Интер е првиот финалист во Лигата на шампиони, откако во реваншот во полуфиналето го совлада градскиот ривал Милан и во вториот меѓусебен натпревар.

По оние 2-0 од првиот меч каде Милан беше домаќин, Интер вечерва славеше 1-0, благодарение на голот на Лаутаро Мартинез во 73. минута.

Инаку за оваа победа и овој успех е заслужен и голманот Андре Онана, кој му одбрани зицер шанса на Брахим Дијаз во првиот дел, и така го спаси својот тим од негатива уште по првиот дел, која можеше да го смени текот на натпреварот и да му овозможи на Милан да се бори за пласман во финалето.

Интер во финалето кое се игра во Истанбул ќе го чека подобриот од дуелот Манчестер Сити – Реал Мадрид. По првиот меч во Мадрид беше 1-1.

The post Интер е првиот финалист во ЛШ appeared first on Република.

Кјелце е првиот финалист во ракометната Лига на шампиони откако со 37-35 го победи унгарски Веспрем во првото полуфинале на фајнл-фор турнирот во Келн.

Двете екипи имаа по едно свое полувреме. Првото полувреме му припадна на Веспрем кој на паузата имаше предност од 18-16, но во вториот дел Кјелце брзо ја надополни негативата, дојде до водство кое не го испушти до крајот и славеше со 37-35.

Морито и Шмид дадоа по осум голови за Кјелце, во составот на Веспрем по седум пати погодија Ненадиќ и Штрлек.

Кјелце во финалето ќе игра со победникот од дуелот меѓу Кил и Барселона.

The post Кјелце во финалето на ракометната Лига на шампиони appeared first on Република.

Европскиот пат за Вардар завршува во осминафиналето на Лигата на шампионите, откако на гостувањето кај унгарскиот ривал Веспрем одиграа 31:31 со одличен камбек во финишот на мечот.

Елиминацијата беше очекуван исход, откако на првиот меч пред домашна публика, тимот на Дејвид Дејвис претрпе катастрофален пораз со осум гола разлика (22:30), така што малкумина веруваа во „чудо“ во Унгарија. Веспрем ќе се бори за настап на Фајнал 4 турнирот и шанса за прва европска титула против данскиот Олборг.

The post Вардар се прости со ЛШ со реми кај Веспрем appeared first on Република.

Манчестер Сити со 1-0 го совлада Атлетико Мадрид, а Ливерпул со 3-1 беше подобар од Бенфика во Лисабон во првите натпревари од фудбалската Лига на Шампиони од четвртфиналната програма.

Тимот на Пеп Гвардиола имаше иницијатива, но гостите од Шпанија одлично се бранеа. Во првото полувреме речиси и да немаше шанса.

Во вториот дел најпрво Де Брујне имаше убав обид од слободен удар, но Облак одбрани.

Цврстата одбрана на Атлетико Мадрид конечно беше скршена во 70. минута кога по убава асистенција од Фоден, Де Брујне погоди за водство на Манчестер Сити од 1-0 што беше и конечен резултат.

Ливерпул уште во Лисабон си ја заврши работата, на Бенфика ќе и биде тешко да надополни негатива од 3-1 на Енфилд.

Резултатот беше отворен уште во 17. минута кога Конате даде гол за водство на Ливерпул од 1-0, а во 34. минута Мане постигна погодок за предност и од 2-0.

По само четири минути игра во второто полувреме, Конате направи голема грешка која ја искористи Нињез и намали на 2-1.

Но во финишот од мечот, Диаз даде гол за победа на Ливерпул од 3-1.

The post Де Брујне јунак на Манчестер Сити, Ливерпул со една нога во полуфиналето во ЛШ appeared first on Република.

Селекторот и капитен на ракометната репрезентација на Македонија, Кирил Лазаров обезбеди пласман во следната рунда во Лигата на Европа откако и во реваншот тој и неговиот тим беа подобри од Фуксе Берлин.

Нант во Берлин бранеше еден гол разлика (25:24) и успеа да ги одбрани славејќи со 33:30 за пласман во четвртфиналето каде ќе игра со подобриот од дуелот Спортинг Лисабон – Магдебург.

Лазаров уште еднаш одигра одлично, постигна пет гола и имаше две асистенции, и беше втор стрелец во својот тим зад Монар кој даде еден гол повеќе.

The post Нант на Лазаров и во реваншот подобри од Фуксе Берлин appeared first on Република.

Македонскиот ракометен првак Вардар 1961 официјално обезбеди место во осминафиналето на Лигата на шампиони (ЛШ), откако Европската ракометна федерација (ЕХФ) денеска му додели службена победа за неодиграниот натпревар против белоруски Мешков Брест.

Извршниот комитет на ЕХФ, како што официјално е соопштено, одлучи двата неодиграни натпревари на Мешков Брест против Вардар и Кил да ги регистрира со службен резултат 10-0 во корист на противниците на белорускиот шампион.

Со новите два бода, Вардар е на 5. место во група А со 11 бодови со што „црвено – црните“ се пласираа во нокаут фазата во Лигата на шампиони.

Извршниот комитет на ЕХФ претходно одлучи да ги суспендира сите клубови и репрезентации од Русија и Белорусија од учество во сите тековни и тековни активности на ЕХФ до натамошно известување поради инвазијата на Украина. eг/сп/

The post Вардар во осминафиналето на ЛШ по службената победа над Мешков Брест appeared first on Република.

Натпреварот од 13 коло од групната фаза на ЕХФ лигата на шампионите меѓу Мешков Брест и Вардар планиран за 2 март 2022 година нема да се одигра.

Вардар1961 требаше во вторник да патува за Брест, Белорусија на средба од ЛШ, но истиот нема да се одигра.

Европската ракометна федерација ги извести клубовите дека „ сегашната ситуација и развојот во овие денови не го прават остварливо овој натпревар да се игра според планираното. Во процедура усогласена со претходните одлуки за натпреварите во наредната недела и со цел да се заштитат сите инволвирани страни и да се обезбеди интегритетот на натпреварувањето, ЕХФ дојде до заклучок да го откаже натпреварот, се вели во информацијата упатена на клубот.

За следните чекори во врска со овој натпревар ЕХФ ќе има информација во следниот период.

The post Откажан мечот Мешков – Вардар од ракометната ЛШ appeared first on Република.