Итните екипи на Клиничкиот центар „Војводина“ продолжуваат да се борат за живот на три тешко повредени лица по падот на настрешницата на Железничката станица во Нови Сад, изјави д-р Весна Туркулов, в.д. директор на оваа здравствена установа. Повредените се во тешка состојба, а лекарите постојано ги набљудуваат и прават се што е во нивна моќ да им го спасат животот.

Пациентите се се уште нестабилни и нивните животи се во опасност. Она што можам да кажам е дека немаше никакви хируршки интервенции во текот на претходната ноќ, но сите тројца се се уште во многу тешка состојба и не се свесни, изјави д-р Туркулов во програма „Уранак“ на телевизија К1.

Таа додаде дека на семејствата на повредените им се дава поддршка на секој можен начин. Туркулов рече дека семејствата, бидејќи не се од Нови Сад, изнајмиле станови под кирија, но претежно остануваат во фоајето на Клиничкиот центар на Војводина бидејќи сакаат да бидат таму и тоа е најмалку што може да се направи за нив.

Поради нивниот подолг престој овде, им даваме психолошка поддршка и разговараме со нив, но ситуацијата е навистина тешка. Надзорот се врши 24 часа. Во оваа ситуација сите дежурни екипи се засилени. Сите бдееме над нив и се бориме. Секојдневно сме во контакт со министерот за здравство и во моментов ја добиваме сета потребна поддршка и ќе продолжиме да се бориме, додаде докторката.

Д-р Туркулов рече дека семејствата на повредените ги посетил градоначалникот на Нови Сад, Милан Ѓуриќ, кој организирал други форми на поддршка за семејствата на жртвите.

Тоа е најмалку што може градот да направи. Сите сме тука да помогнеме. Ние здравствените работници се бориме овде, додека тие се борат на нивните фронтови, рече Туркулов и нагласи дека бројот на загинати и повредени не е повисоки во однос на официјално објавеното.

Во моментов имаме тројца тешко повредени, додека 14 лица загинаа на лице место. Нема полесни повреди“, заклучува д-р Туркулов.

-Вакви повреди немаме видено од војната, изјави вчера д-р Драган Николиќ.

Тој забележува дека лекарите секогаш го очекуваат најлошото, но дека искрено се надева дека со толку добар тим, овие спасени луѓе ќе бидат добро.

Дури утрото сфативме што се случи. Најтешката работа е кога ќе откриеме дека нешто не оди како што треба. Сите имаме огромна желба тоа да биде добро. Најважно е да го вложиме знаењето кое сме го чувале за вакви работи. За нас ова е голем предизвик да ги спасиме овие луѓе. Прогностички, тие луѓе можеби нема да преживеат, но со ваков труд се надевам на добар исход без разлика на прогнозата – вели д-р Николиќ.

Тој посочува дека покрај медицинската умешност, многу е важна и хуманоста во овие моменти што ја покажуваат лекарите, истакнува д-р Николиќ.

Родителите на една од пациентките не излегуваат од Ургентниот центар. Медицинската сестра ми се јави да ми каже дека таткото на една пациентка не ја остава 24 часа, ја прашав дали нешто му е подготвено, таа ми рече дека има се и дека одбива да јаде. Сите дојдовме да разговараме со него, да му го понудиме помош, да учествуваме во неговите маки. Тоа ни треба! Ни треба емпатија. Ни треба желба за хуманост. Од една страна има професионализам, од друга страна е хуманост. Тоа мора да се активира. И сите треба да сочувствуваме, сите мораме да учествуваме во тоа. Ако е така, тогаш на тие луѓе ќе им биде полесно и на сите нас, изјави д-р Николиќ за РТС.

The post Спијат во болница, одбиваат да јадат: Лекарите од Нови Сад за состојбата на семејствата чии најблиски се борат за живот appeared first on Република.

Вработуваме 600 лекари и ја проширивме позитивната листа на лекови.
100% #Посветени за тебе!, напиша на социјалните мрежи, претседателот на владата, Христијан Мицкоски.

The post Мицкоски: Вработуваме 600 лекари и ја проширивме позитивната листа на лекови appeared first on Република.

Грчката полиција разби две различни криминални организации и уапси 16 лица меѓу кои и лекари и фармацевти за измами во висина од 3,5 милиони евра на товар на Националната организација за здравствени услуги на Грција со издавање фиктивни рецепти за лекови.

Од грчката полиција соопштија дека биле запленети над 9.000 фармацевтски препарати, а некои од лековите што лажно ги препишувале се дефицитарни, додека уапсени се четворица лекари од јавни здравствени структури во областите Атика и Виотија, сопственици и вработени во осум аптеки во Атика, еден вработен во фармацевтска компанија и едно лице кое имало улога на посредник.

