Македонската тенисерка Лина Ѓорческа и нејзината партнерка, Швајцарката Џил Тајхман доживеаја пораз во финалето во двојки на ВТА 125 турнирот што се одржуваше во Љубљана.

Тие загубија од италијанско-шпанската двојка Нурија Бранкачо и Леире Ромеро Гормаз со 2:1 во сетови (5-7, 7-5, 10-7 на поени) за помалку од два часа игра.

Ѓорческа претходно играше на овој турнир и во сингл, но ги заврши настапите во раната фаза.

The post Пораз на Ѓорческа во финалето во Љубљана appeared first on Република.

Maкедонската тенисерка, Лина Ѓорческа со својата партнерка Џил Тајхман ќе игра финале во двојки на ВТА Челинџер турнирот во Љубљана кој е со награден фонд од 100.000 евра.

Во денешното полуфинале, Ѓорческа и Тајхман беа подобри од Естел Касино (Франција) и Анастасија Детиук (Чешка) откако победија со 2-0 во сетови (6-1, 6-2).

Натпреварот траеше само 58 минути.

Нашата тенисерка и нејзината партнерка од Швајцарија ќе играат со Ромеро Гормаз (Шпанија) и Нурија Бранкачо (Италија) за трофејот од турнирот.

The post Ѓорческа се пласираше во финале во двојки на турнирот во Љубљана appeared first on Република.

Најдобрата македонска тенисерка, Лина Ѓорческа не успеа да ја мине првата пречка во квалификациите на Грен слемот во Њујорк.

Македонката ноќеска загуби од Јулија Риера (Аргентина) со 2:0, по сетови 7:6 (4) и 6:3.

Двете тенисерки сервираа по два аса, Лина имаше 6, а Риера 3 двојни грешки. Нашата репрезентативка реализира 3 брејк-топки од 8 можности, Аргентинката 4 од 7.

Ѓорческа во моментов е 193-та на ВТА ранг-листата, Риера е на 122. место

The post Ѓорческа поразена уште на стартот на УС Опен appeared first on Република.

Денеска во финалето на ИТФ фјучрсот В75 во Рим, најдобрата македонска тенисерка Лина Ѓорческа загуби од Оксана Селехметева од Русија со резултат 2:0 во сетови.

Селехметева убедливо го доби првиот сет со 6:1, а во вториот противничката на Ѓорческа беше подобра со 7:3.

За македонската тенисерка ова беше второ финале во 2024 година, претходно во март играше во Ларнака, Кипар, а вкупно 35 во кариерата и има 13 титули.

The post Лина Ѓорческа поразена во финалето на фјучрсот во Рим appeared first on Република.

Македонската тенисерка Лина Ѓорческа забележа нов голем успех оваа сезона, откако в недела ќе игра ново финале на еден ИТФ фјучрс.

Тетовчанката во денешното полуфинале по голема борба ја совлада тенисерката од Хрватска, Петра Марчинко. Таа го контролираше првиот сет, ама имаше и лоша завршница на истиот, па Петра со 7-5 дојде до водство од 1-0 во сетови.

Ова донесе нова енергија кај Лина која доминираше во продолжението и со 6-2 и 6-2 дојде до триумф кој ја носи во борба за титулата против Оксана Селехметева од Русија.

Селехметева се прошета во денешното соочуваше со Леа Бошковиќ кое и припадна со 6-0 и 6-2.

The post Лина Ѓорческа со пресврт до финале на турнир во Рим appeared first on Република.

Македонската тенисерка Лина Ѓорческа успеа да се пласира во четвртфиналето на ИТФ турнирот W75 Рим.

Нејзината противничка Кристина Дину од Романија го предаде мечот при водство на Ѓорческа од 1-0 во сетови и 2:0 во гемови во вториот сет.

