Македонската машка одбојкарска репрезентација ќе игра во група со Грција и Грузија, додека одбојкарките против Грција и Австрија во квалификациите за пласман на Европското првенство 2026.

Европската одбојкарска федерација (ЦЕФ) денеска го одреди составот на седумте квалификациски групи со по три репрезентации според рејтингот.

Пласман на завршниот турнир ќе обезбедат првопласираните репрезентации, како и петте најдобро второпласирани селекции.

Одбојкарите ќе го почнат евроквалификацискиот циклус на гостински терен против Грузија на 17 или 18 август, а одбојкарките во истиот термин во воведното коло ќе ја пречекаат Австрија

The post Maкедонските одбојкари во група со која пак можат на ЕП appeared first on Република.

Со одигрувањето на завршните натпревари од групната фаза познати се сите учесници во осминафиналето на Европското првенство во одбојка на кое нокаут фазата ќе се игра во италијанските градови Бари и Рим, како и во Варна во Бугарија.

Македонските одбојкари со освоеното четврто место во групата Ц која се одигра во Скопје за противник во осминафиналето ќе го имаат европскиот и светски првак  Италија. Натпреварот ќе се игра во Бари в сабота, а дополнително ќе биде познато дали дуелот ќе почне од 18 или од 21 часот.

Нокат фазата ќе биде отворена со натпреварот меѓу Хрватска и Романија, а в сабота на програмата се и осминафиналните дуели меѓу Франција – Бугарија, Словенија – Турција, Холандија – Германија и Португалија – Украина.

В недела ќе играат Полска – Белгија и Србија – Чешка

The post EП во одбојка: Македонија го доби најтешкиот противник appeared first on Република.

Откако и теоретски го обезбедија пласманот во осминафиналето на Европското првенство, македонските одбојкари попладнево од 17 часот во СЦ „Борис Трајковски“ во Скопје за противник ја имаат Холандија во битка за второто место во групата Ц и полесен противник во нокаут фазата која ќе ја продолжат во Бари.

Со двете победи, над Данска (3-1) и Црна Гора (3-0), како и поразот од неприкосновената Полска (0-3), македонските одбојкари се на третото место во групата со шест бодови, три помалку од второпласираната Холандија која има одиграно и натпревар повеќе.

Пред комплетирање на групната фаза во Скопје, избраниците на селекторот Јошко Миленкоски утре ќе играат против Чешка по што четирите најдобри репрезентации од групата Ц ќе се преселат во Бари и во нокаут фазата ќе вкрстат со четири првопласирани репрезентации од групата А во која води Италија (12 бодови), пред Србија 9, Германија 8, Естонија 2, Белгија 1 и Швајцарија 1 бод

The post Maкедонските одбојкари денеска по првата меч топка за втората фаза appeared first on Република.

Македонската одбојкарска репрезентација загуби вечерва во Скопје од Полска со 3-0 (12-25,21-25,14-25) и со тоа го претрпе првиот пораз во третиот натпревар во групата Ц на Европското првенство (ЕП) во Скопје.

Полска, која е актуелен освојувач на Лигата на нации, ја оправда фаворитската улога на дуелот во СЦ „Борис Трајковски“ и го продолжи максималниот ефект на ЕП на кое е меѓу главните кандидати за медал.

Македонските одбојкари, кои со стартните победи над Данска и Црна Гора ја остварија првата зацртана цел и изборија историски пласман во осминафиналето, сега ги очекува ден пауза пред завршните два натпревари во групата Ц.

Во вторник противник ќе им биде Холандија, а групната фаза ќе ја комплетираат в среда против Чешка.

The post Прв пораз на македонските одбојкарски херои, пред нас се уште два меча во групата appeared first on Република.

Македонија вечерва игра против големиот фаворит Полска. Сите очекуваме да се повторат сликите од синоќа кога сите репрезентативци во еден глас ја пееја македонската химна.

Погледете како беше во „Борис Трајковски“.

https://www.youtube.com/watch?v=ZzgPoyVFDzg

The post Вака се сака Македонија: Дали и вечерва ќе се пее „Денес над Македонија се раѓа“ на сиот глас? appeared first on Република.

Македонија има нови миленици.Одбојкарската репрезентација ја совлада Црна Гора со 3-0 и е на чекор до втората фаза на ЕП. „Борис Трајковски“ ги поздрави херојите кои  во еден глас по мечот заедно со публиката ја исеаја македонската химна.

Со ова се многу блиску до пласман во втората фаза која ќе се игра во Бари, Италија. Утре ќе играме со најголемиот фаворит Полска.

Со среќа момци.

Одбојката се врати во Македонија на голема врата.

