Тренерот на Милан, Стефано Пиоли, ги искажа своите очекувања за вечерашниот натпревар со Рома.

Во првиот натпревар од четвртфиналето на Лига Европа, Милан загуби на домашен терен од Римјаните со резултат 0:1.

- Одам на овој натпревар со самодоверба бидејќи знам за што се способни моите играчи. Сигурен сум дека знаат што да прават на вакви важни натпревари. Мора да подобриме некои ситници во однос на првиот натпревар. Ова е одлучувачки момент за нашите европски амбиции. Мора да ги покажеме нашите најдобри квалитети на теренот и да ја исцедиме секоја последна капка пот, изјави тренерот на Милан.

Натпреварот на „Олимпико“ во Рим ќе почне во 21 часот.

The post Вечерва играат Милан-Рома во битка за полуфиналето на ЛЕ appeared first on Република.

Со жрепка попладнево во Монте Карло е одреден составот на групите во второто по ранг европско клупско натпреварување во организација на УЕФА, Лига Европа.

Англиски Вест Хем се најде во групата А заедно со грчки Олимпијакос, германски Фрајбург и српскиот претставник ТСЦ, а силни противници се најдоа и во групата Б во која ќе играат Ајакс, Олимпик Марсеј, Брајтон и АЕК.

Натпреварите од првото коло ќе се играат на 21 септември, а финалето на е 22 мај во Даблин.

Лига Европа, групи:

Група А – Вест Хем, Олимпијакос, Фрајбург, ТСЦ Бачка Топола

Група Б – Ајакс, Олимпик Марсеј, Брајтон, АЕК

Група Ц – Глазгов Ренџерс, Бетис, Спарта Прага, Арис Лимасол

Група Д – Аталанта, Спортинг, Штурм, Раков

Група Е – Ливерпул, Ласк, Унион Сент Жил. Тулуз

Група Ф – Виљареал, Рен, Макаби, Панатинаикос

Група Г – Рома, Славија Прага, Шериф, Сервет

Група Х – Баер Леверкузен, Карабах, Хакен, Молде.

The post Лига Европа: Ливерпул доаѓа во Бачка Топола appeared first on Република.

Португалскиот тренер, Жозе Мурињо, докажа дека се уште е при врвот на фудбалските стручњаци во Европа и со Рома избори пласман во финалето на Лига Европа. Ова е нов успех за „Специјалниот“, кој лани, со „римската волчица“ ја освои Конференциската лига на УЕФА.

За пласман во новото финале, на Рома и беше доволно да одигра 0:0 на гостувањето во Леверкузен, со што ја сочува предноста од 1:0, изборена на првиот меч, одигран во Рим.

Во финалето на Лига Европа, Рома ќе игра против Севилја, која беше подобра од Јувентус, дури по продолженијата. Во регуларниот дел мечот заврши идентично како првиот дуел, со резултат 1:1, а голот што ја однесе шпанската екипа во финалето го постигна Ерик Ламела во 95 минута.

The post Жозе Мурињо избори ново европско финале appeared first on Република.

Тренерот на Рома, Жозе Мурињо, изрази задоволство од изданието на неговиот тим на натпреварот од Лига Европа на гости против ХЈК Хелсинки.

„Римската волчица“ славеше со 2:1 и си ги зачуваа шансите за пласман во плејофот.

Дали сум задоволен? Да. Пред натпреварот знаевме како заврши средбата Бетис - Лудогорец, па секој резултат го оставаше отворено прашањето за плејофот. Сакавме да победиме. Овој резултат добро ни дојде по поразот од Наполи во Серија А. Во соблекувалната зборувавме за нашите навивачи кои дојдоа од Рим. Исто така и ним им беше важно да победиме. Го направивме тоа и сега мора да се подготвуваме за следниот предизвик, изјави Мурињо.

Рома сега е на третото место во Ц-групта со седум бодови исто колку што има и Лудогорец. Бетис е убедливо прв со 13, ХЈК е последен со само еден бод.

Во последното коло, Рома на домашен терен го пречекува Лудогорец.

The post Mурињо e среќен поради победата на Рома во Хелсинки appeared first on Република.