Во четвртфиналето Ѓорческа ќе игра со победничката од мечот Варвара Лепченко (САД, 4 носителка) и Сузан Бандекин (Швајцарија, квалификантка)

The post Ѓорческа ќе игра во четвртфиналето на турнирот во Рим appeared first on Република.

Најдобрата македонската тенисерка, Лина Ѓорческа, не успеа да ја мине првата пречка на квалификациите на Вимблдон.

Таа загуби со 2:0 (7:6 и 7:6) од Американката Саша Викери, која ги освои двата тај-брејка во мечот што траеше еден час и 44 минути.

Со овој пораз Ѓорческа го заврши настапот на третиот Грен слем турнир годинава.

Причина за поразот според статистиката се големиот број неизнудени грешки 50 за Ѓорческа, наспроти 16 на Викери, како и двојните сервис грешки 10 за Лина, а две за американската тенисерка.

По настапот на Вимблдон, Ѓорческа е пријавена за настап следната недела на ИТФ фјучрс турнир во Рим.

The post Не издржа во двата тај-брејка: Лина Ѓорческа не го мина првото квалификациско коло на Вимблдон appeared first on Република.

Најдобрата македонска тенисерка Лина Ѓорческа од вчера е во Лондон, каде во текот на следната недела ќе го има вториот настап на Грен слем турнирот Вимблдон.

Проблемот со визата беше надминат во текот на оваа недела, но сепак Ѓорческа немаше можност да настапи на турнир во Англија, па така останува низ тренинзи на тревната подлога со тренерот Димитар Лабудовиќ овие неколку дена да ја приспособи играта на овој вид подлога.

За Ѓорческа ова ќе биде втор настап на Вимблдон во квалификациите (првиот го имаше во 2017 година).

Женскиот квалификациски турнир стартува во вторник, а ден претходно ќе биде познат и „костурот“ во квалификациите.

The post Ѓорческа ја очекува првата противничка во квалификациите на Вимблдон appeared first on Република.

Најдобрата македонска тенисерка Лина Ѓорческа го заврши настапот на ИТФ турнирот во словенскиот град Оточец, додека Горазд Србљак избори пласман во четвртфиналето на фјучерсот во Куршумлиска Бања во Србија.

Ѓорческа во третото коло во Оточец загуби од Полјакината Маја Чваилнска со 2-0 во сетови (6-0, 7-6) за еден час и 45 минути игра.

Следната недела Ѓорческа ја очекува настап на ИТФ фјучерс турнир во италијанскиот град Казерта.

Македонскиот тенисер Србљак, пак, на машкиот турнир во Куршумлиска бања продолжи со успешните настапи и триумфираше во второто коло над Германецот Ласе Портнер со 2-0 во сетови (7-5, 6-3).

За Србљак ова беше петта победа во низа откако имаше и три триумфи во квалификациите.

Во четвртфиналето Србљак ќе игра против Јанаки Милев од Бугарија.

The post Ѓорческа го заврши настапот на ИТФ турнирот appeared first on Република.

Најдобрата македонска тенисерка Лина Ѓорческа успеа да се пласира во третото коло на ИТФ фјучрсот W50 Oточец во Словенија. Таа попладнево во рамките на првото коло ја совлада Михаела Бајерлова од Чешка (25 години, 485.место ВТА) со 2-0 во сетови. Ѓорческа во текот на мечот имаше реализација 5/8 на брејк топки, a одлично се одбрани во истата ситуација на спротивната страна, ако се знае дека противничката имаше само еден брејк и покрај 14-те обиди да го освои сервисот на Македонката.

Нашата тенисерка убедливо со 6:0 во гемови го доби првиот сет и ја потврди фавористската улога (5. носителка). Во вториот сет Ѓорческа беше во сигурно и имаше предност од 5:2 во гемови, но ривалката уеспа да стигне до изедначување 5:5. Во следните два гема Ѓорческа повторно беше „на висина на задачата“ и ги доби следните два гема за 7.5 во вториот сет и пласман во следната рунда.