Незаконското дејствување на криминалните организации почнало најмалку од јануари 2020 година, а од истрагата на полицијата произлегло дека имале слична цел, начин на дејствување како и заеднички членови кои дејствувале паралелно.

Во однос на начинот на дејствување, лекарите издавале лажни рецепти, користејќи податоци на осигуреници во главно странски државјани, кои или биле депортирани од земјата или во затвор со што немале можност да го идентификуваат лажниот рецепт, а во продолжение следело фиктивно користење на рецептите во аптеките и понатамошна дистрибуција на незаконски препишаните фармацевтски производи преку аптеки и лекари до клиенти, како во Грција, така и во странство.

Од досегашната истрага било констатирано незаконско користење на 3.516 единствени броеви на здравствено осигурување врз основа на кои лажно биле издадени 90.186 рецепти, а загубата за Националната организација за здравствени услуги на Грција надминува 3.500.284,98 евра.

При спроведените претреси во домови, магацини, ординации, аптеки, јавни здравствени установи и банкарски сефови пронајдени и одземени биле над 9.000 пакувања со незаконски препишани фармацевтски препарати, вклучително и препарати кои содржат наркотични супстанции, 451.140 евра, 10.000 американски долари, 8.000 австралиски долари, две златни прачки со вкупна тежина од еден килограм, 109 златни лири, голем број документи, мобилни телефони, компјутери и други дигитални уреди.

The post Уапсени лекари и фармацевти во Грција за издавање фиктивни рецепти за лекови appeared first on Република.

Директорот на Клиниката за токсикологија Нико Беќаровски на денешната прес-конференција, којашто ја држеше заедно со останатите лекари на Клиниката, рече дека главен проблем со којшто во моментов се соочува клиниката е доекипирањето на лабораторијата, поради што пациентите трпат. Лекарите алармираа за хаосот што се случува на Клиниката, особено, како што велат, откако била назначена економската директорка.

Секој кој малку разбира токсикологија, знае дека токсиколошка клиника без токсиколошка лабораторија не може да функционира. Во моментов таму функционира само еден лаборант, а за минимум да работи оваа лабораторија, потребни се барем двајца дипломирани биолози и уште еден техничар со средна медицинска спрема - појасни тој.

Истакна дека Клиниката веќе неколку години е на маргините, во рок за шест години се сменети пет директори, додавајќи дека од 12 февруари, клиниката има нова организациона директорка, дипломиран економист, со која се соочувале со отпор и несоработка.

Во неколку наврати, додаде, било барано да се вработат двајца лаборанти и еден болничар, за да може да се функционира.

Од директорката се инсистира да бидат примени сите 18, кои претходно беа примени со договор на дело, а на кои им истече договорот. Ставот на лекарскиот колегиум, е, дека немаме потреба од толкав број нови примања - рече тој.

Дополнително, медицинскиот директор Данил Петровски одбива да ги потпише вработувањата бидејќи е предизборен период.

На новинарско прашање, тој одговори дека меѓу 18-те лица за кои директорката Бесија Иљази бара да се вработат со договор на дело, имало и болничар кој пред неполн месец вршел притисок кај лаборантот да замени урина во која имало наркотици, со чиста урина.

Беќаровски подвлече дека немаат комуникација со директорката, бидејќи, како што рече, таа не го знаела македонскиот јазик.

Тој рече дека имал обиди со неа да разговара на англиски. Комуникацијата, додаде Беќаровски, била преку преведувач, кој бил дел од тие 18 лица, па докторот рече дека не знаат дали точно се пренесувало тоа што го зборувале и обратно, дали точно им се преведува нејзиното говорење.

Беќаровски се осврна и на резултатите од работењето во изминатиот период, рече дека државата нема акредитирана токсиколошка лабораторија, иако на сите министри им се укажувало тоа.

Нагласи дека ниту едно од присутните медицински лица на пресот, истакнати во својата професија, не е активен член на политичка партија, а сите се со долги години стаж.

По прес-конференцијата, надвор од клиниката, новинарите имаа можност да поразговараат и со дел од тие кои останале без работа по истекот на договорот на дело, меѓу кои и болничарот за кој претходно беше кажано дека правел притисок за замена на урина. Тој ги негираше обвинувањата, нагласувајќи дека само бил прашан, дали може да помогне и одговорил дека не може и не смее, бидејќи е тоа кривично дело.

Изјава даде и организационата директорка на клиниката, но, само на албански јазик.

The post Кој што сака си прави: Лекари од Токсикологија алармираат за хаос на Клиниката appeared first on Република.

По целонеделен штрајк лекарите специјализанти за утре најавија протест пред Министерството за здравство точно во 11.55 часот со пораката „5 до 12 за македонското здравство“.