Македонскиот фудбалски првак Шкупи загуби со 3-1 (2-0) на гостувањето вечерва во Даблин од Шамрок Роверс во рамки на 3. квалификациско коло во Лига Европа.

Домаќините под силна поддршка од навивачите на целосно исполнетиот стадион „Тала“ во јужен Даблин поведоа преку Барк од пенал во 13 минута, а Вотс ја удвои предноста на ирскиот тим во 29 минута.

Македонскиот состав заигра многу подобро во вториот дел и преку бразилскиот интернационалец Куевен ја преполови негативата во 77 минута, а домашниот тим до крајот на натпреварот ја искористи предноста од играч повеќе по исклучувањето на Хамиди во 84 минута и со гол во седмата минута од судиското продолжение преку О‘ Нил обезбеди предност од два гола за реваншот во Скопје идниот четврток.

The post Лига Европа: Шкупи поразен од ирски Шамрок appeared first on Република.

Пред почетокот на финалето од Лига Европа меѓу Глазгов Ренџерс и Ајнтрахт Франкфурт, навивачи од двете екипи се загреваа со тепачки низ улиците на Севиља.

Шпанската полиција имаше еден куп работа во текот на денешниот ден, огромен број на навивачи од Шкотска и Германија допатуваа во Севиља, а дел од нив се пресметаа и физички низ улиците на градот.

https://twitter.com/Football__Tweet/status/1526995139192930305?ref_src=twsrc%5Etfw%7Ctwcamp%5Etweetembed%7Ctwterm%5E1526995139192930305%7Ctwgr%5E%7Ctwcon%5Es1_&ref_url=https%3A%2F%2Fwww.mkd.mk%2Fsport%2Ffudbal%2Fzhestoki-tepachki-vo-sevilja-megju-navivachite-na-rendzhers-i-ajntraht-video

The post Жестоки тепачки во Севиља меѓу навивачите на Ренџерс и Ајнтрахт appeared first on Република.

Повеќе од 5.000 полицајци се во состојба на готовност во Севиља во очекување во градот да пристигнат огромен број фудбалски навивачи од Германија и Шкотска за утрешното финале во Лига Европа меѓу Ајнтрахт Франкфурт и Глазгов Ренџерс.

Дел од градските улици се затворени за сообраќај, а засилено е обезбедувањето околу културните споменици, влезовите во подземната железница и поголемите трговски центри пред најавеното доаѓање во Севиља на повеќе од 150.000 навивачи. Според проценките, околу 100.000 ќе допатуваат од Шкотска, а 50.000 од Германија.

Градот подготви две навивачки зони за оние кои ќе допатуваат во Севиља без влезници за финалниот натпревар.

Потребна ни е максимална координација меѓу локалната и сојузната полиција за да го сведеме на минимум ризикот кој може да се јави при толку голем број навивачи, изјави градоначалникот на Севиља, Антонио Муњоз.

Севиља очекува дека финалето меѓу Ајнтрахт и Ренџерс ќе му донесе на градот приход од околу 50 милиони евра.

The post Лига Европа: Над 5.000 полицајци ангажирани за утрешното финале во Севиља, во градот доаѓаат 150.000 навивачи appeared first on Република.

Со елиминацијата на лондонски Вест Хем во синоќешното полуфинале фудбалерите на Ајнтрахт Франкфурт станаа првиот германски клуб кој обезбеди финале од воведувањето на Лига Европа во сезоната 2009/10.

За бундеслигашот од Франкфурт тоа воедно ќе биде прво европско финале по пауза од 42 години. Последен пат Ајнтрахт стигна до финале во 1980 година во Купот на УЕФА, кога и го освои својот единствен европски трофеј. Ајнтрахт играше и во финалето во Купот на европските шампиони во 1960 година и беше поразен од мадридски Реал со 7-3.

Нивниот противникот на 18 мај во Севиља, шкотски Глазгов Ренџерс, ќе го одигра своето петто европско финале во историјата, а прво по 2008 година.

Шкотскиот тим досега има само еден трофеј, во Купот на европските купови во 1972 година.

The post Ајнтрахт и Глазгов во финалето на Лига Европа appeared first on Република.