The post Македонија има нови миленици: Одбојкарите во еден глас ја испеаја химната за пласман во втората фаза appeared first on Република.

Македонската одбојкарска репрезентација со победа стартуваше на Европското првенство, откако вечерва во СЦ „Борис Трајковски“ ја совлада Данска со 3-1 (22-25, 25-22, 25-19, 25-22) во рамки на 1. коло од групата Ц која се игра во Скопје.

До својата стартна победа на третиот настап на европските првенства македонските одбојкари дојдоа со пресврт во исцрпувачки и неизвесен натпревар кој траеше два и пол часа.

Првиот сет беше резултатски израмнет до 13-13, кога Данците направија серија од 4-0, задржувајќи ја предноста за водство од 1-0 во сетови.

Вториот сет влезе во неизвесна завршница (17-17), по што уследија два врзани поени на македонските одбојкари, кои ја искористија втората сет-топка и со идентични 25-22 го израмнија резултатот во сетови на 1-1.

Израмнувањето ја врати самодовербата во редовите на „црвено – жолтите“, кои фуриозно го отворија третиот сет во кој поведоа со 10-6. Иако Данците намалија на 10-9, играта на македонските одбојкари остана на високо ниво и по водството од 17-12 рутински го решија сетот во своја корист за предност во сетови од 2-1, а победата ја заверија во четвртиот сет кој, како и вториот, го решија во своја корист со 25-22.

https://republika.mk/sport/ostanati-sportovi/we-are-macedonian-na-dresovite-na-makedonskite-odbojkari/

Следен предизвик за избраниците на селекторот Јошко Миленкоски ќе биде репрезентацијата на Црна Гора, в сабота, а ден подоцна е дуелот против Полска. Во завршните два дуели од групата Ц македонските одбојкари на 5 септември за противник ќе ја имаат Холандија, а ден подоцна против Чешка ќе ја заокружат групната фаза.

The post Дресовите со порака донесоа среќа: Македонија со победа го почна Европското првенство во одбојка appeared first on Република.

Со љубов, вера, надеж, со срце, душа и тело, со сè што што имаме. За себе и за сите.

Вака македонските одбојкарски репрезентативци го најавија почетокот на Европското одбојкарско првенство, на кое Македонија е кодомаќин.

Вечерва на мечот против Данска во СЦ „Борис Трајковски“ тие ќе ги облечат специјалните дресови со порака „Ние сме Македонци“.

[caption id="attachment_677384" align="aligncenter" width="640"] (фото: Спорт1)[/caption]

Еден од главните адути на репрезентацијата, пак, Александар Љафтов, ќе настапи со специјално дизајнирани патики на кои се напишани делови од македонската химна и на кои е нацртано македонското знаме.

https://republika.mk/sport/ostanati-sportovi/odbojkarot-aleksandar-laftov-na-evropsko-ke-igra-vo-patiki-na-koi-ke-gi-ima-makedonskata-himna-i-zname/

The post „We are Macedonian“ на дресовите на македонските одбојкари appeared first on Република.

Maкедонската одбојкарска репрезентација синоќа убедливо загуби од Грција. Мечот се одигра во одлична атмосфера а македонската химна во еден глас ја испеаја и навивачите и одбојкарите.

Погледнете.

https://republika.mk/sport/ostanati-sportovi/grtsija-ja-pobedi-makedonija-vo-boris-trajkovski/

The post Грците слушнаа за македонските правдини и Гоце Делчев appeared first on Република.

 Македонската одбојкарска репрезентација вечерва во СЦ „Борис Трајковски“ загуби од Грција со 0:3, по сетови 23:25, 22:25 и 16:25.

За избраниците на селекторот Јошко Миленковски ова е втор пораз во третиот настап на годинашното издание од Меморијалниот турнир по што завршија на последното, 4. место.

На првиот денешен натпревар Б-селекцијата на Јапонија го победи Египет со 3:1.

Грција со биланс две победи и еден пораз е победник на 47-то издание на „Чајка“,  Јапонија-Б е второпласирана, Египет е трет.

За најкорисен одбојкар на турнирот (МВП) е прогласен капитенот на македонската репрезентација Никола Ѓоргиев

The post Грција ја победи Македонија во „Борис Трајковски“ appeared first on Република.

Македонската одбојкарска репрезентација вечерва во СЦ „Борис Трајковски“ во Скопје загуби од Јапонија со 0:3 (20:25, 18:25 и 20:25) во 1. коло на 47-то издание на меморијалниот одбојкарски турнир „Чајка“.