„Се решивме на протест под мотото „5 ДО 12 ЗА МАКЕДОНСКОТО ЗДРАВСТВО“ со цел повторно да го кренеме гласот за нашите барања за достоинствен живот и основни човекови права. Овој протест нема за цел само изразување на нашето лично незадоволство, туку протестираме и за да го искажеме нашиот стремеж кон подобрување на условите за нас како лекари и за нашите пациенти“, се вели во најавата на специјализантите кои очекуваат широк одглас за нивните барања и конечно за решавање.

The post Специјализантите утре излегуваат на протест со пораката „5 до 12 за здравството“ appeared first on Република.

Порано имало по четири сестри на еден доктор, а сега е обратно, да не се доведеме во ситуација да увезуваме кадар од трети земји, кажаа денеска на протестот пред Министерството за здравство здравствените работници. Тие побараа од политичкиот партии кои претендираат да дојдат на власт да седнат со Синдикатот на заедничка маса и се она што го ветуваат во предизборните програми да го договорат на хартија, а потоа и да го реализираат.

Според Даница Стојкова, медицинска сестра на Клиниката за гинекологија, некогаш имало по четири сестри на еден доктор, а сега е обратно. Мора да се стави акцент и на образованието зашто во здравствени институции влегува несоодветен и неспособен медицински кадар.

Валоризацијата на медицинските сестри и другиот персонал кој е вработен во медицинските установи малку повеќе да се разработи зашто навистина платите не стигнуваат. Ако на некој не му стигнуваат 4 000 евра за еден месец, за нив колку се 40 илјади денари за цело семејство за еден месец. Мора да се стави акцент и на образованието. Во овие здравствени институции влегува несоодветен, неспособен медицински кадар поминат независно низ некои филтри или ред други работи каде што и тие се вработуваат со решение за стално, а нивната работа ја извршуваат вработените кои се доста повозрасни од нив и тоа не води никаде. Тука треба покрај Министерството за здравство и другите институции да се запраша и образованието како се вади кадар, дали е тој кадар како некогаш способен да настапи во тие здравствени институции затоа што никој дојден како пациент не би сакал да биде прифатен од нестручни луѓе, потенцира Стојкова.

Здравствените работници побараа веднаш по формирањето на новата влада да се потпише анексот на Колективниот договор. Ако не се исполни барањето за потпишување анекс од кое не отстапуваат, здравствените работници најавија помасовни протести.

Како што нагласија, целта е да испратиме две пораки. Првата е да го искажат незадоволство од потпишувањето на анексот на Колективниот договор за здравствена дејност кој требаше да се примени со оваа мартовска плата, а втората, многу појака и посилна, е до политичките партии кои претендираат да ја освојат власта - да сфатат дека веднаш по формирањето на новата влада треба да се пристапи кон потпишување на овој анекс на Колективниот договор.

Нашите две пораки се да го искажеме незадоволството и да дојдеме во ситуација да укажеме дека нема да отстапиме од потпишувањето на анексот на Колективниот договор, истакна претседателот на Самостојниот синдикат за здравство, фармација и социјална заштита Љубиша Каранфиловски.

За анексите што не беа потпишани, имаме разработено и коефициенти и математика. На тие анекси што ги дадовме до Влада, кои поминаа на Влада и се даде заклучок, сега бараме и 15 отсто на тие анекси модифицирано поради минималната плата што се покачи во март. Исто така, проблемите со Колективниот договор мора да ги спомнеме, последните три министри, иако инсистиравме, изработката на новиот колективен договор за здравство е 90 отсто направена. Тоа го направи министерот Беким Сали, се формира Работна комисија и имаше мандат една година. Тоа е скоро готова работа и усогласено е и по образование и по професии и со Закон за работни односи и со Закон за здравствена заштита. Значи, еден апел до министерот - да се формира таа комисија што побрзо, да се доврши изработката на колективниот договор, да се стави на маса и да се потпише, рече претседателот на Синдикатот на Клинички центар, Предраг Серафимовски.

Синдикатот на клинички центар, дополни, повеќе пати апелира и му даде поддршка на претходниот министер и на тој пред него.

Филипче ја отвори таа тема, беше ставена во програма на Влада - Клинички центар да се врати во една целина со еден директор и еден Управен одбор за да се знае што и како кој работи, бидејќи имаше шест директори, 33 управни одбори и има голем одлив на пари. Само ако го вратат Клинички центар, со тие пари можат да ги покачат платите на вработените во здравството. Паркингот е исто така рак рана, го кажавме тоа и на вчерашните пресови. Не може Градски паркинг само да го смета Клинички центар како инвестиција или за собирање пари. Треба да се воспостави ред, да има контрола кој влегува, не може од двете страни да се паркираат возила, да не може болничко возило со животнозагрозувачки пациент да дојде до Ургентен центар и до другите клиники, изјави Серафимовски.

