, филмот добива актуелност со новите трагични искуства како што се катастрофалните земјотреси во Турција и Сирија и последната катастрофа што го погоди Мароко, но и во секој елемент на масовно човечко страдање...

The post Проекција на македонскиот игран филм „Мементо“ во Шибеник appeared first on Република.

Од 7 до 21 септември во Музејот на модерна уметност (МОМА) во Њујорк ќе се одржи ретроспектива на југословенскиот филмски црн бран насловена како „Од црн бран до бел зрак“. Селекцијата на репрезентативни филмови ја подготвија Мина Радовиќ, млад филмски критичар, кустос и архивист, како надворешен соработник, и Дејвид Кер, куратор во Одделението за филм во МОМА, а во соработка со кинотеките од регионов – Југословенската, Босанската, Македонската и Хрватската, како и со Словенечкиот филмски центар (https://www.moma.org/calendar/film/5607).

Покрај македонскиот МЕМЕНТО на Димитрие Рули Османли, во  рамки на оваа ретроспектива  ќе бидат прикажани уште 14 други наслови -  ТРИ (Александар Петровиќ, 1965), ПОНЕДЕЛНИК ИЛИ ВТОРНИК (Ватрослав Мимица, 1966), ЉУБОВНИОТ СЛУЧАЈ ИЛИ ТРАГЕДИЈАТА НА СЛУЖБЕНИЧКАТА ВО П.Т.Т. (Душан Макавејев, 1967), ТАНЦУВАЈЌИ НА ДОЖДОТ (Боштјан Хладник, 1961), ПЛАДНЕ (Пуриша Ѓорѓевиќ, 1968), КОГА ЌЕ БИДАМ МРТОВ И БЕЛ (Живојин Павловиќ, 1967), ПРАЗНИК (Ѓорѓе Кадијевиќ, 1967), СОБИРАЧИ НА ПЕРДУВИ (Александар Петровиќ, 1967), РОЈ (Миодраг Поповиќ, 1966), МАЛИ ВОЈНИЦИ (Бахрудин Ченгиќ, 1967), ЧУДНА ДЕВОЈКА (Јован Живановиќ, 1962), НЕ СЕ ВРАЌАЈ ПО ИСТИОТ ПАТ (Јоже Бабиќ, 1965),  СВЕТИОТ ПЕСОК (Мирослав Антиќ, 1968) и омнибусот ГРАД (Бабац / Павловиќ / Ракоњац, 1963).  

МЕМЕНТО е втор игран филм на Османли (1927, Битола - 2006, Скопје), еден од пионерите на македонската професионална и организирана филмска продукција. Во текот на својот работен век ги има снимено ЖЕД (1971) и АНГЕЛИ НА ОТПАД (1995), како и првата македонска филмска комедија МИРНО ЛЕТО (1961), а режирал и бројни ТВ и радио-драми, тв-серии, музичко-забавни емисии, театарски претстави, кратки филмови и репортажи. Автор е и на неколку сценарија, а неговиот краткометражен БУНТ НА КУКЛИТЕ (1957) минатата година беше прикажан на реномираниот фестивал Il Cinema Rittrovato во Болоња, Италија, како дел од програмата подоготвена од истиот Радовиќ кој стои зад циклусот на Југословенскиот црн бран во МОМА (https://kinoteka.mk/бунт-на-куклите-на-отворањето-на-фе/).

На веб-страницата на МОМА, за МЕМЕНТО на Османли ќе напишат дека филмот „...зборува за совеста и се карактеризира со една од најдобрите монтажи некогаш изведени на целулоидна филмска лента“, како и дека силно потсетува на делата на францускиот филмски мајстор Алан Рене. „Земајќи го земјотресот како појдовна точка за критички размислувања за различни прашања како што се Холокаустот, нуклеарните катастрофи и Виетнамската војна – МЕМЕНТО претставува калеидоскоп на 20-иот век, а воедно и лична потрага по мир во овој бурен свет“ (https://www.moma.org/calendar/events/8983).