Во наредното коло Ѓорческа ќе игра против тенисерката од Полска, 11.та носителка Маја Чвалинска (22 години, 244.место ВТА листа)

The post Ѓорческа одлична, за место во третото коло на фјучерс-турнирот во Словенија appeared first on Република.

Најдобрата македонска тенисерка, Лина Ѓорческа го заврши настапот на Ролан Гарос.

Ѓорческа беше поразена со 2:1 во сетови уште во првото квалификациско коло од страна на домашната тенисерка Марго Рувроа. Французинката, 285-та на ВТА листата, подобро се снајде на соочувањето на „Сузан Ленглен“.

Марго го доби првиот сет со 6:2, нашата тенисерка возрвати со 7:5, за да во третиот Ѓорческа изгуби со 6:3 иако прва дојде до брејк.

The post Ѓорческа го заврши настапот на Ролан Гарос appeared first on Република.

Најдобрата македонска тенисерка Лина Ѓорческа ја мина денеска втората пречка на фјучерсот во словачкиот град Трнава.

Ѓорческа во второто коло беше поуспешна од првата носителка Маи Хонтама од Јапонија, совладувајќи ја во два сетови со 6-3, 6-1).

Дуелот траеше два часа и девет минути игра.

Утре во четвртфиналето Ѓорческа ќе игра против осмата носителка, Вероника Ерјавец од Словенија.

The post Ѓорческа ја елиминира првата носителка на фјучерсот во Трнава appeared first on Република.

Најдобрата македонска тенисерка на најновата ранг-листа нема промена во пласманот и има ист број поени како и претходната недела. Таа се наоѓа на 235. место на ВТА ранг-листата со 319 поени.

Магдалена Стоилковска има скок за едно место и сега е 1.211. со девет поени.

Без поголеми промени во рангот и за македонските тенисери.

Пад за една позиција на најновата ранг-листа има најдобриот македонски тенисер Калин Ивановски. Тој се наоѓа на 361. место со 137 поени.

Горазд Србљак има скок од три места и сега е рангиран на 1.068 место со 10 поени.

Третиот македонски тенисер со ранг е Обрад Марковски. Тој со два поена се наоѓа на 1612. место и има пад за две позиции.

The post Ѓорческа без промена во пласманот на ВТА, пад за едно место на Ивановски на АТП ранг-листата appeared first on Република.

Најдобрата македонска тенисерка, Лина Ѓорческа забележа победа во првото коло на ИТФ фјучрсот во Анталија, Турција. Ѓорческа ја совлада Маделиеф Хагеман од Холандијасо 2-0, во двата сета со по 6:2.

Ѓорческа е рангирана како трета носителка на турнирот.

Веќе утре, Македонката ќе настапи и во конкуренција на двојки заедно со Ева Ведерер од Холандија, а противнички им се јапонската двојка Козаки-Аикава.

Ѓорческа и Ведерер се рангирани како втори носителки.

The post Ѓорческа со победа го почна ИТФ фјучрсот во Анталија appeared first on Република.

Македонската тенисерка Лина Ѓорческа се пласираше денеска во четвртфиналето на фјучерсот во грчкиот град Ираклион, откако во второто коло ја победи Шпанката Андреа Лазаро Гарсија со 2-0 во сетови (7-5, 6-0).

Ѓорческа, која е трета носителка на турнирот во Крит, обезбеди пласман меѓу осумте најдобри тенисерки за еден час и 35 минути игра против шпанската противничка.

За пласман во полуфиналето Ѓорческа утре ќе игра против Романката Кристина Дину, која со 2-1 во сетови славеше победа над сонародничката Александра Игнатик.

Во меѓусебните мечеви скорот е 3:2 за Ѓорческа, која има победи на последните три дуели.

The post Ѓорческа обезбеди четвртфинале на фјучерсот во Ираклион appeared first on Република.