Според него, Синдикатот се залага и за оние со договори на дело и за специјализантите со приватна специјализација уште од 2012 година.

За оние со договори на дело треба конечно да се изнајде начин, парите се обезбедени и треба да се вработат, бидејќи има луѓе со по 20 години договор на дело на клиниките, а не им тече ниту здравствено, ниту пензиско осигурување. Кај приватните специјализанти проблемот е многу посложен. Иако постои голем егзодус во нашето здравство, приватната специјализација не постои никаде на друго место во светот. Предлагаме луѓето да се вработат во клиниките, државата да им ги исплати специјализациите и да останат во јавното здравство за да помагаат на народот. Инаку, вака, приватен специјализант ќе си заврши специјализација со пет години и еден ден нема да има во јавно здравство, па ќе си оди или во странство како што го прават тоа и завршените доктори, уажа претседателот на Синдикатот на Клинички центар.

Има, додаде, максимален одлив на сите профили.

Крајно време е сите политички партии да си го стават прстот на чело. Го кажав тоа и вчера, знаеме дека има економски егзодус и од Англија одат медицински кадар во Австралија за поголеми плати и од Германија во Норвешка, во Шведска, меѓутоа немојте да се доведеме во состојба да се увезуваат здравствени работници и кадар од трети земји бидејќи од контактите што ги имаме со синдикатите од Словенија, од Хрватска смртноста кај нив е зголемена доста. Така што, мислам дека е крајно време, ова е последен апел да имаат чувство, сенс за здравството. Прво и основно е покачување на платите зашто се што нудат друго – градење болници, опрема се е тоа во ред, меѓутоа кој ќе работи во тие болници и кој ќе биде со таа опрема, подвлече Серафимовски.

Каранфиловски во овој контекст укажа дека за новата влада мотивираноста на вработените во здравството треба да биде главен приоритет.

Протестот беше под мотото „Здравството на протест за плата“, а го поддржаа ССМ, Конфедерацијата и гранковите синдикати од двата сојуза и конфедерации.

The post Порано имало по четири сестри на еден доктор, а сега е обратно, да не се доведеме во ситуација да увезуваме кадар од трети земји, кажаа на протестот здравствените работници appeared first on Република.

Од јавното здравство на годишно ниво од земјава заминуваат од 200-250 лекари, изјави докторот Горан Димитров од Македонското лекарско друштво на 5 април на настан организиран по повод Светскиот ден на здравјето (7 април).

За да се задржат лекарите во земјава, тој смета дека потребни се неколку мерки од здравствените власти.

Од професионална гледна точка мислам дека треба да се направи добра регионализација, да се обезбедат подобри услови за специјализација, напредување, за брзо вработување на некој начин со стипендии уште додека учат студентите по медицина и секако да се почитуваат некои вид на желби за напредувањето и визијата што ја имаат младите луѓе, вели Димитров.

Заменик-министерката за здравство, Маја Манолева, пак, смета дека одливот не само на лекари туку генерално на здравствени работници е глобален проблем.

Секако дека треба да се соочиме со него. Во изминатиот период интервениравме во она што значи примарен услов, но не и единствен, за останување на здравствените работници во земјава – тоа е зголемувањето на платите. Со тоа ќе продолжиме и во наредниот период по завршување на изборите, вели Манолева.

Втора мерка, посочува таа е навремено и брзо упатување на лекарите на специјализација. Понатаму, како мерки што ќе ги мотивираат лекарите да останат во Македонија заменик-министерката ги посочи и вложувањето во инфраструктурата, но и во модерна и софистицирана опрема која овозможува светски методи што се работат во странство да се применуваат и во земјава.

Според податоците кои ги сподели Димитров како прв човек на Македонското лекарско здружение, бројот на лекари кои се медицински доктори, не вклучувајќи ги тука стоматолозите и фармацевтите, во моментов се движи помеѓу 6.000 и 7.000. Оваа бројка на почетокот на 20. век била само 60-тина лекари, а во 1990-тите изнесувала 18.000 лекари.

The post Годишно од Македонија си заминуваат меѓу 200 и 250 лекари, изјави д-р Горан Димитров од Македонското лекарско друштво appeared first on Република.

Лекарите не се чувствуваат безбедно зашто сите имаат пациенти кои се зависници, психички нестабилни, со анксиозноно депресивни состојби, биполарни растројства,..., оцени денеска претседателката на Здружението на приватни лекари, Лили Чолакова-Дервишова.

Таа потсети дека од 12 до 16 часот, приватните лекари нема да работат со пациенти, во знак на почит кон убиениот колега А. Т., матичен лекар од поликлиниката „Железара“ од Скопје.

Лекарите бараат услови за безбедно работење и, како што напомена Чолакова-Дервишова, построги казни за напад на здравствените работници.