Филмот е снимен во 1967 година, вдаховен од „Рапсодијата за Скопје“ за пијано и симфониски оркестар (1966) на композиторот и диригент Александар Џамбазов. Токму со ова музичко дело треба да настапи и германскиот диригент Вили Милер, еден од главните ликови во филмот, кога се враќа во Скопје неколку години по земјотресот. Повторно се среќава со Јана, која ја запознал како студентка и некогаш со неа поминал убави и безгрижни денови запознавајќи го градот. Ќе се испостави дека заминал ден пред да се случи земјотресот и воопшто не знаел за судбината и семејната трагедија на неговата пријателка. Сега, кога се среќаваат по неколку години, нивните разговори се исполнети со реминисценции кон минатото, со размислувања за смислата на постоењето, за личните и светските трагедии. За сопствената и за болката на целиот свет, за „мрачната страна на човечкото искуство“.

Таа „нездрава фиксација за мрачната страна на човечкото искуство“ карактеристична за дел од разбрануваната кинематографија на 1960-тите, како што стои во пропратниот текст на МОМА за ретроспективата на Југословенскиот црн бран, била инсипрација и за создавањето на самиот термин – „црн бран“.  Филмовите кои во киносалите, на филмското платно пред публиката ги извадиле забранетите теми како отуѓувањето и очајот, војната и страдањето, социјалната мизерија и ниските страсти, бунтовништвото и анархијата, безделничењето и безидејноста, во кои идологијата е отфрлена а дубиозата е сеприсутна – тие филмови биле оспорувани, оцрнувани, понекогаш и цензурирани и забранувани – не само од режимот туку и од тогашната филмска критика. Но во меѓународната сфера останале запаметени, нивната порака била примена, и оваа ретроспектива е обид тие наслови повторно да го добијат заслуженото внимание и место во рамките на светската кинематографија.

МЕМЕНТО пред нецел месец, токму на 60-годишнината од скопскиот земјотрес, ја имаше својата втора премиера, односно премиерна проекција на дигитализираната копија на филмот во рамки на програмата на од третото издание на „Сезона на филмски класици“ – проект во реализација на Европската асоцијација на кинотеки (ACE – Association des Cinémathèques Européennes), а финансиран од програмата MEDIA на Европската комисија. Кинотеката на РС Македонија четврта година по ред партиципира со македонски филмови во оваа програма, а оваа година со средства од  истата програма е финансирана и дигитализацијата на МЕМЕНТО (https://kinoteka.mk/проекција-на-мементо-како-дел-од-сезон/).

Интересно е што домашната јавност веднаш забележа дека МЕМЕНТО во МОМА ќе се прикажува токму на денот кога се паѓа 22-годишнината од тамошната – њујоршката трагедија, односно уривањето на двете Кули близначи во терористичкиот напад што се случи на 11 септември 2001 година. Втората проекција на филмот, пак, ќе се одржи на 16-ти септември.

Пред пет години, во есента 2018 година во истиот музеј се одржа и ретроспектива на филмовите на режисерот и директор на фотографија Карпо Година - во програмата претставен како „half Slovenian, half-Macedonian filmmaker“ - чие творештво е исто така тесно поврзано и испреплетено со југословенскиот црн бран. Можеби затоа и неговото име отсуствува од овој понов циклус кој претстои во септември.

Во истиот период, паралелно со циклусот на Година, проекти од македонските архитекти и уметници Георги Константиновски, Јанко Константинов, и Јордан и Искра Грабул, како и макети од „идното“ Скопје на Кензо Танге беа изложени во МОМА како дел од изложбата „Бетонска утопија: Архитектурата во Југославија, 1948-1980“.

Неколку месеци подоцна, во април 2019 година и МЕДЕНА ЗЕМЈА (2019) на Котевска и Стефанов  имаше две проекции во една од киносалите на МОМА, во рамките на 48-то издание на њујоршкиот фестивал „New Directors / New Films” посветен на авторите во подем.

Се надеваме дека македонската кинематографија и култура ќе го фатат ова темпо и во иднина почесто ќе бидат присутни во годишните програми на овој значаен и престижен американски музеј. МЕМЕНТО, во овој случај, може да ни биде ѕвезда-водилка која веќе ни го покажува патот до таму – преку добро осмислени и конципирани филмски програмски пакети кои достојно ги презентираат и нашите филмски автори и домашната кинематографија.

The post „Мементо“ на Димитрие Османли дел од ретроспективата на Југословенскиот филмски црн бран во МОМА appeared first on Република.

