Министертво за надворешни работи нема информации за евентуално учество на македонски државјани во војната во Украина.

Ваквото соопштение доаѓа по објавата на руското Министерство за одбрана дека меѓу странските платеници кои се борат на украинска страна имало и 79 наши граѓани.

Министерството за надворешни работи не располага со релевантни информации поврзано со евентуалното учество на наши државјанини во војната во Украина, ниту загинати наши државјани во војна. Постојано и внимателно ја следи ситуацијата, преку амбасадата во Украина. Штом има нови информации јавноста ќе биде информирана - велат за МИА од МНР.

https://republika.mk/vesti/makedonija/dvajca-makedonski-platenici-zaginale-vo-ukraina-vkupnniot-broj-se-iskachi-na-26/

Властите во Москва објавија табела за странски платеници што се борат на страната на Украина. Меѓу земјите од кои доаѓаат платеници во Украина е и Македонија. Според руското Министерство за одбрана, од почетокот на војната досега на украинска страна се бореле 79 македонски државјани од кои убиени се 26, вратени се 21, а активни на фронтот се уште 32 лица од земјава.

Меѓу земјите од има платеници во Украина се и Албанија, Хрватска, Полска, Италија, Романија, Финска, Летонија, Косово.

The post МНР нема информации дека македонски државјани се борат во Украина appeared first on Република.

Нови двајца македонски државјани загинале во Украина, со што бројот на загинати платеници од Македонија, како што ги нарекува Кремљ, се искачи на 26, стои во статистиката објавена од руското министерство за одбрана.

Според табелата објавена од официјална Москва, од 24 февруари до сега, во Украина за борба пристигнале 79 државјани на Македонија, од кои дваесетина се вратиле, а во моментот на боиштата во Украина има 32 платеници од земјава. Според руските податоци, елиминирани биле една третина од македонските платеници. Официјалните претставници на Украина пак, досега немаат објавено вакви податоци.

Од македонското министерство за надворешни работи за „Канал 5“ велат дека не располагаат со релевантни информации поврзани со евентуалното учество на наши државјанини во војната во Украина, ниту, пак, за загинати наши државјани во војната.

Русија тврди дека во последните четири недели бројот на платеници се намалил за 550, па сега околу 2.000 борци од странство се вклучени во борбите во Украина. Од Москва велат дека иако се уште пристигнуваат борци на страната на Украина, таа бројка не била доволна за компензација на бројот на убиените и заминати од боиштата. Од украинска страна, пак, податоци за ова нема.

Инаку, според македонските закони, за војување во странска војска казната е неколку години затвор, а за слични дела, односно учество на боиштата во Ирак и Сирија, десетина лица се зад решетки и ја издржуваат затворската казна.

Според неофицијални информации, за војување или за извлекување на цивили како што официјално се нарекува работното место, пријавените во Украина добивале плата од илјада до две илјади долари на ден.

The post Двајца македонски платеници загинале во Украина, вкупнниот број се искачи на 26 appeared first on Република.

Руската амбасада во Македонија во текот на денот објави информации од руското Министерство за одбрана со билансот од странски платеници, кои според нив, во моментов се борат на фронтот на украинска страна.

Според овие податоци, од почетокот на инвазијата во Украина, заминале 79 лица од Македонија или со македонско државјанство, од кои 24 загинале. Во билансот стои и дека 19 македонски платеници досега ја напуштиле Украина, а 36 остануваат да војуваат.

Министерството ги следи и ги регистрира по име сите странски платеници кои пристигнале во Украина за да учествуваат во воените дејствија. Според меѓународното хуманитарно право, странските платеници не се комбатанти и најдоброто што ги чека доколку бидат фатени живи е судење и максимална затворска казна, стои во објавата на Руската амбасада.

The post Според руското министерство за одбрана 24 платеници од Македонија загинале на фронтот во Украина appeared first on Република.