Матичните лекари денес нема да работат од 12 до 16 часот за да го подигнеме гласот, да разговараме за нови закони кои би значеле појака заштита на здравствениот кадар каде казните би биле поригорозни, сѐ со единствена цел, да се чувствува безбедно здравствениот персонал. Луѓето кои работат во примарното здравство се столбот на овој здравствен систем, тие лекуваат и спасуваат човечки животи. На ваков начин не треба нити еден пациент не треба да биде незадовелен. Ние не ја знаеме причината, но во кругот на здравствен дом е убиен докторот, така што очекуваме органите на прогонот да ни кажат што се случува, изјави Чолакова-Дервишова по потпишувањето на Декларацијата за промоција и поддршка на вакцинацијата во Лекраската комора.

Според неа, пациентите имаат разбирање и почит за целата ситуација, ги поддржуваат.

Ова не е дека ние не работиме или не сакаме да работиме, но навистина, само да стои на закон дека сме службени лица, гледаме дека тоа не врши никаква функција. За секој здравствен работник од примарното, секундарното и терциерното здравство ваков чин не треба да се повтори, нагласи Чолакова-Дервишова.

Телото на лекарот А. Т. беше пронајдено на 21 март, во неговиот автомобил, на паркинг пред зградата на поранешната клиника „Железара“ околу 23 часот од синот. На телото биле уочени видливи убодни рани од остар предмет. Обвинителството презема мерки за расчистувње на убиството.

The post Лекарите не се чувствуваат безбедно, сакаат построги казни за напад на здравствените работници, вели д-р Чолакова-Дервишова по убиството на колега appeared first on Република.

Светска здравствена организација (СЗО) соопшти дена од 7 октомври 2023 година до 12 март годинава регистрирани се 410 напади врз здравствени институции во Појасот Газа.

Во нападите загинаа 685 лица, 902 се повредени, 99 згради се оштетени и 104 амбулантни возила беа погодени. Дури 38 отсто од нападите беа во градот Газа, 23 проценти во северниот дел на Газа и 28 отсто во Кан Јунис, се наведува во соопштението на  СЗО.

The post Во Газа не се сигурни ни лекарите appeared first on Република.

Пробавте да се откажете од пушење, но не ви одеше? Постои рационално објаснување зошто не сте успеале во тоа. Не затоа што престанувањето на пушењето е невозможно, туку веројатно не сте биле подготвени за тоа.

За да престанете да пушите, важно е да бидете подготвени на тоа – емоционално и ментално. Некои луѓе едноставно се поподготвени од другите. Интегративниот модел на намерна промена на однесувањето кој го развија Прохаска и ДиКлементе опишува и предвидува кога и како лицето ќе го промени своето однесување. Според овој модел, луѓето поминуваат низ пет фази во процесот на промената (предконтемплација, контемплација, подготовка, акција, одржување).

Ако како пример го земеме пушењето, во првата фаза лицето воопшто не сака да ги остави цигарите, не е ни свесно за проблемот, туку воглавно луѓето во неговата околина го забележуваат проблемот и вршат притисок за промена.

Во вториот стадиум лицето е свесно дека треба да ги остави цигарите и размислува за тоа дека ќе престане еден ден. Сега тоа навистина го сака, но ништо не презема тоа и да го направи.

Подготовката, или третата фаза, често се истакнува како најважна бидејќи ја означува пресудната точка во процесот на промената. Тоа е фаза во која човекот е подготвен да се промени и активно разработува стратегии и планови на кој начин тоа ќе го направи. Пушачите воглавно како цел го поставуваат целосното оставање на тутунските и никотински производи и/или намалувањето на штетите по здравјето.

За сите оние кои моментно не се подготвени веднаш во целост да го остават тутунот и никотинот, Американскиот колеџ на кардиолизи го истакнува и третиот тн. Среден пат – разговор за научно поткрепени алтернативни тутунски производи, кои од перспектива на здравствен ризик, претставуваат подобар избор. Се работи за производи кои не го согоруваат тутунот како цигарите, туку го загреваат и не произведуваат тутунски чад, намалувајќи го нивото и количината на штетни и потенцијално штетни материи до 95 проценти во просек, во споредба со цигарите. Овој пристап се истакнува како пожелно дополнување на стратегиите за намалување на пушењето.

Со влезот во четвртата фаза всушност почнува да го остварува својот план, додека петтиот стадиум подразбира одржување на промената и се смета дека лицето го остварило доколку не пуши една година. Конечно човекот успева да излезе од маѓепсаниот круг!

The post Можете да предвидите кога сте подготвени да ги оставите цигарите appeared first on Република.

Здружението на лекари по општа и семејна медицина (ЗЛОМ СМ ) дава апсолутна подршка на младите дипломирани доктори да се изборат за своите права.