Македонскиот филм „Мементо“ на Димитрие Османли на 11 септември ќе биде прикажан во рамките на југословенската ретроспектива на црниот бран во престижниот њујоршки Музеј на модерна уметност (МоМА).

Филмот во режија на доајенот Османли е снимен во 1967 година и ја раскажува приказната за Јана, која низ разговори и реминисценција со германскиот диригент Вили Милер се сеќава на своето минато и семејната трагедија што ја доживеала во катастрофалниот земјотрес во Скопје. Во филмот улогите ги играат Стево Жигон, Рената Фреинскорн, Предраг Ќерамилац, Драги Костовски, Нада Гешоска, Петре Прличко, Тодор Николовски.
Ретроспективата во МоМА ќе трае од 7 до 21 септември, под наслов „Црн бран до бел зрак“. Ќе бидат прикажани 15 филма избрани од Мина Радовиќ, филмски историчар и еден од организаторите на изложбата.

The post Македонскиот филм „Мементо“ на Димитрие Османли на 11 септември ќе биде прикажан во престижниот њујоршки Музеј на модерна уметност (МоМА) appeared first on Република.

По повод 60-годишнината од катастрофалниот земјотрес што го погоди Скопје, Кинотеката на РС Македонија премиерно ќе го прикаже дигитализираниот филм МЕМЕНТО на Димитрие Османли. На 26 јули, со почеток во 18 часот и проекција на избор од кратки филмски журнали на „Филмске новости“ по повод земјотресот во Скопје, како и проекција на МЕМЕНТО, Кинотеката ќе се приклучи кон одбележување на овој значаен ден кој пред 60 години го промени животот на овој град.

Во 1963 година, разорен земјотрес го погоди главниот град на Југословенска Република Македонија. Поголемиот дел од градот беше се претвори во урнатини, околу 2000 луѓе ги загубија своите животи и неколку стотици илјади ги загубија своите домови.  Напорната работа што следеше, за да се возобнови градот, беше одбележена со значителна меѓународна помош која успеа да го подигне градот Скопје.

По разорниот земјотрес меѓународната заедница или поточно 87 земјите, ги здружија силите за да им помогнат на скопјани и за прв од почетокот на таканаречената Студена војна, американските и советските воени сили работеа рамо до рамо во корист на цивилите, со цел да изградат домови, училишта и болници. Затоа и денес во Скопје има улици и згради чии имиња се длабоко поврзани со градовите и државите Германија, Полска, Мексико, Романија, Канада, Чехословачка, Полска, Индија, Финска, Обединетото Кралство, Јапонија, Русија, САД итн.

Уште во 1964 година, годината по земјотресот, во спомен на жртвите од земјотресот, но и во спомен на солидарноста на светот и нациите започнале да се одржуваат манифестациите „Средби на солидарноста“. Овој меѓународен настан донесе многу светски познати музичари и уметници во Скопје како Голден Гејт квартетот, сликарот Пабло Пикасо, Жилбер Беко, Шарл Азнавур, Зубин Мехта итн, па затоа, денес Скопје гордо ја носи титулата „Градот на солидарноста“.

Кинотеката, по повод ова одбележување ќе прикаже извонреден избор од кратки филмски журнали на „Филмске новости“ кои се снимени по земјотресот под заеднички наслов БЛАГОДАРАМ ПРИЈАТЕЛИ. Филмовите прикажуваат автентични архивски снимки од урнатините на градот, но тие се и значајни заради тоа што во нив е документирана и меѓународната помош. Дел од овој избор се филмовите: „Благодарам Пријатели ( помош од Велика Британија)“, „Благодарам Пријатели ( помош од Чехословачка)“,  „Благодарам Пријатели ( помош од Светскиот совет на црквите)“, „Благодарам Пријатели ( помош од САД)“ и „СР Хрватска за Скопје“.

Во рамки на програмата на 26 јули, а со почеток во 20 часот, е и проекцијата на филмот МЕМЕНТО на Димитрие Османли кој воедно е дел од 4-тото издание на проектот „Сезона на филмски класици“, организирана од страна на АЦЕ (Асоцијација на европските кинотеки). Филмот МЕМЕНТО во исто време ќе има и он-лајн премиерна проекција која ќе се прикажува на официјалната интернет страна на Кинотеката како и на социјалните мрежи: фејсбук, инстаграм и јутуб.

