Кристијано Роналдо нема да биде во составот на Манчестер јунајтед за саботното премиерлигашко дерби против Челзи, официјално соопштија од клубот. Во соопштението на „црвените ѓаволи“ се додава дека сите останати фудбалери се подготвени и фокусирани на претстојниот натпревар.

Португалецот се најде на удар на жестоки критики откако го напушти вчерашниот натпревар против Тотенхем пред неговото завршување.

Поради тоа, Роналдо ќе го пропушти следниот натпревар, а нема да тренира со првата екипа ниту во следните три денови.

Британските медиуми јавија дека Роналдо на дуелот против Тотенхем, исто така, одбил да влезе во игра од клупата за резерви и го напуштил стадионот „Олд Трафорд“ во 89. минута.

Ова не е првпат сезонава Роналдо да напушти натпревар на својот тим пред судијата да означи крај. Истото го стори и на полувремето на пријателскиот натпревар против Рајо Ваљекано откако беше заменет.

The post Кристијано Роналдо исфрлен од составот на Манчестер јунајтед appeared first on Република.

Бразилскиот фудбалер Касемиро не можеше да ги задржи солзите за време на прошталната церемонија со која и официјално го заврши престојот во Реал Мадрид по договорениот трансфер во Манчестер јунајтед.

Триесетгодишниот Бразилец заплака додека се присетуваше на неговите настапи во клубот.

Тука поминав неверојатни моменти. Заминувам со спомени од последниот трофеј во Лигата на шампионите што го освоивме. Со Модриќ и Крос неизмерно уживав во фудбалот. Сакам да појаснам дека еден ден ќе се вратам да им возвратам на љубовта на навивачите, да продолжам да му помагам на овој клуб. И она што го научив овде ми даде сила да продолжам да играм во голем клуб како Манчестер јунајтед.

 

Ти благодарам претседателе, со тебе напред, овој клуб ќе има светла иднина и ќе продолжи да победува. Хала Мадрид! - изјави Касемиро.

Манчестер јунајтед го откупи договорот на Касемиро за сума што изнесува околу 70 милиони евра, плус потенцијални 15 милиони евра во бонуси.

The post Касемиро заплака за време на прошталната церемонија во Реал Мадрид appeared first on Република.