Во време во кое имаме егзодус на кадар незамисливо е докторите да чекаат три месеци одговор за платена пракса.

 

Министерството за здравство мора да изнајде модел како ќе ги забрза кабастите административни процедури и да се прекине со моделот на спори процедури и изготвувања на решенија со месеци, велат до Здружението.

Оттаму велат дека дипломираните доктори треба да се гледаат како кадар кој треба да работи во нашата земја и кадар кој ќе ги замени лекарите кои заминуваат во пензија, а не со комплицирани административни процедури насила да ги истераме сите млади лекари надвор од земјата, во Европските земји каде добиваат платени специјализации а по завршување на истите ги чека работа.

Од еднастрана се жалиме дека немаме кадар ниту во примарно здравство ниту во секундарното и терциерното здравство, а завршени кадри три месеци чекаат одговор за платена пракса. Пракса која е влезена како задолжителна во закон за добивање на специјализации. Од тука се поставува прашањето чим е нешто облигаторно и задолжително зошто тогаш се чека за било какви одобренија и решенија со месеци.

 

Се надеваме дека Министерството за здравство ќе се заземе на страната на младите лекари и ќе ги решава сите прашања во разумен временски рок, а не со месеци, се вели во реакцијата на Здружението на лекари по општа и семејна медицина.

The post Здружението на лекари по општа и семејна медицина: Министерството да изнајде модел за да ја забрза праксата на младите доктори appeared first on Република.

Тим лекари од Универзитетскиот клинички центар на Република Српска пристигна во Хаг, каде што в среда треба да го прегледаат генералот Ратко Младиќ.

Лекарскиот тим од Република Српска треба да ја утврди здравствената состојба на генерал Младиќ и да предложи соодветна терапија.

Во тимот од Клиничкиот центар се Милан Стојаковиќ, Никола Шобот и Синиша Миљковиќ.

За семејството на Младиќ, како што велат, ова ќе биде многу значајно, меѓу другото, бидејќи лекарите ќе комуницираат со него на мајчин јазик, пренесуваат медиумите во Република Српска.

The post Лекари од Република Српска пуштени во Хаг да го прегледаат генерал Ратко Младиќ appeared first on Република.

Штрајкот на Синдикатот на лекарите и стоматолозите во Словенија, „Фидес“ продолжува веќе петта недела, објави словенечката редакција на регионалната телевизија Ен 1.

Штрајкот на лекарите и стоматолозите почна на 15 јануари.

Главна причина за штрајкот е неисполнувањето на обврските на Владата од веќе потпишаниот договор. Штрајкувачите бараат повисоки плати, а системот за плаќање да биде одделен и независен од системот на плати во јавниот сектор.

Ова е најдолгиот штрајк на лекарите и стоматолозите во историјата на Словенија, кој трае 28 дена.

The post Лекарите и стоматолозите во Словенија штрајкуваат петта недела по ред appeared first on Република.

Министерот за здравство Фатмир Меџити за случајот на Универзитетската клиника за радиотерапија и онкологија потенцира дека нема да дозволи да се оцрни белиот мантил, а со име и презиме треба да се знае кој огрешил и за тоа да одговара.

Точно се знаат прописите како работи една јавно-здравствена институција и како работи Министерството за здравство. За сѐ друго има надлежни органи, мило ми е што веќе гледаме некаков епилог на целата оваа голгота. А, јас нема да дозволам веќе да се оцрни белиот мантил. Со име и со презиме да се знае кој се огрешил и за тоа да одговара. Пред сѐ, како лекар, како министер и како човек не би сакал да верувам дека некој се осмелил да направи вакви злоупотреби. Ние како Министерство, сите служби, сите сознанија што ги имавме, навистина 24/7 сме отворени за сите истражни органи, сѐ што имаме информација да споделиме, рече Меџити за емисијата „КОД“ на телевизија Телма.

Како што информира Министерството за здравство, во однос на ревизорскиот извештај за магнетна резонанца, Меџити инстакнал дека веднаш се преземени мерки и е постапено брзо и квалитетно.

Тој изјави дека проектот за централизација на Клиниката за радиологија е во финална фаза, а целта е, како што се наведува, пациентите да добијат подобри услови за лекување и третирање.

The post Меџити: Со име и со презиме треба да се знае кој се огрешил за Онкологија appeared first on Република.

Во 10 испитни сесии кои беа организирани во текот на 2023 година стручен испит положија вкупно 440 доктори на медицина кои ги исполнуваат условите за добивање на лиценца за работа, соопшти Лекарската комора на Македонија.

Најголем интерес за полагање на стручен испит и оваа година имало во декемвриската испитна сесија кога положиле 232 доктори на медицина.