МЕМЕНТО на Димитрие Османли е снимен во 1967 година и раскажува приказна за Јана која низ разговори и реминисценција со германскиот диригент Вили Милер се сеќава на нејзиното миното и семејната трагедија која ј доживеала во катастрофалниот земјотрес во Скопје.

Од јуни до декември 2023 година, со проекции низ различни европски кина, како и бесплатни „онлајн-проекции“, овие филмови ќе бидат прикажани во рамки на овој проект кој има за цел да го промовира заедничкото културно наследство преку т.н. „херитиџ“-филмови (филмско наследство), со особен акцент кон привлекување на младата публика.

Во програмата „Сезона на филмски класици“, оваа година се вклучени повеќе од 20 институции кои се грижат за европското филмско наследство, вклучувајќи ги Југословенската кинотека – Југословенски филмски архив од Белград, Националниот филмски институт Унгарија – Филмската архива од Будимпешта, Словенечката кинотека од Љубљана, Чешкиот филмски архив од Прага, Кинотеката на Македонија од Скопје, Бугарскиот национален филмски архив од Софија, Кинотеката на Националниот архив на Естонија од Талин и Државниот архив на Хрватска – Хрватската кинотека од Загреб.

Проекциитe се во организација на Кинотеката на Македонија, како и Министерството за култура на Македонија и проектот Сезона на филмски класици организиран од страна на  Асоцијацијата на европски кинотеки (АЦЕ).

18.00 часот – Избор од кратки филмски журнали на „Филмске новости“ по повод земјотресот во Скопје 1963 година

 20.00 часот – Премиерна проекција на дигитализирана филмска копија на

 МЕМЕНТО

Игран филм, Македонија, 1968, 97 мин., црно-бел, ДЦП

Режија: Димитрие Османли

Улоги: Стево Жигон, Рената Фреинскорн, Предраг Ќерамилац, Драги Костовски,

Нада Гешоска, Петре Прличко, Тодор Николовски

The post Со проекција на „Мементо“, Кинотека ќе се приклучи кон одбележување на 60-годишнината од катастрофалниот земјотрес што го погоди Скопје appeared first on Република.

По повод 60-годишнината од катастрофалниот земјотрес што го погоди Скопје, Кинотеката на РС Македонија премиерно ќе го прикаже дигитализираниот филм МЕМЕНТО на Димитрие Османли. На 26 јули, со почеток во 18 часот и проекција на избор од кратки филмски журнали на „Филмске новости“ по повод земјотресот во Скопје, како и проекција на МЕМЕНТО, Кинотеката ќе се приклучи кон одбележување на овој значаен ден кој пред 60 години го промени животот на овој град.

Во 1963 година, разорен земјотрес го погоди главниот град на Југословенска Република Македонија. Поголемиот дел од градот беше се претвори во урнатини, околу 2000 луѓе ги загубија своите животи и неколку стотици илјади ги загубија своите домови.  Напорната работа што следеше, за да се возобнови градот, беше одбележена со значителна меѓународна помош која успеа да го подигне градот Скопје.

По разорниот земјотрес меѓународната заедница или поточно 87 земјите, ги здружија силите за да им помогнат на скопјани и за прв од почетокот на таканаречената Студена војна, американските и советските воени сили работеа рамо до рамо во корист на цивилите, со цел да изградат домови, училишта и болници. Затоа и денес во Скопје има улици и згради чии имиња се длабоко поврзани со градовите и државите Германија, Полска, Мексико, Романија, Канада, Чехословачка, Полска, Индија, Финска, Обединетото Кралство, Јапонија, Русија, САД итн.

Уште во 1964 година, годината по земјотресот, во спомен на жртвите од земјотресот, но и во спомен на солидарноста на светот и нациите започнале да се одржуваат манифестациите „Средби на солидарноста“. Овој меѓународен настан донесе многу светски познати музичари и уметници во Скопје како Голден Гејт квартетот, сликарот Пабло Пикасо, Жилбер Беко, Шарл Азнавур, Зубин Мехта итн, па затоа, денес Скопје гордо ја носи титулата „Градот на солидарноста“.