„Црвено-жолтите“ беа немоќни да ја разбијат јапонската одбрана и како што рече по натпреварот капитенот Никола Ѓоргиев, „очигледно не ни одговара нивната игра“. Токму селекцијата на Јапонија изминатиот период спарингуваше со македонската репрезентација и забележа три победи во контролните средби.

На првиот денешен натпревар на „Чајка“, Египет ја победи Грција со 3:1.

Македонската репрезентација утревечер од 20:15 часот ќе игра со Египет, додека во терминот 17:30 ќе се соочат Јапонија и Грција

The post Македонските одбојкари поразени од Јапонија appeared first on Република.

Апел за голема поддршка од трибините упатија денеска до јавноста македонските одбојкари пред настапите на претстојното Европско првенство на кое Скопје ќе биде еден од градовите домаќини.

Под водство на селекторот Јошко Миленкоски македонските одбојкари во понеделникот ја стартуваа завршната фаза од подготовките за обврските кои им претстојат на континеталниот собир што од 28 август до 16 септември ќе се игра и во Израел, Бугарија и Италија.

„Ги започнавме подготовките за Европското првенство и засега сè тече во најдобар ред. Очекувам да се подготвиме најдобро што можеме. Мислам дека имаме квалитет да се пласираме во втората рунда“, изјави денеска репрезентативецот Владо Милев за официјалниот сајт на Одбојкарската федерација на Македонија (ОФМ).

Македонската репрезентација настапот на Европското првенство ќе го почне на 30 август во салата „Борис Трајковски“ против Данска во воведниот натпревар од групата Ц во која за противници ќе ги има и селекциите на Полска, Холандија, Црна Гора и Чешка.

„Прв пат како држава сме организатор на едно вакво големо натпреварување во машка конкуренција и затоа ја повикувам македонската јавност да дојде и да ужива во квалитетни одбојкарски натпревари во салата „Борис Трајковски“, додаде Милев. 

The post Дојдете во „Борис Трајковски“, ќе се игра ЕП во одбојка appeared first on Република.

- Белгија вечерва ја победи македонската одбојкарска репрезентација со 3:0, по сетови 27:25, 25:23 и 26:24.

Избраниците на селекторот Јошко Миленковски во трите сегменти беа на чекор до освојување сет, но на крајот не успеаја ниту еднаш да се радуваат.

Ова беше натпревар од 4. коло во Златната европска лига по кое Македонците со пет бодови се на 3. место во Б-групата.

Украина е прва со максимални девет бода од три средби, Белгија е втора со шест бодови од четири натпревари. Последна е хрватската репрезентација со еден бод од три кола.

The post Македонските одбојкари поразени во Белгија appeared first on Република.

Јошко Миленковски по една и пол деценија повторно ќе биде предводник на македонските одбојкарски репрезентативци.

По 15 години Јошко Миленковски е повторно селектор на македонската машка сениорска репрезентација. Старо-новиот предводник на националниот тим, ќе ја предводи репрезентацијата во Европската лига што ќе се одржува во Скопје од 30 Август, објави Одбојкарската федерација на Македонија.

Миленковски е актуелен тренер на ПАОК од Солун, клуб со кој го освои Купот на Грција.

The post По 15 години Миленковски повторно селектор на македонската одбојкарска репрезентација appeared first on Република.

Македонската одбојкарска репрезентација доби можност да игра во полуфиналето на Европската сребрена лига. „Спартанците“ изборија учество помеѓу четирите најдобри во Сребрената лига, откако попладнево Романија ја победи Албанија со максимални 3:0 (25:18, 25:19 и 25:22).

Македонците вчера беа поуспешни од Босна и Херцеговина исто така со максимални 3:0 и го исполнија првиот предуслов за пласман во полуфиналето.

По шесте кола во Б-групата, Романија го освои првото место со 14 бода, Македонија е втора со 10, Албанија има исто така 10 на третото место, но со послаб сет-количник. Босна и Херцеговина е последна со два бода.

Од А-групата, полуфиналисти се Финска и Унгарија.

The post Македонската одбојкарска репрезентација ќе игра во полуфиналето на Европската сребрена лига appeared first on Република.

Српскиот стратег Ратко Павличевиќ ќе седне на клупата македонската одбојкарска репрезентација и ќе ги предводи „црвено – жолтите“ на претстојните настапи во Европската сребрена лига и Медитеранските игри.

Павличевиќ (56), чија официјална промоција е најавена за утре, доаѓа на местото на сонародникот Душко Николиќ.

Новиот македонски селектор во кариерата предводеше бројни екипи од Србија, Грција, Швајцарија и Саудиска Арабија.

Извор: МИА

The post Србинот Ратко Павличевиќ е новиот селектор на македонската одбојкарска репрезентација appeared first on Република.