Докторите на медицина по завршување на медицинскиот факултет и приправничкиот стаж, најдоцна во рок од една година треба да полагаат стручен испит за да може да се стекнат со лиценца за работа. Организацијата на полагањето на стручниот испит е една од надлежностите на Комората, покрај издавањето на лиценци, водење на Регистар на лиценци, акредитација за континуираната медицинска едукација и спроведување на стручен надзор.

Минатата 2022 година стручен испит положиле 435 доктори на медицина, во 2021 уверенија за положен стручен испит добиле 350, а во 2019 година оваа бројка била 420.

Од Комората најавуваат дека во 2024 година ќе го модернизираат процесот на полагање на стручен испит, по примерот на останатите коморски асоцијации од западно-европските држави со кои се остварува блиска соработка.

Базата на испитни прашања е обновена и дополнета и веќе е објавена на интернет страницата на Комората. Новина ќе биде тоа што писмениот дел од испитот ќе се полага на компјутер, каде посебен програм ќе генерира тест со испитни прашања и понудени одговори од кои само еден ќе биде точен. Откако ќе бидат одговорени сите прашања, компјутерскиот програм автоматски ќе го дава и бројот на точни одговори, стои во соопштението.

Докторите кои точно ќе одговорат 60 проценти од прашањата ќе се упатуваат на полагање на практичен и устен дел од испитот. Во практичниот дел докторите ќе добиваат студија на случај на пациент и тие треба да објаснат како ќе го лекуваат.

Во последниот устен дел, како и досега, како што се наведува, акцентот се става на познавањето на етичните норми и правила кои лекарот треба да ги почитува во практикувањето на докторската дејност.

The post Годинава 440 лекари положија стручен испит appeared first on Република.

Лекарите приправници во Англија денеска започнаа тридневен штрајк и најавија нов шестдневен штрајк од 3 до 9 јануари поради спорот за зголемувањето на платите, соопшти Британската медицинска асоцијација (БМА), која застапува околу 50.000 членови.

Општата болница во Челтенхем соопшти дека ќе го затвори одделот за итни случаи, додека менаџерите на болниците во Лондон ја повикаа јавноста да го користи Ургентниот центар само за итни случаи.

Лекарите специјализанти ги напуштија разговорите со владата откако им беше понудено зголемување на платите меѓу осум и 10 отсто.

Тие бараат зголемување од 35 проценти, што, според нив, е неопходно за да се покрие влијанието на инфлацијата што се создава во текот на неколку години.

Британската министерка за здравство Викторија Еткинс рече дека се преземени значајни итни мерки за да се минимизира нарушувањето и додаде дека вратата останува отворена за БМА да се врати на преговорите.

Директорите на болниците најавуваат дека шестдневниот штрајк во јануари ќе биде најдолгиот штрајк во историјата на британската Национална здравствена служба.

The post Штрајкуваат лекарите специјализанти во Англија appeared first on Република.

Тројца лекари, вклучително и двајца од Лекари без граници, беа убиени во напад врз болницата Ал-Авда во северниот дел на Газа, соопшти организацијата.

Лекарите без граници редовно им доставуваа на завојуваните страни информации за Ал Авда како функционална болница и присуството на нејзиниот персонал во Ал Авда, се вели во соопштението. „Вчера џи-пи-ес координатите беа споделени и со израелските власти“.

Загинатите лекари се д-р Махмуд Абу Нуџаила и д-р Ахмад ал-Сахар, вработени во организацијата, како и д-р Зиад ал-Татари.

Да гледате лекари како умираат до болнички кревети е повеќе од трагично и тоа мора веднаш да престане, се вели во соопштението.

The post Лекари без граници: Тројца лекари загинаа во напад врз болница во северниот дел на Газа appeared first on Република.

Итно ни требаат доктори и медицински сестри на Одделот за предвремено родени бебиња на Клиниката за гинекологија и акушерство (ГАК), бидејќи секојдневно заминуваат, побара директорката на Клиниката, д-р Викторија Јовановска.

Д-р Јовановски рече дека е неопходно во најскоро време да се одобрат нови вработувања на Одделот бидејќи работат со мал број вработени.

Работата е многу тешка, тоа е 24-часовно работно време без можност за одмор. Вработените, особено докторите на тој оддел, немаа можност дури ни да го искористат правото на годишен одмор заради тоа што секогаш обврските ги тераат да бидат присутни тука. За да ги постигнеме овие бројки должиме на овие вработени кои, верувајте, макотрпно ја извојуваа оваа победа. Последниот месец потпишав три отказни решенија на сестри кои не можеа да го издржат тој предизвик. Таа работа е исклучително тешка, рече д-р Јовановска.