Кинотеката, по повод ова одбележување ќе прикаже извонреден избор од кратки филмски журнали на „Филмске новости“ кои се снимени по земјотресот под заеднички наслов БЛАГОДАРАМ ПРИЈАТЕЛИ. Филмовите прикажуваат автентични архивски снимки од урнатините на градот, но тие се и значајни заради тоа што во нив е документирана и меѓународната помош. Дел од овој избор се филмовите: „Благодарам Пријатели ( помош од Велика Британија)“, „Благодарам Пријатели ( помош од Чехословачка)“,  „Благодарам Пријатели ( помош од Светскиот совет на црквите)“, „Благодарам Пријатели ( помош од САД)“ и „СР Хрватска за Скопје“.

Во рамки на програмата на 26 јули, а со почеток во 20 часот, е и проекцијата на филмот МЕМЕНТО на Димитрие Османли кој воедно е дел од 4-тото издание на проектот „Сезона на филмски класици“, организирана од страна на АЦЕ (Асоцијација на европските кинотеки). Филмот МЕМЕНТО во исто време ќе има и он-лајн премиерна проекција која ќе се прикажува на официјалната интернет страна на Кинотеката како и на социјалните мрежи: фејсбук, инстаграм и јутуб.

МЕМЕНТО на Димитрие Османли е снимен во 1967 година и раскажува приказна за Јана која низ разговори и реминисценција со германскиот диригент Вили Милер се сеќава на нејзиното миното и семејната трагедија која ј доживеала во катастрофалниот земјотрес во Скопје.

Од јуни до декември 2023 година, со проекции низ различни европски кина, како и бесплатни „онлајн-проекции“, овие филмови ќе бидат прикажани во рамки на овој проект кој има за цел да го промовира заедничкото културно наследство преку т.н. „херитиџ“-филмови (филмско наследство), со особен акцент кон привлекување на младата публика.

Во програмата „Сезона на филмски класици“, оваа година се вклучени повеќе од 20 институции кои се грижат за европското филмско наследство, вклучувајќи ги Југословенската кинотека – Југословенски филмски архив од Белград, Националниот филмски институт Унгарија – Филмската архива од Будимпешта, Словенечката кинотека од Љубљана, Чешкиот филмски архив од Прага, Кинотеката на Македонија од Скопје, Бугарскиот национален филмски архив од Софија, Кинотеката на Националниот архив на Естонија од Талин и Државниот архив на Хрватска – Хрватската кинотека од Загреб.

Проекциитe се во организација на Кинотеката на Македонија, како и Министерството за култура на Македонија и проектот Сезона на филмски класици организиран од страна на  Асоцијацијата на европски кинотеки (АЦЕ).

 ПРОГРАМА

18.00 часот – Избор од кратки филмски журнали на „Филмске новости“ по повод земјотресот во Скопје 1963 година

20.00 часот – Премиерна проекција на дигитализирана филмска копија на

МЕМЕНТО

Игран филм, Македонија, 1968, 97 мин., црно-бел, ДЦП

Режија: Димитрие Османли

Улоги: Стево Жигон, Рената Фреинскорн, Предраг Ќерамилац, Драги Костовски,

Нада Гешоска, Петре Прличко, Тодор Николовски

The post Во Кинотека проекција на „Мементо“ од Димитрие Османли и избор од кратки филмски журнали на „Филмске новости“ по повод земјотресот во Скопје appeared first on Република.

Филмот „Мементо“ на Димитрие Османли е еден од деветте филмови на земјите-партнери на „Филм Нова Европа“ (Film New Europe), кои ќе бидат дел од 4-тото издание на проектот „Сезона на филмски класици“, организирана од страна на АЦЕ (Асоцијација на европските кинотеки).

Од јуни до декември 2023 година, со проекции низ различни европски кина, како и бесплатни онлајн-проекции, овие филмови ќе бидат прикажани во рамки на овој проект кој има за цел да го промовира заедничкото културно наследство преку т.н. „херитиџ“-филмови (филмско наследство), со особен акцент кон привлекување на младата публика.

Оваа година Кинотеката на програмата на „Сезона на филмски класици“ ќе го прикажува филмот МЕМЕНТО на Димитрие Османли, снимен во 1967 година кој ја раскажува приказната за Јана која низ разговори и реминисценција со германскиот диригент Вили Милер се сеќава на нејзиното миното и семејната трагедија која ј доживеала во катастрофалниот земјотрес во Скопје.