Македонската тенисерка Лина Ѓорческа го освои фјучерсот во Куршумлиска бања, откако денеска во финалето ја совлада Антонија Ружиќ од Хрватска со 2-0 во сетови (6-3, 6-3).

Ова е прва титула за Ѓорческа оваа година во нејзиното четврто финале. Претходно македонската тенисерка претрпе порази во финалните дуели на фјучерсите во Талин, Осиек и Куршумлиска бања.

Ѓорческа со денешниот триумф на турнирот во Србија ја освои 13. титула во поединечна конкуренција.

Последен пат триумфираше во ноември лани на фјучерс во Грција.

The post Нашата Лина го освои Фјучерсот во Србија appeared first on Република.

Лина Ѓорческа стигна до тешка, но и важна победа на силниот фјучрс турнир во Виена, триумфирајќи над шпанската ривалка Леире Ромеро Гомез со 2:1 во сетови.

Најдобрата македонска тенисерка лесно го доби првиот сет со 6:2, но ривалката одговори на сличен начин и со 6:1 се избори за трет решавачки сет во осминафиналето на турнирот во Австрија.

Мечот кулминираше со драматична завршница, во која Ѓорческа направи клучен брејк во единаесеттиот гејм, па ја потврди победата со 7:5 во третата и клучна етапа од дуелот со четвртата носителка на турнирот.

Во четвртфиналето во Виена, противничка на Лина ќе и биде романската тенисерка Ирина Бара, која е шеста носителка на турнирот.

Турнирот во Виена се игра за награден фонд од 60.000 долари.

The post Лина Ѓорческа се пласира во четвртфиналето на турнирот во Виена appeared first on Република.

Најдобрата македонска тенисерка, Лина Ѓорческа, со победа го почна настапот на фјучерс турнирот во Виена што се игра за награден фонд од 60.000 долари.

Ѓорческа во првото коло ја совлада домашната тенисерка Алина Михалич со 2-0 во сетови (6-2, 6-2), која на турнирот настапуваше со вајлд карта.

Во следното коло Ѓорческа ќе игра со победничката од мечот меѓу Арабела Колер од Австрија и Леире Ромеро Гормаз од Шпанија.

The post Ѓорческа стартува со триумф во Виена appeared first on Република.

Најдобрата македонска тенисерк Лина Ѓорчевска а не успеа да ја оправда фаворитската улога како прва носителка и загуби од изненадувањето на турнирот, Романката Анка Тодони.

Анка вчера успеа да ја елиминира втората носителка во Хрватска, а денеска во Осијек беше подобра и од Лина со максимални 2:0 за еден час и 24 минути игра.

Мечот изобилуваше со брејк шанси и одземени сервиси на противничката, па тоа на крајот се покажа и како клучен сегмент во ова финале, во кое Романката беше поуспешна во клучните моменти .

Тодони направи еден брејк повеќе од Лина во првиот сет за 6:4, а иста беше ситуацијата и во вториот кој заврши со 6:3. Вкупно на мечот видовме десет брејка, од кои шест беа на страна на победничката, а четири на страна на Ѓорческа.

The post Лина Ѓорческа поразена во финалето на турнирот во Осијек appeared first on Република.

Најдобрата македонска тенисерка Лина Ѓорческа заедно со својата партнерка Алена Фомина се победнички на ИТФ турнирот во двојки во германски Хенинген. Во финалето ги победија германско-грузиската двојка Хобгарски-Горгодзе со 2-0 во сетови (6-3 и 6-4).

Ова е прв трофеј за Лина во двојки оваа година по априлскиот триумф во Хрватска. Од тогаш таа играше финале во Куршумлиска бања во кое доживеа пораз, потоа доживеа пораз во парови во Лиепаја (Летонија),

Инаку на истиот турнир во Хенинген, Ѓорческа играше и синг меѓутоа беше запрена во осминафиналето од Фалкнер од Словенија.

The post Лина Ѓорческа освои турнир во Германија appeared first on Република.