Денеска, на 17 ноември се одбележува Светскиот ден на предвреме роденитте бебиња. Министерот за здравство Фатмир Меџити, денеска беше во посета на ГАК и кажа дека според статистиките, од 2017 година досега, за 74 отсто е намалена смртноста на предвреме родените бебиња. Па така, таа во 2016 година, изнесувала 25 проценти, за во 2023 година да достигне 5,6 отсто.

[caption id="attachment_702579" align="alignnone" width="1600"] фото: Министерство за здравство[/caption]

Борбата за живот на деца од 500 и 600 грама е огромна одговорност за вработените. Тие се под силен притисок и од мене и од целокупното раководство, секако и од нивната морална одговорност. Не можат да се соочат со тие предизвици и си одат, изјави д-р Јовановска.

Според Меџити, намалување на смртноста на предвремено родените бебиња е резултат на унапредување на условите, вложување во модерна опрема на Клиниката за гинекологија и акушерство како и обуки на персоналот.

Од година во година, поточно од 2017 наваму имаме одлични резултати, бидејќи постои ефикасна стратегија со која се унапредени условите за родилките и обезбедена е врвна нега за новороденчињата. Здравјето на мајките и новороденчињата е императив за секој успешен здравствен систем, а токму развојот и имплементацијата на Мастер планот за перинатална грижа е резултат на заедничките заложби со СЗО, УНИЦЕФ и УНФПА, изјави Меџити.

Глобалната тема за Светскиот ден на предвремено родените 2023 година е „Мали акции, големо влијание: непосредна нега кожа на кожа за секое бебе насекаде!“

Покрај виолетовата боја која означува чувствителност и исклучителност, чорапите станаа симбол за Светскиот ден на предвремено родените деца. Малиот пар виолетови чорапи – врамени со девет пара детски чорапи со целосна големина – симболизираат дека 1 од 10 бебиња е родено предвремено во светот. Предвремено родените бебиња имаат гестациска возраст под 37-ма недела од раѓање и доенчиња со мала родилна тежина под 2,5 килограми.

Приближно 1 милион деца годишно умираат поради компликации од предвремено породување.

Предвременото раѓање е водечка причина за смрт кај децата на возраст под пет години. Секоја година, околу 15 милиони бебиња ширум светот се раѓаат предвреме.

Многу преживеани бебиња се соочуваат со доживотна попреченост, вклучително и пречки во учењето и проблеми со видот и слухот.

The post Директорката на ГАК за еден месец потпишала три откази: Кадарот ни заминува, итно ни се потребни нови вработувања во Одделот за предвремено родени бебиња appeared first on Република.

Лекарите во болницата „Ал Шифа“ во северниот дел на Газа ја отфрлија наредбата на израелските одбранбени сили (ИДФ) за задолжителна евакуација, бидејќи стравуваат дека околу 700 пациенти со висок ризик ќе умрат доколку ги остават, изјави денеска генералниот директор на Министерството за здравство во Газа, Мунир Ал Бурш.

Проблемот не се лекарите, туку пациентите. И ако ги остават ќе умрат, а ако ги префрлаат ќе умрат по пат. Тоа е проблем, зборуваме за 700 пациенти. Досега немаше одговор од лекарите, но некои од раселените лица и семејствата веќе си заминаа, рече Ал Бурш, пренесе Си-Ен-Ен.

Директорот на болницата додаде дека наредбата за евакуација не била координирана со ниту една меѓународна хуманитарна агенција, како што е Меѓународниот Црвен крст, и дека недостатокот на координација предизвикува загриженост за безбедноста и изводливоста на трансферот на толку голем број пациенти, од кои многумина се во критична состојба.

Претходно денеска ИДФ соопшти дека повторно е отворен безбеден коридор за жителите на северот на Газа

Меѓународниот комитет на Црвениот крст вчера соопшти дека не може да потврди за каква било евакуација од болницата Ал-Шифа во северниот дел на Газа.

The post Лекарите во болницата „Ал Шифа“ во Газа одбија да се евакуираат appeared first on Република.

Лидерот на ВМРО-ДПМНЕ Христијан Мицкоски преку статус на Фејсбук пишува дека денеска имал средба со здравствените работници во Прилеп.

Денес со здравствените работници во Прилеп имавме квалитетна и продуктивна средба. Слушнавме корисни идеи и предлози за целосно реорганизирање на веќе урнисаниот здравствен систем во Македонија. Немањето слух за нивните проблеми од страна на актуелната власт доведе до огромно иселување на медицинските лица, доктори, медицински сестри и болничари. Мораме да го спречиме иселувањето на “белите мантили” од Македонија. Важно е да имаме квалитетно здравство. Важно е да имаме задоволни медицински лица“, објави Мицкоски на Фејсбук.

The post Мора да го спречиме иселувањето на „белите мантили“ од Македонија, рече Мицкоски на средбата со здравствените работници во Прилеп appeared first on Република.