Со оваа проекција на МЕМЕНТО, како дел од европските филмски класици, Кинотеката ќе ја одбележи 60-годишнината од разорниот земјотрес што го погоди Скопје во 1963 г. Поголемиот дел од градот беше претворен во урнатини, околу 2000 луѓе загинаа, а неколку стотици илјади ги загубија своите домови.

Меѓународната заедница, или поточно 87 земји, ги здружија силите за да им помогнат на граѓаните на Скопје и, за прв пат од почетокот на таканаречената „Студена војна“, американските и советските воени сили работеа рамо до рамо во корист на цивили: градење домови, училишта, болници... Така, денес Скопје гордо ја носи титулата „Град на солидарноста“.

Во програмата „Сезона на филмски класици“, оваа година се вклучени повеќе од 20 институции кои се грижат за европското филмско наследство, вклучувајќи ги Југословенската кинотека – Југословенски филмски архив од Белград, Националниот филмски институт Унгарија – Филмската архива од Будимпешта, Словенечката кинотека од Љубљана, Чешкиот филмски архив од Прага, Кинотеката на Македонија од Скопје, Бугарскиот национален филмски архив од Софија, Кинотеката на Националниот архив на Естонија од Талин и Државниот архив на Хрватска – Хрватската кинотека од Загреб.

За време на Канскиот филмски фестивал, на 19 мај, 2023 г., Асоцијацијата на европски кинотеки (АЦЕ) објави дека Националниот филмски институт на Унгарија – за филмот ПО СМРТТА на Алфред Дези – е добитник на грантот наменет за заедничка реставрација, чиј буџет изнесува 40.000 евра. Филмот ќе биде реставриран заедно со Белгискиот национален филмски архив и Француската кинотека.

Жирито кое одлучуваше за доделувањето на грантовите беше составено од режисерите Раду Жуде од Романија и Саодат Исмаилова од Узбекистан, генералниот директор на „АРТЕ Франција“ – Оливие Пер и филмскиот куратор и едукатор – Сесилија Барионуево.

The post „Мементо“ е дел од новата сезона на филмски класици во организација на Асоцијацијата на европски кинотеки appeared first on Република.

Како што најавивме минатиот месец, во март му оддаваме почит на маестро Александар Џамбазов, со македонскиот игран филм МЕМЕНТО (1967) во режија на Димитрие Османли. Овој наш познат и значаен диригент и композитор е автор на „Рапсодија за Скопје“ – композиција за пијано и оркестар (1966) која е главна музичка тема во филмот, велат од Кинотеката.

МЕМЕНТО
(Memento)
Игран филм, Македонија
1967, 97 мин., црно-бел, 35 мм
Режија: Димитрие Османли (Dimitrie Osmanli)
Сценарио: Димитрие Османли, Јован Бошковски,
Ташко Георгиевски (Dimitrie Osmanli, Jovan
Boshkovski, Tashko Georgievski)
Улоги: Стево Жигон, Рената Фреискорн, Предраг
Ќерамилац, Драги Костовски, Нада Гешовска, Петре
Прличко, Тодор Николовски (Stevo Žigon, Renata
Freiskorn, Predrag Ćeramilac, Dragi Kostovski, Nada
Geshovska, Petre Prlichko, Todor Nikolovski)
Еден ден спроти земјотресот во Скопје 1963 година, се запознаваат Вили Милер, германски диригент на пропатување низ Македонија, и Јана, млада девојка, студентка. Нивната повторна средба е по неколку години, кога Вили Милер диригира еден концерт на „Средбата на солидарноста“ во Скопје. Тие неколку денови минати заедно се исполнети со своевидна реминисценција на Јана за доживеаната семејна трагедија, за нејзините лутања и барање начин повторно да се започне животот, запрен во денот на земјотресот. Можноста да замине со Милер е привлечна, но Јана останува во Скопје. Нејзиното место е покрај момчето за кое ја врзува вистинска љубов.
Кинотеката го прикажува филмот МЕМЕНТО во чест на неодамна починатиот маестро Александар Џамбазов, диригент и композитор, кој е автор на „Рапсодија за Скопје“ – композиција за пијано и оркестар (1966) која е изведена филмот.

Возрасна категорија: 12 години
Влезница: бесплатен влез

Почеток 20 часот

The post Кинотека вечерва го прикажува филмот „Мементо“ во режија на Димитрие Османли во чест на неодамна починатиот маестро Александар Џамбазов appeared first on Република.